رواية جفاف وردة بيضاء في رُكن الذكريات / 31

..

..( البــارت الـ31 )..
.
.
‏ إنَّ أقسى الأشياء للنفس ظلماً ,
‏قلمٌ في يد الجبان الجبان
‏يا هوان الهوان!
‏هل أصبح النفط لدينا
‏أغلى من الإنسان ؟!
‏
‏"نزار قباني"
.
.

خلف المنزل الذي يتوسط المزرعه وقف مُختبئاً وهي جانبه وهمس : هل انتِ بخير ؟! .
هيلدا حركت راسها وبخوف باكي : لا ، ماذا يحصل لنا .
لف عليها وبهدوء باحثاً عن حل سريع : يُريدو قتلنا .
صرخت بذُعر وعيناها تقع على عضده الذي بدا ينتشر لون الدماء على ثوبه : انت مُصاب .
عض على شفاهه مُتحاملاً الإلم : ابقي هُنا .
هيلدا جلست وجسدها ينتفض : لاتذهب انا خائفه .
انس بهدوء : ساعود .
استجمع قوته وتحرك بخطوات واسعه خرج من خلف المنزل ووقف بالمنتصف صارخاً : وش تبون ؟ , خلوكم مره ارجال واطلعو تكلمو .
التفت على صوت راكان العالي : انس وينك ، انت بخير .
انس نظر لعضده وهو يشعر بثقل ذراعه وتخدرها : ايه .
اقترب راكان راكضاً وخلفه فتاه امال ثغره بعد ان عرفها : هيلدا ورا البيت ، روح لها .
تباطئ بسيره : من هيلدا ؟! .
انس بسُرعه وانفاسه تضطرب : وحده منهم بتساعدنا ، لازم تبقى حيه ، اكيد هم جايين يبون يقتلونها .
راكان تغيرت ملامحه وعيناه تقع على ذراعه : انس انت بخير .
انس هز راسه صارخاً : بسرعه روح لهيلدا .
راكان نظر لاريان : اريان اربطي يده بشي ، وانا بروح اجيب البنت .
رفع نظره لعيناها وانزلها لسلاح الذي يستقر في كفها الايمن وبسُخريه : امسكي المسدس زين .
اريان نظرت له و بحقد : هذا وانت ع وشك الموت .
استند على ركبتيه وهتف بصوت مُتعب مُستفز : ان شاءالله قبلي ، تعالي بس فكي الكبك .
تكتفت بقهر وعيناها تنظر لطريق راكان .
انس بحده : بنت ماتسمعين ؟! .
وبإلم بان على ملامحه من عضه لشفاه السُفليه : تعالي فكيه .
بربكه اقتربت ونطقت ب اشمئزاز : من باب الانسانيه .
ابتسم وبانت غمازته : طيب اخلصي علينا .
واكمل وعيناه تستقر في عيناها الرمادية : ماهب انا اللي اطلب من اي احد لكن زي ماتشوفين ..
قاطعته بحده وكفيها ترتجف على رسغه من نظراته الحاده : فهمنا ممكن تسكت وتخليني افتحه .
تجمدت ملامحه وبعينان تحمل وعيداً : قومي من قدامي .
نظرت لملامحه القريبه وبشعور غريب وقفت بعد ان فتحته : يوم شفتني خلصت قومتني .
تنهد انس بتعب وترك ذراعه مُبعداً عيناه عن من تقف جواره .
اقترب راكان وهيلدا تتبعه : ليش لما جيت اختفو .
انس وعيناه تضيق وجعاً : رحنا ورا البيت ، وبعدها اختفو .
اريان تجمدت ملامحها ونظراتها تُراقب اقتراب هيلدا .
انس نظر لها وانزلت عيناها بعد ان شعرت بنظراته ناحيتها .
اقتربت هيلدا هاتفه : انس عزيزي هل نذهب لـ ...
لم تُكمل جُملتها وهي تسقط بقوه من اثر الرميه التي استقرت اعلى صدرها .
صرخت اريان من هول المنظر .
قفز انس واقفاً وسحب اريان خلفه وبصوت مبحوح صارخاً : راكان شوفها عندك .
واستدار بسُرعه ساحباً المُسدس من كف اريان : الله ياخذهم ليكون ذبحوها .
همست بتلعثم وهي تشد على ثوبه من خلف : اكيد ماتت .
انفاسه ارتفعت من شدة غضبه ، ومد السلاح ناحيه الاشجار البعيده : ي كلاب اطلعو .
راكان بعد ان تفقد هيلدا تحرك وبخطوات واسعه اجتازهم : البنت حيه لاتخلونها تفقد الوعي ، بروح اشوفهم .
اريان جاورت انس برعب ناويه اللحاق ب راكان : وينك رايح .
قبض ذراعها وبتعب زاد بحة صوته : روحي شوفي هيلدا ، وانا بحرسكم .
سحبت ذراعها وبغضب : وانا وش دخلني بحبيبتك ، تبي يصير لاخوي زي ماصار لها .
اتسعت حادقتيه السوداء واقترب هاتفاً ببُطء : قلتي اخوك ؟! .
نظرت لانس وهو يجلس امام الفتاه المُستلقيه هامساً في اذنها بكلمات لم تصل لها، ابعدت نظرها وبسطت كفها على صدرها بخوف مُبعده عن ذهنها مارمى وهي تفهمه .
نطقت بصرخه على صوت اطلاق النار : راكان .
واقتربت لانس بخطوات واسعه وسحبت السلاح .
مسك ذراعها واجلسها جواره بقوه ونظر لهيلدا ويده تقبض على معصم اريان : هيلدا كوني قويه .
هطلت من عينان هيلدا دمعه يتيمه وب انفاس تختنق : لا اُريد الموت ، ف امي ستكون وحيده .
من بعيد ظهر جسد راكان وهو قادم .
وقفت اريان ساحبه ذراعها وبرجفه : الحمدلله خفت عليك .
راكان حمل هيلدا بين ذراعيه بحركه سريعه وتحرك هاتفاً : لازم اوديها للمستشفى مانقدر ننتظر الشرطه ، انس وصل اريان للبيت .
واكمل وصوته يُسمع من بعيد : الكلاب كانو اثنين بس انحاشو ، لكن حفظت لوحه سيارتهم .
مسكت جبينها بصدمه وعيناها على اختفاء راكان .
بعد دقائق فاقت من ذهنها الغايب ونظرت للجالس بتعب .
بللت شفاهها وتإملته بغرابه .
انس والصُداع يزيد ، وذراعه لا يشعر بها ، وللان تنزف بقوه .
اقتربت وبخوف : بروح اقول للعامل يجي ..
قاطعها وهو يرفع ذراعه المصابه بيده اليُمنى : مافيه احد ، كلهم صرفتهم .
بسُخريه مخلوطه ب اشمئزاز : عشان تجلس مع حبيبة القلب .
انس ابتسم بتعب : تونا تزوجنا من ساعات ، لحقتي تغارين ! .
اريان تاففت ووقفت تناظرنه .
انس بهدوء وصوته يزيد تعباً وخفوتاً : تعالي طلعي المفتاح وروحي جيبي شماغي وحبوب فوق الطبلون ، ودوري لي سكين او مقص من البيت اللي وراي .
هزت راسها بفزعه لمُساعدته فهذا مايجب ان تفعله الان ، وبعينان مُتسائله : وين المفتاح .
امال راسه : بجيبي اليسار .
