البتــــــــــــــول

قصيده للمبدع الأمير
بـــــدر بن عبـــــــد المحسن
,,,,,,,,,,,,,,,,,,,,,,,,,,,,,,,,,,,,,,


كـل أرضٍ تشيـلـك يــا ثقـيـل الحـمـول

وكـل وقـتٍ كـريـمٍ بالـرضـا والـزعـل

وين مارحت تلقى لـك حبيـب وعـذول

ويـن مـا كنـت تلقـى مثـل ياسـك..أمـل

ياطـريـق التـرجـي والـولـه والنـحـول

والله إنـي مشيتـك... لـيـن حــد الثـمـل

مالقيت فوصولي لغيـر قبـري وصـول

ولا عرفت فحياتي مثل عرفـي الجهـل

لا تظـن المسافـر مـن يسـوق الرحـول

من وقف دون حلمـه عاجـزٍ مـا رحـل

وما لمخلوق منجا في الحذر والجفـول

مـا تصيـب السهـام ولا يطيـش الاجـل

الليالـي خـوات.. مـيـر منـهـي البـتـول

والحـوادث عشايـر ميـر ويــن الفـحـل

ليلـةٍ لـك .. وليلـه بالفـرح مــا تـطـول

وليـلـةٍ مــن شهـدهـا ذب راس الجـبـل

أتذكّر فـي عيـن الشمـس طفـلٍ خجـول

شالتـه فـي هدبهـا وقــت لـيـن إشتـعـل

أعجب الناس وهجه بالجدل والفضـول

ما دروا عن (جمال الجرح) لين إندمل

والله انـي كتبتـه فـي العطـش والذبـول

ليـن غصنـه تـعـدل بـالـورق وإعـتـدل

والله إنــي كتبـتـه لـيـن قــال الجـهـول

والله إنــي كتـبـتـه وانـتـشـى واحـتـفـل

ما أتفه الشعر كانه هالحكي اللي نقـول

لا تـعـدى المـديـح ولا تـعـدى الـغــزل

إن لثمت الزهـور وصاحبتنـي الحقـول

ماهقيت ان صافي الشهـد عيـب النحـل

مابقى في ضلوعي كـود ريـح معمـول

وثـوب شـاشٍ عليـه مـن الندامـه وحـل

ألتفـت للطريـق ومـا عـبـر مـنـه زول

فـي جفونـي تزاحـم عبـرتـي والـوجـل

طـلـت يالعـمـر والا قلعـتـك لا تـطـول

طاولـتـنـا اللـيـالـي بالـسـهـر والـمـلــل

إن تعـبـنـا نــحــب ولا لـقـيـنـا قــبــول

مـا تسـر الامـانـي .. ولا يفـيـد الـعـذل

لـكـن .. الله كـريـم وكــل هــمٍ يـــزول

ما علـى الله بعيـد .. ولا جفـاك المحـل

كـل أرضٍ تشيلـك .. يـا ثقيـل الحمـول

وكـل وقـتٍ كـريـمٍ بالـرضـا والـزعـل

لايخفى علينا هذا الشاعر بقصائدهـ المتميزهـ والرائعهـ
يعطيكـ العافيهـ

وما لمخلوق منجا في الحذر والجفـول

مـا تصيـب السهـام ولا يطيـش الاجـل


بدر بن عبد المحسن مبدع
وانت مبدعه بختيارك الرااائع

الله يعطيك العافيه ع القصيده

كلمات جدا عذبة .. تحتوي مشاعر جيَّاشة
ومفردة جدا راقية ..
صح لسان هذا الشاعر
وسلمت يمينك لنقل ماراق لك

مودتي

نقل رائع يالغلا وشاعر كبير يستاهل دوما التصفيق لروعه مايطرحه

مشكـورهـــــــ

تسلمي على المرور
عزيزتي ملامح خجوله
لاعدمته

مشكور أخوي عود
على المرور
لاعدمته