@( ياكاشف المعنى ابي منك تفتيش )@

ياكاشف المعنى ابي منك تفتيش
عن علة(ن) في داخلي مستكينه
خشيتها تنخش عرا القلب تنخيش
يومن ولد اللاش يكثر رطينه
وش لون ابكتب والفكر فيه تشويش
وحبال فكري من عناها رهينه
ياللي طعنت القلب بالله بشويش
شلفاك من بين المحاني دفينه
ذبحتني عن قصد والا مع الطيش ؟؟
والا انت جاهل ما تعرف الغبينه
لو ذبحتي جتني على يدين درويش
مسموح لو تقطع وريدي يمينه
الا ان ظلمني صاحب (ن) قلت له ليش ؟
اشره عليه وكل جرح (ن) يدينه

وان كان جاني من عنا الوقت تهميش
اظــــلوع قلبي للشدايد متينه
وان كان شفت من المعازيب تطنيش
اشد وارحل عن حدود المدينه
ما همني لقمه ولا همني عيش
مادام رزقي عند ربي ضمينه
وان جيت مجلاس تغشاه تهويش
سحبت نفسي في هدوء وسكينه
اعز نفسي عن هروج التلاطيش
اترك سماج الهرج وآخذ ثمينه
الحر الأشقر للسما ينهضه ريش
واليا هوى للصيد جاب السمينه
على الوفا والطيب مبداي واعيش
. ومن كان ذا مبداه ربي يعينه





بقلمي

عذب

وقسسسسم بالله انك شاااااعر فحل
ويااللي كتبته يااشاااعرناااا اني عشته واناا اقرااا
صح بووووووحك
يااعذب الشعرر يافناان

وانااا اشهد انك الجزاالة والمعنى والاحساااس
كلهااا

نجم الجدي
صح بدنك وماعليك زود وتسلم على حضورك المبكر وتواجدك الدائم واعتز كثيرا بشهادتك تقبل مني كل التحايا على اعجابك واشادتك .

وش لون ابكتب والفكر فيه تشويش
وحبال فكري من عناها رهينه
ياللي طعنت القلب بالله بشويش
شلفاك من بين المحاني دفينه

الله عالاحساس الجميل
رائع انت ي صديقي

ختم * تنبيه

صح لسانك
وعلا شأنك
شاعرنا متألق عذب

صح لسانك شاعرنا
أبيات في عاية العذوبه
دام بوحك

إدمآإآنْ

صح بدنك وكل الشكر لك على المرور المشرف والحضور المميز واشكر لك اعجابك ومديحك تحياتي

قصيدة تعبر عن معاناة ممافيه من شموخ وعزة نفس
هنا للشعر حضور آخر
أجدت ي عذب
دمت ب هذا عطاء

احسنت عذب
تقييمي

رائع
صح بوحك
دمت