رواية صغيرات على الحياه البارت الرابع والعشرون

//الباااارت 24//











جواد : مسكتها بشويش من خصرها ولفيتها بغضب ..

*انتي خبله ترقصين وأنتي حامل لاوبعد مصري صدق انك بزر ومو قد المسئوليه..


وسن// طار قلبي ..
.. لا يارب مايكون صار للبيبي شي وصار قلبي يدق من الخوف بس حاولت مابين لجواد ..


.. خير واذا رقصت ولدي وأنا حره فيه .. *اسوي به اللي أبي ..

جواد// يارب صبررني ..
.. قسم ياوسون أن ماتأدبتي وسمعتي كلامي أن ماتنزلين بالصيفيه لاهلك وقولي ماقال جواد اووف حرقتي اعصااابي أروح أخمد احسن لي






‏*‏**





تركي// مرني عساف بسيارته بعد ماطلعو ضيوفهم ..
*ورحنا لاستراحتهم بما انها مافيها احد..



عساف// خير ياابو سعد وش عندك؟
تركي// والله ياأبو الريم انت طلقت وداد من هنا وسافرت من هنا ..
.. *لاقلت لنا السبب ولاتركت لنا فرصه نقرب وجهات النظر ..*

وحسب مافهمت من وداد بعدين انك اتهمتها باخلاقها وهذا بحق عليك..




عساف// آه ياابو سعد خلها بالقلب تجرح ولاتطلع وتفضح..


تركي// مالك لو .. دام الدعوه فيها عرض وشرف لازم تقولي وأنا أشوف ..

.. *وأن كان وداد ماقدرت تكسب ثقتك فيها،فهي عندي أساس الثقه واشك بنفسي ولافيها..


عساف// طيب اسمع واحكم ..
.. أنا بيوم رجعت من دوامي ولقيتها جالسه على النت ..

.. قلتلها تجيب لي كاست شاي وجلست بمكانها شفت على شاشه اللابتوب رساله وارده
فتحتها كان نصها:



‏ .. لا طلع زوجك كلميني أجيك والا نتواعد برا .. *

والايميل باسم انور عبدالله..




تركي// طب سألتها عنه ..
*
عساف// ماتحتاج سوال واضحه ..


تركي// اخذت جوالي وأتصلت بوداد وحطيته ع السبيكر..


وداد// طاح قلبي برجولي لمن شفت على الشاشه>الأب الروحي يتصل بك< ..




لاني عارفه انه رايح يواجهه ووصاني اكون بجنب جوالي..




تركي// وداد عندك ايميل باسم انور عبدالله؟
وداد// أي *.. وباستدراك عشان مايفهمها خطأ هذي مياده بنت عمي .. سوا لها زوجها أيميلها ودايم *. نتراسل مع بعض.



عساف// حطيت راسي بين يديني وأنا اسمع تبرير وداد ..
.. فعلا العجله من الشيطان، معقوله كنت ظالمها وحسيت بطنين قوي بأذاني والدنيا اظلمت بعيووني..




تركي// رميت جوالي بجنبي ..
*.. وكنت ناوي ألعن خيره وهجمت عليه بعطيه كم كف يعرفه قدره وكيف يظلم بنات الناس ..

.. سحبته من جيبه لكن خرر بين يديني وطاح شماغه وعقاله ..


حاولت اصحيه وبعد ثواني صحا وقفته معي وبمجرد ماوقف رجع مره ثانيه وطاح ..


صوت للحارس وسنده معي وأخذته للطوارئ وطبعا ماحد درا ولابيدري باللي صار بينا..






‏*‏**




جواد// ماقلت لأحد عن حمل وسن مالي خلق حنتهم ،توهاصغيره ..
.. *لسا بدري .. دراستك ودراستها .. *وين كلامك .. *..*
ومن هالكلام البايخ بحطهم امام الامر الواقع ..

سكرت كتابي اللي كنت أذاكر فيه و تثاوبت وتمغطت *.واااااو فيني النووم.



طالعت مكان نومتي على الصوفا ..

.. أوووف خلاص طفشت من النومه عليها أقوم بالليله عشرين مرره من نومتي الزفته ..*
.. بس ماعلي منها مصختها عاد أخذت مخدتي وفتحت الغرفه بشويش مالي خلق مناقر معها وشغلت الابجوره ورميت نفسي بشويش علآ السرير..




وسن// خير أن شاء الله حلمان وخايف تنام لحالك؟
جواد// بسم الله ..؟خرعتيني .. إي حلمان وخايف أنام لحالي..



