{<<<<<{ عمرها عشرين }>>>>>}

[poem=font="simplified arabic,5,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
طاح قلبي في هواها وأنا توي صغـــــــير = عمرها عشرين وأنا أصغر بأربع سنـــــــه
وأمتلكني حبها غصب وأصبحت الأسـير = والذي مثل سنى الحب يكشف معدنــــه
كنت أعرف إن الهوى كايد ماهو يســير = وأعرف إن الحب ماهوب حاجه هينــــه
لكن إني قلت يمكن ألاقي لي مصـــــير = وأرجع أحاول وأدور من الهرج أحسـنـــه
وهي تجاملني وأنا أقول هذا ما يصــــير = لازم إن اللي في القلب تنّطقه ألســنــــــه
قالت الموضوع كلّه على بعضه عســــــير = لا تحسب إن الهوى في حياتي هيجنـــه
الهوى في عالم الحب كم عذب كبـــــير = وكم تمتع به من الناس عبر الأزمنــــــــه
وأنت عادك بأول العمر وأمثالك كثــــير = ينتشيهم داعي الحب فأحذر تأمنـــــــــه
قلت يا زين الوصايف أنا مثلك خبــــير = وأدري إن الحب ما كل شخصٍ يعلنـــــه
وأدري إن الحب عند البدو في قاع بـــير = وأدري إن الحب في القلب يبقى موطنـــه
والهوى وإن صار من ناحية شخص فقير= ينتهي عمره ولا فاد من الحب أسمنـــــه
والغني لو كان مطلبه في بنت الوزيـــــر = جابها والناس حوله يسار وميمنــــــــــه
وإن حصل له منصبٍ عاليٍ ناسب أمـير = لكن اللي مثل حالي يزيد الونــــونــــــه
فأقبلي حبي ورؤفي بحالي يا أ........ = وأرحمي من كان صدق النوايا ديدنـــــــه
قالت أستأذنك بأمشي وباكر وعد خـير = وإن حصل ما جيت علمي معك تكفى صنه
لا تشمت بي العذاري ومعدوم الضمــير= وأعتبرني كنت حلمٍ ولا تصحى منـــــــــه
قلت حاضر يا حياتي ولا في العلم ضير = وأنا مؤمن بالمقادير وأنتي مؤمنــــــــــــــه
والحقيقه كان حلمٍ ولكن حلم غــــــير = وأكثر الأحلام في بعض وقتي ممكنــــــــــه[/poem]


بقلم محبكم
رفيق الأحزان

الله يعطيك الصحة والعافيه

شرف لي بان أقوم بالمرورعلى متصفحك الكريم

أتمنى...
قبول ذلك

تقديرآ لمجهودك

محمدالحريري

صح لسانك

ننتظر القادم منك

الله يسعدكم جميع
اسعدني تواجدكم الرائع
الف شكر على مروركم الطيب
تحيااااتي
رفيق الأحزاااااان

كلي سعاده بهذا الطرح

ومرور فقط للاعجاب بمالدديكـ

الف شكر