أسباب التجافي.

ليلة اللي جاك فيها القلب "حافـي"
.. ليلة اللي دثـّر أشواقه وشاحـك



ليلة اللي لْنزف جرحك جا تـَلافي
من عطوب الهجر جا (ينقذ) صباحك



مرتدي حبّك وَلهْ / لِه ستر ظافي !
.. ليلة اللي .. زلزلت عمقه جراحـك!



وش يدوّر غير أسباب التجافي ؟!
وشهو كونه.. يوم كان الكون ضاحك ؟



من يقول انه سلى ..مايوم خـافِ ؟
.. و انّه بلحظة نسى وإلا استراحك ؟!



قلبي اللي بالهوى لك نبض [ دافي ]
. من يقول بيوم بالهجر استباحـك ؟!



في غيابك .. يَلْعَق السّمّ الزعافِ
.. في غيابك تشربـه حاجة ( لقاحـك )



كل من قالك ضحك كاذب وهافي ..
ماضحك ياكود مرات يْتَضَاحك



صب لك حبّه قراح أبيض و صافي
.. ما ترجّى من عطاك إلا قراحك



يدمح العثرة كسبته نبض وافي
... تعتقد لو بالكذب يطلق سراحك..!



طول عمره محتفظ بك "سرّ خافي"
ما يبوحك لين نزف الجرح باحك



كانك بتنسى خلاص انسى..عوافي
بعلن الثوْره .. و بـدْحر اجتياحـك



وان تبيني أقْفي عنْك إن جيت لافي
وآتجاهل طعنتك/ ..صوّب رماحك !



اذخر اسمي للغياب و عيش غافي
ما بهاالدنيا مهمّ إلا ارتياحـك ..

منقـــولــ

قصيده رائعه اختي

ودائما تختاري ماهو رائع ومعبر

ربي يرعااااااااااااااااااااك

الله الله
صح لسآنك وزآد مقدآرك
قصيده قمه بالجمال والروعه
مميزهـ دائمــآأنتي
يعطيك العافيه
ولآتحرمنا جديدك الرآئع
ودمتي كماتحبين

موضوع يستحق التقدير

لك كل احترام وتقدير

صح لسانك ولسان شاعرها
قصيدة فى غاية الروعه والتميز
ابيات مميزة وجميلة
وتستحقي الشكر والتقدير والثناء منا ..
باقه من الورود لهذا الجمال
دمتي بود