قصة قصيرة بعنوان اللقاء الاخير ؟؟ , تاليفي ,, البارت الاول ,,

الشخصيات : ابو مهند ,, ام مهند ,, مهند - عادل - عبير ,,,, والخال ابو جاسم





الجزء الاول :



,,



في بيت العائلة ,,

ابو مهند دخل البيت وهو زعلان ومضايق وطفشان :

اااخ من ذا الشغل المتعب الي ف الشركة لا احد يفهم ولا احد يقدر تعب الواحد اوووف

,,,

ام مهند : هدي بالك ي بو مهند الدنيا ما تسوى تزعل لى كم عامل بالشركة ,,

ابو مهند : محد يفهمني غيرك ي الغالية

ام مهند : من لي غيرك يا سندي انت ,, الله لا يحرمني منك ,,

اقوم انشب لك الغدا

ابو مهند : تسلمين لي ي بعدي ,, وانا بتجهز وبنزل لج

في احد وصل من العيال !!

,,

ام مهند : لا لسه ما وصلو , زمانهم جايين هذا وقتهم

,,

ابو مهند : تمام ,,

,,


في وقت الغدا والكل مجتمعين

,,


عبير : يالله الجامعة اليوم كانت فووضة البنات مسوين مظاهرات عسب النتايج مو راضيين

ابو مهند : وعسى منتي منهم

عبير : يبه تعرف بنتك دوم شطورة

ابو مهند : ايه خابرك عدل انا بنشوف الشهادة

ام مهند : بنتي وخابزها زين ماتخيب الظنون

,,


عادل : يبه بسالك ,, ماكو خبر عن مهند ؟ صار له فترة ما طمنا عليه

,,

ابو مهند : عادل كل وانت ساكت

ام مهند : يمه عادل كل وخلي هالموضوع لبعدين بعد الغدا خير

ابو مهند : يعني نقوم ونخليكم احسن ؟؟!!

ام مهند : والله ماتقووم يا ابو مهند ,, اجعد ترى الولد مايقصد شي

,,

عادل : اسف يبه ماقصدت شي ,,

عبير : يبه وشلون الشركة معك , عسى مو معذبينك ؟؟

ابو مهند : الشركة تعب ومشاكل والعمال مأذيني ي بنيتي ,, خليها على الله

,,

بعد الغدا ,,

عادل : يمه ليش ما تتحجين وين مهند ماله صوت ولا حس ,, فيه شي ؟؟

ام مهند : لا يمه مافيه شي ويه تتفاول ع خوك ,, مافيه الا العافية

عادل : طيب وينه مايرد ولا يكلمنا

ام مهند : تعرف اخوك انت جاعد يدرس ف امريكا ومشغول حيل ,, من يخلص ويفضى بيكلمنا



,,



ف غرفة ابو مهند :

ام مهند : ابو مهند لساتك زعلان على مهند ؟؟ هذا ولدك الكبير ماله غيرك

ابو مهند : ام مهند والي يرحم والديك مابي احجي ف هالموضوع غيريه تكفين ,, بعد الي سواه ولدج مابي اسمع عنه شي ,,

ام مهند : هو وش سوى لي قال مايبغى يتزوج ويبي يكمل دراسته برى , زعلت منه الله يهداك

,,

..



..


.




.



يتـــــــبع







,,

ابدعت ماريو بالسرد والتسلسل ،
ولبقية الحكاية متشوقون وباانتظارك ،
دام قلمك نهراً لاينضب ،

تقييمي وختم قصائد وتنبيهات ..
تحياتي وتقديري ..

الله ي ماريو
شيء مشوووق قسسم
<< تبي التكمله متششوقه

بانتظارك

رواعه وجميله القصة ف انتظاره

الف شكر

يا عيني مشوقة كأني اشوف مسلسل
استمر ومتابعين لك
تقيمي تستاهل ماريو

البدايه حلوه ومشوقه
هاتي التكمله عشان اقراها كامله.

قصة في قمة الروعة

في انتظار باقي الاجزاء

اعجابي وتقييمي و5ستارز

القصصصصصصصصصصصه تهبل
خورافيييييييييييييه حيل

بس عندي ملاحظات

اقوم انشب لك الغدا

انشب >> ب الجيم والا الشين ؟

زمانهم جايين هذا وقتهم

الخليجيين ما يقولون كذا
اعتقد يقولون : يأيين بالدرب ... والا ؟

والله ماتقووم يا ابو مهند ,, اجعد ترى الولد مايقصد شي

ما يحلفون كمان
يقولون : وش دعوه
الولد ما قال شي

ومو اجعد
يقولون : اقعد

تراني متابعه المسلسلات ومختمتها واحتري حقت رمضان
ههههههههههه

الله الله قصه تشوووووق

بانتظار البقيه
تقييمي

للفن الرفيع ذوّاقه لا يتقنه إلا فنان
عاصر الفن الراقي و التذوق
للحرف القوي و الأنيق ،،
طرح في قمه الروعه والجمال
ويعطيك الله العافيه على مجهودك
في أنتظار المزيد
والمزيد من عطائك ومواضيعك الرائعه والجميله
ودائما في إبداع مستمر