ما معاي الا انا

لا تسولف لي وجع خوف المنافي .!
الوطن حلمي يسولفني واغيب .!!

في شوارعنا الحزينه كنت : غافي .!
ملتحف حزني ونظرات الغريب .!!

من قريت الناس ايقنت اختلافي .!
لا وطن فيني ولا صدر ٍ رحيب .!!

قلت لـ أحلامي البسيطه لا تخافي .!
غصنك الشاعر: وغرّد عندليب .!!

لو أخاف البوح: ضيّعني ارتجافي .!
القصايد شمس والدفتر مغيب .!!

مانشيتي الحزن والدمعه غلافي .!
لاشعرت بغربتي مالي صحيب .!!

ياربيع الحلم كسّرني جفافي .!
حارت اقدامي على اطراف النصيب .!!

لو تهزّ من القصايد كل : خافي ؟!
ما يطيح إلا ولد عم وقريب .!!

آآه من دمعة عزيز ٍ ماتشافي .!
عفّة المحتاج جرح ٍ مايطيب .!!

كم بكيت البرد من قسوة لحافي .!
يوم بعض الناس تبكي للحبيب .!!

شوفني أهديت وجهي لـ السوافي .!
ما معي إلا أنا وليل ٍ كئيب .!!

ممتلي بالأسئله لـ آخر مطافي .!
كنت أنا ويّاي: نبحث عن مجيب.!!

* *

.

لو كل حكي ٍ يجي في خاطري قلته .؟!
ماشفت بعض الكلام يجرّح لساني .!!

تركتني بالغياب المرّ واسئلته .!
ماقلت لي قبل [ ترحل ] وين ابلقاني .!!


كل درب يمكن يجيبك ماتجاهلته .!
كل درب جابك علي مر وتعداني .!!


طاح بغيابك رجل واقفيت ماشلته .!
ياكبرها بعين اصحابي وعدواني .!!

حتى مكاني على روحي تـثاقلته..!
لاجيت اسولف على جرحك و حرماني .!!


احيان اخونك واحس بـ شيّ : كملته .!
واحيان مدري من اللي خاين الثاني .!!


ضيعتني فيك : حزني ماتشكلته .!
لاغرّد الخووف من وجهي على اغصاني .!!

كم انتظرتك على وصلك ولا طلته .!
ملت دموعي بغيابك تطرق احزاني .!!

ياصاحب الجرح عذرك ماتحملته .!
لاتكتب الموت بعيوني وتقراني .!!

طالبك ابقى [ مثل ] اي شخص جاملته .!
يمكن تحس بعذابك لاتقهواني.!!

[ انا ] . ؟؟
..... بكيتك عمر والشووووق سيّـلته.!
محتاج تبكي معي [ مره ] على شاني. !!!

لِ آلرآئع تركي آلعوآد