ادخلت يدها في جيبه واغمضت عيناها بغيثان بعد ان وقعت على الاصابه : لازم تروح للمستشفى .
انس نظر لها وبنفاذ صبر : اكيد لازم اروح ، بس بوضعي ذا ماقدر حتى اوقف ، روحي جيبي اللي قلت .
اريان بعد ان التمست الجوال في جيبه : نكلم احد يقرب لك .
بحده : روحي جيبي اللي قلت .
تحركت بخطوات سريعه ، نظرت لسياره الفاخره ونفضت افكارها فاتحه الباب ، بدت تبحث عن ماطلب اغمضت عيناها من رائحة العود القويه ، حملت الشماغ وعبوة الحبوب الوحيده ، اتجهت للمنزل وعيناها على مكان جلوسه البعيد .
..
فتح عيناه بعد ان جلست امامه وصوت انفاسها تسُمع من الجري .
انس بخمول : حبتين .
اريان هزت راسها واخرجت ماطلب .
بسط كفه واعطته الاقراص .
ابتلعها واغمض عيناه ب انفاس حاره .
همست بخوف : وش هذي اللي كليت .
تربع انس وبدون مُبالاة وجسمه يبرد : مُسكن .
اريان اتسعت عيناها وبصدمه : مايصير تاكل حبوب ، انت مُصاب ..
قاطعها بحده : شي راجع لي .
واكمل وهو يُشير لكُم الثوب بتعب : شكلك خذيتي دور الزوجه المهتمه بسرعه .
اريان وقفت وبربكه واشمئزاز : ناس ماتقدر .
انس نظر لها وبملامح مُصفره : وقسم بالله لو انا بحال يسمع لي اتحرك ماخليتك تنطقين .
قاطعته وبقوة : مشكلتك ماتعرف اريان .
حرك راسه يميناً ويساراً بسُخريه وهتف خافتاً : هو انتي تعرفين نفسك اصلاً ؟! .
انصدمت من جُملته وتصنعت القوة : ي عليك قوه اعوذبالله ، لو شخص اعزه بمكانك كان من اليوم ميت .
ضحك بصوت مبحوح مُتعب ، وانزل ذراعه اليمين وبتعب من بين ضحكاته : لاني خايف تترملين ، ف تعالي اقطعي كُم ثوبي واربطي يدي بشماغ ، ماعاد فيني دم .
اريان جلست وركبتها اليسار تستقر بجوار فخذه ونظرت لملامح وجهه الشاحبه وعيناه المُتعبه ابعدت نظرها ورفعت نقابها وسحبت نفساً قوي وصدرها يضيق وبدت تتحرك بسُرعه ، قصت كم ثوبه من اعلى حتى ظهرت فانيلته الداخليه رفعتها فوق قليلاً وتإملت عضلات عضده وخرجت من تإملها على صوت تاوه : اه اه .
ضغط على اسنانه ونظر لها : اربطي بقوة .
نظرت له وبملامح مُتالمه من إلمه : ماقدر الشماغ مره كبير .
نظر لعيناها وانزل نظره لملامحها القريبه وابعد راسه وبصُراخ مُتعب : طيب اقطعي الشماغ .
فتحت عبائتها وفكت عُقدة الوشاح الاسود المُحيط بعُنقها ، تإمل انس حركتها الغريبه وابتسم وهو يفهم ماتفعل : بس انا مابي شي منك .
اريان ربطت الوشاح الاسود فوق الاصابه بقوه وهتفت بعينان مُنشغله : ولا انا .
اغمض عيناه بتنهيده مُتعبه : وهذولا توى يجون .
غطت وجهها ووقفت بعد ان انتهت واستدارت على صوت سيارات الشرطه : ماكانهم تاخرو شوي .
انس نظر لاصابع كفه وعيناه على ارتعاشها : الزمن ضدي دايم .
اغلقت ثغرها عن نُطق ماكان سايُخرج على دخول رجال التحقيق والشرطة .
تحامل على ثقل روحه وخمول جسده ودوار راسه ووقف ، لم يعتدل بوقفته وهو يسقط بقوه مُغمى عليه .
صرخ الشرطي : بسرعه وين سيارة الاسعاف .
ابتعدت اريان عنهم بخوف مُغلقه ثغرها بنفضة رُعب استوطنتها .
استدار عليها احد الرجال وهو يقترب : اخت المُحقق راكان .
اريان هزت راسها ونظرها لانس وهم يحملونه .
الشرطي : روحي مع الاستاذ زيد ، عشان يوصلك بيتك .
اريان بتلعثم : بروح مع انس .
الشرطي ب استغراب : مع انس العايد ؟! .
اريان بعقل مُشتت : ايه هو زوجي .
الشرطي اتسعت عيناه ورفع ذراعه ، واقترب شخص من بعيد هتف وعيناه يُبعدها عنها : سوو لها مكان بالسياره عشان تروح مع انس للمستشفى .
هز راسه وابتعد هاتفاً : بسرعه اختي امشي .
..
يتوسط المكان الذي خصصه عمه لمُقابلة شخصيات مهمه وصرخ : ليه مايردون .
اقترب احد الرجال وبرجفه : خايفين منك ي طويل العمر .
جابر رفع حاجبه وب استغراب : وليه ؟! .
بتلعثم هتف : لانهم لما اطلقو على الاجنبيه ، اطلقو على انس العايد .
فتح ثغره بصدمه وتعابير وجهه تسود : مات ؟! .
رفع كتفيه : مدري .
تحرك بخطوات سريعه وصرخ وهو ينفضه : انا حلفت لايصير لاحد من عيال العايد شي لا اشرب دمكم ، روح دور الكلاب اللي مثلك ورزهم قدامي .
هز راسه برجفه : طيب .
دفعه جابر بقوه حتى سقط ، واشار وانفاسه تضطرب : انت دور لي **** منيف .
هز الاخر راسه بخوف .
جلس على الكُرسي الجلد وعيناه تستقر على المكتب وبتفكير مرعوب ان يموت انس ، نفض الفكره من راسه وكتب رساله سريعه لعمته ناهد " راح انام عندك اليوم " ، فافي هذا الوضع لان يحميه من غضب عمه الا عمته ناهد .
..
تكتفت وعيناها على الغرفه التي دخل فيها من دقائق طويله .
اقترب احد الرجال هاتفاً : حضرتي الحادثه ؟! .
بضيق وتعب وصُداع تنهدت بخفوت : يعني .
المُحقق نظر لها : كيف .
غطت عيناها وقبضة على كُم عبائتها بضيق من نظراته : اسال راكان ، انا ماعرف شي .
اتاها صوت من بعيد : مشاري طلعها من السالفه .
رفع حاجبه واستدار لشخص خلفه : وليش ماهيب كانت حاضره ؟! .
زيد حرك شفاهه بكلمات وصلت له : اخت المُحقق راكان .
مشاري ابتعد بخجل وشبح ابتسامه عانق ثغره , يعني ان تكون اخت راكان هذه الجميله يُعتبر حظ.
تنهدت ب ارتياح بعد ان ابتعد من امامها وتحركت بضجر مُتعب من وقفوها الطويل .
خرجت المُمرضه وبعجله : المريض يحتاج دم بسُرعه من يمتلك زمرة -o يتبعني .
مشاري تجول بنظره في الواقفين : زمرته نادره من منكم ..
