كثير اللي تمنانـي وطلـب ودي ولاجيتـه

كثيـر الـلـي تمنـانـي وطـلـب ودي ولاجيـتـه
ازعلهـم وابكّيهـم واراضـي منـهـو اشقـانـي

أنـا بانـدم علـى خـل ٍ رجانـي حــب وخليـتـه
ولا بانـدم علـى منهـو رجيتـه حـب وخلانـي

صحيح الوقت ياصـاح يبيّـن كـل مـا اخفيتـه
وانـا كلـي غـلا اعطيـت وبالـجـرح تجـزانـي

انا من وقت ما شفته وعشقته حيل وحبيتـه
فديتـه غالـي العمـر وملك قلبي ووجدانـي

عطيته وما حسبت حساب جروحه وتحاليته
وقلـت الله علـى خـلـي هـديـة ربــي وجـانـي

مـا دام الغـدر إسلوبـك وحبـي لــك تناسيـتـه
دخيلـك امسـح ارقـامـي واسـمـي وعنـوانـي

انـا مالـي بحـب أبـكـم جيـتـه وكــم ترجيـتـه
طلبتـه يقـول احـبـك بــس ولكـنـه تناسـانـي


غريبـه دنيتـي والله غريـب الـحـزن عانيـتـه
غريبـه حلمـي يتحطـم وعمـري كلـه اعانـي

انا الطيبه من عيوبـي وصدقـي طفـل ربيتـه
وعلمته على الاخلاص لكل إنسـان ماشانـي


خسـاره مـا بـدر مـنـي لـكـل إنـسـان رديـتـه
خسـاره ليتنـي فـكـرت قـبـل اخـتـار خـلانـي

أنا آسف..أنا آسف يـا أغلـى شخـص حبيتـه
ابرحل واترك العالم واعيـش الفرحـه ثوانـي


أبرحل في سما عشق ٍ بكـل إحسـاس ناديتـه
وابرحل عن عيون الناس وعن حب ٍ نساني