كذب من قال البحر خاين

كذب من قال موج البحـر خايـن والبحـر غـدار
وأنا في عيني أمواجه قبر .. وأدفن بها أسـراري
لك الله يابحر من ويـن جبـت الصبـر ياصبـار ..
وأنا صبري عجز لايكتـم اللـي شفـت بأقـداري
أنا يابحر همـي ساحلـك .. والمركـب الـدوار
يسوق الموج للمينا وتصدم فـي صخـر ظـاري .
أنا مـدك وجـزرك والهـوى والليـل والأنـوار
طلبتك يابحر .. نزل شراعـك واسمـع أخبـاري
أنا شلت الغرام اللي سنيـن العمـر بـه تحتـار ..
وتهت وضعت بين المستحيل .. ورغبة أصـراري
سريت الليل أنا يابحـر كـن النجـم لـي سمـار
ووصلت لشطك الظالـم ولاأدري ويـن مشـواري ..
وعجزت أغلق شبابيك الحزن وأرخي عليها ستار
وأخاف الشمس تفضحني نهار يشوفنـي جـاري
سبحتك ليـن سمونـي بعـدك ((بــ فلان )) البحـار ..
تعال وعوم فينـي .. شـوف لولـوي ومحـاري
تعال .. وشف أثر عصفور سطح الماء فزعه وطار
ودور لي هنا ضلع تـوارى .. ويـن متـواري ؟!
توارت قبلـه دموعـي عـن الجـلاس والأنظـار
وتوارت قبله أحلامي .. وعاشت خارج أسـواري
سريت الليل وأثر الليل نـاوي يفضـح الأسـرار ..
وأثاري كـل ليـل مرنـي مـن فرحتـي عـاري
أنا ماأذكر من الرحله سـوى دمـع همـا مـدرار
ومجداف رميته في ظلامـك جيـت بـه سـاري ..
أنا غصن ظلمه الوقـت ماعـدت عليـه أمطـار
رداة الحـظ خلتنـي .. أعيـش آطـار آثـاري!
أنا أدري مابيدينك فـرح تعطينـي عليـه اقـرار ..
وأنا أدري ان السكوت أرحم من الشكوى لجـزاري
أنا جيتك أبي أخمد علـى شاطيـك بعـض النـار
وأثر حالك مثل حالـي تعانـي الجـرح وتـداري ..
بحر .. بالله توعدني وعد .. لاتفضـح الاسـرار
يهـون المـوت بأمواجـك ولاتتشتـت أسـراري

ابداع رائع

وشااهدت الجميل الراقي

شكراً لك
و
دمت بكل خير

يعطيك ألف عافيه ننتظر جديدك...

اشكركم جزيل الشكر على اطلالتكم العطرة
دمتم بخير

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

ماشاء الله تبارك الرحمن

ذوق في اختيارك
وعافيه عليك وعلى الطرح الراقي
لاحرمك الله رضاه

‏لك كل
تقديري واحترامي

مجنون قصآيد

‏

طرح رائع قلبي

قصيدة أكثر من رائعة
دام أبداعك وعطائك الراقي
لك مني جزيل الشكر والتقدير...
ودي وعبق وردي

ابيات جميله
صح لسان شاعرها وسلمتِ ع النقل
لاعدمناك

اشكركم جزيل الشكر على اطلالتكم العطرة
دمتم بخير