أنتي مهرة والمهرة ما تهاب غدر الليالي يا بنت رجال

صباح تضحك وبصدمه قالت: البنت تهذي مفهيه فيها حراره.
مكتوم بعصبيه من وراها: بنت في عينج يا قليلة الادب
صباح لفت عليه: انته ما كنت نازل شو اللي ردك.
مكتوم بحب: ردني حنيني على ما قال عيضه.
لطوف مسكت راسها وقالت بتعب: عيضه واغانيه خطر علينا قولو له غير لون اغانيك خلك على الوطنيه احسن .
ضحك مكتوم اللي طلع حبت فيتامين سي وحطه في الماي وقرب منها وقال : شربيه بييب لج حبة خافض حراره وبطل غرشة الماي وشربها شوي وقاالت حمدوه بقهر: ارحمها ياخي اعتقها لويه الله
مكتوم بتعب: والله ماقدر ارد نفسي عنها !!
حمدوه: عايبنك وضعها الحين.
صباح ومريوم يضحكون ومكتوم بارد وحمدوه تتكلم بحرقه رد عليها بعد ماعطاها بروفين وحبة احتقان وحضنها بحب وباس راسها وبهمس: اسف يا روح مكتوم .
ابتسمت بتعب وحطت راسها في حضنه قالت بهمس قشعر جسمه : عادي حبيبي حلالك ياروحي .
ضمها زود لحضنه وقرب منها وقطعت عليه حمده اللي مسكته من متفه وقالت يلا احلب ويهك سير الميلس عنبوه لزقه الله يعينج يا لطوف .
ضحك بقهر وده يصفق حمدوه بس ما يقدر طلع عنهم وقال بضيق : انزين عاد طمنيني عليها وروح اول مانزل شاف بنات خاله وخالته وبنات عمه وبنات عماته سلم على عماته وخالاته وطلع بس وقف على صوت انه اللي قالت ي خواتك وين
مكتوم رفع عيونه فوق وقال بتعب: عند لطيفه .
امه ابتسمت وسمع صوت بنت عمه خطيبته سابقا: ولا عرست ما شاء الله يا الزير سالم
طالعها بضيق وقال بقهر: خذت اللي تسواج وتسوى طايفج كنت زير نسوان قبل ماعرفها بس من عرفتها غطت عليكن .
ضحكت بخبث وقالت: بنشوف ذوقك تراني اختيارك لا تنسى بس قاطعها بعصبيه وقال: انتي اختيار ابويه مب اختياري انا قلت اللي بيفز لها قلبي بختارها ويوم فز قلبي فز واقف ما طاح على ويهه.
وطلع عنهم وقعدت وهي تسمه خوله تقول: شو تبينه خلاص موضوعج منتهي وياه .
ابتسمت خلود وقالت بغصه: نفس موضوعج مع نهيان منتهي ولا بعده.
انتفضت على طاريه وقالت: ليته يرد لي ولا يعرف عن هوى داري شخصن خسرته وخلاص مالي ويهه حتى اشوفه بس لين اليوم ماعرس عندي امل انه قلبه متعلق فيني ويمكن ربج يصلح بينا.
خلود بقهر وضيقه: تحلمين عيال عمي عندهم عزة نفس مب طبيعيه يعني تخسين يرضخون لج ..
يت النيره وقالت: احشمن عماركن عن الرمسه الفارطه ما تشوفون المعازيم يطالعونكم .
:
عند لطيفه اللي حست انها احس شوي بس من شدة الحراره دموعها قامت تدمع وحاولت تدارك عمرها ولفتها مريوم بحضنها وهي تمسح دموعها من الحراره وشربتها ماي وقالت بهمس : لطيفه
لطيفه اللي مقاومه وقالت : يلا تكفون ما دام فيني طاقه الله يخليكم خل ممزل قبل ما تمكن مني الحراره ساعتها والله اسحب عليكم وعلى عربكم ..
صباح اللي ضحكت بهمس وقالت: ما ياج خير من هالمكتوم فديت ويه ياربي عني اشل عيالكم
لطوف : كثري دعاوي وانا بأمن وراج الله يسمع منج
ضحكت مريوم ونعوم اللي توها داخله وملبسه هزاع ولدها كندوره ولطيفه من بعيد قالت: حرام عليج نعوم طالعيه بيلقط( بياخذ) الزكام مني .
نعوم اللي طلعت برى وقالت بحب: عمري لطوف تستاهلين السلامه فديتج
لططوف بتعب: الله يسلمج وقامت ونزلت مع البنات وهي مخليه شعرها يغطيها بسواده ونزلت وكان الكل متخبل عليها ويسمي عليها وقربت منهم استحت انها تمد يدها وسلمت عادي وكان جسمها شاب ضو لدرجة عمتها وامها حسوا فيها انها تعبانه وعمتها كانت طالعها بعيون عتبانه انها ما تكملت وقعدت لطيفه قرب مريوم ونعوم بعد ما حطت شعرها على جنب يغطي فعلة ريلها ونعوم قالت بهمس : شو تغطين كل شي يبين من صدر لين رقبه اسميه خالي مارحمج .
لطوف تضحك وقالت: دخيلج سكتي انا أحاول ما ابين اني منتبهه على نظراتهم فارحميني انتي من نظراتج وتعليقاتج انتبهت على اللي قالت: والله وطلعتي مزيونه يبتي راسه ولد عمي .
تنحنحت لطوف وانصدمت من قالت خلود : في ذمتج عايبنج بو نسوان هذا
لطوف ما كان لها بارض بس انقهرت وردت عليها ببرود: وتارس عيني فديتج خليج بنفسج طيب .
وشاحت بوججها صوب ثاني وصباح استانست على رد لطيفه ومهره وشما اللي يت توها وفتون وايمان اللي كانت وايد متضايقه من خطبتها هي أصلا ما تبا هالزواج بكبره وريمان اللي لحس عقلها عوض من يوم ما كلم امه انه يخطبها له هو اربعيني وهي ياهل ام ٢٠ سنه وهي ميته عليه ونست علي وخرابيطها ماتعرف هو حب ولا اعجاب سلم البنات وقعدن.
ام جاسم باعجاب وهي تطالع بايمان وفتون: ما شاء الله يا ام عوض منو هالغراشيب اللي عندج
ام عوض بفخر وماتدري ليش قالت بس تبا تطفى حرقة يوفها وقالت: فتون خطيبة نهيان وايمان خطيبة علي .
كانت الصدمه على الجميع من حرمات وبنات حتى لطيفه اللي مب مستوعبه استوعبت متأخر وهي تقول لنعوم: متى صار هالكلام.
نعوم قالت بضحك: سكتي الظاهر نحن صدق ما نعرف وين الله حاطنل
مريوم وصباح مصدومات كيف نهيان خطب وفتون صدمتها اكثر من صدمة شما وايمان اختها.
اللي انقذ الموقف ام جاسم وهي تبارك وقالت: يا حسافة جان قلت بخطبها لجاسم
ام عوض بقهر: ليش ان شاء الله انتي تمشين وتخطبين اللي لنا تاخذينه لج بارده مبرده ولا كيف يا ام جاسم.
ام جاسم بلوم( يعني متلومه ندمانه ) : والله ياختي حقج علينا وانا اعتذر .
سكتت ام عرض واردفت ام جاسم : بس الزين كله خذاه مكتوم
ام عوض: خذيها بعد ترا كلنا شي لنا صار حلال عليكم .
ام محمد بهمس : اهدي ياختي وصلي على النبي
ام عوضً بحره: وانتي ما تشوفينها تبا تدور على حريم عيالي ما حلالها. اللي صار قلبي وولدي حرقة يوفه لين اليوم .
ام محمد ماعليه اهدي ..
سكتت ام عوض وام جاسم بعد سكتت وقالت ام خوله: وبنتي ما تبينها
سكتت ام جاسم وشاحت بوييها صوب الثاني .
صباح اللي حبت الجو وقالت للحرمات بعد ما اتصل مكتوم وقالهم بندخل نرزف ( الرزفة فن اماراتي وهي بالاصل تراث من اجدادنا ونحن نسميها اليوله المهم انهم بيدخلون الشباب يولون وتكون اكثر شي في المناسبات) : حريم تغطن اخواني بيدخلون يولون .
رقع قلب خوله من حست انه بيدخل نهيان ومكتوم اختار اغنيه يدخل عليها اغنية عيضه اختارك…❤️…. ومن وصل عند الباب كان ع يمينه عوض وع يساره ابوه وراه نهيان وسعيد ولد عوض وعلي ودخلوا على الاغنيه وكان يبتسم مكتوم وهو يرمس ابوه ويوول واخوانه وراه لين وصل عند حرمته اللي حضنها وهو يوول ولف على اخوانه اللي يرزفون عدال امه ابتسم من شاف ويهها الأحمر وضحك عرف انها فهييه من الحراره ومن خلصت اغنيه حطوا اغنيه اليوسفي ورزفوا عليها ونهيان مسك ابوه وقعده عدال امه وهو يضحك وقال وهو يرفع حايب : وسعوا يا حريم خلو أبو عوض يجدد شبابه ضحك ولف بسرعه عن ابوه اللي قام له وما انتبه للي قدامه ومسكها من خصرها وقال من دون ما يشوفها : السموحه ما انتبهت. وبعدها عنه ولف على عوض وعلي اللي قرب من مكتوم ومسكه وقعد يرزف وياه ونهيان يرزف ويا سعيد ويا عوض ويضحك على مكتوم وحركاته رفع عينه وطاحت في عينها شاح بوييها صوب الثاني ولف على الصوب الثاني وشاف فتون اللي كانت واقفه عدال خواته صباح ومريوم يعني هي اللي مسكتها تنهد بضيق قرب صوب مريوم وقال بهمس: سيري عند بنت خالتج وقولي لها تشل عينها لا ابطها
مريوم : تبا شوري لف عليها وكملت مريوم كلامها حرقها بالاقوى يا نهيان
ابتسم نهيان وفهم عليها بس هو مستحي من البنت ومريوم ارمشت بعينها بدلال بمعنى فرصتك ورد اعتبارك استحى نهيان بس قرب من صباح وهمس باذنها وبعد عنهم وراح صوب الثاني
صباح اللي ابتسمت ماتدري ليش مسكت فتون بيدها وقالت لها تعالي بكلمج وراحت الغرفة الثانيه وقعدت معاها وقالت: ترا اللي صار صدق بس ماحصلنا فرصه نكلمج ونهيان يبا بروحه يسمع منج الموافقه دخل نهيان وهو منحرج ومستحي وبنفس الوقت مايعرف شو يقول وطلعت صباح وهي تشوف الصدمه في عيون خوله اللي كانت تطالع كل شي وبصدمه ودموعها في عينها مب معقوله هذا نهيان وين حبه لي راحت لين الصاله تبا تتاكد منه شافته حاضننها وانصدمت منه مب معقوله هذا نهيان اللي يحبها كيف يحب له وحده ثانيه طلعت منها شهقه من دون قصد وابعدت عن ناظريهم…
:
اما داخل وقبل ماتوصل لهم خوله وتشوفهم نهيان كان يسولف وياها اول ما دخل وكان يقولها عن سالفة زواجه وانها بائت بالفشل كمل كلامه وانا الحين مابا اعيد نفس الغلطه انا أبا اخذ وحده قلبها ماعرف حد قبلي ولا عرف غيري أبا وحده من خاطرها توافق في هاللحظة انتبه على تلفونه وقرى المسج اللي كان من صباح وكاتبه. فيه تراها يايه صوبكم طلع غرامياتك .
في هاللحظة سحبها لصدره وقال بهمس: لا تقاومين تكفين تراها يايه ورايه تبا تشوف بعيونها صدق حبيت غيرها ولالا حس بخوفها وقال: وعد محد يلمس شعره منج انتي بس اهدي وعيشي لحظه .
نطقت بخوف وهي تقول :،ييوسسسف !
نهيان بهدوء: والله ما بيدري شفيج انتي لاًتخافين والله ماًيعرف عن شي .
في هاللحظة طوقها بيديه وقربها منه زود وباسها على خدها بلا شعور واستحت فتون وبهمس قال: لا ترفعين عينج على البوابه دايركت اسرقي نظر بطرف عينج شوفيها وصلت. بعد عدت محاولات قدرت تسرق النظر وقالت بهمس: همممم ماتدري ليش شدت عليه بهالحظه كان فعلا تبا تبين انها هو ملك لها .
وشاح بوجهه عنها ووحط رقبتها على كتفه وقال بهمس قشعر بدنها: انتي موافقه ولا !
كان الصمت سيد الموقف بينهم وقالت بهمس : ان كان يرضيك ويرضي يوسف اانا موافقه باسها على خدها وفي هاللحظة شهقت خوله وبعدت عنهم وعن انظارهم ..
:
مر الوقت سريعا وطلعوا المعازيم على البوفيه يتعشون وساعه ١٠ ونص لطوف راحت فوق دخلت الغرفه شافته طالع من الحمام لابس بجامه وينشف شعره قرب منها وحاوط خصرها وحس بنار جسمها وقال: بدلي بوديج العياده
لطوف بتعب: فيني نوم حبيبي والله
قاطعها مكتوم اللي دخلها داخل الحمام وشهقت بخوف من بروده الحمام والماي وقالت بضيق: والله بردانه يا قلبي.
مكتوم تريي الماء يصير دافيء وفكك لبسها ورماه في سله وشلها وحطها في البانيو وقالت بتعب: تعبانه والله مكتوم ماروم على السبوح(الشور) …طلعها وهو ينشف جسمها ولبسها بجاما وفوقها عباتها المسكره وهو بدل عالسريع وطلع فيها وهو شالنها وقال: اذا انتي عنيده اناً اعند عنج.