قاطعه احد الواقفين : انا زمرتي -o .
المُمرضه بضيق حركت راسها : يحتاج كثيراً من الدم .
بتفكير سريع رفعت ذراعها .
ابتسمت المُمرضه : جيد جداً اتبعيني انتي ايضاً .
وتحركت مُغادره ، تبعتها اريان بتوتر من نظرات الواقفين .
مشاري ب استغراب : ليش واقفه اخت المحقق راكان هنا ؟! .
زيد ويديه في جيب بنطاله والنُعاس يغلبه : يقولون زوجه انس .
مشاري ضحك بقوه : مين كاذب عليك ؟! .
زيد نظر له بنُعاس : هي قالته .
مشاري بخيبة امل انزل نظره هاتفاً : اعرف مشاري من سنتين ماسمعته يقول ان اخته متزوجه انس .
وب امل رفع راسه : وهو توه تعرف على انس ، متى تزوج اخته هذا ؟! .
زيد بخبث غمز : مسرع طحت بشباك البنت .
ابتسم مشاري وبهدوء هتف : قلتو لراكان ان اخته هنا .
زيد حرك راسه : لا , عاد مدري اذا هو اصلاً يدري .
مشاري ابتعد : رايح اقول له .
..
اقتربت بتوتر بعد خلو الممر وفتحت الباب .
نظرت للمُستلقي وينام بعمق ، تنهدت بتعب وعيناها تتإمله وجهه الشاحب واسمراره .
استدارت بخوف على دخول راكان : اريان انتي هنا .
احتضنته وبتعب ظهر في صوتها : انت بخير .
رفع راسها وبحنان : كلها فتره وتدعي وبتنسين احداث اليوم .
همست بعينان شاحبه : ياليت .
وانزلت راسها : وش صار ع البنت ؟! .
راكان نظر لانس وبهدوء : دخلت غيبوبه مؤقته ، وقدرنا نطلع الرصاصه .
ابتعدت عن راكان ونظرت لما ينظر : كيف انس ؟! .
امال راسه مُبتسماً ع سؤالها : يقولون تبرعتي بدم له .
تكتفت : اي احد مكاني بيسويها .
دفعها من كتفها : ماتوقعتك شُجاعه كذا .
ابتسمت وبتعب اهلك جسدها : مطولين هنا ؟! .
راكان غمز لها : خليك مرافقه مع انس .
دفعته بقوه وتحركت خارجه : والله اعطيت الانس ذا وجه .
تبعها وبصوت مُتعب : ليش مارجعتي البيت .
اريان تنهدت بتعب : مدري .
قطعت حديثها على وقوف مشاري ونظراته الغريبه لها .
ابعدها على خروج راكان ناطقاً : ماقلنا لسعود .
راكان اغلق الباب خلفه وبهدوء : لازم يدري بس قولو له الصباح ، الحين الساعه ٢ وانس حالته استقرت .
هز مشاري راسه : راح اجلس هنا لين يقوم .
راكان اقترب وهمس : راح اوصل اختي للبيت ، وراح ارجع ، ولازم تحرسون غرفه البنت انس يقول مهمه .
مشاري ابتسم : ابشر .
..
نطقت اريان قاطعه هدوء السياره : وش مسوي لهم انس ؟! .
راكان استغرب سؤالها ونظره في الطريق امامه : اريان انسي اللي شفتي .
اريان رفعت ذراعها وبكف للان تترجف : كيف تبيني انسى .
وبرجفه ظهرت في صوتها : انا والموت كان بيننا شعره .
واكملت بتقزز مُتذكره فتحت الرصاصه في عضد انس والدماء حولها : مدري كيف للحين واقفه ع رجليني .
ضحك راكان : يلا اول مره واخر مره ان شاء الله تشوفيني هذي الاشياء .
سكتت وهي تُريح ظهرها واغمضت عيناها بتعب وبعد دقائق ليست طويله همست بحديث وصل لراكان : البنت الشقراء هذي مين ؟! .
راكان نظر لعيناها المُغلقه : مدري .
اريان بتساؤل : كيف ماتدري ؟! .
ابتسم : سمعت انها موظفه عنده ، عاد ماندري اذا بينهم علاقه .
فتحت عيناها ونظرت له بنص عين : اكيد بينهم مايبي لها كلام ، ولا ماشفت وش لابسه ، واصلاً وش يسوون بنصف الليل مع بعض بالمزرعه ، ولاتنسى انه مصرف العمال .
ضحك بقوه ومن بين ضحكه قاطعها : شي راجع له عاد .
اريان تافف بصوت مسموع : ذمتي برقبتك انت والثاني اخوك ، اذا كان متزوج .
راكان بجديه : اريان لمصلحتك لو ..
قاطعته : انا قلت ماحد جبرني .
سكت ووقف امام منزلهم : يلا وصلنا .
نظرت لسياره تركي : هذا هنا وحنا رايحين ندوره .
راكان نظر لسياره يميناً وابتسم بعد ان فهمها : اهم شي هو بخير .
اريان بتساؤل : ماراح تنزل ؟! .
راكان هز راسه برفض .
ب استغراب وخوف : بس بكره السبت وعندك اجازه .
راكان استند براسه على المقود : انا ماسك قضيه انس ، ولازم اكون هناك .
اريان بتفهم : الله يعينك .
نظر لها وهي تدلف الباب وتختفي خلفه .
انطلق عائداً للمشفى .
دخلت بخطوات خافته ، اتجهت ناحيه الحمام دخلت ونزعت عبائتها ، غسلت وجهها عدت مرات محاوله ان تُزيل احداث الليله من ذهنها فما حصل لا يُصدق ، تنفست بقوه وصوت الرصاص للان يعود لمسامعها ، حركت كفيها على جسدها وهي تتفقد صحتها ، تصنم نظرها على الدماء العالقه في بنطالها اتسعت عيناها بذعر مُتوهمه ان هُناك رصاصه في ساقها ، رفعت بنطالها برُعب وتنهدت ب ارتياح ، لايوجد اثر دماء او رصاص ، تجمدت وهي تعلم الان لمن الدماء اغلقت ثغرها وشعور الغيثان يُدهمها .
التفتت على الباب ب استغراب من الطرق الخفيف .
بتوتر اردت عبائتها وفتحت الباب ببطء : من ؟! .
دخلت والدتها وبخوف احتضنتها : وينك تاخرتي .
اريان انصدمت من احتضانها الغريب وحاوطتها بذراعيها هامسه : كنت مع راكان وتوه وصلني .
ام علي بهمس : خفت يوم تاخرتوا .
ابتسمت اريان وابتعدت عن والدتها ف احتضانها النادر تشعر بغرابته : يحاول يراضيني ومارجعنا لين رضيت .
ضحكت بهدوء وبحنيه : ودي انك دايم قدام عيوني .
قبلت كتف والدتها وبهدوء حزين نطقت جملة انس : الزمن ضدي دايم .
ام علي ب استغراب : اعوذبالله ي امك .
اريان اخرجت لسانها وبتبرير للجمله التي علقت في راسها وظهرت امام شخص غلط : يمه نمزح عاد .
ام علي ابتسمت وابتعدت هاتفه : نامي لاتسهرين ع الجوال .
