دمعتي واحرجتني

السلام عليكم ورحمة الله وبركاته
اطرح لكم هذه الكلمات ولقد كتبتها على عجاله
والمعذره لو حصل فيها قصور
وتحياتي للجميع

يادمعت ن من فوق خدي احرجتني=
خلتني اصغر بين ربعي والاقراب=
كله من اسباب التي صوبتني=
راحت وخلتني طريحن بلا اسباب=
ياليتها راحت ولا ودعتني=
على الاقل اقول من ضيم الانشاب=
لكنها بعد الغدر صارحتني=
قالت خلاص الحب من خاطري طاب=
ياليتها في مامضى فارقتني=
على الاقل ارتاح من هم واتعاب=
وانا قسم بالله ماحلفتني=
اني احب اترابها واهل الاتراب=
واحب منهو حبها واتركتني=
واحب منهو جارها باب بالباب=
واحب طاري حبها لاطرتني=
وعشقت دمعي لجلها فوق الاهداب=
وفيت ولاكن للاسف ضيعتني=
وراحت حياتي بين طعنات وانياب=
اسقيتها حالي العسل وانكرتني=
واسقتني اللوعات من طعن وعتاب=
واليوم جتني بالغدر بشرتني=
يامرحبا الفين بطعون الاحباب=
يامرحبا باللي على الموت خذني=
الموت طيب دام هذا الهوى طاب=
وصيتي لامت تحضر لدفني=
وقولولها ميت من الحب منصاب=
قولو لها لامن بكت واذكرتني=
تصبر وتتحمل متاهات الاغراب=
وخلو دموع اعيانها فوق متني=
وتخالط الدمعات دفني بالاتراب=

كلمات
ابو هاجر