وسن// ياشيخ لو يشوفونك اللي باحلامك هجوو من البلاد
جواد// آهئ آهئ دمك خفيف تالي هالليول،وقربت منها وحطيت يدي على بطنها..



وسن// ضربته بيده وجع وخر يدك ممنوع اللمس ممنوع الاقتراب
جواد وهو يرجع يده// هههههه ليش شاحنه حمولتها بانزين..



وسن// ياااخف دمك قووم بس ..
.. ضيقت علي بفراشي.
جواد// الله أكبر عليك .. عندك سرير طول بعرض وضيقت عليك .. ليش مو أنتي اللي مضيقه أنتي وكرشتك ..

.. إنا ماني متحرك من مكاني ولا سنتي أذا مو عاجبك أنتي عندك كنبت الصاله نامي فيها براحتك ماراح اضايقك فيها..


وسن// أووف نام نامت عليك حيطه ..
..*
قال وش رماك علآ المرر..
جواد// اللي أحلا منه هه..





‏*‏**






وداد// صحيت الساعه 2 الظهر بعد مابكيت الليل كله ..

*وعرفت سبب شكه فيني ..
.. حتى بنتي خذتها امي من جنبي ماحسيت فيها أخذت شور وحطيت ميك أب خفيف عشان يخفي من نفسيتي شوي ..


ونزلت شفت امي معها بنتي ..
.. خذتها منها بعد ماجبيت راسها وحطيت بنتي علآ بطني وأنا انسدحت على رجول امي ..


*
أم تركي// يابنتي وش هالنومه*
وداد// يمه مانمت الا الساعه سبع الصباح بنتي مسهرتني ..*


أم تركي// طيب فيه ناس جايينك خطاب
وداد// يمه ماصارلي شهر من خلصت عدتي *..
.. بعدين أنا شايله هالفكره من بالي نهائي وبنتي عندي بالدنيا كلها..



أم تركي// يابنتي انتي توك صغيره ..
.. ولو معك ثلاثه وألا أربعه كان عذرناك أبي اطمن عليك قبل ماتغيب عيني عن هالدنيا واشوفك عند رجال يصونك ويحافظ عليك..



وداد//بسم الله عليك أن شاء الله تزوجين عيال ريومتي وعيال عيالها..


ام تركي// خل نزوج امها أول ..
.. بعدين اللي متقدم لك توه ولد مابعد حبه الا أمه..



وداد// هه ياسلااااام كملت والله،عشان لاتزاعلنا يقعد يعايرني انا ماخذك وانتي مطلقه وأنا توني بكراتيني..




أم تركي// هههههه الكراتين للبنت مهوب للولد *..

.. وريم خليها عندي باربيها أنا.وقطع كلامهم تركي اللي دخل ..




تركي// السلام عليكم
أم تركي وداد// عليكم السلام..



أم تركي// تعال شف أختك رفعت ضغطي..

تركي وهو ياخذ ريم من يد امها ويلاعبها//
.. أفا أم الريم رافعه ضغط الوالده؟
عطيت أمي ريوم وسحبت وداد من يدها ورحت لغرفتها..






‏*‏**







//تااااابع بارت 24 //



وداد// رجاءا أبو سعد كان بتكلمني بالموضوع اللي قالت لي أمي بلاش هالسيره أنا رافضه النقاش فيها نهائي.
انا تكفيني دراستي وبنتي وبعدها بدور وضيفه وأكفي نفسي وبنتي.

تركي// اسمعي وجهت نظري بس،أول شي لو سويتي كذا أول من بيحاسبك ويلومك هي بنتك لاكبرت بتشوف الكل عنده أخوان وخوات واهي لا ،لحالها هذا شي والشي الثاني الولد سألت عنه ممتاز جدا والكل مدح فيه مديره زملاءه جماعته وهو متمسك فيك حيل وبصراحه الرجال ماينرد تدرين من هو؟

وداد// ما أدري ولا أبي أدري.
تركي// هذا مطلق أخو عناد رجال ونعم

والله مايتفوت حتى البنات اللي مابعد تزوجن مايحصل لهن مثله،
.. أنا ماودي اجبرك لكن أنتي أوزنيها بعقلك وفكري،أمي وابوي الله يطول باعمارهم،
.. ماهم بدايمين لك العمر كله،

.. وأنا ماأظمن لك نفسي أخاف الدنيا تغيرني محد يضمن نفسه لكن لاتزوجتي جا للريم أخوان وجا لك انتي سند وأحنا مانبي الا الخير لك ..
.. وألا جلستك عندنا تسوا الدنيا ومافيها نشيلك بعيونا وقلوبنا،
.. لاتستعجلين خوذي راحتك واستخيري.