مسحت وجهها وتمتمت بتعب : اي جوال ، الا كوابيس الليله اللي بتسهرني يالغاليه .
..
سعود بنُعاس ونظره لهاتفه والاشعارات الكثيره القادمه له .
ام ماجد بقهر : شفت اخوك ؟! .
سعود رفع نظره وبصوت نائم : يمه قالو لك زوجته ، انا بفطر وارجع انام .
ام ماجد بكُره : خذته مني الله لا يوفقها .
سعود بعدم رضا انزل ملعقته وضمم اصابعه : يمه راضيه على نفسك الحين ؟! .
نوره حركت حادقتيها في سعود هامسه : خلها .
ام ماجد بحده : لاترفع ضغطي زي اخوك الثاني .
سعود بعينان ثبتها في حادقته والدته : غريبه هذا دلوعك .
وضحك غامزاً : شوفي كيف قدرتي عليه وخليته يتزوج الثانيه وهو زواجه من الاولى ماتم له ٥ شهور .
نوره بضيق : سعود وش فيك ع امي .
اشار لها بعينان ساخره : انتي الدُميه الاصليه اللي تحركها وين ماتبي .
نوره بغضب : وش سالفتك انت اليوم .
سعود مسك راسه : انتي ماتشوفين امي ؟! ، انام واصحى ع موضوع ماجد وزوجته .
وحرك نظره فيهما : انا عندي مليون قضيه ، اتعب في الشغل ارجع عشان ارتاح ،ومالقى راحه .
وبقرف ارتشف عصيره : صدق سوالف نسوان .
ام ماجد بضيق من كلامه : وانا احسب اني برتاح لما افضفض لك .
سعود بشفقه : يمه هذا مو فضفضه ، انتي عايشه بمرض السمعه .
ام ماجد بغضب اتسعت عيناها : والله اللي ماتستحي .
واشارت له بوعيد : مصيرك مثل مصيرك اخوك .
سعود تنهد بتعب : بتزوجيني ثنتين ؟! .
ام ماجد حركت راسها : لا بس بتتزوج البنت اللي ابي .
ابتسم : شوفي شادن حبيبتك وهي اللي تبين ؟! .
ورفع زاويه حاجبه الايسر : ليكون نسيتي اني خاطبها وانتظر اعقد قراني عليها بعد ماتخلص الثانوي .
ام ماجد بسُخريه ضحكت : والله ماتعرفها وراسي يشم الهواء ، دام انس فكر بغير اختك .
سعود بغضب رفع عيناه لنوره : شوفي كيف تفكير امك ، عشان تعرفين كيف تحركك مثل الدميه .
نوره بعبره : يمه انا مابيه ، مليون مره قلت لك .
سعود وقف دافعاً الكُرسي الخشبي خلفه : يمه لاعاد تخططين من راسك وتسوين سالفه .
وبهدوء مُبتعداً : واستغفري عن حلفك مابي اعصيك على اخر عمري .
مسكت راسها وبنفاذ صبر وجسدها يحترق من حديثه : عيالي انهبلو ورا الحريم .
نوره بملامح تشنجت وهي تكتم الدموع : يمه سعود صادق .
وقفت وهزت كتفها صارخه : اخوك مجنون في شغله ويحط الحره فينا .
واكملت بعينان تُخطط للمُستقبل : شادن والله مايعرفها ، وشوفيني حلفت ، دامه مافكر ببنت عمه .
نوره ابتعدت عن والدتها ودموعها تنهل : دايم تفكرين بمصلحتك بسمعتك ، بكلام الحريم ، ماعمرك فكرتي فيني .
وبرجفه ظهرت في ثغرها : حتى ماجد خربتي حياته ، وانتي عارفه ماراح يتقبل نوف .
واشارت لها : يمه انتي من خطط لسفره نوف للخارج عند ماجد ، انتي من زرعتي الفكره براس خالي ان نوف لماجد .
ام ماجد اقتربت وصفعتها بقوه : ترفعين صوتك علي ي قليلة التربيه .
وتحركت مُبتعده وهي تلعن ابرار وانس وكل من خرب تخطيطاتها .
مسكت خدها وبغصه علقت في بلعومها همست : انتي ماكنتي كذا ي يمه .
..
لها ساعتين وهي تتوسط الاريكه ونظرها لتلفاز وذهنها غائب ، هذا كم له ساعه نايم ؟! ، استغفرالله ع الاقل يصلي .
تاففت على رنين هاتفه للمليون فهي للان مستغربه عدم انتهاء طاقته .
بعد دقائق قصيره في التفكير وقفت مُتجه لغرفته طرقت الباب وبهدوء : ماجد .
طرقت من جديد : ماجد اصحى وش ذا النوم .
بتوتر طرقت الباب اكثر فهي تعلم انه نومه ليسَ ثقيل لهذه الدرجه : ماااجد .
فتح عيناه ومسك راسه من الصُداع الذي داهمه وطرق المجنونه القوي .
انقلب يميناً وبإلم نفسي اغمض عيناه حتى يعود لنوم .
لكن هيهات وصُراخها ظهر : ماجد انت حي ؟! .
ابتسم وغطاء عيناه فـ لاول مره يشعر بخوفها واهتمامها .
جلس ب استغراب على رنين الجرس وابتعادها .
..
ابرار نظرت من عين الباب وبكُره بصقت : الكلبه ذي وش جايبها .
ضغطت على شفاهها السُفليه وبخبث : موتي ..
لم تُكمل حديثها على خروج ماجد عاري الصدر ، وشورت اسود قصير : من عند الباب .
بتوتر وخجل تلون جسدها بالاحمرار وبتلعثم اشارت للباب مُبعده نظرها عنه : نوف .
ابتسم على خجلها وبإمر : طيب افتحي الباب ، جابها الله ، عشان اعرف احل الامور الزوجيه بينكم .
فتحت الباب وبللت شفاهها ونظرها ارضاً .
دخلت نوف واخرجت شعرها اكثر وهي ترى امامها ماجد : حبيبي انت هنا .
ماجد بعدم رضا : ماقلت لك غطي وجهك وعباياتك اللي كذا لاعاد اشوفها .
تعلقت في عُنقه واحتضنته وابتعدت براسها هامسه : انكتم من النقاب طيب .
نظر لابرار وهي تُبعد عيناها عنهم .
مسك كتفيها وهمس مُبعدها : اذا تبين تكونين زوجتي اسمعي كلامي .
مسحت على صدره وببتسامه رفعت عيناها : عشانك بس .
قبل خدها وبخبث همس : فديتك .
هزت راسها وبللت ثغرها غامزه : امك قالت لي انك هنا .
واستدرت لابرار الواقفه للان عند الباب : لازم نروح نختار اثاث جناحنا .
ماجد بتعب تحرك لغرفته : تعبان مو قادر اتحرك .
لحقته وببتسامه : اوعدك اغير مودك .
شدت على قبضه كفها وكتمت غصتها ف احتراق قلبي وانقباضه بهذا الشكل امر ليس طبيعي .
اتجهت للمطبخ وغسلت وجهها وجلست على المقعد ، واستدارت به ونظرت لثلاجه فالطلاق هو الحل المُناسب ، فهي ليست طفله حتى تنسى حديثه وضربه وسُخريته الدائمه منها ، فمن المستحيل ان يُحبها ، فهو لم يخرج من غرفته حتى راى هذه الحيه .
..

