كانك تشك بقدرة الله وبوجـوده فـي عـلاه

الموقف اللي يزعل الشاعر ويبحث عن خفاه
ويخلي الشاعر يجيب اقسى هجـاه ويجملـه

اقصد كلام اللي لحق قدسية الله فـي سمـاه.
شكك بعدله ويتحـدى افضـل نبيـاً مرسلـه

هذا هو اللي يقدر الشاعر يبدع فـي هجـاه
يرمي عليه اقسى واشد من السهوم المرسله

كانت تدوره الرمـاه وبـان راسـه للرمـاه
.واصبح هدف من قرد حضه كل سهـمٍ ينبلـه

هذا كلامه تقشعر منه الجلـود ومـن غبـاه
.عاد يتعذر يحسب ان العـذر ممكـن نقبلـه

ناطا على خشم المنافق لجل يعلم مـن وراه
ونلقنه درسٍ لغيـره فـي السنيـن المقبلـه

الهيس الاطوق صنعة الفكر اليهودي واعملاه
.متمردٍ لا رحـم ابـوه ولبـو فكـراً يحملـه

يالملحد الزنديق يالكبـش الفـداوي للطغـاه
.يا لص يا طرش البحر والعلمنـه والمهزلـه

يا حمزه ابن الكشغري مالك وجودٍ في الحياه
.عمرك دنت منه المنايا كـود ربـي يمهلـه

وان امهله ما عن حسابه لا مفـر ولا نجـاه
.قامت عليك القارعـه والجاثيـه والزلزلـه

كانك تشك بقدرة الله وبوجـوده فـي عـلاه
.اللي عطاك الروح منهو كيف عقلـك يجهلـه

ان ما عرفت الله تعالى فانت عقلك في فـلاه
.يلعب بك الشيطان لعب ويحذفك في المزبلـه

اللي خلقك وصورك لو كان عينك مـا تـراه
.ياجب عليك انك تعرفـه فـي كتـابٍ منزلـه

عمى تسائل يا مفكر عن حسابه عـن نبـاه
.اللي يكذب بالجحيـم يغـز راسـه باسفلـه

وان كان ما ودك تصلي ليش تهزاء بالصـلاه
.من لا قبل ربي صلاته ما قبـل منـه عملـه

اما نبـي الله محمـد عبـد ربـه مصطفـاه
مهوب عرضه لانتقاداتـك وضـرب الامثلـه

الله هو اللي خص عبده بالرساله واصطفـاه
.واكرم مقامه بالكتاب وعـز دينـه واكملـه

واللي يخالف سنته وش لون يطمع في لقـاه
.منته بقـده لا تصافـح رد كفـك واغسلـه

النجس مثلك ما يناظر صفوة الله فـي انبيـاه.
ماواك نار يرتطـم فيهـا الحجـار وتشعلـه

رح صافح البابه وقسيس الكنيسـه واوليـاه
واكل لحم خنزير واعقب خـل عنـك البلبلـه

واعرف مقامك ضايع اصل وفيك ريبه واشتباه
.ودك تفلسف في الثقافه ميـر جبـت محثلـه

بثيت سم مفكراتـك فـي التطـرف والاسـاه
ثورت بركان الغضب ثـارت عليـك القنبلـه