ماردت عليه لانها كانت في سابع نومه من الحراره والتعب ركبها السياره ووداها الطواريء سيده وكانت في حضنه وهو يسوووق ومستمتع بقربها حتى بمرضها يشوف المرض منها غير وصل المستشفى ونزل وهو شالنها وركضوا له الممرضين بسرير نقاله حطوا لطوف عليها ودخلوها غرفة طواري وحطوا لها مغذي وحطوا لها ابرة مضاد حيوي سحب كرسي وقعد عدالها ورن تلفونه ورد : هلا حمده ..
حمده بقهر: وين شليتها يا ريال لاحق عليها والله خلها تنزل.
مكتوم بقهر وده يصفقها قال: الحين منو ريلها انا ولا انتي !!
حمدوه استوعبت وضحكت وقالت: طفسسسس والله انك طفس الله يعينها عليك انزين نبا نسلم عليها ..
مكتوم بهدوء وهو يشوف الابره في ايدها : فديتها والله عل الحمى فيني ولا فيها ، وديتها المستشفى وبنرد بع شىي بس يخلص المغذي يا مناشبتني فيها..
حمدوه بضحك: مكتوم وربي انها دره وحظك فيها بس عا تبا صدق ما قعدنا وياها ..
مكتوم بضحك: اخليها بمرضها يعني عشان خاطر عيونج وانتبه على الممرضه اللي دخلت وقالت بهدوء: باخذ لها فحص دم ممكن
هز راسه مكتوم وهو يطالع الممرضه كيف تدخل الابره ولاحظ تالم لطيفه وقال بحده: شوي شوي عنبوه عورتيها .
اانتفضت الممرضه وخصوصا انها متدربه وابتلت ماعرفت كيف تحط الابره ولطيفه تالمت اكثر عن قبل وقالت الممرضه للطيفه : خلاص خلصنا بس شوي بسحب دم
لاحظ مكتوم ان الابره كل شوي تدخل وتطلع لف على يمينه وشاف غرشة ماي ورفع عيونه على الممرضه وقالها: جربتيها على راسج ولا اجربها انا رفعت عيونها بخوف منه وبلعت ريقها بخوف وقالت: لا خلاص خلصت نزل عيونه على ايد لطيفه وشاف الدم كيف يطلع والابره مب داخله فالعرق مسك غرشة الماي وضربها على ويهها وقال بعصببه وصوت عالي : طلعييي بررررا ويبي لي مسوولج الزفت حسبي الله على ايدج علها السم . قرب من لطيفه ومسك يدها وشل الابره بهدوء ورص على ايدها عشان يوقف النزيف من ايدها ومسح على راسها بهدوء غطى ويهها من شاف الدكتور داخل وقال الدكتور بهدوء: اسمح لنا اخويه الممرضه متدربه وقاطعه مكتوم بعصبيه: الاشكال هذي وهو ياشر على الممرضه ماتجرب علينا وعلى من يعز علينا مب بهايم نحن تجرب فينا تجرب في عمرها اول وان كانها بقره ماتعرف شي لا توظفونها عندكم والحين جعلها من قدامي لا اطشر دمها قدامك وانته تضحك وشوف شغلك بسررعه قرب الدكتور ودخل الابره وسحب منها دم وقال للمرض : أبا نتايجها باجر حط اللصقه على ايدها وتوه بينزل كم العباه مسكه مكتوم بحده ورفع عينه وقال: انتهى دورك عطنا مقفاك ،، انته منو تنزل كم عباتها تعال احضنها بعد .
طلع الدكتور بعد ما اعتذر من مكتوم ،، وعلي اللي بدا دوامه ويا يوسف وضحكوا على الدكتور اللي قالهم السالفه وكمل كلامه: ياريال زين ماضربني ما يتفاهم فلع الممرضه بغرشه .
يوسف يضحك: صدقه انزين حرمته يغار عليها.
ضحك الدكتور وقال: ما شاء الله عليها لو تعبانه ومريضه لكن يبين جمالها على ما قال عيضه والجبين الماسي .
علي يضحك: اسكت بس اسكت ذكرتني باخويه مدمن عيضه واغانيه وشوي الدكتور يقول: طالعوا اللي واقف برى يرمس تلفون هو هذا !!
انصدموا علي ويوسف ولفوا عليه بغيض : الحين انته من صدقك تتكلم عن هذا الشخص اللي واقف هناك..
الدكتور يهز راسه: هيه والله
علي يضحك: خسك الله لعبت ويا الشخص الغلط خلني اسير اشوفه
الدكتور قال باستغراب ليوسف: منو هذا !!
يوسف يضحك: اخو علي وروح عنه ..
تم الدكتور واقف مصدوم وطلع عنهم قبل لا اييبون اجله
:
عند مكتوم بعد ماسكر من حمدوه لف لعلي ويوسف وقال: هذا مستشفاكم مثل ويووه اللي يشتغلون فيه.
ضحك يوسف وقال: اعصابك ترانا حلوين ومليحين لا تحط غلط المتدربه علينا .
مكتوم بطرف عينه قال: وانتوا عادي عندكم كدكاتره تغطون ايد مرضاكم .
علي االي فهم عليه وضحك قال: يا ريال شفيك هذا دكتور ويشوف شغله.
مكتوم بغيض: دكتوركم عينه زايغه لا عاد اشوفه ويطوط عند الغرفه تحاليل لطيفه انتوا يبوها لي سمعتوا ولا اعيد كلامي!!؟
علي بقهر قال: مكتوموه اصغر عيالك نحن تكلمنا بها الطريقه .
قاطعهم يوسف وهو يقول: حاضرين افا عليك بو سعيد ما طلبت على هالخشم انا بنفسي اييب لك تحاليلها امر بعد .
ضحك مكتوم غصبا عنه وراح ،، ويوسف لف علي صوبه وقال: يا هبل انته ناسي ان مكتوم كانت عينه زايغه وراعي نسوان يعني عارف ان دكتور خالد عينه زايغه شفيك تراهم عارفين بعض يعني لاتنسى انه مب صعب عليه يعرف اذا عينه زايغه وراعي بنات ولا !؟ فاحترم غيرته وانا اخوك وخلنا نكمل شغلنا .
تنهد علي بضجر وقام يخلص شغله ويشوف اموره وامور مرضاه ..
:
عند راشد ومهره ..
دخل القسم ولقاها تنوم حمد ولده وبنته عليا قرب وحضنها وبادلته بحب بكى وهو يشد بحضنه عليها وهي تقول: حبيبي راشد خلاص ترا اللي قاعد تسويه غلط ..
شهق وهو يلمها له اكثر : اخخخ يا مهره ماقدر انساه والله حاولت ماقدرت هذا نور بيتنا يا مهره مب طايق حتى اروح البيت.
مهره بشك وتردد قالت: راشد حبيبي انته شااررب صح!؟
مارد عليها واكتفى بضمها له اكثر …
مهره تحاول تبعده وقالت بضيق: تكفى قول لا راشد الا شرب انفي دخيلك قول انه وهم..
راشد بهدوء: مهره حبيبي انا تعبان أبا اانسى او اتناسى..
مهره وقلبها يرقع من فكرة حد يعرف او يشوفه: اطلب من الله وبيعينك بس لا تلجا لشراب يا قلبي ..
راشد باس عنقها: اششششش لا تخربين مزاجي تكفين يا روحي تعالي حبيبي وسحبها لسرير ومهره مشمأزه من قربه هذي نتيجة خوفها على راشد قام بدخن بشراهه ويشرب والله يستر من الياي حاولت تحتويه ااكثر لعل وعسى يكون لها يد في تركه للمشروب ..
:
عند حمد كانت ريله تالمه ومصاحبنه صداع براس قوي دخل عليه مبارك وهو طفران عطاه حبوبه وادويته وحبة منوم عشان ينام ويفتك من صدعه وهو طالع شاف سلوم اخته اللي قاعده دون جدوى قالها بضيق: روحي اقري قران على راس امج ولا اقرى قوان وكفري من ذنبج على اللي سويتوه في لطيفه .
سلامه صرخت في ويهه : حسبي الله عليها دمرت حياتي.
مبارك بعصبيه: على هونج ترا محد مخرب حياتج الا انتي وانتي سعيتي تخربين حياتها والله ردها فيج لان الدنيا دين.
سلامة قامت عنه تبا تروح لامها وتشوفها ومبارك طلع برى راح بيت عمه وهو يتصل باريام اللي ردت عليه من اول رنه: هلا والله .
مبارك غمض عيونه وبهمس قال: فديت صوتج اللي اييب العافيه ..
اريام بمستحى: فديت عينك العافيه شوفة ويهك
مبارك يدخل بيت عمه وقعد في صاله وانسدح ومدد ريوله وقال بهمس: تعالي حضنيني تراني تعبان حيييل وراسي مصدع والله
اريام بحيا: انته لا تستوي مكتوم رقم ٢
ضحك مبارك وقال: ريم القلب اللي يكلمها كيف يكون لازم يروق غصبا عنه ..
ضحكت بحيا وقالت: تعبان حبيبي
مبارك اللي مغمض عيونه ويسوي مساج لراسه : هيه والله حبيبي وايد تعبان فديتج وبهمس كمل كلامه ليتج عدالي كان صارت علوم ..
ضحكت بحيا وقالت: الحين رحمة لطيفه والله .
ضحك مبارك وقال: لطيفه محد يشبهها في الكون كله انتي شوي اجرا عن لطيفه بس على حد علمي خالج بطأ وايد لين ما تاقلمت لطيفه وياه .
اريام بهدوء: هيه صح كلامك وبتنهيده قالت : مبارك
مبارك ومازال مغمض عيونه : عيونه
اريام: قلبي عليكم ولهان .
ابتسم بحب: انتي حد قالج قبل انج دوا العليل
اريام ابتسمت بخجل ومبارك بهمس قال: تراني بجدم الملجة ومابا عرس شرايج.
اريام بربكه وتوتر ردت: اللي يرضيك يا مليك القلب سوووه ..
مبارك يبتسم وبصوته النعسان قال: زين عيل يمديني اكلم عمي اليوم شو من الأيام.
اريام: الخميس ليش فديتك.
مبارك بحب وهمس اربكها: يوم الاحد انتي ان شاء الله في حضن مبارك ..

انتفضت من كلمتها واضطرب التنفس عندها وسمعتها ضحكته اللي باين انه متخدر بالنوم وقالت بهمس: صدق. ؟؟
مبارك اربكها وبنذاله قال: شكلج انتي مستعيله عليه ومب مصدقه وتبعها بضحكه قويه فتح عيونه من حس ان اضاءه الصاله أنخفضت ولف وشاف عمه ومرت عمه قام وباس راسهم وعمه قال: فديت عينك يا ولديه والله انك تعبان يا مبارك سر حجرة نايف وريح فيها يابويه
مبارك بتعب: لا عمي فديتك برقد هنيه في صاله شوي لو ساعه هناك حمد مب مخلنا نرقد من صريخه والله عطيته منوم جان بييب فيه فايده..
ضحك عمه ومسح على راسه قربت ام سعيد وحضنته : فديتك يا ولديه .
مبارك اللي فقد حضن امه وحس ان هذا وقته وان حضن عمته يا في وقتها طوقها بيديه وباس راسها وارخى نفسه على حضنها وكتم شهقته مايبي يضعف قدامهم من داخله تعبان الحمل عليه ثقيل ،، انكسر ظهره وهو يحاول يوفق بين شغله وخوانه وامه والحين بيكون مسول عن بيت ويبا يلتفت لنفسه سمع ام سعيد اللي قات ببتسامه بعد ما بعدت عنه : انا وعمك مسوين لك مفاجاه.
تفاجا وقال بصدمه: مفاجاه !! شو المناسبه!!
عمه ابتسم: بما انك قريب بتملج وبتيب حرمتك لا عرس ولا طقطقه حالك من حال نايف رتبنا لك الميالي وخليناه جناح من ثلاث غرف وصالتين كبار وحمام في كل غرفه وحمام في صاله مع مغاسلهم ومرتب من كل شي من اثاث وديكور خالص بس ما عليك الا انك تيب حرمتك وترقد فيه وكل شي مجهز ويترياك
غمرته الفرحه وحضن عمه وعمته وباسهم على راسهم وهو يحاول يكتم دموعه ولكنها خانته وقال عمه: افا يا الغالي لا تبكي واناً ابوك
مبارك يمسح دموعه: دموع الفرح يا عمي ..
عمه يربت على كتفه: الله يحفظك يا الغالي ويفرحك دايم الدوم وانته يا ولديه تستاهل كل خير في ذمتي ماقصرت كفيت ووفيت في مجابل اخوانك ويأ الوقت اللي تشوف فيه نفسك الحين..
ابتسم مبارك ورجع مكانه على الكرسي وانسدح ومدد جسمه وريوله انتبه على اريام اللي قالت : شكلك نسيتني!!
ضحك وقال بصدق: صراحه هيه
اريام: فديتك ما تتلوم الغالي بروحك تعبان خذ راحتك يا غناتي .
مبارك بحب: خيلج عالخط غناتي لين ماتغفى عيوني .
اريام بحب: فديتك انا ماروم على الدلع ترا بعدين تلقاني دوم طابه في حضنك..
مبارك بهمس ذوبها وهو شبه نايم: طبي في حضني يابخته فيج وفي قربج .
استحت اريام وسكتت وهو قبل لا ينام قال: ودي اغفى بين صدرج وكتوفج فديتج …
:
:
عند محمد اللي عاشر مره يتصل على فطوم وماترد عليه اخر شي طرش لها فويس نوت بالواتس اب وبعصبيه قال: قسم بالله ان مارديتي ياويلج والله ايي البيت اشلج بعباتج وقولي محمد ما قال .
وفر تلفونه عالسرير وهو ينفخخخخ بغضب فتح الدريشه ( نافذه) اول ما لفحه الهوى غمض عيووووونه بقووو وخذ شهييييق عميق وزفره طلع المدواخ وقعد يدوخ ويشوف سيايير واصوات الهرنات والناس اللي تمشي نفث دخانننه بغيظ ذنبه ان حبها بكل ما فيها ويعرف فطوم عنيده وراسها يابس عادي تحقره أيام مب يوم سمع رنة تلفونه وفز صوبه ومن شاف رقم جاسم رد بهدوء: هلا
جاسم: اهلين .. شعندك منفس!!
