رواية /حزينة على ماضي ولىّ و فات

البارت الثامن سهى رجعت من المدرسة واناوسحر وكنت اتمنى القى صالحه بالصاله ودي ابرد حرتي فيها بعد الحركه البايخه اللي سوتها تقدمت مستعجله ادخل البيت حصلتها جالسه عن التلفزيون تقدمت كم خطوة سهى:اقول صويلحه .. وش تبين توصلين له من حركاتك هاذي صالحه ببراءة:انا .. وش فيه بعد .. كل شي بهالبيت تحطونه بظهري سهى:حركتك مع سمر اليوم الصبح وش تسمينه هذا .. يابنت الناس فكينا من شرك .. ولاتاخفين حنا بنفكك من شرنا بعد صالحه بصراخ وصياح :احترمي نفسك احسن لك اذا امك ماربتك تعالي انا اربيك زين سهى بفجعه من صراخها المبالغ فيه:هاذي انتي قانونك بالحياة قابل الصياح بالصياح تسلم .. عشان اذا شافك ابوي يحط الحره كلها فينا.. بس ماعوزك توصلين للي تبينه صالحه بدلع:مقهوره ان ابوك مايطاوعه قلبه اني اتهان بهالبيت ويسكت بقهر اكثر قربت من عندها ولاشعوري مسكت شعرها وشديته بكل قوتي سهى:دام ابوي مهاوشنا مهاوشنا .. خليه يهاوشنا على شي يسوى صالحه تفك يد سهى وتشد شعرها:ياحقيره فكي يدك اي مع هالصراخ والازعاج تقدمت بكل برود الا كانت من اول الهوشه تطالعهم من بعيد حصة ببرود:وش فيه صالحه:تعالي ضفي بنتك عني لامردغها حصة :الله اعلم مين مردغ الثاني ههههه بعد صراخ وضرب وخناق جو سحر وسمر يفككون بينننا دخل علينا ابو :بس بس .. لا بارك الله فيكم ولا فيمن جمعكم صالحه تركض وتحتمي في ابوي تخبت وراء ظهره:حمودي شوفهم شوفهم كلهم من هالقرده "وهي تأشر على امي"هي اللي معاونتهم على ضربي بدال ماتخانقهم انه يمدون يدينهم علي وانا مثل امه سهى باندفاع:تخسين وتعقبين وبسرعه ابوي عطاني كف حسيت الدينا دارت فيني ماتكلمت ودخلت على طول للغرفه ركضت امي لي ومسكتني .. :حسبي الله وتعم الوكيل فيك الله يشغلك بنفسك ياشيخه .. كفي شرك عنا .. عسى الله لايربحك محمد:خلاص ياحصه لاتكبرين المواضيع وانتي امشي بسرعع قدامي على الغرفه يالله صالحه :حاضر دخلت عندي امي حصة:وش فيه ياسهى ؟ سهى:يمه مافيه شي بس كذا قهرتني وتخانقنا كالعاده يعني مافيه شي جديد حصه:مع اني ماصدقك بس اصلا مالي هلق انشب بك عشان تهرجين .. بروح اغرف الغداء تعالوا تغدوا ازين ولاتضيقون صدركم يوم طلعت امي جت سمر عندي سمر بصياح:سهى اسفه .. ابوي ضربك عشاني سهى بعبط:تذكريها انه ضربني عشانك سمر بصياح اكثر سهى:اوف وش هالبلشه يابنت الحلال خلاص عادي .. تعودنا ميخالف .............. سما بعد صلاة المغرب تجهزت وجهزت البزران وركبنا السيارة تالا :بابا .. تدري ان خالة سما تقول ان بابا مايحب يتغداى بالبيت ويتأخر ويخلينا جوعانين نستناه سما اخخخ ودي اكوفنها هالتالا بزر وتنقل هرج راكان طالعني وانا قلبي بدا يرقع اف بس وش هالبلشه مادريت انه فيه رادار عندي ينقل الكلام عني راكان تكلم بعد فتره :تالا بابا عيب تنقلين الكلام تالا بفشله :بس بابا راكان :خلاص اص وصلنا دخلت البيت ومدري حسيت اني قلقانه من هالطلعه ام راكان:ياهلا والله وغلا تو مانور البيت والله سما:هلافيك خالتي "تقدمت حبيت راسها" ام راكان:اخبارك يابنيتي واخبار امك بشريني عنك سما:الحمدلله بخير ونعمه وامي تسلم عليك ام راكان:الله يسلم ويسلمها صارت تبوس البزران جلسنا نتقهوى وانا مستغربه اتذكر عندها بنات وينهم الييت هاديء ومافيه احد راكان:الا يمه وين البنات ؟ ام راكان:ياعمري عليهن جان من الكليه وتعبانات دخلن ينامن راكان بضحكه :يمه كل هذا نوم من الظهر .. وبعدين مايدرون اننا بنجي ام راكان بلعثمه :ايه ياوليدي ماجن الا العصر حرام قلت ماراح اقومهم راكان:ايه بسلامتهم ... يالله اجل مع السلامه عندي مشاور ام راكان:وين يا وليدي ماتبي نعشاء راكان: لا لاتحسبون حسابي على العشاء يوم انا انغثيت وش اسوي الحين وش اسولف معها على الاقل لو هو فيه يسولف معها شوي بعد فترة صرت وانا بحجري فهودي وقاعده ارضعه قامت بتشيل القهوة والحلا ام راكان:ايه يابعدقلبي يامها