أنتهينا بـهالسهوله أنتهينا ياحرام

{ أجمع أجمع ياخفوقي مابقالك } من حطام
وأسكب أسكب عبرتن طاحت على فرقا خليل

وأسلك أسلك ياعشيري درب كاسيه الظلام
ماتشوف النور عينك لاتشوف إلا القليل

شاعرك هدهـ خليله مايفكر به حرآم
من فراقك قايل أنه بيح هجرانك عليل


لاتقولي غير قولي كذب يهتز النظام
وقفي لـ القاف يكمل وأحكمي بقولن وقـيل


ماتـركتك لليالي ولآ تركتك للمنام
ولاتركت الثوب مسبل مارفعته لـ الشلـيل

كل ماقلتي نهايه كل ماقلت أحترام
وبيننا الايام تشهد ترتوي بـ كلمه ذليل


كل ماحاولت أبنسى واكتم بـ صدري كلام
أنصدم من قول حرفك وأتجرع سلسبـيل

ثم تقولي خاين العشره جحدني والسلآم
وأرجع لـ أول مواضي الامر ودموعي تسـيل

من هجرتيني وانا في حال ماهو مايرآم
ولك تطوع كل صمتي فيّه أبـ ظلن ظليل


أنتهينا بـ هالسهوله أنتهينا؟ ياحرااام
دام ذا ردك عليه { كذب } من كثرهـ قلـيل

أنتهينا وأرفعي درع التفوق والحــــــزام
مع شهاده شكر من عذال فرقانا تخيل

والنهايه هي نهايه كل عشقن مستهام
قبل ماتظلم تأكد قبل ماتكتـــــال كـــيل