 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
10-18-2020
|
||||||||||||||||||||||||||||||
|
||||||||||||||||||||||||||||||
رواية الملك لله صحيح لكن انتى من بين خلق الله ملكي البارت العشرون
قالو تبيه .... وقلت مشتااق حدي
غاايب عن عيوني له أيام ماجاه . نااديت له بالصوت يااعين جــدي مدري وصله الصــوت ولاا تعـدااه البارت العشرون .... في بيت قوم بوحمدان شيخه تكلم العنود: حرارته ما نزلت من امس !! العنود تتنهد بضيق: هي والله امس طول الليل اقايس حرارته ما طاعت تنزل . شيخه تتنهد: عنبو مب حب هذا يسوي فيه جيه .. العنود: سمعتيه الفليل امس يوم يهذي شيخه بضيق: هي يهذي بطاريها بس والله لو ادري انه جيه بيصير جان ع الاقل كلمنا حد من خوانها نحجزها بس .. تنهدت العنود بضيق وشيخه تغير له الكمادات وتسمع حمدان يتمتم باشياء مب مفهومه .. تنهدت بضيق صار لهم اكثر من ثلاث ايام ع هالحالة ... شيخه تقرى عليه المعوذات وقالت للعنود : سوي له شوربه وعصري عليها لومي بخليه يشربها الفليل يوم بيقوم ... تنهدت العنود وسارت المطبخ ... اما عند فيصل ونورة ...في ابوظبي وتحديدا ع الكورنيش يتمشون ويسولفون وقالت له نوره: في شي اكبر من ان عليا مب بنت عشان جيه انته ما تباني اكون عندها او اكلمها .. فيصل: لا طبعا بس مابا علاقتكم تقوى مع بعض وانا عارف اخرة العلاقه هاي شووه ...قتلج عليا ما تدخل بيبتي ولا تحتكييين فيها ... نوره تتنهد وقالت بهدوء: بسس عليا خلاص شافت نصيبها يعني الحين شو فيها لو رديت لها .. فيصل بضيق: الماضي يتم ماضي ولا اباج ترابعينها ولا تحتكين فيها ... تنهدت نورة بضجر وقالت: الله يهديك ... اما فيصل يتاممل الممشى والاماكن اللى حوله وخذ شهييييق طوييييل وعقب زفره وفي باله كلمه وحده بسسسس تردد تخسسسي لو تكون اخر ريال ما فكرت فيك ... رص على ايديه بقووو وهو يحاول يتناسى هالكلام .... لو تغيب ثم ترجع لي ... والله انك تبطي تكون لي حياه.. عند راشد يالس ويا محمد وحمد ويسولفون .. محمد تنهد وقال: لا تغلط يا ريال وبعدين تندم على افعالك انته جربت تتصل لها .. راشد بملل: لا ماحس بأي شي اتجاها مب قادر اجاملها... حمد تنهد وقال: بس لا تخلي قلبك هو اللي يلعب بك وبعدين شما حليلة اخوك انته تفتكر ان شما لين الحين ع ذكراك يا ريال شوف نفسك شما ما بقى الا اشهر معدودة وتيب لخوك ولد ولا بنت وبتلتهي في حياتها اكثر .. سعيد من بعد ما حملت شما قام وايد يتقرب منها وقام يحبها ويخاف عليها اكثر ومب مخلي عليها قاصر يعشق أدق تفاصيلها انته لين متى بتم جيه انته اللي بتخسر نفسك بالتالي كيفك ... راشد سكت وهو يسمع لكلام حمد أخوه تنهد بضيق وقال: يعنننني شو اسوي الحين محمد يطالع السما وقال: ادعي ربك ينزح حبها من قلبك مافي غير الله هو اللي يقدر للعبد... راشد تنهد بضيق وسكت وحمد قال: خل غلاها في قلبك ان كنت تغليها بس لا تبين شعورك قدام الناس لانك لو بتم جيه بي يوم وما بتقدر تسيطر ع نفسك وبتخرب ع نفسك وع اخوك وبعدين بتستوي القضية اكبر من حبك لشما عقبها بتستوي فضيحه يا راشد اصحى لنفسك وحط في بالك انك تحب دانه وبسسس.. راشد: بس انا ما احبهاا ولا