مظاهر مزعجه في الشوارع

السلام عليكم

كل مااسترجع المقولة
القيادة فن وذوق واخلاق
واشاهد بعض النزق والمشاهد المزعجة في الشارع
افكر احياناً اوقف وانصحهم او اكتب ورقة ☹

من المظاهر ..
1/ الدخول من المسارات بدون التنبية بالاشارة يمين ويسار
ماشي وراه في طريقك وبلحظه هوووب دخول يسار او يمين
طيب وش المشكلة تعطي تنبيه للسلامة المرورية .

2/ التوقيف او التلبيق بطريقه خاطئه وانانية وياكل له موقفين
ياخي وش يمنعك توقف بطريقه فيها ايثار شوي
وتحس بالناس والله اوقات ارجع للسيارة اذا شفت فيه
فراغ واعدل الموقف لان فيه ناس يكونون بحاجه ماسه للتوقف
وانت بطريقتك اللامسؤوله فوت عليهم فرصة وحاجه .

3/ مضايقتك من الخلف بالانوار العالية لفتح الطريق
وهي لاتحدث الا عندنا للاسف وقمنا بالقيادة بدول
ماعندهم مثل هالاساليب المستفزة .

4/ رمي الاكياس والمناديل وهو يقود السيارة
وتجد سيارته كلها تحتاج تنظيف والشارع طز فيه .

5/ اطلاق المنبهات البوري داخل الاحياء بطريقه مزعجه
عند كل تقاطع طيب يااخي حاول داخل الاحياء تهدي شوي
بدون ماتسوي هالازعاجات .





وفيه غيرها اكيد
هل لديكم مظاهر تشاهدونها مستفزة بالشارع والمركبات😕
الموضوع للمشاركة
ولسلامة مرورية ووعي اكثر

منقول