تردني شيمة اهلي ماتخليني اتبع دروبك ودرب العز دليته txt | للكاتبة فزة حمامه

حضور طفله..تلفها نسمات تائهه
وريق يتأرجح بين الحين والآخر
وقرارات ليست بسهله.....تعزف ألحان غامضه
ترمي بها في بحر لظلمات
لتنقطع الأنفاس...ومن وتيرة الموت تهذي
ولنبدأ الروايه معاً
فاطمة:هههههههههههههههههه
عايشة:ششششش سكتي فضحتينا...هذه ويه النحس نزلت
من غير ماتوقف وتلتفت لهم مشت بسرعه وبإيدها
شنطتها ..ودموعها ع خدها سكايب
فاطمة:وييييه بلاها هاي ماتسلم!!
تبتسم عايشة بخبث:فدييته حمودي أكيد طلقها
فاطمة:هههههههه والله إنج داهيه إذا صدق طلقها
طنشتها عايشة وهي تبتسم للشخص النازل من
الدري...مثلت ببراءه ومشت صوبه
عايشة:حمدان شفيها علياء.؟؟؟طلعت وبإيدها شنطتها...أكيد
تهاوشتوا...هاي مول ماتيوز عن طبعها الخايس
حمدان بعصبيه:قصوري أضوي بعد هـ الأشكال بيتي
عايشة:وييييييه ليكون طلقتها!!!
حمدان:هيه طلقتها...وماأبي أسمع سيرتها من هـ اللحظه
بعد ما طلع حمدان...ضحكت عايشة بصوت عالي.
عايشة:هههههههههههههههههههههه
قامت فاطمة من كرسيها وتقربت من أختها
فاطمة:والله قمت أخاف منج شردتِ زوجته الأولى وألحين
هاي الثانيه...الله يغربلج إنتي صدق شيطان بصورة إنسان
عايشة:ههههههههه قولي إبليس هههههههههههههههه
عايشة وفاطمة ...خوات حمدان ...وكل وحده شرها أكبر
عنها..يحبن أخوهن حمدان بشكل فضيع...ماعندهن أخو
غيره...عرسن وتطلقن ...لاعيال ولاهموم...قاعدات بالبيت
لاشغله ولامشغله..تتراوح أعمارهم بالترتيب
حمدان:29 سنه وفاتح له شركة كبيرة...معروف إسمها ولها
وزنها بالسوق..يحب خواته ومايرفض لهن طلب..خصوصاً
عايشة...وللأسف الشديد يصدق أي شيء تقوله
عايشة:27 سنه كل همها تزوج أخوها وتطلقه..بعد مايكمل
مع زوجته 2 شهرين أو 3 شهور
فاطمة:25 سنه تحب تساعد أختها في خططها وتنفذها
بالحرف الواحد
أمهم وأبوهم عايشين معهم بالبيت بس وجودهم وعدمهم
واحد...الأب بشغله ومشاريعه اللي كل يوم يتغرب عن بيته
وأهله بسببها...والأم ماخذتنها الدنيا...وكل أسبوع مسافره
وتتبع آخر صيحات الموضه
بمكان ثاني
حصه...في بيتها المتواضع...مع أهلها...قاعدة ع سفرة
الطعام ..أبوها طاعن بالسن ومتقاعد..وأمها قايمه بتربية
أخوانها ناصر 12 سنه وحور 4 سنين...وبما إن حصه بجرهم
عمرها 20 سنه ومسؤوليه البيت كلها على عاتقها...وبـ
الرغم من كل هاا إلا إن البسمه ماتفارق ويها
البريء ..بخبركم شوي عن حصه
حصه بنيه جميله وملامحها بدويه فيها الشموخ والعز تاج ع
راسها..واللي يشوفها يعطيها أصغر من سنها.
بوناصر:هاا بنتي اليوم طالعه الشركة عشان التوظيف
حصه بتوتر:هييه أبويه...بس إنت إدعيلي..يقبلوني..وأفتك.....
كل يومين أفتر بـ الشوارع وأدخل شركة شركة
عشان أحصل على وظيفه
بوناصر:الله يوفقج يابنتي
شوي وتدخل أم ناصر وبإيدها صحن الجام
حصه:يالله أنا أترخص
أم ناصر:قعدي بنيتي ماتريقتي
تقربت حصه وباست أمها ع خدها وراسها
حصه:ماأقدر الغاليه حدي متوتره...يالله فمان الله
طلعت حصه من البيت...وهي تركب مع رفيجة عمرها
وصديقة الطفوله
شوق:هلا حصوص شخبارج
حصه:سكتي الله يخليج حدي متوتره وحفزانه