اقدر اجاملها احس اني مصدودد منها ماقدر حتى اقرب منها مستوي ما اطيقها ولا اطيق حتى شوفها بسسس اضارب وياها تنهد حمد وقال محمد: والله يا راشد اذا تحس انك مب قد زواج هذا طلق.. راشد: بس اللي كاسر خاطري انها تحبني وعبالها انا احبها بس ما قدرت احبها كل يوم وثاني اضارب وياها منو يخلي حرمته شهر ما يلمسها ... انصدم محمد وقال: اففففففف يا راشد حراممم عليك شهررررر لا وياها حق البنت ما ترضى وتزعل ... راشد تنهد بسكووت ....وحمد يفكر في اخوه ومحمد يحاول ما يفكر في عليا... ------------------ من وين لي عنْ صدمتي فيك نسيان ؟ نصيب غيري .. واحسب انّك نصيبي بعد ما نام حمدان ونزلت حرارته شوي طلعن شيخه والعنود وقعدن في صالة الفوقانية ... تكلمت شيخه وقالت: لو ادري ان حمدان يباها ماخليتها تروح منه جان سويت اي شي بس عشانها تكون له. العنود تتنهد وقالت: والله مادري ما كان يبين عليه ان يحبها ويباها ... لفت شيخه ع باب حمدان اللي تبطل وشافته ساند جسمه ع الباب ويبا يتكلم ربعت شيخه صوبه بس قبل لا توصل له طاح من طوله .. شيخه تحاول تقومه مارامت له مستوي ثقيل والعنود تحاول وياها تشله ماقدرت ..شيخه تصارخ ع العنود: اتصلي بالاسعاف خلينا نوديه المستشفى ... العنود تنفذ من دون ما تتكلم او تعارض .. زايد كان طالع من بيتهم مستغرب صار له فتره شيخه ما تكلمه مثل قبل تنهد بضيق واليوم ابدا ما كلمته قرر يقطع الوعد اللي بينه وبينها ويروح يشوفها اساسا خلاص يعني بقى يوم ويخلص الاسبوع اتجهه صوب بيتهم اول ما وصل لقى باب الصالة مفتوح دخل سمع صريخ شيخه ربع فوق من دون شعور شاف حمدان طايح وشيخه تحاول توعيه وتشله وصل وقرب منها وبعدها عن حمدان وهو يحاول يشل حمدان ورفعه شوي وحطه ع شبرية ولف ع شيخه اللي تصيح ويرها وحضنها ومسح ع راسها : بس فديتتتج ان شاء الله ما عليه شر بس ليش جي مخلينه بحماه شيخه تمسح دموعها: توه طاح علينا والحمى ماتخف الا شوي وترد . زايد يقعد عدال حمدان ع شبريه وقال: بسسس حرام عليكم والله انه جسمه ضووو من متى هو ع هالحالة شيخه : تقريبا الحين بيكمل اسبوع .. سمع زايد حمدان يهمس وقال لشيخه : شو يقول شيخه تمسح دموعها: والله مادري من متى هو الا يهذي مافهم شو يقول زايد قرب ع حمدان وسمعه يتمتم وقال لشيخه: شو مستوي عندكم اسمعه يقول لا تاخذونها منو هاي شيخه تنهدت ودخلت العنود وقالت : الاسعاف برى زايد عقد حوايبه وقال:ليش الاسعاف شيخه تعدل شيلتها وقالت: مادري يوم طاح حمدان قلت للعنود تطلب الاسعاف .. تنهد زايد وقال: يلا انتن سيرن الصالة وانا بخليهم يقايسون حرارته ... زقر المسعفين وفحصوا ضغطه وسكر والحرارة وطلع عنده ارتفاع في ضغط والحمى ٣٩.٨ وزايد طلب له دكتور ايي البيت بدال المستشفيات وحشرتها وصل الدكتور وكشف عليه وعطاه ابره في الوريد عشان تنزل الحرارة بسرعة وركب له مغذي عشان الجفاف .... وطلعوا عنه وخلوه يرتاح شيخه تصب قهوه لزايد : فديت روحك حبيبي سمحلي الفترة هذي انشغلت ويا حمدان شوي زايد يحضنها: لا والله فديتج عادي بس كنت اول شي مصدوم بس ما دام انى عرفت سبب خلاص مسمووووحه ... شيخه عدلت يلستها وقالت للعنود: سويتي شوربه العنود : هي ... رن تلفونها وطلعت عنهم .... تنهد زايد وحضن شيخه وقال: فديييت هالشووووووف فديتتتتتت اللي معذبه قلبببببببي عذاب ما بعده عذاببببب . ابتسمت شيخه بتعب وبادلته الحضن وغمضت عيونها وقالت بهمس: احببببك .. زايد مغمض عيونه قال: اموووت فييج باسته شيخه ع خده وهو قال: شكلج مب نايمه زين هزت راسها بالايجاب وقالت: من طاح حمدان وانا مارقد زين نتناوب انا والعنود عليه زايد : هو شو اللي وصله للحاله هاي اللي هو فيها... شيخه تنهدت وقالت:يحب بنت يرانا وهي خذت واحد غيره وهو ما تكلم وقال انه يحبها ولا جان كلمناها وخطبنا نحن قبل لا يخطبها غيره... تنهد زايد وقال بحب: كلن ياخذ نصيبه فديتج تنهدت شيخه وسكتت ما كان لها بارض تتكلم بروحها تعبانه ... وزايد احترم سكوتها .... وقعد يواسيها... في الجهة الثانية من البيت ... العنود فالمطبخ وتكلم حمد ... حمد: شو سوين فالمطبخ العنود تتنهد بضيق وقالت: اسوي شوربه حق حمدان حمد: هي يحظه يوم بياكل من ايدج العنود بضيقه: خله ياكل اول حمد باستغراب: شفيه صوتج العنود فيج شي العنود بضيقه: لا بس حمدان شوي تعبان ومودي مب رايق الفتره هاي ... حمد: انزين يعني اسكر العنود خذت شهيق وقالت بهدوء تام مع ضيقه: لا فديتك ما صبر عنك يا قلبي حمد بزعل: بس انتي من اسبوع وشي ما تتصلين ولا تسالين عني الا اذا انا اتصلت . العنود تتنهد وقالت:ماعليه حبيبي اسمحلي والله لي اسبابي حمد ينزل من سيارته ويتجه صوب البيت: وانا بعد لي اسبابي من حقي اشوفج واقعد عندج من متى انا اعدي بج من يوم ييتوا عند نورة تحمدون لها بالسلامه ... العنود تصب شوربه فالطبقة قالت: ماعليه فديتك والله يوم بفضى بكون كلييييي لك ... حمد تنهد ويدخل البيت شاف سعيد وشما يالسين في صاله سلم وقعد وقال: زين زين فديتج برايج عيل حبيبي العنود: فداعة الله الغالي.. وسكروا عن بعض .. حمد ينزل السماعه من اذنه وقال: حي الله هل دبي سعيد يضحك: الله يحييك يا العاشق الولهان ... حمد يبتسم : شخباركم سعيد وشما: بخير ونعمه حمد: ها دحبوله كم باقي لج وتربين شما تبتسم: هانت شهرين وشي حمد: الله يسهل لج شما وسعيد : اميييين ... سعيد: عيل وين راشد حمد: عند محمد سعيد بجديه: صدق اللي سمعناه حمد يشرب شاي: شوو سعيد: راشد ما يبا دانه حمد قال بجديه: دانه اللي ما تباه صدقها اخوك ما ينعطى ويه .. سعيد صغر عيونه وقال باستغراب : ليششش!! حمد ما يبا يدخل في تفاصيل قدام شما هز كتوقه بمعنى مادري وقال: يوم بي ساله .. شما تنهدت بضيقه واتصلت ع دانه وقامت عنهم ... شوي وياها رد: هلادوين دانه بتذمر: لا تقولين دوين تذكريني بلي ما ينطرا شما تنهدت وقالت: شو هالرمسه اللى سمعناها دانه: شو يعني اول وحده بطلق ولا اخر وحده شما تنهدت بضيق وقالت: ليششش انزين عطيني سبب واحد دانه بدون اهتمام قالت: يحب وحده وكل يوم يدور سبب عشان يضارب ويايه... شما ارتبكت وغمضت عيونها وفي خاطرها تقول يعنى الحمدلله لين الحين يحبني استوعبت كلامها وشو تقول وقالت في خاطرها لا تستوين أنانية يا شما هذي اختج تنهدت وقالت بعتب: وانتي شدراج .. دانه بلا مبالاه: كل شي يبين عليه ... شما بضيقه: فكري بعقلج قبل تتخذين اي