وحطي امي وأبوي وريم قدام عيونك هم أكثر من بيفرحهم موافقتك.


‏*‏**



وافي// اليوم عندي عشا لاخوي عساف مختصر مثل ماطلب عساف بس احنا وبيت عمي سعد،
.. مريت المطبخ باكل أي حاجه خفيفه جوعاان شفت حنين تحوس بالحلا ومنشغله قربت منها*

وهمست بأذنها : تسمحين لي آكلك.


حنين فزت وبعصبيه .. بسم الله خوفتني ياآخي كم مره قلت لك لاتدخل فجأه تنحنح استأذن تكلم سووي شي.


وافي بضيق/ طيب هدي أعصابك والله انتي اللي بغيتي تاكليني.


حنين/ أوف احراج تو انتبهت اني منفعله زياده عن اللزوم ..
.. بس معي حق خوفني،
.. شفته تضايق حبيت أقلبها مزح غمست يدي ببقيه خلطه الشوكولا

وطبعتها بوجهه وانحشت وأنا أقول هذا عقاب اللي يخوفني.

وافي// ههههه طيب ياالبطه بشويش لاتركضين ناسيه الكرشه ولدي جاه رجه بمخه


عساف// الله يهديه وافي أصر على العشا وحلف أنا ماودي بهاالرسميات يكفيني عشا البيت العادي.

دخلت وسلمت وأول وسلم تركي ببرود ماجلست شفت نظراته لي باين فيها القهر ،

وأنا محرج فعلا منه يحق له يزعل بالرغم من اعتذاري له .


وداد// بعد ماتعشينا عند حنين دق علي أبوي عشان نطلع أنا وأمي أخذت بنتي ونزلت.

تركي// حبيت أقهر عساف قلت لأبوي يقول لعمي عن سالفت خطبه وداد وزدت من عندي آنها موافقه بس ينتظرون أبوي يحدد موعد الخطبه

شفت أبوي يطالعني باستغراب بس مشيت الموضوع،
وابتسمت لما شفت علامات القهر بانت بوجه وحواجبه انعقدت ولون وجهه تغير،

انا ما أحب أتشمت بأحد الحمد لله بس مع عساف ماقدرت أضبط أعصابي.

عساف// أنقهرت من سمعت عن خطبه وداد،الله بها السرعه لا وبعد توه ولد ماقد تزوج من قبل،والأخت موافقه وأكيد مبسوطه.




استأذنت ماأقدر أجلس أكثر من كذا وطلعت من المجلس وأنا مفول علا الآخر وقبل لا أوصل لباب الفيلا اللي مدخله مشترك للنسا والرجال شفت زول لايمكن أنساه قربت منها لا آرادي ومسكت يدها.


وداد// كنت شايله بنتي اللي سحبت لثمتي،
نزلتها عشان أضبط غطاي وأول مارفعت شفت عساف مسكني بيدي وسحبني له،

وبعد مااستوعبت الموقف بسرعه حطيت يديني على صدره عشان أبعده عني،
عساف أنا مو محرم لك،
بعد عني،ما أحل لك.



عساف// صدمني كلامها ورجعني لواقعي تركتها وأنا محرج وقلت:

آسف وداد نسيت نفسي وتركتها وطلعت.






جواااهر // طلبت من مطلق أروح زياااره لأهلي بما أني ماعندي جامعه ولانزلي وظيفه .. وبعد عشاان أشوف موضوع وداد ومطلق أشصار عليها ؟

عناااد // جوجو طيب أسبوع كثير .. خلك نهايت الأسبوع والسبت آجي آخذك ..

جواهر // دودي أنا من زمان مارحت لأهلي .. ويومين مايمدي أشوفهم وآخذ أخبارهم .. بعدين أمي وأبوي زعلانين علي عشان ما أجيهم كثير .. وبعد تكون نقاهه نبعد عن بعض شوي .. ونغير جو ونفسياتنا بعد تتغير .. وأشوف موضوع مطلق أخوك ..

عناد // يمه منك ومن لسانك ماحد يقدر عليك ، الشكوى لله نتحمل هالأسبوع بالطول وألا بالعرض ..

