هذي حياتك

هذي حياتك على كيفك وعش فيها
مادامها ماشيه ياصاحبي..مشي
خلك على قول بن جدلان مشيها
ان طعتني مشها مادامها تمشي
اشواقنا لو ترى ضاق الحشافيها
ارزاقنا عند والي الكون والعرشي
رزقك على سايق الغيمه ومنشيها
يرزقك من يرزق العصفورفي العشي

من حط عينه بعينك شاف وش فيها
غمض عيونك وخل الحب بالخشي
كلمه من القلب مانرضا الغشش فيها
ماقلتها لك على الماشي وانا بمشي
عش في حياتك حبيبي وانتعش فيها
ياما سحاب من العارض يبي ينشي
من صبح شموسها لازم يعشيها
واللي يضحي يجي له يوم ويعشي

منتب مكلف تعرف الناس وش فيه
لا ذاك وشو؟ و لاهذي بعد وشي؟
نعرف حذر كل ريمن من مماشيها
من كثر ماهيب تتلفت وهي تمشي
ياكثر من راح في لجة غواشيها
وياكثر من طاح متعلق على رمشي
قليبنا وانقطع حبل الرشا فيها
واشياء ماقلتلك ياصاحبي وشي؟

اقرنس آطيور حبي لك واعشيها
وتقول هذي الطيور اللي معك وشي؟
جبت الحمامه حمامه ريشها فيها
وجبت المعاني على معناك بلمحشي
العذر يجبر خواطرنا ويشفيها
لوفيه اعذار عندك قلنا وشي
من كثر مانيب امشيها وامشيها
مشيتها لين وقفت ماقوت تمشي

المهرة معجب بهذا