ازفر بضيق وقال: جاسم اسالك بالله تصافيت ويا نهيان ولد خالتيه ولا بعدك.
بلع ريقه بضيق وقال: لا مالي ويهه اصلاً اشوفه !
تنهد محمد بضيق وحط ايده على راسه يخلل شعرره وقال بهدوء: اممم وشاف رقم فاطمه انتظار وفز قلبه وقال : جسوم برايك
جاسم بسررعه قال: يا كلب انا في المطار
محمد سكر في ويهه ورد على فاطمه وهو يأخذ شهيييق عميق وازفره وقال بحده: تعرفين تطنشين صحح
فطوم بيرود وهي تجفف مناكيرها : والله الواحد مب متفيق للمغازل
دق قلبه من سمع صوتها وقال في خاطره فديت صووووتج وعنادج ونحاستج ورد ببرود مماثل: عجيببب والله الحين يوم أبا ارمسج يصير مغازل !! الشيخه فاطمه !!
فاطمه باعجاب بنفسها قالت: ادري اني شيخه بنت شيخ من سلالة شيوخ طال عمرك .
محمد بنرفزه: ارمسسسي عدل لا اييي واكسر راسج.
فاطمه بعناد وغياض قالت: تعال كسر راسي دخيلك تعال ابوووس ايدك تعال كسر راسي يمكن ادخل في غيبوبه.
محمد بعصبيه : سمعي ان ماعدلتي اسلوبج والله ثم والله قاطعته فاطمه بدلع متعمد وهي تقول: واهووون عليكك حمودي.
بلع ريقه وبربكه قال: هاه !
ضحكت بخجل بس ما بينت وقالت بلا مبالاه : يعني بتكسر راسي تتحسبني بترجاك.
محمد اللي شوي وبين(وبيجن) من اسلوبها قال: انتي فيج انفصام في الشخصيه ولا انا غلطان !
فطوم بهدوء قالت :كنت عاقله والله لكن انته بيدك اللي خربت كل شي
محمد بضيق: فطوم انا .. قاطعته وهي تحاول تتمالك نفسها لا تبكي: انا تهدددني بابوي وانك بتبهدله تلوي ذراعي بابوي يا محمد ،، تراني عارفه ابوي اكثر منك ما يغلط متعمد وانا متاكده ان ابوي موقع على الأوراق لانه واثق فيك لكن ما كان يعرف نواياك الخايسه .
محمد بضيق من سمع صوتها مخنوق بعبره: اهدي واسمعيني !!
فطوم كرهت نفسها مليون مره انها خلته يحس بانكسارها وردت بصوتها طبيعي وهي تقول: لا تأخذ بنفسك مقلب ماهزيت شعره مني انا كل تفكيري بابوي عساك تهدم مستقبلي كامل بس ماتلمس ابوي سمعت!
محمد اللي قال بحده مصحوبه بعصبيه: انتي صاحيه !! لا صدق قولي لي انتي مينونه ولا شو وضعج ! مره تصيحين ومره تضحيكن انتي حاطه لج زر يغير صوتج بكل حاله تكونين فيها ولا شو موضوعج.
جاوبته بسخافه وهي تقول: يعني تنكت حضرتك !! ولا المطلوب مني اضحك!!
محمد يمسك اللحاف بيده ويحكم قبضته عليه بقووو وقال بنرفزه وهو يرص على اسنانه: فاطممممه
غمضت عيونها بالم وحاولت تبلع عبرتها ولا تضعف قدام محمد والله انقذها يوم انفتح الباب وكان داخل ابوها وقال: راقده فديتج!
فطوم اللي فزت له وهي تقوم من بعد ما فرت تلفونها بغضب على السرير ناسيه محمد عالخط وقالت بترحيب : والله مرحبا ببو ساره توها نورت الغرفه وقامت وباسته على راسه وقعد عالسرير وسحبها لحضنه وقعدت معاه عالسرير قال : شو كنتي تسوين !!
فطوم تنهدت وتصنعت الابتسامه: ابد طال عمرك ارمس في تلفون كنت ..( طبعاً محمد ماسكر يسمع الحوار بينهم وفز قلبه لها اكثر يوم سمع ترحيبها لبوها وفي هالحظه حقد على جاسم سبب المصايب بقولكم سالفة جاسم ومحمد ،، جاسم يحب ساره وايد وممن بعد فعلته اللي سواها بنهيان محد رضى يزوجه ساره في هاللحظه طلب شيك من عند عيسى ريل صباح وخلى محمد يطلب الشيك بمبلغ ١٥ مليون ووقع عليه عيسى بحيث انه يكون لوي ذراع له في حالة انه اذا زوج ساره لحد غير جاسم بس محمد احتفظ بالشيك وواوهم جاسم انه ضاع لانه محمد ما يبا يخسر فاطمه في هذي الحاله نكمل لكم بعدين الحين عطيتكم النبذه الباقي بعدين) .
عيسى بحب: وقطعت عليج جوج الغاليه.
فاطمه بحب: وسعد من قطعت جوه والله في ذمتي انه ابرك الساعات يوم قطعت جوي .
ابتسم وقال بحب: غناتي كلمني خالج مكتوم بخصوص موضوع سفرج للخارج عشان الدراسهه بس في هاللحظة رفعت عينها لبوها وبهدوء قالت : ان كان ما يرضيك سفري وقاطعها وهو يقول : لا والله يا بنتي ان منى عيني اشوفج دارسه برى ومبتعثه وتردين رافعه راسي لكن الحين يابنتي شورج عند ريلج ! وبتنهيده متعبه قال : الشووور عنده ..
تضايقت فاطمه من لمحت الضيق على ملامح ابوها وقالت بحب وهي تحضنه: جعلني افدى ملامح ويهك الحلوه غناتي مرره لا تزعل ولا يضيق لك بال ان كان محمد راضي يت على ماتمنيت وان كان رافض على عيني وعلى راسي رايه ما اقدر أقول له لا ..
عيسى اللي تنهد بارتياح وكانه جبل وانزاح منه قال: الله يكملج بعقلج يا بنتي .
فطوم ببتسامه: امين وباست راسه جعلني قبلك يا بو ساره ( في هاللحظه انقبض قلب محمد من فكرة فراقها تعوووذ من بليسس وهو يطرد الأفكار هذي من راسه) رد على صوتها اللي قالت فيه: هلا محمد
محمد اللي استضاق عقب الكلام اللي سمعه نطق بضيق : ودج. تسافرين تكملين دراسه!
ردت بهدوء يصاحبه كبرياء: لا عادي بكمل هنيه اهم شي راحت ابويه ويكون تحت عيوني من بعد الله وحمايته يفضل أكون قربه هالفتره.
محمد حس انها دقه بالكلام استغفر وهو يحاول يجمع أفكاره مالقى مخرج لموضوعهم غير انهً قال: سمعي باجر الساعه٨ ونص الصبح انا عندكم في البيت واشوفج لا تطلعين ساعتها انتي اللي مسووله عن اللي بيصير لاني حذرت وقد اعذر من انذر وسكر في ويههها..
واتصل لجاسم اللي رد بزعل وضيق: تو الناس ..
محمد بعصبيه: سمعني اننته لازم تنهي هاللعبه يا جاسم خلاص عيب اللي نسويه كيف نهدم حبنا بيدينا .
جاسم بضيق: شفتها وياه في أمريكا كانت تدزه بالكرسي وتضحك وتسولف وياه كانها حبيبها .
محمد بقهر: وهو فعلا حبيبها ولا انته ناسي انه زوجها !!
جاسم بعصبيه: مانسيسسست لكن قلبي عييييا ينننسى.
محمد بتعب: جاسم هذي حوبة نهيان عليك انته هدمته وشوف ربك كيف رد الدين لك
تنهد بضيق وقال : لا تذكرني ! تكفى أحاول انسى!!
محمد:وين تنسى !! تنسى الطل انته والله ما تنسى ولا تدري وين ربك حاطنك!!
جاسم بقهر: الأوراق وين!
محمد ببرود قاتل: حرقتهن!جان فيك خير سوو شي الحين !!
بصدمه رد : شووو حرقتهن محمد هذيل امانه!!
محمد بضيق وجذب مايدري من وين يابه قال: كل تبن بس هذيل خيانه امانه ونصب واحتيال والله يعني نوقعه على شيكات بدون رصيد بقيمة ١٥ مليون درهم ونوقعهم على مشاريع مابدينا فيها كلها وهميه وبالتالي مزوره ونقوله تعال يوزنا بناتك ولا ترانا بنوديك ورى الشمس ليش لووي ذراع هوو!
جاسم بصدمه: يا نذذذذل تنيذلت فيني !
محمد: خلاص جاسم لازم تصحى انته من قبل عارف انك ما بطول ساره والله لو توصل القمر بيدگ ما يعطونك ساره وانته تدري بالاسباب كلها وعمايلك اللي ما تبيض الويه وشوف باجر تنهي كل شي تروح عند نهيان تستسمح منه وتروح عند عمك عيسى وطيب خاطره .
بضيق انهى المكالمه وسكر عن محمد وصورة ساره في باله وهي تضحك مع احمد ..
؛
عندهم في أمريكا ..
احمد يلبس جاكيته وقال لساروه وهو يفتح حضنه: تعالي احضنج قبل العمليه ..
ساروه اللي ما وقفت بكى ارتمت في حضنه وهي تبكي : حبيبي لا تسويها والله أخاف عليك قلبي ما يتحمل بعدك يا روحي..
احمد باس خدها وببتسامه: افا ما كان هذا اتفاقنا يا القلب تراني متحمس اكثر عنج خلي دموعج وغمزلها وهو يكمل كلامه وفريهن لين اطلع من العمليه .
ضحكت من بين دموعها وباست خده وطرف شفاته: احمد ياعين ساره لا توترني ترا والله حماسك هذا يخوف .
احمد سحبها لحضنه وقال: افا عليج والله اني مستخير ومرتاح يا غناتي وما بيصيبني شي بامر الله ..
تعمقت في حضنه زوود وهي تشده له وقالت بحب وعشق: الله لا يكتب لي عمر دونك ..
بهمس قال: اووووش لا تدعين على عمرج انا اللي اتمنى عمري قربج كيف تدعين ع عمرج بالموت ..
ساره شهقة من بين دموعها: احمد احبك وربي احبك .
باس عنقها وطرف شفاتها وبهمس ذوبها: ادري والله ادري وانا اموووت فيج يا روح احمد ..
استحت ساره من نظراته وقال هو: يلا نروح للمستشفى ترانا تاخرنا وغمز لها تراني من بعد العمليه ما بخليج يا عمري .
استحت من فهمت قصده باست ايده وراسه وطلعوا للمستشفى عشان يدخلون على الوقت المحدد …
:
عند لطيفه ومكتوم في طوارئ …
:
لطيفه اللي صحت وهي تحس بصداع فضيع مداهمنها وتحس بثقل في يدها لفت يمينها وشافت مكتوم اللي حاضن كف ايدها وغلبه النوم وحط ثقله على ايدها ابتسمت بحب وهي تشوفه كيف مدد نفسه ومقرب الكرسي حييل على سريرها عشان يقدر يحط راسها على ايدها ابتسمت بحب هالانسان وصلها مرحلة العشق ولفت على الم في يدها اليسار وشافت انتفاخ قربت يدها منها وشافت غززز الابر تضايقت من علامة الووخز والكدمه اللي بلون البنفسجي وارخت جففونها في محاولة انها تنسى الألم ولكن في هاللحظه دخلت عليها الممرضه عشان تأخذ قياس الضغظ والحراره ولطيفه قالت له بصوت واطي: اششش ريلي نايم !
الممرضه شلت ايدها ولاحظت ان مكتوم يتحرك وفعلا شوي وافتح عيونه بصعوبه وهو يحس انه ظهره بينكسررر من االالم قام وهو يمدد نفسسه ويمغط ايديه ولف عليها ببتسامه وقال: قلب مكتوم شحاله!
ابتسمت بحيا من نظراته ونظرات الممرضه اللي تسرق النظر بينهم وردت بهدوء: بخير فديتك
قرب منها وباس خدها وهمس في اذنها: تألمين ياروحيً؟! شي يعورج!
لطيفه بدلع ترمش بعيونها واهدابها الطوال قالت: ايييي حبيبي ايدي والله تعورني .
مكتوم باس عيونها ورموشها وقال: ارووح ملح انا على هالدلع وبتهديد مبطن ترانا في المستشفى ولا علمتج كيف تدلعين بها الطريقه.
ارمششت بدلع وهي تراويه ايدها :،شوووف يا قلبي شوووووف والله يعورني يا روحي .
مكتوم اللي لاحظ انتفاخ ايدها مسكها وباسها وقال للمرضه : يبي لنا كمادات بارده ومسكن الأم ..
الممرضه اللي شيكت على العلامات الحيوية قالت. ان شاء الله بس اخت لطيفه عندج هبوط في الضغط لازم تتغذين زين وانا ملاحظه ان من امس لين اليوم ضغط نازل فانا اتريا نتيجة تحاليل تطلع وان شاء الله خير بس لين وقتها لازم تكونين ماكله في هالساعه لاني برد باخذ لج الضغط مره ثانيه وبالمناسبه دكتور خالد حولج تنويم والحين راح ينقلونج .
مكتوم كان ساكت من صبح يسمع يوم وصل عند كلمه دكتور خالد كتب لج ننويم نطق وقال: وهو ماعنده مرضى ثانين فاضي لنا هو !! وبعدين نحن ما نباه نبا علي ولا يوسف يشرف على حالتها .
