|
|
 |
 |
 |
|
 |
||||||||
 |
 |
| …»●[دواويــن الشعــراء والشاعرات المقرؤهـ المسموعهــ]●«… { .. كل ماهو جديد للشعراء والشاعرات من مقروء و مسموع وتمنع الردود .. } |
|
|
أدوات الموضوع | انواع عرض الموضوع |
09-20-2010
|
#1 |
 
|
ديوان حامد زيد
( غــــــــرام أحـــباب ) على ذاك الطريق اللي يسمونـه غـرام أحبـاب وطت رجلي على دربه و لا أدري وش نوى فيني تبعته لآخر دروبه أليـن أن القمـر قـد غـاب تعـب قلبـي و لا تعبـت مسافـاتٍ توديـنـي لقيت الليلة الجردا هدب ظل و سمـا و اعشـاب بعـد ذاك الظـلام اللـي يتوهنـي عناويـنـي صدفتك معجبه فيني و ياليـت الغـرام اعجـاب و تراك انتي الهنوف اللـي هقيتـك تستحقينـي عطيتك عشق من قلبي وسلمـت لغـلاك رقـاب و غيـرك يحتـرق قلبـه و لا يقـدر يحاكينـي أنا قبلك صدفت عيون لكن ويش جـاب لجـاب؟ ترى كـل العيـون اللـي لقتنـي مـا تكفينـي رماني حظي العاثر عليك وجيـت لـك طـلاب و لا أنتي اللي عشقتيني و لا انتي اللي عتقتينـي تعالي و اعتقي ذاك الخفـوق المولـع المرتـاب مهب لاجلي عشـان الله يجازيـك و يجازينـي تعدي في سما عشقي و لو عشقي خراب أصحاب و صوني بالهوى نفسك قبل لا انتـي تصونينـي و شيليني على متنـك خفـوقٍ بـاريٍ منصـاب و من فوق الغـرام العـذب شيلينـي و حطينـي و لا منك هقيتيني شجـاع و مـا يطيـق يهـاب أنا لك بالهوى و الله مثـل مـا انتـي هقيتينـي أنا ما أمشي ورا غيرك و لو أنـه يطـق البـاب و ترى عيبٍ عليّ أطعن و لو كثـرت سكاكينـي زهودٍ مـا يطيـق الـدم لا دايـن و لا طـلاب شجاع و عارفٍ نفسي و أظـن أنـك تعرفينـي غيورٍ ما عرفت أضحك مع الغدر ببّرود أعصاب أبيـع عيونـي الثنتيـن قبـل أنـك تخونيـنـي إذا شد الغرام اترك خفوقي بيـن نـاب و نـاب لفرقى تكسـر ضلوعـي و لا عشـقٍ يوطّينـي أنا رجلٍ و لي غيره و إذا شفت الهـوى كـذاب تثـور بقلبـي الفزعـه و لا تهـدى شياطينـي سؤالك لو يزعزع بي كياني مـا قبلـت عتـاب اجي لك و أسالك نفس السـؤال اللـي سألتينـي عن العشق القديم أبـواب تقفيهـا كثيـر أبـواب بعد ذاك الحبيب اللي خدعنـي و انخـدع فينـي أبي عشق تحسب له كل نظرات العيون حسـاب و ابي قلبٍ علي قلبي و ابى ديـنٍ علـى دينـي و ابي نظرة عطا توفي و لا تخلف بدون أسبـاب و ابي منـك قبـل لا نتـي تصدينـي تودينـي و ابي دربٍ على العذال صعبٍ و متعبٍ و غلاب و ابي نفس الطريق الصعب يبعدهـم و يدنينـي ترى لو للقلوب عيون و لدموع العيـون أهـداب حشى ما تنـزل الدمعـه لغيـرك لـو تركتينـي أنا أول من عرف قدرك و أنا توي صغير و شاب و ابي منـك مـا دام أنـك عرفتينـي تحبينـي ما دام أني لقيتك في طريق أسمه غـرام أحبـاب دخيـل الله و بعـد الله دخيـلـك لا تخليـنـي ما دام أن كل من يحيا على وجه التراب تـراب عسى تنسانـي الدنيـا مـادام أنتـي ذكرتينـي |
|
| مواقع النشر (المفضلة) |
| الكلمات الدلالية (Tags) |
| خالد, ديوان |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ديوان صاحب السمو الملكي الامير خالد الفيصل حفظه الله | a7med | …»●[دواويــن الشعــراء والشاعرات المقرؤهـ المسموعهــ]●«… | 93 | 07-16-2011 11:50 PM |
| قصة مؤثر جدا | ضحكة خجوله | …»●[الرويات والقصص المنقوله]●«… | 4 | 03-21-2009 03:17 PM |
| كيــــــــف تكون شيخ قبيله ؛؛؛ قصه هبال × هبال | ضحكة خجوله | …»●[الرويات والقصص المنقوله]●«… | 5 | 03-06-2009 05:40 PM |
| ديوان الشاعر / محمد بن جار الله السهلي "المقروءهـ" المكتوبه | نادر الوجود | …»●[دواويــن الشعــراء والشاعرات المقرؤهـ المسموعهــ]●«… | 0 | 12-18-2008 01:40 AM |
| حامد زيد ... في سطور | نادر الوجود | …»●[دواويــن الشعــراء والشاعرات المقرؤهـ المسموعهــ]●«… | 4 | 12-17-2008 11:47 PM |
 |
العرض الشجري