عسى الله يرحمها ويغفر لها ماكانت تخليني اشيل شي هبت ريح تقوم وتقول خلين عنك ياخالتي انا اشيله يانظر عيني الله يسكنها فسيح جناته اففف وش التلقيح بالكلام طيب قولي بالصريح ساعديني ماعندي مشكله عاد صدق عيب مفروض انا اقوم من نفسي واساعدها مهما كان هي مرة كبيرة بس والله اني مشغوله مع فهودي تركت رضاغة فهودي وقمت :عنك خالتي والله ماتشيلين شي ام راكان:الله يرضى عليكم صدق بنات متربيات انتي واختك مر اليوم بطيء لحد ماجاء راكان واخذنا دخلت البيت ورحت احط فهودي بسريري نايم ياحياتي هو وراكان دخل لمار بسريرها نايمه طلعت بجيب شنطة فهودي وقفني راكان:مالها داعي حركتك ابد سما باستغرب:اي حركه راكان:تخلين فهودي ينام عندك مفروض تستأذنين مني على الاقل سما:اظن اني قلت لك وانت قلت ماراك انقل السرير.. فاضطريت خليه ينام جنبي .. راكان :لاتنسين انه هذا ولدي سما فرحان انه عنده عيال اشغلنا :ادري راكان قرب مني :ولا اذا اشتقتي تجيبين عيال منك سما بصدمه من كلامه طالعته وانا بشوف صادقه بكلامه ولا لا طالعت بعيونه لقيته ساكت ولا يتكلم ينتظر مني اجاوب حسيت الرعب دب بقلبي سما بلعثمه وخوف رجعت على وراء :ل ... لا تنسى ... انه زواجانا على ورق ركاان:عادي .. نخليه مو على ورق بسرعه لفيت وعطيته ظهري ودخلت الغرفه مسكت قلبي واحسه بيطلع من مكانه من الخوف حسيت بغصه خانقتني ومر علي طيف مها حسيت بطعنه بقلبي وانا وش سويت ليش كذا حقير احس اني قاعده اخونها تكلم:الله يسامحك يمه .. ليش خليتيني اتزوج راكان تكلمت ابي اشوف ردة فعلها ظليت اتأملها اول مره اتأملها بالقرب حسيت بعيونها دب الرعب فيها يالله هاذي طفله اكثر من انها تكون مرأة ناضجه قصيره ونحيفة بيضاء وشعرها تركته مفرود الى تحت اكتافها لونه بني غامق كل شي فيها صغير وناعم عيونها ناعسه واللي يميز بعيونها ان رموشها كثيره وجهها دائري وطفولي خشمها دائري وصغير وفمها شبه وسيع ومنفوخ اللي يشوفها يقول انها بالثانوي وعمري 16 بس حسب ماعرفت ان عمرها 26 يااه فارق العمر بيننا كثير انا 38 وهي 26 عسى الله يكون بعونها ............. ابتهال قاعده انظف المطبخ وفجاة انمدت لي علبه موف لفيت وشفت رائد شاق الابتسامه :تفضلي يانور عيني ابتهال :غريبه وش اللي صاير بالدنيا رائد تجاهل كلامي وتقدم باس جبيني رائد:تستاهلين ياروحي الله لا يحرمني منك ابتهال : ولا منك رائد : فكي شوفي وشو فهكيتها وش عطر :شكرا ياقلبي الله يعطيك العافيه رائد: يالله عاد ابتسمي .. والله عاد اني اشتقتلك ابتهال:حياتي انت طلع من الطبخ وظليت اناظره لحد ماطلع انقهرت من نفسي ليش مافرحت بالهديه حسيته ندمان حيل بعد اللي سواه بس عجزت اسامحه احس كل ذرة حب كنت احملها له بقلبي انمحت والله ماني قادره انسى واتجاوز واعيش حياتي معاه عادي ... احس اني عايشه معه بس عشان عيالي ................. ريما ريما :تو ماسويت قهوه وبنسهر انا وياك تراه مافيه نوم ام سامي:هههههه مجنونه انتي انا مرة كبيره تبيني اسهر معك ريما:حرام عليك انتي مره كبيره انتي بنت امس وبغمزه تبين عريس ام سامي:تبين اصكك بالفنجال ريما :يمه والله يانتي شديده ام سامي:عيب هالكلام انا امك ريما :اسفه رفعت جوالي وقريت الرساله ام سامي:مين ريما:قروب صديقاتي يقولون نبي نطلع الخميس نبي نشوف بعض من زمان عن بعض ام سامي:ايه الله يسر لك يامي بقلم: سلام

طرح رائع قلبي

حضوركي شرف لي
نورتي عزيزتي
نظرة الحب

مُقتطف جمـيل جداً
وَ إطلآلهَ تُحآكينآ بـِ كُلِ يُنوع
سلمت يَ ذآتَ التألق البـآذخ
ولك شُكراً على حُسن الإنتقآء
أطيب الاماني

سلمت أنــآآملكـ ع الطرح الرائع..........

اِنتقاء غاية في الجمال والنفع

دُمت وسلمت

طرح رائع
تسلم يدكك ولاننحرم من مواضيعكك
الراقيه والجميله.
عوافي.

طرح جميل
عوافي

لطرحك نكهه جميله
وتستحق المكوث فيها لروووعتها

لك مني أجمل تحيه وتقدير


الغنــــــد

حضوركي شرف لي
نورتي عزيزتي
اطلال