الممرضة : اسفه اخويه اذا حاب تغيره كلم الاداره همم يقدرون يغيرون لك الدكتور اما انا ما اقدر اسوي شي .
مكتوم بهمس: طسسي بس عن ويهي ضحكت لطيفه وانحرجت الممرضه لانها سمعته وطلعت عنهم ومكتوم لف عليها وقال: ياحلو ضحكتج اللي فقدتها وقرب مها وبحب قال جعلني ما افقدج في الدنيا الطويله ..
لطوف بحب وهي تتامل ملامحه وحطت يدها اللي فيها مغذي على خده وقالت بحب : احبك ��
ابتسم مكتوم وهو يقول بهمس : وانا روحي معانقة روحج للابد وباس شفتها وبعد عنها بعد ما سمع دق عالباب ودخل علي وسلم وقال: حمدلله على السلامه يا لطيفه .
لطيفه بتعب وهدوء مخلوط بحيا: الله يسلم غاليك ياخويه..
علي ياشر للممرض: ودوها فوق تنويم ..
مكتوم: ليش تنويم
علي :حرارتها مرتفعه وايد ومب زين عليها الحراره في اول حملها !
مكتوم اللي ما استوعب قال: شو قلت!؟
علي اللي ابتسم على صدمه اللي في ويوهم قال: مثل ما سمعت الغالي مرتك حامل ومب زين لها الحراره المرتفعه وخصوصا وهي في اول شهورها.
مكتوم اللي حضنها بحب وهو يقول: الحمدلله رب العالمين،، الحمدلله ..
انحرجت لطوف من تهوره وبعد عنها وقال لعلي: خلاص تنويم تنويم اهم شي صحتهم فديتتت النتفه انا ..
انحرجت لطوف من نظرات علي لاخوه وكأنه يستهبله وقال بجديه: مكتوم انته من صدقك ولا تستهبل !!
مكتوم رفع عينه وقال: الحمدلله ان العقل نعمه !! انا اترياها تحمل ودي افرح امي وابوي فيها بخبر الحمال.
ابتسم علي وقال: الله يهنيكم ويتمم لها على خير…
مكتوم بحب وهويبوس ايدين لطوف: امين
:
اما في بيت صباح نزلت فاطمه بعد ماً اتصل محمد لها وقالها انه تحت شافتهً في صاله قاعد مع أمها وابوها قربت وباست روسهم وشافت محمد واقف قربت منه وسلمت عليه عادي وكانهم حبايب مب كانهم شنغل ومنقل وقعدت بهدوء قربه ومحمد استغل الوضع وشبك تيده بيدها وهو يرمس عمه اللي قال: في خاطرك شي يا الغالي قبل لا انسير انا وقلبي .
ابتسم عيسى وهو يقول: لا الغالي ربي يحفظكم ويسعدكم ،،، وطلعوا عنه وشافوا سيارة جاسم داخله الفله قالت فطوم بضيق: وايييه الهلا ( كلمه تنقال يعني مثل يوم يقولون الله لا كان جاب الغلا هههه المهم يعني مب مرحب بوجوده).
لف عليها محمد من شافها ضايقه قالت يجيس النبض: ليش تعرفين شي انا ماعرفه عنه!! شايفه عليه شي !!
فطوم سحبت ايدها عنه وشاحت بويهها عنه وقالت وهي تنزل من الدري : انتوا الاثنين عمله لوجهه واحده !! لا تسوي نفسك ماتعرفه ! وجاسم خبر ايديك … وبطلت باب سياره وركبت ..
ازفر بضيق على الهيبه اللي فيه الا انه فطوم ماسحتنه بالأرض شاف جاسم قباله ورفع صبعه بتهديد: اعقل واعتذر والله تسوي شي مايرضيني انا اللي بلعب وياك ووقتها واعلمك ان الله حق وتقول لعمي عيسى موضوع الشيك وتعتذر عنه !
جاسم باستهزاء وهو ينقل انظاره لسياره: كل هذا عشان خاطرها وهي مب مسويه لك سالفه ههه والله حاله في شركة اللكل يرتعد منك وهنيه بنت العشرين يايبه راسك مسكه محمد من ياقة قميصه بغيض وعصبيه وقال: والله يا جاسم ان ماتعدلت انا مستعد اكشششف اوراقك ماعندي شي اخسره وفطوم مصيرها ترضى وتحبني خصوصا اني ماضريت ابوها عكس اللي عطاهم ضربه في صميم وشرد برى البلاد مايبا يواجهه صح ورفع حاجبه بقهر اما جاسم مسك ايدين محمد ونزلهن من ياقة قميصه وبضيق قال: غلطتيه اني حطيت سري ويا واحد نفسك ولا انته منو يأمن فيك سرعه تبيع وتخون.
محمد اللي اختدت ملامحه وقال بتهديد وهو يرفع ايده في ويهه جاسم: شرايك ندخل عند عمي ونكشف اوراقنا لبعض ..
جاسم بضيق بعد عن محمد وقال: خلااص يا محمد بسوي اللي يرضيكگ وشوي انفتح الباب وتفاجا عيسى بجاسم اللي بادره وباس راسه وبضيق قال: سمح لي يا عمي والله مالي ويهه اشوفك بعد اللي صار.
عيسى بضيق: شو اللي بينكم وماتبون حد يعرفه ان كنتواا متامرين عليه بشيء تكلموا ولكم الأمان .
جاسم بضيق : عمي نتكلم في الميلس وايد احسن..
عيسى بهدوء: قرب داخل ولف على محمد وقال: جان بتروح يابويه وقاطعه محمد وهو يبوس راسه: لا افا عليك يا عمي بدخل معاكم واللي يرضيك نسويه ..
عيسى حرك عيونه لفاطمه اللي راكبه سياره وطالعهم : محمد ياولديه حرك عشان فاطمه ماتحس بشيء .
هز راسه بضيق وقبل لا يروح مسكه جاسم ولف محمد عليه وانصدم بحضن جاسم له: اسسسسف يا خوي والله ادري اني علطان والغلط راكبني من ساسي لين راسي بس والله … وقاطعه محمد وهو يغصب نفسه على الابتسامه : افا عليك يا جاسم انته اخوي الغالي والله يهدي النفوس .
ابتسم عيسى وحس ان سوء الفهم اللي بينهم بينحل !! ابعد عنهم وهو متوجهه للميلس ولحقه جاسم بعد ما وعد محمد انه يبدا صفحه يديده مع عيسى ..
:
اما في سيارة محمد كانت فطوم طالعهم بنظرات قهر وهي تقول والله انتوا الاثنين تقتلون القتيل وتمشون في جنازته وتطلعون منها نفس الشعره من العيين ( العجين) انتبهت على رنة تلفونها وردت : هلا سويررر ..
سوير وهي ماسكه نفسها بالقو: اهلين عنبوه انتي ماعندج اخت تسالين عنها !! ولا شو موضوعج!!!
ضحكت باحراج وقالت: حووو شبلاج هبيتي فيني والله شفتج ما تدقين قلت ليش اسال وهي مستانسه ويا الريل وضحكت ..
سوير بغصه: فدددبته والله يا فطوووم .
فطوم ضحكت بعبط وقالت: ها المغرم الهاوي على ما قال المزيودي ،، ناقصنج حنان وانا اختج ..
سوير بضيق: لا فديته ساد عنج وغاننني الله فيه لا أبا حنانج ولا الله قاله خليه لغيري .
فطوم ميلت حلجها وقالت: ليتج ما طريتي (ماذكرتي) يوم طريتي ،، المهم خلصي الشيخه شو في خاطرج زوعيه( طلعيه) .
ساروه بكت: احمد دخل العمليات من ساعه.
فطوم مسكت ضحكتها وقالت: انزين ياهل هو تحاتينه تراه ريال شكبره كبر البغل وضحكت في هاللحظه بطل محمد باب وركب وهو يشوف ضحكتها وغمازتها اللي بانت وده يصفقها كف ويقولها لاتضحكين لغيري سكر الباب يوم سمعها تقول: جب لا تغلطين على ريلي مايخصج فيه ( لف عليها محمد وهو وده يحضنها كيف ترمس وتدافع عنه وهي ماتطيق حتى اسمه لف يكمل دربه وانتبهه عليها وهي تقول: الله يحفظج فديتج ويقومه بسلامه .. طمنيني عليه (لف عليها وبغيره قال: منو هذا اللي تبين تطمنين عليه !! )
طالعته برفعة حاجب وقالت لسوير: اوك يوصل في وداعة الله يا اختيه .. سكروا الخط ولفت عليه وهي تقول: سوير اختي ريلها داخل العمليه ووبعدين ركزت باللي قدامها وقالت ليش ابررلك انته منو أصلا ..
محمد رفع حاجبه وقال: بلا قلة ادب فطيم احشميني لا والله العظيم تشوفين شي ما يعيبج .
فطوم تساندت على السيت ونزلته على شكل تنويم وانسدحت وهي تحط ايدها على عيونها تحجب الشمس عنها وقالت: كل شي مب عايبني في حياتي يعني ما يبت شي يديد …
لف عليها وقال وهو يحط ايده على بطنها : يعورج!؟
انتفضت من لمسته وقالت بهدوء: شدراك!!؟ وبعدها استوعبت شو تقول وقالت بعصبيه : مايخصك!!
ابتسم بحب وقرب منها وقال وهو يلمها بين احضانه: احبج يا اعند من خلقه ربي ..
انتفضت من حضنه وحست بضيق يوم تذكرت تهديده وابعدت لكنه شدها اكثر له وقال: فطيم ليش انتي انانيه!!
فطيم شهقة وقالت وهي تحط ايدها على صدرها: انا انانيه !! مسكته من ياقة كندورته وقالت بغيظ منو اللي فينا اناني منو اللي يمارس قوته على الثاني .
محمد اللي وقف السياره على كتف طريق وسحبها لحضنه زود وقال بحب: انتي اللي تمارسين قوتج عليه مب انا ..
فطوم اللي انحرجت من القرب اللي بينهم وكيف شلها وحطها في حضنه شتت انظارها باححراج وقالت: انا !!!! امارس قوتي عليك ! جان زين الله يسمع منك !!
محمد اللي مات على احمرارها ومستحاها بس مبينه عكس اللي داخلها لفها عليه وقال وهو يحضن ويهها بكفوف ايده : والله انج طرف القوي في علاقتنا وانا اعترف اني الطرف الضعيف في علاقتنا !!
فطيم من قهرها واحراجها شمخت( انا مادري شو تسمونه بس خربشته بظفورها ، او تقولون شرمخته مادري بس ان شاء الله وصلت المعلومه) رقبته بغيض وهي تقول: حموووود اللي يحب مايجبر محبهه
محمد اللي لاحظ ارتجاف جسمها وعصبيتها وهي تشمخ رقبته قال بحب: راضي وربي راضي بكل الم يكون منج .
فطوم بهاللحظه انهارت يوم شافت انها جرحته وطلع دم ما توقعت انها بهالقسوه وفي يوم بتسبب جرح وبتدميه والمصيبه انها انها جرحته في رقبته مكان العمليه اللي كان متصاوب فيها اثناء دوامه وكانت مكان رصاصه بالضبط وانصدمت من الدم والغريب انه ما تالم وقالت لمحمد بتوتر: دممم .
ابتسم على دموعها ومسح دمعتها: فطيم الجرح قديم أيام ما كنت متصاوب في مهمتيه لاتشلين همه
فطيم انهارت وهي تحط الكلينكس عليه تحاول توقفه: انته ما تفهم أقول لك دم تقولي قديم .
محمد : راضي لو موتي على ايدج راضي ماقلت لج اني ضعيف قدام دموعج تكفين الا دموعج ومسحهن بيده ،، شو بلاج واحد وماتحبينه وانتقمتي منه ليش تبكين ان كان اليوم موتي فهو بالنسبه لج عيد وهم وانزاح وافتكيتي منه .
ضربته على صدره وهي تحاول توقف النزيف: محمد انااا اسفففه والله اسفه مب قصدي اعورك وشهقة بين دموعها
محمد باس دموعها وهو يقول: انزين انتي شبلاج مستويه دراما وتبكين اللي يسمعج ميته فيني مب جنج دوم تدعين عليه وتقولين الله ياخذك وافتك منك صح ولا وهو يطالعها بنص عين .
انحرجت وواستحت بنفس الوقت انه يعرف بدعاويها عليه نطق بحب: ما قلت لج راضي لو الموت بيدج راضي يا دلوعه.
فرت عليه الكلينكس وهي تحاول ترجع مكانها بس هو مطوقنها بيديه قالت بغصه: والله لو تشوفك دوريه الشرطه بيخالفونك انك مخالف قواعد السير وحاطني في حضنك وتسوق رد عليها بحب: قلت راضي انا بدفع المخالفه انتي شعليج انا راضي يصورني رادار ، تمسكني دورية شرطة،، قناص يصورني من سابع ارض انا راضي ،، بس المهم انج قدام عيوني يا عسى ما تخلى منج الدنيا ..
فطيم بكره وهي طالعهه بنص عين: ياكرهكك لا صرت عاشقن متيم ��..
محمد اللي حط ايديه على رقبتها قال بمزح: اذبحححج ولا اذبببج ترا صدق قربت ادخل مصحه نفسيه بسبتتج انتي صاحيه ولا مينونه !! من شوي تصيحين والحين تناقريني وتناشبيني شو موضوعج .
فطيم بنرفزه: محمد ابعد وابعد ايديك عني !! ترا خاطري شايل عليك وايد .
ابتسم بحب وحضنها اكثر له وباس خدها وحط ايده على بطنها وبهمس: بعدج تتويعين ولا خف الألم .
فطوم اللي نست الم بطنها أصلا من احتواها محمد ماحست بالالم حمرت اكثر وقالت بهمس: ابعد ايدك عن بطني ..
تنهد وهو يزفر براحه وتعب في نفس الوقت حط اغنية عيضه ازعل وخاطري فيك وقالها بهمس: كلمات هالاغنيه اهداء لج يا خشيري( يعني ياعشيري ) اللهم اني بريئه من ذنوبكم ..