شوق:اهدي واخذي نفس...وإن شاء الله ...الله بيوفقج
حصه:ماأدري ياشوق..بس فكرة إني رايحه شركة حمدان بن
سيف الـ ****** ...تخليني أرتعب وتسوي عندي اضطراب
بالمعدة....
شوق:ههههههههه
حصه:شوق واللي يعافيج سكتي
شوق:حصوص مايسوى عليج..كلها مقابله وتعبين بيانات.
حصه:تمتم بكلمات مب مفهومه
بعد ماوقفت شوق
شوق:يالله حصه وصلنا.
نزلت حصه بكل هدوء... بينها وبين نفسها...تسابق دقات
قلبها من التوتر اللي بياكلها...دخلت المبنى..بكل وقار..كانت
محتشمه بلبسها..متحجبه بطريقه مرتبه....التفتت تدور ع
المكان اللي يستقبلون المقدمين ع الوظايف
احتارت بأي مكان تروح...كانت نظرتها مصوبه ع الرسبشن
اللي متروس شباب ماعرفت كيف تتصرف...بس حظها
الحلو ..انتبهت ع بنيه تدخل غرفه من الغرف تبعتها وهي
شايله بإيديها فايل فيه كل أوراقها وشهاداتها ..ابتسمت
بخجل ودخلت بس سرعان مااختفت إبتسامتها..وعقدت
حياتها...كانت الغرفة متروسه بنات..ماعرفت شو
تسوي...خصوصاً يوم قرت ع الطاوله...لانستقبل طلبات
وظايف..حزنت بداخلها...تحطمت آمالها..طلعت بألم من
الغرفه...وهي تردد بخاطرها..شسوي ؟؟ألحين وين
أروح؟؟؟بس فجأة خطر بالها تكلم المدير عل وعسى
يشغلها...سألت موظفين الإستعلام عن مكتب المدير وقالوا
لها بالطابق الخامس...صعدت فوق..ولأول مره حصه ماتحس
باي خوف...بأي توتر...يمكن عامل الثقه وإصرارها ع
الشغل..شجعها...دخلت المكتب وسألت السكرتيره عن المدير
إيمان:نعم أي خدمه؟؟
مدت إيدها حصه بكل احترام:وياج حصه الـ******
إيمان:تشرفنا؟؟خير أختي بغيتي شيء
حصه:ممكن أقابل المدير
إيمان:المدير بعده ماوصل...خبريني شتبين وأنا أقول
له..وبعدين حتى لو هو موجود مستحيل تدخلين عليه
حصه بإستغراب:وليش؟
إيمان:ماقريتي اللوحه قبل ماتدشين
التفتت حصه وراها
ببراءه:لا
إيمان:حبوبه اللوحه تقول ممنوع دخول أي موظف ماله أي
أحقيه بالدخول
حمدان:السلام عليكم
التفتت كل من حصه وإيمان:وعليكم السلام
عصب حمدان من دخول حصه لمكتبه بس ماحب يقول شيء
جدامها:إيمان هاتي لي البريد وطلبي لي نسكافيه
إيمان:إن شاء الله إستاذ
حصه من غير إحساس:لو سمحت ممكن إستاذ
التفت لها:..................كااااااا اات
كنت بموت من الخوف من نظرته لي...بس شيء بداخلي خلاني أثبت وأسوي الشيء اللي يايه عشانه
بلعت ريجي وطالعت إيمان كرد فعل طبيعي..فهم عليّ إني ماأبي أتكلم جدام إيمان
حمدان:تعالي معاي المكتب
ابتسمت من داخلي وتبعته ...دخلت وسكرت الباب وراي...بس انصدمت من فخامة مكتبه...كنت أجول بنظري كل زاويه وكل ركن...حسيت بشيء من الغموض...وخصوصاً اللوحات الجداريه...ماأدري احسها تولد فيني كآبه....قطع تفكيري صوته الجهوري ونظرته الكريهه
حمدان وهو يلعب بقلمه:وألحين شتبين آنسه ا........سكت شوي وبعدين قال:إلا ماقلتي لي شسمج؟
بلعت ريجي:حصه
حمدان:تكلمي أسمعج شو موضوعج بالضبط؟؟
الحقير حتى ماقال تفضلي قعدي ....امف عليه
حصه:إستاذ أنا قريت إعلان بالجريدة بخصوص التوظيف بشركتكم...وييت اليوم أقدم في الوظيفه...بس المسؤول عن إستقبال الطلبات رفض تقديم أي طلب بحجه اكتفى بالعدد
بكل برود:وين المشكله؟؟
