بطلي غيبة وابطل زقاير

{ بطلي غيبة وأبطل زقاير ..! ياغايبه وان كان فيها جماله تجمّلي ياام الحلا والظفاير بالله شوفي صاحبك كيف حاله شوفيه في غيبتك وشلون صاير ؟! صارت حياته ضيق خلق وبطاله هم وسهر واوراق شعر وزقاير !! يعني حبيبك صار حالته حاله ماباقي الا انه يدن العباير الله لامنه ذكر مامضاله قبل الدواير ماتجر الدواير يوم الطفوله والشقا والجهاله يوم الكباير في عيونه صغاير ايام كان معانده راس ماله ويسوق لهبال الشقاوه بشاير ياما امتلى بالحب والطيش باله وياما امتلت من شخبطته العواير يكتب عليها : ( عاشقك للثماله ) ويخط توقيعه : (جريح الضماير ) ياما اشتكاه ابوك في بيت خاله وياما تحصّل من هواك العزاير مره حلف بأنه يبّطل هباله وقبل يكمّل .. فك اخوه الستاير ثم طالع الشباك.. لينك قباله وفي اقل من لمح البصر جاك طاير على صغر سنه ممّيل عقاله كاشخ وناسي لايصك الزراير لاشافك يتمتم لحاله وبحاله : لعيون هالشوفه تهون الخساير ولاشاف زول ابوك حذّف نعاله الحب جايز .. لكن العود جاير طفلٍ يتيم ورغم الاحزان داله مايدري ان حظه مع الوقت باير كنتي طموحه كنت اغلى حلاله كنتي وصرتي بس يا ام الظفاير طفلٍ زرع من ضحكتك في خياله لين اثمرت شعرٍ هزاله حراير لاتتركينه في غيابك لحاله بالله شوفي كيف هالطفل صاير ووحده بوحده كان عندك عداله اتبّطلي غيبه وابطّل زقاير !! وبسس .. أتمنى يعجبكم زي ماعجبني ..

,

صح لسانك ولسان شاعرها

,

شاكره مرورك

تسـٍـٍــٍلمي يالغاليه

صح لساانك ولساان شآآعرهاا

صح لسانك
وربي ذوق ياالغاليه
ربي يحفظك

ألف شكر

مروري شكر وتقدير للمجهود الراقي

رووووووووعه يالغاليه سلمت لانامل يالغلا

الملاك
شاكره مرورك

ميمو
شاكره مرورك

عود
شاكره مرورك