قرار .. دانه تنهي المكالمه: اوك يلا برايج باي ... وسكرت قبل لا تسمع منها رد تنهدت شما وردت قعدت عندهم ... شوي دخل راشد سلم وقعد عدال حمد وكل شوي يتصل بدانه ماترد سعيد: راشد راشد من دون ما يطالعه ويدق لدانه للمره الالف: اذا وصلك شي ترا كله خرطي هي بس يبالها شويه وقت وتتعود عليه سعيد: بس يقولون في قلبك وحده راشد يرفع حايبه وقال: تخسي وحدة تاخذ مكان دانه هي بس تتوهم ومتعلقه في واحد وياها فالجامعه وطلعت لى بسالفة أنته تحب وحده ... شما ما تدري ليش انقهرت يوم قال تخسي وحده تاخذ مكان دانه بدت شوي تحقد ع اختها وعقب ترجع تستغفر وتقول شكلها هرمونات الحمل ....بس ضايقت من كلمته يوم قال تخسسي بس حمد ما فاتته نظرتها لراشد وحرك حوايبه وقال راشد وهو يكلم دانه فويس ع الواتس : اذا مارديتي قسم بالله بحجز وبييج ... ثواني وياه صوتها اول مره يحس بالفرح ليش ما يدري يمكن عشان انه يهددها نش راشد وهو يقول: حي هالصوت دانه بملل : الله يحييك راشد : منو خطفج دانه: محد خطفني راشد: بقول لج شي انا ادري ان عمر ورى الموضوع ودليل ان اول ما وصلت الامارات وفي نفس اليوم تطلعين انتتي ونايف عارف كل شي دانه وهي تدخل الشقه وتسكر الباب وتفر الشنطه ع الكرسي: انزين شو يعني ع الاقل عمر شاريني وانته بتراب بايعنني راشد تنهد وقال: لا والله منو قال انى بايعنج انتتتتي تنرفزين عايشه قصه حب وغراميات ويا عمر دانه تشهق: اننننننا حرام عليك خاف الله فيني والله اني احبك واموووت فيك وانته تدري بس انته حمار ما تفهم كل شوي طالع لي بسالفة عمر يعني لو ابا عمر ما وافقت عليك من الاساس بس انته اللي شكلك تحب وحده وعشان جيه .... وسكتت بخجل راشد يسمعها بكل حواسه وقال بهدوء: عشان جيه شو كملي دانه بهمس: ولا شي انسى! راشد مستمتع بخجلها قال: عشان ما دخلت عليج تزايدت انفاسها وقال راشد: افا عليج ما طلبتي لو تبين ايي الحين بي عشان ادخل عليج . دانه ابتسمت بخجل وقالت: لا مابا واحد قلبه عند غيري راشد ابتسم وقال: مب عند غيرج بس كنتي تنرفزيني بسلوبج وانتى اصلا لو ماسمعتي كلام عمي مطر جان من زمان انا داخل عليج بس انتي عنادج ونفورج مني هو اللي يخليني ابتعد عنج وانتى عبالج ان حد في قلبي . دانه تتنهد بصيق: بسسس انا ماباك كرررامتتتتي فوق كل شي راشد: الله يغربل الكرامه اللي تخليج تروحين وتقولين كل شي لنايف .. دانه بقهر: انتتته اللي حديتني لشي هذا وبعدين تبا صدق قمت احس انى عزابية وبيني وبينك حياة العزوبية وايد احلى والله ... راشد: يعنيييي شو ما تبين تردين دانه: لا والله من خاطررري وآلله مابا ... راشد: مب ع كيفج بعدني ريلج دانه: ترى مب كل شي بالغصب ولا تتحسب ان اللى بي بالغصب احسن ترى اللى بالغصب يكون معيوف ما يكون من الخاطر وانا ماحب شي يكون من دون خاطر او يكون بالغصب راشد تنهد: دويييين فكري لا تتسرعين دانه: هذا اخر كلامي راشد ابا ارد اعيش حياتى بالعزوبية . راشد تنهد بضجر: ما بطلق برايج الحين سكري وفكري بالموضوع ... 
 
|
|
10-18-2020
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنه مودتي
|
|
 
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