خرج بجسد مُبلل وهو يجفف شعره بالمنشفه .
نوف ابتسمت وب اعجاب : عضلاتك برزت اكثر ، تروح لنادي ؟! .
ماجد استدار ورمى المنشفه : غمضي عيونك .
اخرجت لسانها : حلالي .
ماجد سحب تيشيرت رمادي وجنز وبهدوء : اعرف البنات يستحون لكن واضح انك استثنائيه .
نوف وقفت واقتربت والمنشفه للان في كفها : لاني احبك .
ماجد ابتعد عنها وارتداء على عجله : الله يحبك .
نوف غمزت له واحاطت ذراعه : انت ماتحبني .
ماجد نظر لها ثواني وابعد حادقتيه وهو لايشعر بمشاعر ناحيتها ، استغرب من نفسه وبهدوء سحب ذراعه : اليوم السبت ماتوقع في محل اثاث مفتوح .
تكتفت وبتسليه : واذا قلت لك اني حاطته عذر ، ودني نطلع كحال اي مخطوبين ونتعرف ع بعض اكثر .
ضحك وبسُخريه : اللي يشوفك يقول ماتعرفيني .
مدت شفاهها بغيض : انت وش فيك .
وغمزت هاتفه بضحكه : بعدين عمتي قالت لي علاقتك انت وهذي اللي ماتتسمى سيئه وقلت اجي اخطفك واغير جوك .
نظر لها وبحده : اسمها ابرار .
واشار للباب : روحي قولي لامي ماجد يقول ارتاحي لاتفكرين كثير في حياته .
واكمل مُبعدها عن طريقه : باقي ظ¦ ايام ع زواجنا ، اشوفك ليله الزواج .
نوف سحبت حقيبتها ورمت منشفته ارضاً وخرجت غاضبه .
استدارت ابرار على صوت كعبها العالي وخطواتها الخارجه .
ابتسمت بشماته وسرعاً ماختفت على ظهور ماجد رافعاً حاجبه ب استغراب .
ابرار تصطنع الاهتمام والاستغراب : عسى ماشر ، ليش دكتورتنا طلعت معصبه .
ماجد استلقى وراسه على ذراع الاريكه : خصوصية متزوجين .
واشار لها : تعالي دلكي راسي ، احسه بينفجر .
ابرار اقتربت ونظرت له : صراحه من كثر ماتنسى وش تسوي فيني صرت انسى مثلك .
نظر لها من الاعلى وغمز : هذا سر المهنه .
جلست على الاريكه المنفرده وب استفهام : الا بسال بنت خالك هذي متاكد انها دكتوره .
وامالت ثغرها بسُخريه : اعرف الاساتذه يكونون طيبين واخلاق وعاقلات ، بس هي استغفرالله .
صرخ : ابرار .
ابرار بضيق وقفت : ايه هي تتكلم فيني وتسبني وتسكت لها ، ولا انا .
قاطعها وهو يُغطي عيناه بذراعه : ماعاش من يتكلم فيك .
ضحكت بسُخريه : حتى انت ؟! .
رفع ذراعه قليلاً : لا انا غير .
واغمض عيناه وبهدوء : تجهزي بنطلع نفطر برا .
غادرت من امامه وضحكة بقهر : تخيل انا وانت ونفطر مع بعض .
رفع راسه واضاق عيناه على اغلاق الباب بقوه ، رمى نفسه وتنهد بتعب ، بعد ثواني قصيره جلس وهو يتذكر انس وزفر تعبه : وين رامي نفسك ي انس .
نظر للهاتف الذي رن وفتح الخط ناطقاً بقلق : هلا سعود .
سعود بتوتر : ماجد وينك ؟! ، وليه ماترد ، حتى امي تسال عنك .
ماجد بشك من صوته الخائف : وش صاير ؟! .
سعود وانفاسه تُسمع : انت بخير ؟! .
ماجد وقف صارخاً : سعود تكلم وش فيك ، انا بخير وفي شقتي ، انت اللي وش سالفتك ؟! .
سعود وقف على جانب الخط واستند براسه على المقود : الحمدلله .
واكمل بخفوت : مافيه شي .
ابرار فتحت الباب ووقفت ب استغراب ع صوته العالٍ .
ماجد بنفاذ صبر : سعود بتقول ولا كيف ؟! .
سعود بعقل مُشتت : انس امس بالليل انصاب .
علقت الكلمات في بلعومه ، وكح بقوه هاتفاً ب انفاس مرعوبه : قول بخير .
سعود : هو بخير .
ماجد براحه وقف واتجه لغرفته بخطوات واسعه : الحمد لله .
واكمل بتساؤل غاضب : والكلاب ذولا وش يبون ب انس ، مالقو غيره .
سعود حرك السياره وبهدوء : لانهم كانو يبون البنت اللي معه .
وقف ماجد وبصدمه : وش البنت ؟! .
سعود بتفكير : مدري ، بس الاغلب كان لها سالفه بحادث الحريق .
اقفل ماجد ، وفتح الخزانه بعجله ساحباً له جاكيت اسود ، ف اجواء الرياض بدت تبرد تدريجياً .
اتاه صوت ابرار الخائف : وش صاير ؟! .
نظر لها وبملامح ضيق : لاتساليني عن شي لين اروح واشوف .
ابرار تبعته وبتردد : بتخليني لحالي .
استدار لها : واذا ؟! .
ابرار تكتفت وبللت شفاهها كاتمه كلماتها .
رفع حاجبه : لاتقولين تخافين ؟! ، انتي ينخاف منك .
ابرار حركت راسها : لا ، بس ملل ، ع الاقل جيب اختك .
قاطعها وهو يُحيط وجهها وقبلها على جبينها قُبله طويله هاتفاً : لما ارجع راح اجيبها ونتعشى برا .
واكمل مُبتعداً : اي شي تبينه من برا كلمي الاستقبال .
ارتجفت شفاهها بخوف ان يحصل له الاخر شيئاً .
نفضت افكارها وجلست بهدوء ، عاد لها سؤال ابو ماجد عن والدها همست بخوف : يارب ماله يد .
وقفت مُتجه لغرفتها وصوت رنين هاتفها يرتفع فتحت الخط ناطقه ب استغراب : هلا ؟! .
: ابرار انتي وينتس .
ابرار بعد ان تعرفت على الصوت : يبه ؟! .
ابو ابرار صرخ : اقول انتي وينتس .
ابرار بخوف : في الرياض يعني ويني .
ابو ابرار وصبره ينفذ : الله ***** تستهبلين علي .
ابرار بضيق من اسلوبه : في بيت ماجد .
هتف بغضب : مريت على البيت وقالو مانتي فيه .
ابرار بتردد : طلعت لشقه .
قاطعها : عطيني محلها بسرعه ، ولا تعلمين احد اني بجيك ، حتى ولد الكلب ماجد .
