الحياة مستمرة ... بقلمـ جنون أنثـى

الحياه مستمره وحلوه ماراح توقف على حزن او فرح اي شخص
وعشان تعيشها لازم تضحك وتفرح وتسولف وتجامل
بالاول راح يكون ع حساب نفسك
وبعدها بتتعود تلقائيا
تتعب بالبدايه لانك صغير وبعدها بتصبر وتقوى
واهم شي تتعود عليه
حلو لو تكون قوي وبلحالك
عشان اذا تعرضت لاي موقف ما ترفع الرايه وتستسلم
او تلجا لاي احد من اول معركه
لان بالاخير راح تصفي بروحك
ويوم تحزن كارثه ..!
لان الحزن راح يجر حزن
والعمر يمشي وماراح تحس فيه الا متاخر
التفاؤل حلو ..
ولو طال العمر او قصر غير نصيبك ماراح تاخذ
وش هو له تعني روحك وتكدر خاطرك
وتقول ابيه هذا وما ابي ذاك
اللي مكتوب بالجبين بتراه العين
بس مو معناته تجلس وتقول باانتظر وش بيصير فيني ..
واي مشكله بتصير معاك خذها ببساطه وبحكمه
وحلها بعقل ولا تقول او تحكم بشي الا اذا :
حطيت موقفك بموقفه ... لان اللي ما ترضاه لروحك لا ترضاه ع خلق الله
وما تكون ظالم احد وتنام مرتاح ومبسوط ..اهم شي محد يدعي عليك
او تدمع عيونه منك
الطيبه .. اشوفها مصيبه
اللي تعود عليها مستحيل يزعل او يتضايق او ينعمل له حساب
ماراح ينشاف ابد وبيكون اخر شي بالعدد

وبالاخير السعاده بالابتسامه غير اثرها الصحيه عليك وزياده عليها صدقه
فـــ خليكم متمسكين بالابتسامه عساها ما تفارق شفاتكم

واسفه ع كثرة كلامي وانا اصغر من ان اعطي دروس
بس حبيت اذكر بالنقاط المهمه الغافله عن النادر هذا اذا مو الاغلبيه ...،

بقلمـــــي
جنون أنثـى ..،