أزعل عليك وخاطري فيك ..
أشره وقلبي ممتلي شوق ..
أقول لك ببعد وأناجيك ..
وأتجنبك وآنا لك آتوق ..
لا شفت زولك قلت لبيك..
يا مرحبا يا عَز مخلوق ..
ليتك تقلل من تغلّيك
مادامني مغرم وهاويك..
وغلاي يجري لك في العروق..
والشوق مضنيني ومضنيك..
وش له نزيد قلوبنا حروق..
يالله تعال وعطني ايديك ..
دام الوصل يا زين ملحوق..
رش معلق كبدي وبعطيك ..
كل الغلا يا عالي الذوق..
ابتسمت باحراج ولفت عليه وقالت بصدق: انا اللي يعاندني اصير اعند منه ،، ممكن افهم اسلوب التهديد ماخذنه وسيله ليش !!
محمد تنهد وقال بضيق: نسكر الموضوع خلاص ترا ابوج ما بيصير عليه شي لا تخافين الموضوع كله كان لعبه !!
طالعته بصدمه وهي تقول: لعبهه!! وبعصبيه يصاحبها صراخ: محمد شايفني مغفله ولا ياهل..
محمد يضحك: ليتج ياهل جان عطيتها حلاوه ولا لعبه ورضت وبغمزة عين كمل كلامه على الأقل الياهل يوم تبوسه يرضى بالبوسه مب نفسج صفقته بقووه على صدره عند القلب بالضبط باقوى ماعندها وتالم وبعدها عن حضنه بقو بس مابين حاول يأخذ نفس بس ماقدر بعدها عنه بسرعه وحطها في المرتبه اللي عداله وفتح الباب ونزل وهو يتساند على باب سياره وخذا نفس عميييق وكح وكح لين ويههه حمر طلع غرشة الماي وغسل ويهه وقعد شوي ع الأرض وهو يحط ايده على قلبه مكان الجهاز دمعت عينه ومسحها بسرعه رجع كح من اول ويديد وحاول يضبط وضعه سمع صوتها رفع ايده في ويههها بمعني ما يبا يسمع منها شي اشر لها تركب سياره ركبت السياره بس من خوفها اتصلت على خالها مكتوم بعدين سكرت واتصلت لنهيان لان مكتوم بيذبحها لو عرف انها معانده ريلها اما نهيان رد وهو مستغرب اتصالها: حي الله فطيم
فطيم تصيح: خالي لحقني فديتك بس لا تقول لحد
نهيان بخوف: شفيج سم الله عليج وين انتي
فطوم طالع الأماكن وتشوف محمد اللي ما زال يحاول يتنفس : ماعرف خالي مادري وين .
نهيان يركب سياره: طرشي اللوكيشن يا هبله .
فطوم سكرت وهي تمسح دموعها وبيدين مرتجفه طرشت لوكيشن لخالها وهي تصيح نزلت عند محمد اللي طاح على الأرض وصلت عنده وهي تهزه محمد ،، محمد تكفى قوم والله اني مسامحتنك على اللي سويته فيني قوم ..
كان يسمع حوارها بس ما يقدر يتنفس يحس انه مصتك صدره ومخنوق حاول انه يضغط على الجهاز اللي يدعم قلبه بس ماقدر فقد توازنه وطاح مغمي عليه وصل نهيان وهو مصدوم من اللي يشوفه سحب محمد وركبه سيارته وركبت فطيم وياه وهي تصيح ورجع لسيارة محمد وخذ اغراضه المهمه وقفلها وشل المفتاح وهو في دربه للمستشفى اتصل بعوض وخلاه ايي المستشفى وصلوا المستشفى ودخلوا محمد طواريء وكان علي ويوسف مناوبين في طواريء ودخلوه العمليات سيده وعلي وقع عنه لان العمليه خطره شوي وصل عوض ونهيان عطاه مفتاح سيارة محمد وقاله روح ييبها وشل وياك الدريول عشان يرد سيارتك لف نهيان عليها كان كاتم عصبيته هو اكثر واحد يعرف محمد كتوم وما يشكي لف عليها وقال: شو اللي صار بينكم ! من يوم ملجتي وانا ملاحظ اسلوبج العفن ويا الريال !! ترا محمد ماله ذنب بلي سواه جاسم ! محمد استسمح مني ومن ابوج شخصياً وعرفنا كل شي من يوم خطبج محمد قال لنا كل شي حتى على ضغطه وياج بس هذا مب موضوعنا الحين أبا عرف شقلتي له ..
توترت من نظرات خالها وخافت من كلامه المبطن شو قالهم شو اللي يعرفوونه وهي ماتعرفه قال بعصبيه وهو يلمح جاسم وعيسى ريل اخته يايين: نطقي !!
ارتمت في حضن ابوها اللي لمها بين ايديه ونهيان ابعد عنهم وتساند على اليدار وغمض عيونه مب وقتك يا جاسم والله ماودي بشوفك ابدا من حس بيده على كتفه همس بهدوء: جاسم واللي يسلمك ابعد عني تراني مب طايقنك ابعد مابي عيني تشوف عينك ..
جاسم بضيق ابعد عنه وهو مستحقر نفسه كسر نهيان في ليلة زواجه من الانسانه اللي يحبها ولف عليها جاسم ومثل العشق وعلقها فيه لين صارت تشرق باسمه وبعدها رماها زي الكلبه وقالها ليلة العرس قولي لنهيان عن حمالج وعن حبج لي اكسري قلبه وسبب لانه نهيان كان رافض زواج ساره من جاسم بعد ما اكتشف انه راعي سوالف وبنات وسهرات وشرب كان رافضنه ومحد كان يعرف شو سبب كان ساتر عليه ولا قالهم شو سبب ابدا لين اليوم محد يعرف بسوالف جاسم غير محمد ونهيان .. (فلاش باك لفتره من زمن،، محمد اللي كلم نهيان وقال: هيه ادري بعلومه وعارف رفضك.
نهيان بعصبيه: خلاص محمد هو خبز ايدك تذكر قبل ما تطلع من دوامك (تنويه محمد قبل كان يشتغل في شرطة وبعد ما انصاب في المهمه في رقبته وفي قلبه عطوه اعفاء من دوام لانه مصاب اثناء العمل واجازته مفتوحه) ولكن بعد ما طاب محمد اشتغل في شركة المهم انه قبل لا يشتغل في الشركة محمد كان يداوم في الشرطه وعنده مهمه عن التهريب والمخدرات وغيرها محمد طلع جاسم من هالشله الفاسده اللي كانوا يبيعون مخدرات وخمور وغيرها كانوا مخلينه مروج مخدرات ومحمد اللي القى القبض عليه وخذا جاسم جزاته بس كانوا يعيدون تاهيله ومحد قالهم انه انسجن محمد ونهيان غطوا عليه وقالوا انه مسافر سياحه وبيطول لين خلص وقت علاج جاسم وتاهيله من الإدمان اشتغل جاسم عند عيسى في شركة ومازال يحب ساره ويباها وكان يرفضه نهيان والكل كان يحاول يتدخل بس نهيان كان يقول لجاسم اذا مانهيت الخطبه برضاك انا بتدخل وافرش ماضيك لهم وخصوصا انك لازلت تشرب وتروح سهرات وغيره فكان جاسم حاقد على نهيان بالقو فاضطر انه يلعب على عيسى ومحمد عرف وكلم نهيان اللي قاله امشي وياه في اللعبه خلنا نعرف وين يبا يوصل
محمد بحده: مستحيل يا نهيان انته صاحي لاتنسى اني احب فطوم ومابا شي ياثر على علاقتي فيها كيف اخونها في ابوها والوي ذراعها فيه
نهيان بحيله: ياريال الموضوع عندي خلنا نعرف لين وين يبا يوصل يا محمد باجر يروح يتفق مع غيرك ويدخل عيسى في مشاكل مالها اول ولا تالي ..
محمد ازفر بضيق: نهيان انا كيف أكون محتال احس اني خاين
نهيان بضيق: ياخوي قلت لك سوو اللي اتفقنا عليه وباجر لا صار شي انا أوقف وياك والله واشهد اني انا اللي خليتك تلعب هاللعبه شرايك .
محمد بضيق: مب مقتنع وباجر شو يرضي ريل اختك وبنتها والله ما يصدقون ويتحسبوني الوي ذراعهم وبتصير حساسية بيني وبين فطيم نهيان بهدوء: فطيم امرها محلول تهددها بابوها توافق غصباً عنها مابنخلي لها عذر بس المهم تراقب جسوم وتشوفه شو ناوي عليه
محمد بعدم اقتناع: امري لله لو اني مب مقتنع من اللي تقوله لكن امري لله واجب اني انفذه خلاص تم ..
وبعد فتره بدا جاسم يسمع عن خطبة نهيان لبنت خالته خوله بدا يتقرب منها ويوهمها بالحب ويعطيها الهدايا واييب لها كل اللي في خاطرها وتعلقت فيه خوله وصارت تحبه لين ما تاكد ان خوله ميته عليه وطلعت معاه اكثر من مره لين عرفت بموضوع حملها وقالها لا تتكلمين ولا تقولين لحد قولي انج تطلعين مع ريلج نهيان بما انج انجبرتي عليه وفي ليلة العرس احرقي قلبه بانج ما تبينه وان انا وانتي حبايب وخليه يربي ولدنا مادامه يحبج ويموت فيج ، كانت حركت نذاله وحقاره من جسوم يبا يكسر بنهيان نفس ما كسره برفضه لساره والباقي عرفتوه باليلة عرس نهيان،، اما عن جسوم والأوراق فاتفق مع محمد انه يطلب شيك بمبلغ ١٥ مليون من عيسى على أساس انهن دفعات للسلع اللي بيوردونهن من برى للمشاريع كان محمد مصدوم من جاسم وتفكيره كيف يبا يوهق عيسى باوراق غير قانونيه بحيث انه كان يحاول يدخل مواد تصنيع للحديد بشكل غير قانوني عشان يمسك عيسى من ايده اللي تعوره ولكن محمد كان يرفض ويقوله لا خله بشكل قانوني عشان محد يشك اننا نتلاعب معاهم ووافق جاسم على كلام محمد وقال لمحمد: بس الحين كل الأوراق مزوره بان نحن بنتعامل مع هالشركات وبنخلي عيسى يوققعهن وفي هاللحظه محمد قال لنهيان اللي قاعد يصير ونهيان قاله خلك وراه لين اخر شي يسويه وفعلا زور أسماء شركات وهميه لتوريدات الحديد والالمنيوم ومصانع اسمنت وانهم بيتعاملون مع هالشركات وبما انهن مزورات صحيح انهن يودن عيسى ورى شمس لكن محمد قاله: خلاص وانا بحفظ الأوراق عندي والشيك ومن تطلبهم عشان تلوي ذراع عيسى أكون انا اول من يوقف وياك ابتسم جاسم وبدا ينفذ خطططه ويوقع الأوراق المزوره لعيسى ومحمد اللي مطمننه ان جاسم واثق فيه ثقه عمياء مايدري ان محمد يسايره وويلعب على الحبلين لين صارت كل الأوراق الوهميه والمزوره والشيك اللي ب١٥ مليون جاسم كان وده يروح يصرفه عشان يكون بدون رصيد ويصير يهدده بالشيك ولكن محمد محكم الأوضاع ومسوي كنترول على كل شي حتى مايخسر عمه أبو زوجته ولا يخسر ولد خالته ويخليه يرجع لعقله وخصوصًا عقب ما ضرب نهيان بضربه اللي قضت عليه فعليا واهتز من أعماق قلبه ومحد كان يعرف ليش جاسم سوى جيه الا نهيان ومحمد اللي كانوا عارفين السبب وصدمة نهيان من حبيبته واللي تمناها اكثر من صدمته بجاسم وسواته .. وهذي قصة جاسم ومحمد ونهيان وعشان جي محمد لوى ذراع فطوم بالموافقه لانه فطوم كان قلبها بادي ينبض لبطي ولكن محمد كسره ولما رفضته اربع مرات المره الخامسه لوى ذراعها بابوها والأوراق اللي عنده ونهيان كان على علم بكل شي من محمد بما انهم كانوا متفقين من الأول انهم يوقفون جاسم عند حده ومن سافر أمريكا كان مسافر ماله ويهه يواجهه نهيان ولا له ويهه يواجهه ساره ويعتذرر لها ففضل الهروب على شكل دراسه وخوله اجهضت جنينها بعد ما حلف جاسم عليها ان خلته يجتله قدام عينها لان ما كان يبا طفل امه مب ساره وطول ماهو في أمريكا كان يحاول يتصل ويعتذر لساره ولكنه ما ملك الجراءه ولا يحس ان له ويهه يعتذر عن اللي سواه) وانتهى الفلاش باك …
:
في وقتنا الحالي وفي المستشفى كانت فطوم تقولهم السالفة واللي صار وكيف ضربته على صدره قالها جاسم بعصبيه: حراام عليج محمد مركب جهاز قلب عشان دقات قلبه ضعيفه فاضطروا يركبون له جهاز صمام عشان يدعم القلب وينعشه انتي شو سويتي حرام عليج قتلتيه.
انتفضت وهي تقول: لالا ما قتلته محمد اكيد انه بخير ولفت على ابوها وهي تقول يبه هو بخير اكيد انا قلت له مسامحتنك على اللي سويته فيني .
هداها ابوها وهو يقول: مب هذا موضوعنا يا جاسم الله يهديك مب وقته !!
نهيان كان واقف بعيد لمح مكتوم اللي كان واقف عند الرسبشن يسال عنهم بعد ما عوض قاله ونهيان اشر له ويأ صوبهم قال بصوت مريب: بشررر!!
نهيان: بعده في العمليات علي وقع أوراقه ..