جواهر // ثانكس عناااادي ماقصرت ..

عناد // ثانكس حاف ماتوكل عيش أنا رجل عملي بزنس أز بزنس ..

جواهر بخجل ممزوج بدلع // عناااااااادي

عناد بابتسامة خبث //لبى عنونك أنا كلي لك هالليله ..


‏*‏***
وداد // من جتنا جوجو وأحنا كل يووم جمعه .. وسهرات .. وسوالف .. ذكرتني لما كنا صبايا بيت أبوي وماندري عن الدنيا .. ياالله كيف سوت فينا الدنيا .. جواهر نفتها لجده .. وسن خارج الحدود .. وأنا تطلقت وحنين بغى مصيرها يلحق مصيري ..

انتبهت من سرحاني على صوت بنتي تصرررخ من قلب .. فزيت وشلتها .. وصرخت يمه شوفي بنتي ؟؟
وش فيها لايكون قرصها شي ؟؟
وبديت أشيل ملابسها عنها ..

ألتفت لأمي وجوجو أبي مساعدتهم شفتهم ميتين ضحك ..
قلت باستغراب: وش فيكم ..

أم تركي // ماغير هالسوسه عاضتها ..*
ألتفت شفت جودي تاكل بأظافرها .. رجعت لبنتي وشفت مكان سنيها الأماميه معلمه ببنتي ..
لحقتها تعالي ياأم كشه والله ماخليك ..
ضحكت جوجو وخذت بنتها وأنحاشت وأنا ألحقها ..

دخل أبوي علينا بعد مارجع من الصلاة هو ووليد ..

أبوتركي // هههههه وش تسوون ياالمهبل ..

راحت جواهر ورا أبوي وهي تقول بتمثيل : دخيلك ياأبو تركي .. تراي دخيلتك أنا وبنتي ..

ضحك أبوي وحاوطني بيدينه عشان ماأجي جواهر .. وبنتها

وداد // بعد ماشرحت لأبوي وش صار .. قلت يرضيك يرضيك ياأبو تركي ..

أبوتركي // هههههه لا مايرضيني مإآخذ حق الريم بس خوذيه من جواهر مهوب هالضعيفه ..
وبغفله من جواهر غمزلي وليد وعض يد بنتها اللي لافتها على ظهر أمها وفرك وهو ميت ضحك .. ههههههه

وبنتها فحطت من البكي*
جواهر // أوريك ياالدب ..

طلعت أمي على ضحكنا وصراخنا .. وبعد ماهدينا ألتفتت وقالت :تركي أخوكم عازمكم برا ..

أنا وجواهر ووليد بأصوات متفاوته وصراخ :عاش .. عاش .. أبو سعد عاش ..

وطلعنا بعد مامرنا تركي أنا وجواهر وحنين ونوره ورا بعد مامريناهم ببيوتهم.. وتركي ووليد قدام ..


وأمي وأبوي مارضو يطلعون .. قطينا على أمي كم تعليق أخجلها .. وخلاها تعصب علينا .. عكس أبوي اللي كان مستمتع بخجلها وعصبيتها ..


ومحمد وعبدالعزيز سبقونا .. جلسنا على طاولتنا اللي كان تركي حاجزها مسبقا ..
وأحلى حاجه أن الطلعه خاصه .. بس أخواني وخواتي بدون عيالهم .. وأزواجهم ..

وليد // توتو لو دارين كل ماجتنا أم الجود بتعزمنا بهالمطعم التووب .. كان كل ويك آند وأنا فاحط لجده أجيبها ..
تركي // توتو بعينك ..تستاهل أم الجود ..

حنين بلكاعه // لنا الله .. تفرقه عنصريه .. عيني عينك .

جواهر // مااا تقصر أبو سعد الطلعه حلوه بوجودك .. وغمزت بعينها .. وعضت على لسانها :عاد لاتصدق ..
مسكها تركي من رقبتها .. أجل ماأصدق هاااااه ..

جواهر // كح .. كح .. امزح ..أمزح
‏ تركي // أي خلك كذا مؤدبه ..
جواهر // هذي عينك حنو ..
حنين // ههههههه ألا قولي دعوة مظلوم .. حيلهم بينهم ..

نورة // وألله ماناقص جمعتنا ألا أبو تركي .. وأبوتركي .. ووسون .