عقدت حياتي ومسكت أعصابي:المشكله إني بحاجه للوظيفه
بعد ماقام ولع صلب زقاره وتقرب مني سكت لثواني:وييتي هنيه عشان أتوسط لج
استغربت من كلامه:لا مو صح
ابتسم بسخريه وجسف إيديه:وشو تفسرين زيارتج لي؟؟إنتي ماتعرفين صعودج للطابق الخامس بحد ذاته شبهه
حسيت إني فقدت الأمل...وإن هـ الحمدان سكر كل الأبواب بويهي...حطيت إيدي على طرف شيلتي..وشديت عليها
حصه:السموحه إستاذ....بس أنا ما صعدت هنيه إلا لحاجتي للوظيفه...لو كنت أدري بقوانين شركتك ماطبيتها موليه
عطيته ظهري ومشيت بس قبل ماأطلع وقفني صوته
حمدان:بسجل إسمج بقائمة الإنتظار...بس نزلي للطابق الأول وسجلي بياناتج
التفت له بفرح...ببتسامه شاقه الحلج...لاتلوموني...من فرحتي مب عارفه شسوي...تقربت منه بهدوء وأنا أبتسم بفرح
حصه:مشكور إستاذ
من غير مايرفع راسه:ماسوينا شيء ونحن في خدمة الشعب....بس لاتستعيلين يمكن سالفتج تطول...أسبوع...أسبوعين أو حتى شهر
هزيت راسي بالموافقه
حمدان:زين ألحين تفضلي..... بس هاا مثل ماقلت لج نزلي تحت ومري ع مكتب فيصل وعبي بياناتج
طلعت من عنده...وأنا أحس أنفاسي بدت تنتظم....هههههه لهـ درجه يخوف...بصراحه...هيه..كل شيء فيه يخوف...أحسه إنسان غامض لأبعد الحدود..
إيمان:تفضلي حصه معاي
تقربت منها:إيمان أبي أسالج سؤال؟ممكن؟
ابتسمت:ممكن ليش لا
طالعت باب مكتب المدير:ألحين هذا دومه جيه عصبي...ومايبتسم لحد
ضحكت:ههههههههه
إيمان:أصلاً الإستاذ حمدان هنيه بالشغل مانشوفه يبتسم
حصه:عافانا الله...شو هااا من الإنس وإلا من الجن
طلع حمدان فجأه
حمدان:إيمااان وين النسكافــ...
بس سكت يوم شاف حصه واقفه
حمدان:إنتي للحين هنيه؟؟
حصه بربكه وهي تمشي بسرعه:ألحين بطلع إستاذ ألحين
كتمت إيمان ضحكتها
إيمان:نعم إستاذ
حمدان:وين النسكافيه؟؟ساعه لي تيبونه
إيمان بخوف:ألحين إستاذ بتصل ع الفراش وبشوفه
دخل حمدان مكتبه ولفت نظره فايل محطوط ع الطاوله الصغيره اللي جدام مكتبه ومن بين الكرسين ..قعد ع الكرسي وقعد يجلب فيه
فتح أول ورقه كانت محطوطه صورتها وبيانات شخصيه عنها....كان حمدان منصدم...ماتوقع إن حصه هي اللي تعيل والديها وأخوانها....يعني ألحين هي بحاجه للشغل أكثر عن أي وحده من المقدمات ع الوظيفه...مع إني ماأعرف ظروف كل وحده فيهم....بس شكلها مايوحي ...والله بالي وحده ياهل مو قد المسؤوليه..أثرها مسؤوله عن أهلا وخصوصاً خوانها الصغار ........رفعت سماعة الهاتف واتصلت ع فيصل
فيصل:هلا إستاذ بغيت شيء
حمدان:وحده مقدمه ع الوظيفه إسمها حصه الـ *******
فيصل:هيه إستاذ ألحين من شوي طلعت ...وحطيت أوراقها بقائمة الإنتظار مثل ما طلبت
حمدان:لا أبيهم ألحين عشان أوقعهم ومن باجر تستلم الشغل
فيصل:شوووو إستاذ..بسـ
حمدان:لابس ولاشيء مثل ماقلت لك ألحين تيبهم لي
فيصل:مثل ماطلبت إستاذ
سكرت عنه وأنا مرتاح مبدءاً...ماأبي أظلم أحد خصوصاً أي واحد يمر بظروف صعبه

للتحميل [هنآ]

يسلمو عالطرح الرائع

وننتظر جديدك وابداعك الراقي والقيـــم

100

طرح في مجمله راقي ونال الاستحسان

دوما من تقدم لآخر

وهذا طبع الشخص المثابر



الف شكر من القلب