..
اغمض عيناه عدة مرات بتعب من الاضاءه القويه فوقه ، فتحها بعد دقائق قصيره .
شعر بقُبلة والدته على جبينه : ي فرحتي الاولى انت بخير .
نظر لذراعه وبعد ثواني قصيره نطق بتعب : ابي مويه .
اقتربت شادن وفتحت زُجاجه الماء وبصوت باكي : الحمدلله على سلامتك .
اجلسته والدته ، واخذ الزُجاجه وهتف بعد ان ارتشف : انا بخير .
ام انس حملت عنه الزُجاجه وبتردد : من البنت اللي معك ؟! .
انس نظر لها ثم رمى جسده هامساً : وحده تشتغل عندي .
ام انس ب استفهام : وش قلت ؟! .
شادن مسكت يده وقبلة ظهرها : يقول وحده تشتغل عنده .
مال براسه جهت شادن وابتسم بحُب .
بعد دقائق من الاحاديث ، هتف بتساؤل : وين ابوي ؟! .
ام انس وملامحها تشع تعبناً : راح يسال عن حالتك .
شادن نظرت لوالدتها وبربكه نطقت : انتظرتك البارح عشان اقول .
قاطعتها والدتها بحده : اخوك تعبان وتبين تزيدين عليه .
شادن عضت شفاهها السُفليه والتزمت الصمت .
انس ب استغراب : لا من قال اني تعبان ؟! .
وقفت والدته واتجهت ناحيه شادن وسحبت ذراعها وبتوتر قبلت وجنته : اخوياك عند الباب ولا نبي نطول عليهم ، ان شاءالله بالعصر بنجي .
انس اغمض عيناه وبإمر : لاتجون ، وارجعو للبيت ولاعاد تطلعون مكان ، الليل بطلع .
شادن بضيق : بس الدكتور قال لازم تطول عندهم .
قاطعها : شادن وش قلت ؟! .
سكتت وانزلت نظرها ، تحركت والدتها وتبعتها كاتمه عبرتها .
..
ابو انس بربكه عدل شماغه ونظره لاقتراب راكان : هلا ي عمي .
واكمل مُصافحه : الحمدلله ع سلامه انس .
ابو انس هز راسه بود : الله يسلمك ي ولدي .
راكان ابتسم ب احترام : قالو لي انك طالبني .
ابو انس حرك راسه : لا .
راكان ب استغراب اخفاه : يكفي انّا شفناك .
ابو انس بتوتر ضمم كفيه وابتعد على خروج زوجته وابنته .
اشار لزوجته وابتعدو قليلاً عن الفتاه .
ابو انس ضغط على اسنانه : وتقولين قول لشرطه ، طلع اخو اريان واحد منهم .
نظرت ام انس بصدمه ناحيه الرجال الواقفين : اخوها وينه ، هو لزياد ولد غير اريان .
ضغط على رسغها : لاحد يسمعك .
واكمل هاتفاً بحده : ناظريني لاتناظرينه ثم يشك .
ام انس ابعدت نظرها عن راكان وبتوتر : مادريت ان الراشد لهم ولد غير جابر .
ابو انس همس : هذا اخوها بالرضاعه ولد الصايل .
وبملامح مُتسائله : وش جابر اللي تقولين انتي ؟! .
ام انس همست : خلنا لين نروح لبيت كلامنا هنا غلط .
ابو انس هز راسه : انس قام .
ام انس بتوتر نظرت لراكان وابعدت نظرها بسرعه : ايه .
غادر من امامهم وهو يدلف الباب ويختفي خلفه .
شادن اقتربت والاكتئاب النفسي يُسيطر عليها ، الاصوات الكثيره تُخفيها ورائحه العطور الرجاليه تُصيبها بالغثيان : نروح ؟! .
ام انس ونظراتها تُراقب راكان : بننتظر ابوك .
شادن رفعت نظرها لما تنظر والدتها واتسعت على ملامح سعود القادمه .
ام انس التفت على شادن : هذا ماهب ولدك عمك .
شادن انزلت راسها وبتوتر : ايه هو .
تقدم لهم سعود وببتسامه : هلا والله بزوجة العم وبنتها .
ام انس ببتسامه : هلا فيك ، وينك ماعاد شفناك .
سعود وعيناه تسترق النظر ناحيه شادن : والله الاشغال .
واكمل بتساؤل مُحب ؛ وش اخبارك ي شادن ؟! .
شادن بضيق تحركت خارجه وهي تتركهم خلفها .
سعود بملامح اصفرت صدمه : وش فيها ؟! .
ام انس بتوتر اعتذرت وغادرت من امامه .
سعود وعيناه على قفاهم وابعد نظره على صوت راكان : هذي زوجة المستقبل اجل .
سعود بملامح للان مصدومه : والله شكله ماعاد فيه زوجة مستقبل .
راكان دفعه وبخبث : اعترف وش مزعلها فيه .
سعود اغمض عيناه وفتحها بسرعه محاولاً تناسي ماحصل الان : انا رايح اشوف انس .
راكان ادخل يديه في جيوب بذلته العسكريه : عمك عنده .
..
جلست على المقاعد البعيد عن بوابة المشفى ونظرها لساحه الالعاب المليئه بالاطفال .
اخفت كفوفها في اكمام عبائتها على صوت والدتها : وش الحركه اللي سويتها قدام ولد عمك .
شادن بتعب : يمه انا مو طايقه احد .
جلست بجوارها وبخوف : انتي وش تقولين ؟! .
شادن ادخلت يدها تحت نقابها ومسحت دموعها : انا ماصرت اعرف نفسي .
ضممتها والدتها : ليكون للحين عشان سالفه لندن .
ابتعدت ورفعت نظرها للغيوم : جو الرياض صاير يفتن .
ام انس نظرت لسماء وببتسامه : دخل وقت الشتاء .
ابتسمت شادن : كل كثر ماجربت اجواء البرد بلندن ، بس جو الشتاء بالرياض حاجه ثانيه .
ام انس بتردد : كانك غيرتي السالفه .
شادن نظرت لوالدتها : مو هذا اللي انتي وابوي تبونه .
ام انس بعينان مُستغربه : وش نبي ؟! .
شادن اراحت ظهرها وسحبت نفساً : اني ماتكلم عن اي شي صار لي لانس او غيره .
ام انس بتبرير : والله لو على كيفي .
نظرت لهاتفها وقطعت حديثها وهي تقف : ابوك يبيني .
هزت شادن راسها : لاتتاخرون ، ترى مليت .
هتفت ب استغراب بعد ان جلست جوارها من جديد : مسرع رجعتي .
