سيوف الج ـــفـــا.

ما يمسح دموع الذهاب الا تباشير الاياب
لا فاق من أمسى شتات لصبح آخر يجمعه
.
المركب اللي قايده الموج عمره ما يهاب
لو يكسر شراعه رفع للريح بعده أشرعه
.
ان هاجر الود القلوب اتصير من عقبه خراب
كذاب من قال الهوى للخل الأول مرجعه
.
ما يجبر آلام الغياب ان طال لحظة اقتراب
لا صارت سيوف الجفا والبعد فينا موجعه
.
الوقت ينسي صاحبه وان طال به درب العذاب
لابد من ساعه تجي بالغير عينه تقنعه
.
القحط دايم ينتهي ما يمهله وبل السحاب
والباب عمره ما غفل حاجه تعنت تقرعه
.
واللي عن الحاضر تراجع للورى بالحلم غاب
مصير حلمه من صروف الدهر يلقى مصرعه
.
من كان ظنه للأسف في سامي الأخلاق خاب
ما يشتري قلوب فـ سوق الحب هي مسترجعه
.
ومن جار به ضيم السنين ألين جرح الأمس طاب
ماظن رجله للمكان اللي طعن به تدفعه
.
قيل البياض بهيبته همس المشيب الى الشباب
وقيل الهوى فــقلوبنا راهب سكن في صومعه
.
الحب دربه لا أمتلى بالغدر وأشواك وضباب
خطوات من يمشي عليه تكون دايم مسرعه
.
لجل النهاية تقترب ويعود للدرب الصواب
ويجفف بطيب الحياه اللي جرى في مدمعه

منقول.

صح لسانك ولسان شاعرها
لاهنتي

تسلميين غلاتي
على الكلمات الجميلة
لاعدمنا جديدك

ودي

بسمة ألــم

اشكرك على روعة هذه الابياات


كل الود لك ولطرحك

لاهنتي يالغلا على لابيات الراائعه

يعطيك الف عافيه عالطرح الرائع

وربي مايحرمنا من طلتك وتواجدك الراقي والرائع

وننتظر ابداعك وجديدك

صح ذوقـــك الع‘ـطروالـــرآإقي
أبدعت وأح‘ـسنت الإخ‘ـتيآإر في النقل المميــز
لآ عدمنآإج‘ـديدك ولآ ننح‘ـرم منه
تقبلي مروري البسيط لك

من متابعيك وسآكون كذلك باذن الله
قد لا أوفيك حقك بالرد
فأتمنى قبوله

يعطيك العافيه

دووم هالتميز ماشاء الله عليك
ربي يحفظك