مكتوم: ان شاء الله خير
نهيان: شحال لطيفه وتستحق سلامتها!
مكتوم بهدوء وهو يزفر: الله يسلمك بخير الحمدلله رقدت توها بعد ما عطوها خافض حراره
نهيان: ليش ما يعطونها مضاد.
مكتوم بضيق: ما يصير لانها حامل ! اول ما يبتها عطوها مضاد بس من خذوا فحوصات الدم وتبين الحمل شلوه من الوريد ما ينفع تأخذ ادويه غير ادول فقط ومغذي عشان الجفاف اللي صابها!..
نهيان بفرحه: ما شاء الله مبروك والله تستاهل كل خير فديتك
مكتوم يبتسم بضيق من شاف جاسم: يبارك فيك الغالي ولف على جاسم وناظره بحده وقال: هالويه الودر شو يابه !! له ويهه انه ايي يجابل الرياييل !!!
نهيان بضيق: طبه يا ريال خله يولي عنك وشاح بوييهه الصوب الثاني وهو يقعد عالكرسي وفيهم توترسمع رنةً تلفونه وشاف رقم صباح ورد: هلا صباح
صباح بهم: طمني يا بوك بشرني فديتك عن محمد
نهيان بضيق وهو يطالع فطوم: والله يا صباح حالته ما تبشر اخوج علي وقع أوراق العمليه على مسووليته يقول ما يتحمل قلبه بيوقف اذا مالحقوا على الجهاز .
صباح بضيق: لا حول ولا قوة الا بالله العلي العظيم .. ليش شو استوى به..
نهيان يشوف رقم خارجي قال لصباح: مادري سالي بنتج المهم فديتج عندي خط ثاني( يعني انتظار) برايج الغاليه
سكرت صباح ورد عالرقم : الو
ساروه بفرحه: خالي البشاررره احمد نجحت عمليته !!
نهيان بفرحه: زين زين فديتج الحمدلله ،، تستاهلين سلامته الغاليه وقرة عينج ..
ساروه بفرحه: الحمدلله حبيبي الله يسلمك الغالي وبشوف نبيك يارب العالمين اتصل على امي وابوي وفطوم وخالي مكتوم ببشرهم مايردون اخر شي اتصلت بك زين انك رديت عشان تشاركني فرحتيه
نهيان بهدوء: تاكدي فديتج دوم بكون عندج في ضر قبل اللي يسر ..
ساروه بضيق: فديت عينك…
نهيان: تفداج العين وراعيها يا غناتي امريني شي في خاطرج تبين شي امري يا بنت عيسى .في هاللحظه صد جاسم اللي كان طول الوقت يسمع المكالمه رغم انه نهيان بعيد عنه ويتحاشاه الا انه جاسم تعمد يوقف على بعد ولكنه يقدر يسمع نهيان زين مازين انتفض قلبه من عرف انه اللي على تلفون غناته وحبيبته وشكلها فرحانه بعد عنهم عشان مش وقته اصلاً يستوي جدال او نقاش حتى ، لان لا المكان مناسب ولا الوقت لذلك بعد عنه ووقف عدال باب العمليات ..
ونهيان عطى تلفون مكتوم عشان تكلمه ساره وتحمدلها بسلامة ريلها وسولف وياها شوي وسكر …
:
اما في بيت ام خوله يالسه تتكلم مع اختها ام عوض وهي تقول : صدق !! محد خبرنا الله يعفو عنه ويشفيه !! لالا سمعيني من يظهر من العمليات ويكون بخير ترانا بنسير صوبه وبنسلم عليه ان شاء الله فديتج زين الغاليه في حفظ الله ..
،،
فوق في الغرفة عند خوله كانت تكلم اختها جمون وققالت لها: انتي صاحيه خولوه كيف تردين لنهيان وانتي اللي رفستيه بريلج ..
خوله بحقد وغيره: والله ما اخليه عيل انا يخليني ويلتفت لغيري ..
جمون: نساج!!
خوله بغرور وكبريتء: والله انه ما نساني والله اني لين اليوم في قلبه. ودليل انه ماخطب والفلم اللي سووه جدامي هو وصباح ما كان الا عشان يشوفني اذا احبه ولالا !! ترا ما نساني واجزم بشيء هذا !!
جمون بضيق: كيفج ياختي … مالي خص اللي تشوفينه سوييه !!
سكرت عن اختها وبضيق لفت طالعت عمرها وهي تشوف نفسها في المرايه معقوله بس من شفتيه يا خوله هززز قلبج وانتي كسرتيه بليلة عرسه بليلة فرحته شافت شعرها الكستنائي اللي يوصل لنص ظهرها وقالت وهي تمسك التلفون: هي خاربه خاربه خل اجرب حضي ودخلت اللسته دورت رقمه مالقته بضيق اتصلت على جسوم ومارد عليها واتصلت مره ثانيه ورد عليها وهو يقول: هلا خوله ( وانتبهه نهيان عليه وقلبه ضايق متى ينسى اللي صار ويعيش حياته استوى زواج بالنسبه له فوبيييا انتببه على كلمة جاسم اللي قال : اوك بطرش لج رقمه الحين ..تساند على اليدار وهو مغمض عيونه ومازال يحاول ينفض راسه من الصوره اللي طلع فيها مكسور من العرس انتبه على رنة تلفونه طالع الرقم وانصدم معقوله لين اليوم محتفظ برقمها كان مسجل رقمها( نصفي الثاني) لا مب معقوله هي متصله وانا اساساً ليش لين اليوم محتفظ برقمها ليش ما مسحته تنهد بضيق مب وقتج اليوم مجتمعين عليه انتي وحبيبج انتبه على اشعار الرسايل نصيه وقرى المكتوب( مرحبا نهيان ممكن ترد انا خوله ) ابتسم بستخفاف على نفسه وهو يقول في خاطره والله من حظي الردي اني لين اليوم محتفظ برقمج ولكن تجاهل رسالتها وحط تلفونه صامت ماوده يفتح قلبه لاي احد حتى فتون اللي انحطت في موضع محرج وياه لام نفسسسه وايد انه حضنها لانه قلبها ما يباها ورافض قربها وعقله يبا هالقرب ويبا هالانسانه وهو ماوده يتجادل مع عقله وقلبه يباهم يرسون على بر ولكن الخطبه كانت شكليه ومنحرج من يوسف وااايد وخصوصا انه ماقصر وياه ورحب بخطبته وقرب به لكن نهيان وده يتراجع وخصوصاً ان قال لفتون بعد الموقف اللي صار نسترجع الحوار مع بعض( فلاش باك ،، كانت قاعده مع مهره وشما في الحديقه وصلها مسج ( السلام عليكم ،، شحالج فتون،، انا نهيان اذا ممكن تردين عليي أبا ضروري) ،، استاذنت منهم وقامت تمشي في الحديقه وارسلت مسج ( وعليكم السلام ورحمة الله وبركاته ،، بخير ونعمه،، انته شحالك ،، امر ،، عسىً خير) رد عليها( ممكن اتصل ) ردت باحراج ( سمح لي ماودي اردك لكني ماقد جربن أتكلم مع حد فالتلفون ما اجّمع افكاري خصوصا اذا كان غريب عليه) ،، ( متفهم وضعج والله بس اعتبريه طلب واخر مره بس أبا اريح ضميري والله مب مرتاح قلبي ولا ضميري مرتاح ) ردت بهدوء( ان شاء الله ،، تقدر تتصل). وشوي اتصل وردت بعد ماخذت شهيق عميق: مرحبا نهيان..
نهيان اللي ارتبك من نبرة صوتها وقال: والله ان مب قصور فيج ولكني خايف ابدا هالخطوه .
انتفضت فتون من كلامه وبخوف قالت: نهيان عسى ماشر شو اللي صار ..
نهيان بضيق: فتون انا خطبتج من يوسف اخوج ولكني وقاطعته فتون بهدوء وهي تقول: مب مقتنع صح ! انا مالومك اللي صار لك شي كبير وقوي وادري انه صعب عليك تتحمله !! وخصوصاً ان قلبك لين الحين مجروح ما برى من اوجاعه وببتسامه كملت انا اللي برفض.
نهيان بصدمه: نعممم ترفضين !!
فتون بضيق جاوبت: نهيان نحن ما بنقدر نكون نفس أي اثنين بعد الزواج انته تدري انك وقاطعها بحده وهو يقول: انا اباج لي عون مب فرعون ابااج تاخذين بيدي وطلعيني من اللي انا فيه مب تتهربين من اول مرره ،،اوك انا وياج ومقتنع مليون بالميه بكلامج وان قلبي رافض قرب أي وحده مب بس انتي انا اللي صار لي ماتمنيته لعدوي يا فتون ،، شو فيها لو حاولتي.
فتون بصيق: ترا انا بعد أخاف ،، أخاف اتعلق فيك وتخليني وعقبها شو بتفيدني المحاولات نهيان يوم تحس انك جاهز للزواج فعلاً ومستعد تنسى ذيج الساعه وربي لوقف وياك لو يكلفني العمر كله بس انته متردد وتخاف انك ما تكمل وانا أخاف اتعلق فيك وعقب تجازيني وتكسر قلبي.
نهيان: يا بنت الحلال ما بكسر قلبج والله قاطعته مره ثانيه وهي تقول:ما بتحس انك كسرتني لانك ما وعدتني شي ولا تبادلني باي مشاعر ،، بس انا أخاف انكسر منك وعقب من اللي يداويني با نهيان صدقني لو مستعد تتغير انا اول وحده أوقف وياك حتى لو كان على حساب سعادتيه بس ترددك وتخبطك مع نفسك يربكني انا قبل ما يربكك.
بضيق قال: هذا اخر كلامج.
فتون: ليتني اقدر أقول لا ،، بس الصدق يا نهيان انته تستاهل تعيش حياه جميله ويا بخت من خذت قلبك ولا ردته لك صعب في هالزمن تلقى انسان صادق ومشاعره صادقه وانا والله ويشهد الله اني مالومك اللي ياك مب شوي لذلك معذور يا نهيان ًوالله قاطعها بضيق وقهر وهو يقول : وعديني اول اني اذا تمنيتج توافقين
ابتسمت باحراج : ان شاء الله والحين ودعتك الله ياخوي
نهيان بقهر: لا تقولين اخوي لا اكسر ضروسج تقهريني فوق ما انا مقهور
ابتسمت باحراج وسكرت من بعد ما حست ان كلامها ممكن يكون نقطة تحول لنهيان في حياته .. وانتهى الفلاش) وانتبهه عليهم وهم محاوطين علي ويوسف اللي طلعوا من العمليات ووقرب منهم وسمع علي اخوه يقول: الولد حالته خطيره الجهاز مايدعم القلب لان تعرض لصدمه ضربت عنده في عضلة القلب واضعفتها ،، نطق جاسم بخوف: والحل ؟؟!
علي. بزفره: شوفوا لازم نلاقي متبرع بقلب بأسرع وقت حتى لو كان واحد ميت طرشنا تقارير لجميع مستشفيات الدوله ان نحن بحاجه الى متبرع بالقلب ضروري قبل لا نفقد المريض .
جاسم بهدو: انا بتبرع له
بصدمه طالعه علي وقال: مينون انته
جاسم بدموع: هيه مينون اني بتبرع بقلبي لانسان عارف بكل خراييطي واقف ويايه مسكه نهيان في هاللحظه وقال: اوووووص وطالعه بحده أي خرابيط اللي تتكلم عنها ورص ع ايده بقووو اللي صار بيني وبينك موضوعه منتهي .
انصدم جاسم من نهيان لين اليوم يتستر عليه ولين اليوم فارض احترامه على الكل ما يبا صورة جاسم تتشوه بينهم بعد عنه وقال لعلي بهدوء طلبوا متبرعين بالقلب لاي اسره عندهم مرضى او محتاجين مبالغ ماليه كمساعده ! وطرشوا تقاريره برى وانا بتواصل ويا ساره تشوف دكاتره اللي هناك اذا عندهم متبرعين
علي بسرعه وهو يتقدم بخطواته: وهذا اللي المفروض يصير بسرعه يوسف وحرك عيونه عليه ماعندنا وقت يلا ..
اتجهه يوسف لقسم الأورام وقدم جميع التقارير اللي عندهم حد حالته خطره ومات او ميت سريرياً او مشارف على الموت يبون قلبه بسررعه..
في جهه أخرى من المستشفى علي يراسل جميع المستشفيات بالايميل والمصحات النفسيه اذا عندهم حاله مفقود الامل فيها من حيث العلاج والاستجابه.
:
اما عند لطيفه فوق كانت تنكلم مع مهره اختها : انزين احتويه .
مهره. تبكي: كيف يا لطيفه !! راشد وايد متغير ..
لطيفه بهدوء وما انتبهت على مكتوم: كلميه يا مهره حضنيه واسيه هو محتاج لج انتي بعدتي عنه من عرفتي انه يشرب ونفرتيه وسمحي لي اقولج ياختيه انتي غلطانه انتي هذا وقتج الفعلي انج تصبرينه وتثبتينه وتردينه عالدين الحق مهره تبعدين عنه في هالوقت غلط راشد كان متعلق في عمي وايد شوفي مبارك متحمل اخوه واومه واخته وشال همكم كلكم وفوق هذا خاطب ما سار وشرب ودخل في درب الحرام ترا مبارك ايمانه اقوى من راشد وصابر مبارك لاقي ابويه يطبطب عليه وامايه تلفه وتحضنه بين ايديها ماقد غلط على حد اما راشد ابويه ماخذ موقف منه عقب ماعرف بزواجه من ثريا وعنده ولد منها وعقب انصدم بطلاقي من مايد وعقب انصدم بحمد وسواياه ويايه ترا ابويه شال على ظهره حمل يهد جبال يا مهره لو تشوفينه قوي ويظهر لنا قوته قدامهم ويوقف ويانا بس تراه مكسوور وانتي كسرتيه زود يوم رديتي لراشد هو كان يبا يأخذ بحقج ويراويج ان لج سند وعون بس استعيلتي ورديتي له وابويه ما كان بيعارض يا مهره بس كان يبا يقرصه من اذنيه عشان يعرف يسوي حساب لج ولبويه المهم هذا مب موضوعنا حبيبتي موضوعنا الغاليه انج تبدين تمسكين راشد وترمسينه وتحضنينه وتنسينه اللي صار خذيه بيده هو مانحرف الا باسباب واحساسه بالنقص ياختيه .