جابر ونظره لما تنظر : لاتناظريني عشان مانشكك الجميع .
شادن حبست انفاسها ونظرت لها بسرعه هاتفه بزفير مرعوب : ان نت .
جابر رفع كفيه وعدل قُبعه الجاكيت فوق راسه وانزلها حتى يتاكد من ثبات الوشاح على ثغره : تنتظرين غيري عزيزتي ؟! .
تحركت بسرعه ناويه الهرب ، سحب رسغها واجلسها قسراً وبحده : قلت لاتناظريني ، وناظرتي ، والحين اقول لا تقومين .
شادن سحبت ذراعها بقوه وابتعدت قليلاً وهي لاترى من ملامحه شي فهو يعرف جيداً كيف يُخبئها كل مره : انت وش تبي مني ؟! .
جابر مسك اذنه وهتف براحه لمن يُخاطبه في سماعه الاذن : كويس ، اول ماتشوفها تطلع قول لي .
وضع ساق على ساق وهتف ونظره للان اماماً : اسالي ابوك .
شادن بتلعثم مذعور : انت حيوان .
جابر بتسليه : لا لا ي حلوه انا حبيبك .
شادن انحبست الكلمات ووقفت برجفه : قسم بالله انادي لك الشرطه ي مجنون ي مجرم .
ضحك بقوه وهتف بعجله وهو يُقاطعها : انتي روحي لشرطه ، وانا اروح افجر راس ابوك .
وبتفكير اكمل : ليش غيرتي رقم جوالك ؟! ، رساله صغيره خلتك تغيرينه ؟! .
واعطاها ظهره واقفاً : ماحب اشوف دموعك ولا حتى خوفك اذا كان سببه انا ، انا مابي اذيك .
واستدار لها وامال راسه : كل مره تشوفيني فيها تاكدي اني احميك .
وابتعد هاتفاً : اللي صار لانس ماكنت ابيه يصير ، لكن وعد لافجر راس من رماه .
جلست بقوه وقدميها لاتحملها ، اضطربت انفاسها بقوه وجسدها يرتعش ، مايحصل لا يُصدق هل انا في كابوس .
..
رفع هاتفه وعيناه عليها : هلا ؟! .
ناهد : انت وينك ؟! ، الشرهه على اللي يسوي لك الفطور .
ضحك جابر وابتعد براحه وهو يرى والدتها تمسكها : كان عندي شغل وراجع .
ناهد بتوتر وعيناها في من امامها : انت وش مسوي .
جابر ابتسم وصعد السياره هاتفاً لسائق : حي ***** .
اعاد سمعه لعمته وب استفهام : كثير اشياء سويت ، اي واحد ؟! .
سحب منها الهاتف واقفل الخط هاتفاً بحده : شوي وقولي له .
ناهد صرخت : والله اني كنت عارفه ماجاني الا منحاش منك .
ضحك ب استفزاز : كويس تعرفينه .
ناهد بتهديد اشارت له : لاتخليني اروح لشرطه واقول لهم .
قاطعها وبصُراخ : انتي مجنونه ؟! .
واكمل وهو يسحبها بقوه ويجلسها : اذا جاء جابر عرفتي كل شي .
ناهد بخوف من ثقته الغريبه : لاتحاول تكذب وانا موجوده .
حمد ضغط ب اصبعه على راسها : اذا فتحتي عقلك اليابس ذا وصدقتيني .
قاطعته وهي تُبعد اصبعه بقرف : لاتمسكني .
اخرج سيجارته وابتعد وعيناه تتجول في اللوحات المثبته وسط الحائط : عائله سعيده .
ناهد نظرت له وبغيض : لاتحسدنا .
ضحك ساخراً ، ونفث الدُخان عليها : بسم الله عليكم .
اقترب لاحد الصور ومرر انامله وبحده : ليش حاطه جابر معكم .
ناهد بنفاذ صبر : لان هذي عائلته .
استدار عليها بعينان تشتعل : ليكون ناسيه انه ولدي .
ناهد وقفت وب اشمئزاز : لاتقول ولدي .
صرخ وهو يسحب الصوره ويرميها جانباً حتى اصبح زُجاجها أشلاء : كذبنا كذبه بس ماهب تصدقينها .
ناهد زفرت غضبها : انت رميته على اخوي وقلت يربيه .
قاطعها واضعاً اصبعه على ثغره : لاسمع حسك .
ناهد سكتت بتلقائيه ، وبعد ثواني صمت هتفت : زي ماطردتني من بيتك انا بطردك من بيتي .
اكملت ب استغراب من هدوءه : انت تسمع ؟! .
حمد مُلتزم الصمت وذهنه يعود للماضي .
استدار على صوتها العالٍ : جابر حنا هنا .
دخل جابر ناطقاً : انتي ومـ ..
قطع جُملته ونظره يقع على عمه حمد .
حمد قفز وسحبه صارخاً : منحاش مني .
جابر انزل راسه وبضيق من خنقه له : لا مانب منحاش ، بس اعرفك ..
قاطعه وهو يدفعه بقوه : غبي من يومك .
جابر نظر لعمته وبعينان يرجو فيها مُساعدتها .
ناهد توسطتهم ومدت ذراعيها ناحيه حمد : زياد لاتنسى هذا تربية يدك وولدك .
جابر حرك راسه : لاتقولين ولده من يومه وهو يشوفني ولد اخوه ولا اعتبرني ولده .
حمد ابعد ناهد وسحبه له وبعينان اشتعلت : ولا يشرفني اشوفك ولد اخوي وذي عمايلك من وراي .
جابر بلل شفاهه وبتبرير : البنت هذي كان لها علاقه مع انس .
صرخ : اي علاقه اي بطيخ .
وضغط على اسنانه مُكملاً بغضب : مفروض ماتثق في اي احد ، شوفها الحين كيف الشرطه محاصره غرفتها بالمستشفى ، لو تصحى من غيبوبتها رحنا فيها ، والله اعلم وش قايل لها .
اغمض عيناه وهو يُسيطر على غضبه : ماتعرف عني اي شي .
ضحك بقهر : حتى لو ماتعرفك يمكن توصفك .
جابر نظر في عينان عمه وبهدوء : بنخطفها ، واذا تطلب الامر بنقتلها .
شهقت ناهد وهي لم تفهم من حديثهم غير كلمه اقتلها : تبي تصير زي عمك قاتل .
جابر استدار بصدمه على حديث عمته : قاتل .
ناهد اشارت لاخاها برجفه : ايه قاتل ، ماقال لك قصته البطوليه مع زوجته لما قتلها .
واكملت بقرف : ولا عن بنته اللي انخطفت ليلتها ولقاها مرميه عند بيته ، هذا اذا ماكان هو اللي قاتلها .
حمد صرخ : قلت لاسمع حسك .
