للحين ماحسيت بالشوق ..معقول !!

#1 01-01-2013

هالحين لي يومين .. لا آكل و لا أنام=
من قلب ما ينبض .. و تفكير مشلول

أرسم على الأحلام .. و تعوٌد أوهام=
و أحاول أجلي هم .. و يصير مدبول

أطبق .. أركان الشريعه و الأسلام=
و أقول: ..(مايكتب لي الرب مقبول)

والا أنت لا مريت في روس الأقلام=
أشق لك صدري من العرض و الطول

و أستقبلك مثل البشاير للآلآم=
و أرسمك قدامي من الورد .. وأقول:

يكفيك .. بصمة قلب .. عن بصمة أبهام=
للحين ما حسيت بالشوق.. معقول!!؟

يا اكبر غلا .. و أجمل طموحات و احلام=
يا أصدق وعد ..و اصعب نهايات و حلول

زهمتني .. و الشوق و الحب قداااام=
أسأل خفوقك .. ليه جيته على طول؟

جيته لان الحظ .. لا طاح .. ما قام=
و أنت امنية من قام حظه .. على أصول

يعني أنا لو أسبق الريح .. ما انلام=
و اللوم .. ما ينفع معه حلم مقتول

يا سيدي .. و ضلوع صدري لك خيام=
و الروح و التفكير و الصبر .. لحوووول

أبك أنت قاسمني يجي .. خمسة اقسام=
حتى السنه صارت بعد .. خمسة فصول

اقول لامني لقيتك .. كذا عام=
مرت على قلبي وهو شبه مفصول

و اليوم أنا لك .. و المشاعر .. و الايام=
هذا أعترافي .. و انت قل لي وش تقول؟

أسمك و رقمك .. غير الاسما و الارقام=
و أحساسك الأعذب معي صار .. مشغول

الارض .. تقطعها مسافات الأقدام=
لو فوق الأرض جبال .. و تلال .. و حمول

و لو يمسح الدمعات .. منديل الأيتام=
مسحت قلبي .. بأقرب أنسان مجمول

و لكن الصدفه! .. من اعوام لأعوام=
ياما تضم قلوب .. و تفرٌق عقول

فإن شفت باب القلب .. مقفول بأحكام=
تراك فيه .. و فعلاً الباب مقفول

أبعشقك .. و اهواك .. حتى لو انضاام=
خطاااي .. و أستاااهل .. و انا عنه مسؤول

01-01-2013

صح لسانك ولسان شاعرها

01-01-2013

01-01-2013

يعطيك العافيه ع روعة وجمال
هذه الابيات ..تمنيت انها ما تنتهي وانا اقرأها
صح لساااااااااااااااااانك + تقييييييييييم
جزيل شكري لك
دمت بإبداعكـ،
مـــــودتي