مهره تشاهق من دموع: بحاول والله وبشوف شو يصير وبقولج..
لطيفه: زين فديتج بوسي لي صغيرونه
مهره تبتسم بين دموعها: حاضرين.
لطيفه: ودعتج الله وسكروا الخط وحطت ايدهاً على بطنها تقرب مكتوم وحضنها بحب وقال: يا هالمهره اللي مناشبتني فيج مانخلص حمدوه من صوب ومهره من صوب ، بحب لفت عليه وهي تقول: فديت عمرك حبيبي وين كنت .
مكتوم بوز وهو يسحب الكرسي وقربه منها لين صار قريب حيييل منها وقال: صار لي فتره داخل وواقف اسمع حواركم ودخلت وطلعت مرتين وانتي ماحسيتي فيني شكلج مشغوله بموضوع اهم .
طالعته بضيق وقالت بتنهيده: هيه حبيبي مهره متضايقه من ريلها
قرب منها وحضن راسها وقال بحب: هممم ادري سمعت كل سوالفكم الله يهديه ويصلحه ويسخره لها بهالحظه ماقدرت تقاوم حضنه وطوقته بيديها وبهمس وحب : احبگ تولهت على حضنك يا غناتي ..
مكتوم يبوس خدها وهو يسحبها لحضنه زود: فديت عمرج غناتي بشريني عنج شو تحسين.

لطوف بهمس وعيونها تدمع من الحراره: والله اني في قربك بخير وقطع عليهم دخول حمدوه وصباح اللي كانت عند محمد وسحبت فطوم المنهاره يوم سمعت كلام علي خوها نسبة انه يبقى على الحياة ضعيفة جدا اذا مالقوا له متبرع وانهارت بكي من خوفها انها التسبب بموته وهي اللي في ما فكرت تقتل باعوضه لانها دايما تقتل نمل اما بواعيض ما قد قتلت باعوضه فكيف بتقتل انسان محب وعاشق وولهان ويدور رضاها وقال مكتوم: يووكم هادمين لذات انتن شيابكن
حمدوه تضحك وبحب تحضنه: تستاهل سلامة الشيخه لطيفه وبعدت عنه وسلمت على لطيفه وقرب من صباح وسلم عليها وسحب فطوم وحضنها وقال بضيق : افا ماحيدج خوافه وين ايمانج بالله
فطوم تشهق وقالت: خالي انا السبب انا ضربته
مكتوم عقد حياته وبضحك قال: ضربتيه !! ليش ياهل هو !!!
فطوم تبعد عنه وقالت بصراخ: انا ضربته على صدرره ماعرف انه فيه جهاز انا مادري شو ياني انعميت عن كل شي فقدت مبادئية مره وحده طلعت غيضي فيه ،، انا طلعت حقيره ووهو ماضرني والله يا خالي اني كنت على قلبه نفس العسل .
باس راسها وقال: مقدر ومكتوب غناتي فديتج وان شاء الله انه بيلقون له متبرع..
لطيفه بضحكه قالت: فطوم طلعت غلاته عيل.!
ضحكت بين دموعها وقالت: الله يغربلج أخاف يموت واكون انا سبب وشل ذنبه طول العمر
مكتوم اللي كان حاضن فاطمه دفرها على أمها عقب كلامها وي لطيفه وقال: لا تغربلينها حرام عليج بروحها تعبانه وراح صوب لطيفه وحضنها بحب
قالت حمده وهي تضحك : والله العظيم انك تدور سبب عشان تحضنها حبيبي شرايك تقعد في حضنها ترانا يالسين على جبدك مب مروحين
ضحكت صباح وهي تشوف فطيم اللي ابتسمت بين دموعها وقالت:الله يحفظهم ويبارك فيهم فديتهم وربي احلى اثنين على قلبي
مكتوم قعد على السرير وشل لطيفه وحطها في حضنه وباس عنقها وهو متجاهل نظرات حمدوه ومستحى لطيفه وفطوم اللي ضحكت باحراج وصدت وييهاا الصوب الثاني وصباح نزلت عيونها عالتلفون عشان ما تزيد ممستحى لطيفه ،، وحمده بخبث قالت: مب بسك خلاص شفطهها ..
مكتوم يعاند فيها ولطيفه استحت قالت لحمده: اندوكم انتوا عايبنها الوضع
بعد مكتوم عنها وقال : وانتي شتبين مناشبتني فيها ياخي متولها على ريلها وريلها متوله عليها من يومين ونحن مجابلين الدختر ،، قرب اكثر منها وسحبها زود وهو يتعمق ببوستها قالت حمده: الله على رومانسية اخويه كمل فديتك بس مب ظاهرين عنك
مكتوم بضحك: عادي فديتج تحيديني استحي والله ان ويهي لوح( يعني مضيع المستحى)ماهمني قرب من لطيفها وباس طرف شفتها وقالت صباح: مكتوم رحمها بس ذابت من المستحى
حمدوه بخبث: يابنت الحلال عايبنها الوضع ماتشوفينها شقايل تمايل عليه ضحكت فطوم في هاللحظه ولطوف انقهرت من حمده وعنادا فيها قربت من مكتوم وباسته على خده لين تركت اثر حاوطها من خصرها وكملت لطيفه بوستهاعلى رقبته لين تركت اثر عنادا في حمده اللي ضحكت وقالت: قسم بالله هالاثنين ما حفلوا حد( يعني ما مسوين سالفه لهم) ..
ضحكت صباح وقامت طلعت برى وطلعت وراها فطوم وهي منحرجة اما حمدوه قالت: مكتوموه يا طفسسس خلاااص بطل حركاتك السخيفه نبا نقعد عندها والله ولهنا عليها
بعدت لطيفه عنه وهو لف لحمدوه وهو يبلل شفاته: بالله عليج حد عنده هالزين ويخليها
حمدوه تبتسم: طبعاً لا !! بس الموضوع ومافيه انكم في مستشفى وهي مريضه لازم تسوون كنترول ع عماركم ..
مكتوم ابتسم وهو يطوقها بيديه وقال بعد ماحط راسها على اكتافه : والله الحب مايعرف مكان ياختيه ااحب في كل وقت وكل حين ..
:
مر شهر كامل ولقوا متبرع لمحمد وسووا له عملية التبرع وخلوه في العنايه أسبوع كامل عشان يشوفون مدى استجابته وتقبله للقلب بس محد يدخل عنده لين مايتم شفاءه بشكل كامل ويدرك اللي حوله،، احمد بدا علاجات الطبيعيه عشان يقدر يمشي مره ثانيه وكل يوم يتدرب عالمشي في العلاج الطبيعي ،،خوله مواصله اتصالاتها لنهيان اللي مسح رقمها عقولته ما تستاهل اسم نصفي الثاني ،، خوله لازالت على إصرارها انها ترجع نهيان لها وما بتيأس ،، خلود ماتدري من وين تبدا حياتها خصوصًا من بعد ما شافت مكتوم كيف عايش حياته،، ريمان وعوض ونايف وهند تم زواجهم بيوم واحد فقط عشا عائلي ومع سلامه كل واحد شل حرمته وطلع،، الكل عرف بخبر حمال لطيفه واستانست ام عوض وايد وأبو عوض فرح اكثر واحد بهالخبر يشوف لطيفه بنته اللي قدرت تأخذ مكانه بقلبهم بسبب طيبتها واحترامها لهم وحشمتها ومكتوم معذبنها بغيرته يوم تضحك قدام اخوانها وصاير ما ينومها الا في حضنه ويطوق عليها ،،فطوم حاسه بتانيب ضمير كل يوم تبكي وتسير عند محمد وتدخل عليه وتقرا عليه قران وتستسمح منه،، علي وايمان ملجوا رغم رفض ايمان الا انها تمت الملجة وكل شوي علي يتصل بها يكلمها وينقع البوكس بينهم وبعدها يردون عاديين ،، اما سلامه إنهارت من عرفت بزواج عوض وطلبت طلاق وماتردد عوض بطلاقها ابداً وقعدت مجابل أمها واخوها حمد اللي جلب حياتهم جحيم بصريخهً،، ومبارك مثل ما قال شل حرمته واستقر بيت عمه في الميالس ..،، نهيان متخبط بين قلبه وعقله قلبه اللي يقوله لا تفتح بيبانك لحد وعقله يقول اصبوع ايديك هب سوى وحاول ييبن ليوسف انه وده يخطب مره ثانيه عقب مارفضت فتون بس خايف هالمره يبا يواجهه خوفه ومصيره لو على حساب صحته وعافيته وتالم قلبه ..
:
:
:
في المستشفى صحى محمد بعد مازال تاثير البنج ( المخدر) عنه وأول ما اصدر صوت جهاز القلب تصفيررره قامت بخوف وهي تطالعه قربت منه وهي تقول محمد محمد حبيبي تسمعني
كان مايسمع ولا منتبه لشيء يحس بضباب في عيونه ورؤية مشوشه عنده غمض عينه مره ثانيه ولكن خلوا الدكاتره في هالوقت وحطوا له ملاحظة قراية تخطيط القلب ويتاكدون من صحة القلب وانه سليم وطلعوا فاطمه برى. اللي كانت ويا ابوها وجاسم اللي كان ملازم محمد اكثر واحد ومن شافه دمعت عيونه بفرحه ومن بشرهم علي ويوسف ان حالته وايد متطوره واحسن عن قبل كلهم قربوا منه وتحمدوا له بالسلامه.
رد بتعب وهو يتحاشا النظر لها : الله يسلمكم يارب
عيسى يضحك: يابوك زرعت الخوف فينا وماس مب عارفين ارضهم من سماهم.
ابتسم بسخريه وقال لعمه: والله مب من زود المحبه يا الغالي تراهم متلومين( متندميين) لا يلحقهم ذنبي طول العمر. وسند راسه .
انصدم عيسى من كلامع ورفع عينه لفاطمه اللي نزلتها باحراج وقال بضيق: ماعليه يا ولديه كل شي يهون.
محمد بضيق: هيه صح بس الا القلوب يا عمي والمحبه ما ينجبر قلبن على قلب مادام انها ما هوتني قاطعه عيسى وهو يقول: والله ماتطلق يا محمد واذاً على فاطمه تراها بتحبك.
محمد طالع عمه وقال: حلم ابايس في الجنه حتى لو ماحبتني مب مستعد اخلي امي تفقدني بسبب انفعال بنتك …
انا وحيدها ياعمي ومالها حد بعدي اما بنتك عساها ذخر لك انته وامها موجودين واخوالها واخواتها وكلكم لها عون وسند اما انا امي مالها حد عقبي.
تنهد عيسى بضيق وقال: مب وقته هالكلام يا محمد توك طالع من عمليه وعسى الايام المقبلات تحمل لكم في ثناياها خير
ابتسم محمد وبجديه قال: بس عمي ..
عيسى قاطعه مبتسم: لا بس ولا شي ،، اييك الله بشور انا عاطنك الضوء الاخضر شو تبا تسوي فيها سووه مرخوص..
ابتسم محمد وهو ينقل نظره لها وشاف عيونها الححمر وخشمها المحمر من الصايح رد بهدوء: مادام جي يا عمي انا موافق..
طالعته وهي مصدومه وقالت في خاطرها انا وين وهو وين انا خايفه عليه وهو يقول متندمه خايفه اني اموت وتاخذ ذنبي رد عليها قلبها هي صح هذي الحقيقه ما قال شي غلط ولا لانه كاشفنج ناويه تستوين رحيمه صاحبة الانسانيه والاحاسييس الدافيه ردت على قلبها انزين بس بعد كنت خايف عليه انه يصير له شي اختصرها عقلها وهو يقول لها انتي أصلا مصدومه انه لابسنج ومسوي لج طاف مب محمد اللي عرفتيه شكل تبديل القلب بدل مشاعره واحاسيسه توترت وبضيق ردت عليهم ( عقلها وقلبها اللي يجادلون) وهي تقول لا تتجادلون ترا بعده في وقت يمكن المخدر ماثر عليه..
:
اما عند نهيان اللي كان في سابع نومه رن تلفونه للمره المليون شل تلفونه وشاف رقم رد بضيق: الووو
خوله اللي انتفضت من صوته وبربكه: نهيان..
نهيان بنوم: هممم مضيعه بيني وبين حبيبج؟؟ شعندج داقه !! انا من الأول مارديت عليج !! ولا شبعتي من جسوم وناويه تلفين عليه .. قاطعته بغصه وتوتر: انته شفيك قلبي اختار الشخص الغلط بس عقلي وده يصحح هالغلطً..
نهيان بضيق: صححيه مع نفسج واكون شاكر لج لو عطيتيني بلوك وديليت انا قريب بتزوج وماريد اتصالاتج اللي مافيها سنع …
خوله بتسرعه: لا والله تحسي انك تاخذها
نهيان بعصبيه وهو يعدل نفسه وبصراخ: ما يخسي الا انتي ما سمح لج تغلطين عليها ويلا ذلفي .
خوله بقهر: نهيان والله ما تأخذ غيري
نهيان يحط ايده في شعره ويخلله بضيق وقهر: يعني عقب هالسنين يايتني بكل قواة عين انتي ناسيه انج كاسره فرحتيه بليلة كل ريال يتمناها خليتيني اظهر مكسور بين المعازيم وخليتيه يشفي غليله مني والحين يفرج عظم ييتيني ترا مب ننهيان اللي ياهذ فضلة حد ..
