باص البنات

ياسيـدات وآنـسـات وعانـسـات
مدينتـي ملـي تـبـي تحتلـهـا ..؟


تسابقـوا سبـق المهـار الصافنـات
اللـي تطايـر فالهبـوب أقذلـهـا ..

يغريكم الشاعـر وتنسـون الصفـات
وأكثر شواعير الخليـج ..سفلهـا ..


من لاعشقنـي ذات يفقدنـي سمـات
عن كثـرة احبابـي كفانـي قلهـا ..


تسابـقـوا والأولات ؟ الخـاسـرات
ماعـاد أقبلهـا شلـون أقبـل لهـا..


ماعـاد فـي قلبـي مكـان لذكريـات
وماعـاد فعيونـي دمـوع أهلهـا ..


أنا بقايا رجـل مـع كـوم احزيـات
تتلـه حبـال الحـزن و يتلـهـا ..


استهلكتنـي ام العـيـون الـذابـلات
اللي ماتعـرف دقهـا مـن جلهـا ..


أخرى ،، ولكن غير كـل الأخريـات
تعطـش نباتـات الـدروب لطلهـا ..


اليا أقبلت كنها تخطـا مـن حصـات
وان ادبرت كن السحـاب أتشلهـا ..


الفاتـنـات السـاحـرات الغانـيـات
عندي ماتسوى خصلة من خصلهـا ..


فالليل صبح ولا اصبحت عقب المبات
توخـر الشمـس وتجـي محلهـا ..


ياشيب عينـي يالوصـوف الخافيـات
بقولهـا لـو قومهـا تفطـن لهـا ..


أحبـهـا حــب البـنـادم للحـيـاة
وتسيء لي وأبرهـا وأحسـن لهـا..


أنـا غريـب ومجرياتـي مجـريـات
أبيها ، ، وادعي ربي يسهـل لهـا ..


أحـب نفسـي كـل ماشفـت الطغـاة
تستـخـدم العـالـم وتستغلـهـا ..


يالصبر .. والأنفس شحاح ومكرمـات
تدلهـا والا أنـا الـلـي ادلـهـا ..


خذنـي مـن يدينـي بـلا مقدمـات
أنا صديق أقسى الـدروب وخلهـا ..


أنـا جهـه بلحالهـا غيـر الجهـات
تكسرني الدنيا وأنـا اعـدل لهـا ..


أنا اكثـر إنسـان ايخلـق مبـررات
ياكـم علاقـه تنطـوي ،،وأفلهـا ..


حليت فالإنسـان وااااجـد معضـلات
اللئم حاجـه مـا عرفـت أحلهـا ..

بااصادق الحيـوان وامشـي فالنبـات
ولا بشـر تنـذل لـلـي يذلـهـا ..


الناس في عصر الأسـف والإنفـلات
ماعاد بـه زلـه ماهيـب تزلهـا ..


ماعاد تفـرق فالحقـوق و فالهبـات
تعمل معاهـا تحسبـك تعمـل لهـا ..


الشارع المليـان غـش و معطيـات
أن مـا تسامـى بالقلـوب يعلهـا ..


ملغي الرمادي من ظـروف الكائنـات
ما عنده الا اسوأ لها .. وأفضل لها..


يالثائـر اللـي منجياتـك مهلـكـات
مابه سيوف اصلا" عشـان تسلهـا..


مادام صار البحـر قسمـه واعطيـات
أغـرف بيـدك مايعـادل بلـهـا ..


مابه ثبات الا على انقـاض الشتـات
والاحلام لذتهـا قبـل توصـل لهـا..

واجمل من الاحساس من بعد الصـلاة
احساسك اللي قـال قبلـه صلهـا ..


صداقتك مـع شعـورك .. عـز ذات
وخصومتك مع الحثـال .. تجلهـا ..


يامنقض جروح الخفـوق المرمسـات
رااااااااااااحت حياتك ، ،قلها في قلهـا


جعلك فدا اللي عاش ربح ،، ويوم مات
خسارتـه علـى القبيلـه كلـهـا ..


والا أنت لو تركب مع بـاص البنـات
مــادورن عبيـهـا و شيلـهـا ..


عن الكلام الشيـن يازيـن السكـات
نـاس ماتوصـل مستواهـا خلهـا ..


تعـلـم ان الله خلقـنـا طـبـقـات
والنـاس تعلـو لاتناقـص غلـهـا..


فاليا جلست فمجلسـك مـع الخـوات
خـل الرجـال اللـي يظلـل ظلهـا..


خلو سوالفكم عـن آخـر الأغنيـات
و هذا بغى هـاذي و هـذي ملهـا..


المجـد لـو إنـه يجـي بالأمنـيـات
سادوا على اعزاز الرجـال أذلهـا ..

قيييثاره (عنود)
تَوَاجُدِي لَيسَ إِلا لأُعطِيَ نَفسِيَ حُرِّيَة إِستِنشَاق العُذوبَة والإِنتِقَاء المُتَرف
لِذَلِكَ أتَوَاجَدَ هُنَا
ولِشُعُورِي أَيضَاً أَنَّ هُنَالِكَ نَبض لازَال يَرغَبُ بِالكَثِير
بَعضُ الصَفَحَات تَمنَحُ أُكسِجِينَ إِضَافِي
مودتي لقلبك

كالعادة إبداع رائع

وطرح يستحق المتابعة

شكراً لك

بإنتظار الجديد القادم
دمت بكل خير

ابيات َرآئعه وَحرْف جميل
فيٍ سطٌورْك نطًق كٌل تمٍيز وإبِداًع
لَكِ ذآئقَه منفَرْده علًى َعرْش الجَمآل الحَرْفيِ
جُورْيِه حمَراَء لِ رٌوًحْك ~|

الله يعافيك سلمتي

جلب جميل
وأسعدني محتوى الموضوع
لأن فيه فائدة

أحب اشكرك على هذا الجهد


فائق :
احترامي وتقديري




اختك
جنون ( نبض قصايدليل )

عافيه عليك وعلى الطرح الراقي
لاحرمك الله رضاه

لك كل
تقديري واحترامي

مجنون قصآيد

يعطيك العافية طرح في قمة الروعه و نال الاستحسان
وعم الجميع بالفائده

لك الشكر والتقدير

نجم

أبدعتِ وتألقتِ
سلمت لنا يمناك على كل حرف خطته
على كل كلمة رسمتيها
عذرا لتقبل عباراتي المتواضعة
فلم اجد الحروف التي تليق بسمو قلمك
التي قد تلملم ردا يناسب روعة ما قدمته
لكِ ودي و تقديري

.
.
كنت هنا
دلـــــــــع

طرح رائع قلبي

وربي مايحرمنا من تواجدك وجديدك الراقي