كيـكـة البـاونتي ................. لذيذه ..

سلام جميعا
اخباركم عساكم بخير

كيكه الباونتي عباره عن ثلاث طبقات
الطبقه الاولى كيكه شوكولاته......

المـــــقــــــاديــــــر:
4 بيضات +رشه فانيليا+م ص خل
كاس سكر
نص كاس زيت
كاس حليب سايل
كاس ونص دقيق منخول
3 ملاعق كاكاو بودره
ملعقه بكنج بودر

وهذي صوره الاغرااااااض

الــطــريــقــه:
نخفق البيض مع الفانيليا والخل والسكر لمده 10 دقائق

بعدها نضيف الزيت والحليب

نوطي سرعه الخلاط ونضيف الدقيق والكاكاو والبكنج بودر

وهنا بعد ما خلصنا خلط/حوسه لا تدققون

وبعدها صبيتها بصينيه الفرن بس فيه ملاحظه كميتها كبيره شوي عشان كذا حطيتها بصينيتين
ندخلها بفرن مسخن مسبقا

وهذي الكيكه بعد ما طلعت من الفرن

نرووووح للطبقه الثانيه اللي هي خلطه الباونتي

المــقــاديـــر:
2كاس جوز هند
3ملاعق سميد
2كاس حليب سايل
ربع كاس زيت
بياله سكر

وهذي صوره للمقادير

الـــطــريـــقــة:
نخلط جميع المقادير وتوضع في قدر

توضع على النار وتحرك حتى تغلي وتتماسك

تصب على سطح الكيكه وتساوى بالملعقه

وهنا شوفو شكل الطبقتين من جنب

نرووووح الان للطبقه الثالثه والاخيره وفيها شوي تحريف من عندي

المـــقاديـــر:

علبه قشطه
3ملاعق كاكاو بودره
فنجال سكر
ملعقه زيت
كريم كراميل
كاس حليب سايل

الــطـــريــقـــه:

توضع جميع المقادير على النار وتحرك حتى تبدا تظهر الفقاقيع وعلى طول على جوز الهند بسرعه قبل تجمد

حبيباتي اللي تبغى طريقه غير

تحط القشطه والسكر والزيت والكاكاو وتحرك حتى يذوب السكر وبعدها تسكبه على خلطه جوز الهند

وهذي الصور النهائيه..........

وتزينينها زي ماتحبين
زينها بجوز هند مبشور خشن او لوز مجروش

تقبلو تحيتي .....