خوله بحقد: والله يا نهيان اذا خذيتها لقول للكل على الوضع اللي شفته بينكم واييب كلام من عندي وازيد بهارات واولهم اخوها بخليه ينصدم فيكم على ما سمعت انه وايد متحفظ على اخواته ويخاف عليهن من رمسات.
ابتسم نهيان وقال ببرود: تصدقين خوله بتكونين خدمتيني خدمة العمر لاني خطبتها ورفضت فاذا انتي سويتي اللي قلتي عليه بتسهلين عليه المهمه وبتكون يتني على طبق من ذهب على قولتهم يتك يا مهنا على ما تتمنى .
خوله بقهر وصدمه من كلام نهيان: سخيييف وحقييير…
نهيان: مب اكثر عنج تحيدين يوم كنت اقولج تسوين عيوني وماشوف غيرج للأسف طلعت غلطان ثرى عيرج احلى وازين ومكتسي بخجل وادب …
خوله بغبنه: والله لاقول لعلي انك حضنتها بخليه يفول لاخوها وبتقول خوله قالت ..
نهيان ابتسم وقال: صحى ضميرج ولا عرفتي قدري الحين ولا حبيتيني من عقب ما عرفتيني خاينة جاسم أي اختيار فيهم صحيح
انصدمت خوله من تفهمه ومعرفته جميع ت يدور حولها وقالت بصدق: من بعد ما احهضت البيبي واعترف لي جاسم اني ماكنت غير وسيله عشان اكسرك فيها عقب مارفضته انه ياخذ ساره ..
نهيان يتنهد : وعبالج انج يوم بتين تعتذرين بفتح لج صدري وحضني وقلبي واقولج ارحبي فيه .
خوله تبتسم: هيه نعم ما ارتجي منك غير العذر والسموحه .
نهيان يطالع ساعته وقال: أقول تعقبين وتخسين تلقين ضالتج عندي روحي للي فتحتي له قلبج وتضامنتي وياه ضدي وكسرتيني كسسر مايبرى تبيني الحين بكل سهوله انسى اللي صار ولا كأن شي استوى ،، والله بعدج لو تسوين لي غسيل مخ .
خوله بضيق: خلاص انسى خلنا نحب بعض من يديد ونبدا صفحه يديده..
نهيان بكرهه وقهر: يددوا اللي بين ضلوعج ربي بعدي انتي انسانه متاكده انج انسانه ولا من فصايل الناس …وبصراخ وعصبيه : اصححي على نفسجج تراني كل مسجاتج بطرشهن لبوج وخل يتصرف وياج شرايج وبنذاله وعقب تتزوجيني وتحبيني وبعدها احرق قلبج واخذ فتون وعينج تشوف شرايج موافقه..
خوله بصدمه واانتفاض ايديها ورجفتها ماقدرت تسيطر عليهم قالت: تعقب الا هي تاخذك مني قتلك ما ارتجي منك غير العذر والسماح بلاك انته ما تفهمني ..
نهيان: تصدقين وتامنين بالله ان ماعندي سالفه يوم انا مضيع وقتي وياج بالسوالف أقصاها كان المفروض اسوي لج بلوك وامسح رقمج من اللسته
قاطعته خلود: لهدرجة تحبها وماترضى حتى تكلم غيرها..
نهيان اللي مصدوم من نفسسه يحبها!!! ومن متى !! لا أي حب واي خرابيط !!! نحن اتفقنا نعطي بعض شوية وقت فقط تنهد بصوت مسموع وانتبه على صوتها: الله الله شو هالتنهيده عنبو من طريناها سرحت عيل هذي لو عندك شو يصير فيكً
نهيان بلا وعي قال: أنسى الدنيا والله بما فيها بس توافق
خوله انصدمت وقالت بكره حقد: عساها ما توافق ولا تشوف السعادة مع غيري .
نهيان ببرود: ادعي بلي تبينه ولج نصيب من كل دعوه باي يا حلوه ورقعه في ويهها اففففف الله يغربلها عكرت يومي توه بيقوم انتبه ع اشعار الواتس من فتون فتحه بس انصدم من اللي مكتوب قرى مره ومرتين وثالثه اتصل ردت بعد عددة رنات وقالت بهدوء: يا مرحبا والله
نهيان بضيق: يعني لازم يتعكر مزاجي اليوم انتي مب ناويه ترسيني على بر..
فتون بهدوء: والله قلت لك من قبل قاطعها نهيان بقهر وهو يشد شعره باطراف صبوعه : وافقتي !!!
فتون بضيق: لا انا ماعرفهم بس اللي عرفته من شما انه اخو حرمة سعيد
نهيان بضيق واحساس اول مره يحسه: بتصدقيني لو قلت لج احس بضيقه من قريت المسج ان في حد بيخطبج
فتون باحراج ومستحى : عاد شو اسوي بصراحه انا ماباهم انا يوم طرشت لك كان القصد منه اجيس نبضك ان كانك تباني وتحس انك مستعد تنسى يا مرحبا بك على قولة سلمان بن خالد ..
ابتسم بسعاده وقال: في. ذمتج تقولين هالكلام صادقه !!
بإحراج جاوبت: هيه والله على الأقل انا متاكده منو أبا
نهيان يفز واقف من ع السرير وقال: والله يا سعادة حظي يوم انتي لي يا بشاير سعودي يا شبيه القمر على ما قال عيضه .
انحرجت منه وهي تقول: قوم بس قوم قبل لا شما تقول ليوسف عنهم
نهيان يبتسم ويوقف عالتسريحه يلعب بالعطور اللي قدامه :زين فديتج بتسبح وبتصل على اليوسفي وبقوله
ضحكت باحراج وهي تنهي المكالمه وسكروا الخط..
:
:
مرت الأيام سريعاً وخطب نهييان فتون ووافقت وتمت ملجتهم ولله الحمد ،، خوله وخلود خطبوهم اخوان الريم مايد خذ خلود وسالم خذ خوله معنه مب مبقتنع بس عشان يسكت اهله …
:
في بيت بو سعيد
نايف طالع من الحمام وشاف هنوده قاعده على الكرسي وعاطتته ظهرها ومنشغله في اللي قدامها قرب منها وحضنها من ورى بحيث انه صار صدره لازق في ظهرها انتفضت بين ايديه وباس عنقها وهو يقول: ورب البيت اللي خلقج وفرقج عن كل العذارى اني اسف
ضحكت بين انشغالها وقالت بخب وهي تلف عليه وطوقه بيديها: مب زعلانه حبي تعودت على ثقالة دمك قدام مكتوم.
نايف يضحك بضيق وقال: والله اخوج هذا محد يعرف له غير لطوف مشكلتنهً على كيف كيفها هههههه من يوصل عندنا يخورها الله يهديه.
ضحكت بحب وهي تقول: عادي فديتك انته ماشفته شو سوى بالطيفه
ضحك وهو يبوس شفتها وقال: ماعلينا منهم خلينا في اللي نحن فيه.
انحرجت منه وايد حاولت تتهرب منه بس ماقدرت وانصاعت له بكل حب ..
:
عند علي وايمان كان ماسكنها من خصرها وقربها لحضنه زود وملاحظ برودها ومطنش، قربها اكثر له وقال: ليش !! ماتنسين ونبدا صفحه يديده مع بعض تراني احبج وبغيتج بالحلال لف وييهها صوبه ورفع ذقنها وهو حاط اطراف اصبوعه تحت فكها قرب منها وعيونه معانقه عيونها: احبج واموت فيج والله لو تمين بارده ويايه طول العمر حتى لو ما تبادرين يكفيني من الدنيا اني اشوف عيونج وانج لي تنهدت بضيق وهي تبعد عنه وتلف عنه تحاول تسيطر على عمرها وتتجاهل ضيقتها ماقدرت دمعت عيونها بقهر وهي تقول: ماحس بحساس صوبك لا انته ولا غيرك والله ماحس براحه.
انصدم من دموعها وتنهد بضيقه وسحبها بقو وارتطم صدرها بصدره وطوقها بيديه طلعت منها اخ بصوت عالي وقال بهمس: قولي لي شو تحسين بالضبط .
ارتجف جسمها وحست بضيق وخنقه من قربه وقالت بصدق وهي تحاول تنطق: اكره قربك وقرب كل ريال اشوفه ما ادانيكم .
طوقها اكثر من قبل وسمعها تقول : اب….. وقطعت كلمتها وهي مغمى عليها في حضنه بعدها علي عنها بصدمه وشاف ويهها كيفف مزرق توقع ان عندها نقص بالاكسجين وقام يسوي لها تنفس صناعي ولاحظ ارتجاف ريلها اليسار وتحرك يدها بشكل عشوائي حاول يخليها تصحصح ماقدر في هاللحظه دخل يوسف اللي شاف المنظر وركض لاخته وطالع علي: شو صار!!
رد بهدوء وضيق وهو يطالعها: يوسف اختك شكله حد مسوي لها سوأ( سحر)او مستلبسه.
تفاجآ بكلامه وقال بصراخ: انته شو تقول
علي بضيق وخوف عليها: شوف ايدها وشوف عيونها كيف منقلبات بيض طالع بالله عليك شكلها ..
يوسف بخوف: والحل !!
علي تنهد بتعب وهو يشلها بين ايديه ويحضنها له: بوديها عند مطوع يقرى عليها ونشوف شو يقول وشو يطلع وياه ..
تنهد بضيق وهو يقوم وياه وقال لعلي: وانته كيف عرفت!
علي بهدوء: يوسف مب لازم تعرف كيف عرفت حتى لو كنت اخوها ! احب احتفظ بخصوصياتها لنفسي ومابا أي حد يعرف عن موضوعها واني بوديها عند مطوع لف عليه وطالعه وكمل كلامه والسموحه منكم ومب تقليلا في قدركم بس حتى شما مرتك ماباها تعرف عن هالموضوع اذا بتسير ويايه عند المطوع زين على زين واذا قاطعه يوسف بضيق وهو يرد عليه بعد ما حطى ايده على كتفه وقال: بسير وياك بس اول نبا مطوع زين …
علي بتعب وهو يطالع يوسف : يلا في واحد في دبي اعرفه زين وان شاء الله انه ينفعنا .
يوسف يربت على كتفه: يلا توكلنا على الله
علي بعد ما شلها بين ايديه واتجهوا لسياره ويوسف لمح الضيق فيه وقال: علي توكل على ربك وبينخل موضوعها ان شاء الله
هز راسه علي وفي داخله يقول حسبي الله على اللي ضرج..
وصلوا دبي واتصل علي بالمطوع وقاله تعالوا لي بعد ربع ساعه ..
لف يوسف عليها وشافها كيف تحرك وكيف تفتح عيونهها وترد تسكرهنذاعتدلت بيلستها وقالت ببتسامه: وين بنسير ..
استغربوا من تغير صوتها ولف يوسف عليها وقال: ايمان حبيبتي وقاطعهم صراخها وهي تقول: ماباه قولوا له ماباه والله مابااااه اه اه ولفت على علي وهي تمسكه وتقوله ماباااااكككك مابااااااكككك بعدها يوسف بقوو ولفها بحضنه وهو مستغرب اول مره يشوفها بهالحالة ضربت صدرر يوسسسف وهي تردد ماباه لين اختفىى صوتهااا لف عليه علي وبهدوء قال: شفت حالتها وتقولي بعد شدراك انها متضرره .
هز راسه بضيق وقاله علي: لا تحاول انك تقرا عليها وفر طاقتها للمطوع…
وصلىا عند بيت المطوع ونزلوا ودخلوا في الميلس وكانت لايسه شيله وعباه ومنزلنها يوسف وهو شالنها بين ايديه تكام علي وقال: والله يا مطوع نحن ييناك اليوم نباك اشوف حالة حرمتيه صاده عني ومب موافقة كانت على زواج وجبرناها على الزواج والموافقه والحين هي ترفض قربي
طالعها المطوع وقال: هي نايمه
يوسف بهدوء: مغمي عليها
علي : صح يا مطوع بدا بتغير صوووتها .
هز راسه وقال : توقعوا أي ردة فعل منها وحاولوا انكم تتمكنون منها وتمسكونها وبدا يقرى المطوع ويقرى ويقرى فتحت عيونها فجاه وهي تصارخ وتتلفت عليهم وهي تقاوم مسكاتهم وانسدحت وصارت تتكلم وتغير صوتها واللي فيها تكلم وقال: لا تقررررررا علليييها والله ان قررييييت اجتلها والله !!!
رد عليه المطوع: انته منو !! وليييش دخلت عليها هي ضرتك !!


رد على المطوع وقال: انا عشيقها اللي عامي عيون ناس عنها الا هذا ما قدرت عليه انا قاطعه المطوع: من وين دخلت!!
رد عليه: دخلت فيها ولاتسال عن شي
المطوع بدا يشد عليها في القرايه ويحرقه وهو يقول: اعترررررف وعليك الأمان
نطق وقال: كانت وحده مسويه سحر لاي وحده من اهل يوسف عشان تكرها في كل ريال وتكره قربه ورشته مقابل دوسة الباب وكان اول من يخطي على السحر المرشوش هي فصرت من نصيبها ولكني ماضريتها انا احبها وعاشقنها وما بطلع منها للابد وانا مابا يصير بينهم شي ولا يقربها
في هاللحظه حس علي بانه الغيره في قلبه بتقتله يعني اللي فيها واحد ويحبها مشاركني في حبها وقربها

المطوع بهدوء : اطلع منها !!!
اللي فيها: لاللاللالا ما بطلع انا صرت عاشقنها
المطوع: اطلع وعليك امان الله وقولي وين الرش حاليا عند أي باب .
الجني وهو لازال يحترق بالقراآن اللي بدا يقراه المطوع
وتم يقرى عليه ويقرى عليه لين صرخت صرخه وهو يقول والله اكسر ظهرها شوفوا ان طلعت منها تراها بتموت
المطوع قال : اطلع