اغمض عيناه مراراً وفتحها وببطء : وش فيكم ؟! .
وضعت اصبعها على عينها اليُسرى وببُكاء : بعيوني شفته .
وبسطت كفها اليُمنى : كان معه سلاح في يده ذي .
حمد مسكها مع عضديها وبصُراخ : فيه احد بعقله بيذبح زوجته .
واكمل بقرف : مليون مره اعيد وازيد ، انا ماقتلتها ، واللي قتلها والله لاذبحه .
حاولت سحب ذراعيها : اللي شاف غير عن اللي سمع .
جابر عاد خطوه للخلف وعيناه لا تُصدق مايرى .
حمد تركها وحرك راسه ب اسى : مشكلتك لا شفتي ولا سمعتي .
جابر بتردد : قالو لك عن انس العايد .
حمد نظر لجابر وابتسم بعد ان فهم انه يُصدقه : ايه ليته مات .
ناهد جلست وبكت بقوه .
نظر لها حمد وهتف وهو مُغادر : حاول تتفاهم مع عمتك تسكت ، ترى لسانها يحكها .
ناهد رفعت عيناها بحقد .
حمد بتهديد : وين ولدك مايسلم على خاله ؟! .
جابر بهدوء وعيناه لعمته : نايم .
حمد نظر لها واصطنع الدهشه : لا عاد يارب انه ماسمع جنون امه .
جابر بشفقه وصوت عمته يزيد بالبُكاء : نقول ان شاءالله ماسمع .
خرج حمد بخطوات ثقيله وواثقه .
ناهد بشهقات مُتتاليه : هذا اللي خفت منه .
جابر جلس جوارها وبخفوت حاني : من وش .
نظرت له وملامحها تلونت من شدة البكاء : انك تصير مثله .
جابر مسك كفيها وبعينان مُبتسمه : عمي لازم ياخذ حقه ، ظ¢ظ سنه مو بسيطه .
ناهد سحبت كفيها وبكت هاتفه : ياخذه من من ؟! ، وهو اللي قاتلها .
جابر رفع حاجبيه : وليش مصره .
وقفت وبربكه وضياع : الجرايد قديمه كيف اجيبها .
التفت على عمته وببتسامه : حاولي تصدقين عمي ولا تكونين ضده .
صرخت : ماضيه مايشفع له كيف تبيني اصدقه .
واضاقت عيناها بتفكير : هو من قال لك انه قاتلها ؟! .
جابر بتردد هادي : عايد العايد .
ناهد ضحكت بسُخريه : ومن عايد العايد ذا ؟! ، اول مره اسمع في اسمه .
جابر وقف خارجاً : انسي .
جلست بتعب وبتفكير ، من عايد العايد ؟! ، وعاد لذهنها نطق جابر ب اسم انس العايد وتمني حمد موته .
انتفضت بصدمه هُناك انتقام بالموضوع وهو من اخترعه ، وقفت وبتوتر : لا يارب .
..
رفع حاجبه بغضب : وانا ويني ؟! .
فهد بدون مُبالاة : دقينا ولا رديت ، تبينا ننتظرك عاد .
تركي قفز ناحيته وسحبه : ايه تنتظرني .
فهد مسك كفيه بقوه وضغط عليها وهو يلويها : البنت تزوجت وخلاص .
تركي ضغط على اسنانه وبإلم من قبضته : انا مفروض اكون شاهد على زواجها .
دفعه فهد وقاطعه ساخراً : قلتها مفروض تكون .
خرج تركي وبخطوات واسعه توسط الصاله وبحده : يبه اللي يقوله فهد صدق .
ابو علي انزل فنجانه : وش يقول ؟! .
تركي تنهد شاعراً ان هذا مقلب من فهد لا اكثر : انك مزوج اريان ولد العايد ؟! .
ابو علي هز راسه ببرود : ايه .
تركي مسك راسه وهو يشعر ب انفجاره في اي لحظه : لا ماصدق .
علي بهدوء : انا مثلك ماصدقت بالاول .
تركي نظر له : وش صدقت الحين .
علي امال ثغره بعدم مُبالاه : اهم شي انها تزوجت ، والله يوفقها .
غادر من امامهم ودخل المطبخ بحث بعيناه : وين اريان ؟! .
روان بنُعاس : قصدك العروس .
تركي تركها خلفه وفتح باب غرفتها نظر لها وهي تنام بعمق .
هاجر ابتسمت : غريب قايم بدري ، وهذا وانت وياها جايين متاخر .
واكملت بضيق : ماتمنيت تنجبر عليه .
تركي استدار لها بقوه وبتلعثم : وش تقولين انتي ، ومين اللي جابرها .
صرخ : ماعاش ولا بيعيش .
نهضت اريان بخوف .
تركي اقترب وبصدمه : انتي مجبوره .
اريان بملامح نائمه : ع ايش ؟! .
تركي بنفاذ صبر : على ولد العايد .
اغمضت عيناها وبخمول : لا .
تركي زفر غضبه : انا وين كنت عن كل ذا ؟! .
هاجر اتكت على يدها : اسال نفسك .
اريان بهدوء حاد : تركي والله نعسانه .
قاطعها : هاجر تقول انك جايه متاخر وعلى انك معي .
قاطعته رافعه حاجبها : تشك فيني ؟! .
تنهد : صدق ناقصات عقل .
اريان نظرت له وببطء : كنت مع راكان ، ورحت لشقتك ولا لقيتك وبعدها قضيت الوقت كله معه .
هاجر وقفت وسحبت ذراع تركي وخرجت به .
استلقت اريان على جانبها الايمن وعقلها ياخذها بعيداً ، ايُعقل انهُ مظلوم ؟! .
تاففت واغمضت عيناها محاوله جلب النوم همست وذهنها يعود لتفكير ب انس : كيف بعيش معه ؟! ، شخص بارد ، مريض ، قبل شهور سمعته يتكلم عن قتل .
ضغطت على شفاهها كاتمه رجفتها والبُكاء لن يُجدي نفعها .
.
.
..( نهايه البارت الـ31 )..

سلمت الآكف ومَاجلبت
إبداع دآئم وتميز مُستمر
لا عدمنَاك
قوافل شكري وتقديري لك

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

سلمت يمناك
طرح جميل جدا

100
أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

يسلمو ع المرور

سلمت الانااامل
لجمااال ماشاهدناااه

نشكرك
ويعطيك العاااافيه

راقني انتقائك الماسي
تسلم يمينك
ودام عطائك العذب
پآقة ورد

الموضووع رووووووعه
اختياارك له في محله

لك كل الشكر والاحتراااام

نجمكم