‏ ‏ ****

وسن :من حملت لحد الآن وإنا متوووحمه علآ زقاير جوادوه ..تعجبني ريحتها .. نادرا مايدخن عندي .. شفته يدخن في البلكونه أنتظرته يدخل دورة المياه .. لأنه ياخذ شور بعد الدخان أذا دخن بالبيت ..*

طلعت للبلكونه شفت زقارته في طفايت السجاير .. بعد ماطفاها أخذتها وقعدت أشم ريحتها باستمتاع ..

جواد // أوف نسيت الشامبوو .. طلعت بجيبه .. مالقيته .. رحت بسأل وسون كان فيه شامبو وألا خلص ..

دورتها مالقيتها .. خمنت أنها بالبلكونه .. قلت بهبلها .. لأن شكلها سرحانه وعاطيتني قفاها ..
بوووووووووووو..
وسن بشهقه وربكه // هئ وجع أن شاء الله بغيت أخرر ورعي من الخووف ..
ورجعت يدي ورا ظهري وبان علي الأرتباك .. ومن غبائي مارميتها ..

جواد // ليش خفتي وش مخبيه وراك ؟

وسن // مخرعني وتقول ليش تخافين .. وحاولت أتجاهل باقي سؤاله ..

جواد // طيب وش في يدك ورا ..

وسن بثقه مصطنعه وقلبها يرجف من الخوف .. مافيها شي ..

جواد // متأكد مخبيه شي قربت أبغى أحاوطها .. وأشوف وش وراها ..

وسن // من شفته يقرب عرفت أنه بيكشفني .. بسرعه عطيته ظهري وحطيت الزقاره بفمي وسكرته .. لفني له بسرعه نزلت راسي .. وفتحت يديني له ..

جواد // رفعت راسها .. وأنا متأكد أن اللي مخبيته بفمها لأني ماسمعت صوت شي طاح ..

مسكت دقنها بيد وبيدي الثانيه دخلت أصبعي بفمها ..فغصتها وطلعت اللي مخبيته ..*
جواد بصدمه // تدخنين !! تدخنين ياوسن !! من متى ؟؟

وبعصبيه الناس يدخنون زقاير .. مو يبلعونها ياالخبله ..

وسن // حاولت أبلعها بس ماقدرت .. وبقواة عين وفي بالها قابل الصياح بصياح تسلم .
.
بسم الله علي أنا ما أدخن .. كل الحكايه إني توحمت على ريحتها .. وكنت أشمها .. ولمن شفتك خفت تظن أني أدخن .. وهذي كل السالفه .. وعطته ظهرها ومشت بسرعه قبل لايلحقها .. ويلطشها كف ..

جواد // أخذت بكت الزقاير .. ورميته من البلكونه .. وبعصبيه"الله يلعني كان دخنت مره ثانيه"
هذي الأم ..أجل عيالي بكره وش بيسوون ؟

ضامية الشوق معجب بهذا

أنرتم سَمانا بـ جَمال العَطاء
سَلمت الأنامل وَدام وهج التَألق
كل الود والإحترام

أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما أغتذت هنا،،،
بمثل هذا العطاء سنرقي

من أعماق القلب أشكرك

اخوك
محمد الحريري

سلمت اناملك لروعة ذوقك
يسعدك ربي ويحقق أمانيك

سلمت يمناك
طرح جميل جدا

بيض الله وجهك
طرح واختيار روعه للموضوع
لاحرمك الله رضاه

‏لك كل
تقديري واحترامي


مجنون قصآيد

‏

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

لَآعِدَمَنِآ هـَ الَعَطَآءْ وَلَآَ هَـ الَمْجَهُودَ الَرَائَعْ
كُْلَ مَآتَجَلَبَهْ أًنَآَمِلكْ بًأًذخْ بَاَلَجَّمَآلْ مُتًرّفْ بَ تمًّيِزْ
وُدِيِّ

المشاركة الأصلية كتبت بواسطة كـــآدي

أنرتم سَمانا بـ جَمال العَطاء
سَلمت الأنامل وَدام وهج التَألق
كل الود والإحترام

شكراً من القلب على جمال حضورك
اسعدني تواجدك الرائع بمتصفحي
لا حرمني الله روعة وصالك
كل الود وباقة ورد’

المشاركة الأصلية كتبت بواسطة عـــودالليل

أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما أغتذت هنا،،،
بمثل هذا العطاء سنرقي

من أعماق القلب أشكرك

اخوك
محمد الحريري

شكراً من القلب على جمال حضورك
اسعدني تواجدك الرائع بمتصفحي
لا حرمني الله روعة وصالك
كل الود وباقة ورد’