فــ الناس من خافيها جا عَكس بَيّنها>>تاليفي

السلام عليكم ورحمة الله وبركاته

ابيات اتمنا انها تنال الاعجاب

سبحانه اللي ليا شانت يزَيِّـــــــنها
الواحد المعبود اللي م َ تنام عينه

يُمهل ما يهمل كل ّ عباده يدَيِّنها
ومهما طالت المُهله ما رَدَّيت دَينه

ونهاية المهله خاتِمتك يحَـــــــــــــــــيِّنها
وكل ّ ٍ له خاتمته وكل ّ ٍ وله حِـــــــــــــــينه

الله يهدي من جاته زينه وشَـــــــــــــيَّنها
السوايا الشينه شانت منـــَّها الــــــــــزَّينه

وفـــ الناس سربوتها وفـــ الناس دَيِّنها
اللي اختار دنياه واللي اختــــــــــــــــــار دِينه

بين اضعفها وبين اسمَنها اختَر سمَيِّنها
تضيع الضعيفه بس م َ تضيع السِّمينه

وما كل حاجه تدَّوّر عنها تعَـــــــــــــيِّنها
وكل ّ ضايع ضــَيَّع حاجه الله يعينـــــــــه

ومافيه حاجه باقيه في مــــــــــــــكَيِّنها
كن الزلزال مغــَيّر موقع كم مـــــــــــدينه

اختلَف وزن نحيفها مع َ متـــَيِّنها
كل متينه نَحفــَت وكل نحيفه متينه

يوم المصايب ابطَت مَدَّة لســـَيِّنها
صار كم حادث خــَبَّط له في كم مكينه

وفــ الصــَّدمات اَشنــَعها وفـ الصَّدمات هَيِّنها
من يسار السَّــــــــــــــــــايق والرَّاكب من يمينه

والطين يزيد الطِّيــــــــــــــــنه بــــَلـــَّه يطَيِّنها
ومافيه ازلَق ا..من الما اِليا اختلَط بــ الطِّينه

وما كل قساوه على كيفـــــــــــــــــك تلَيِّنها
تبقا على حَسَب قسا وقتـــــــــــــــــــــك ولِينه

مثل التــّفاحه لو جا من بغا يتَـــيِّنها
يا خبله من يرجي من التـــّفــَّاحه التِّينه

وما كل سؤال ٍ له اجابه يبَـــــــــــــيِّنها
كم سين ٍ له جيم ٍ بين نفسه وبيـــنـه

وفــ الناس من خافيها جا عَكس بَيِّنها
وفــ الوقت يوم لـ كشف الاسرار الدِّفينه

وكل خافيه فــ الخفا تغــــَطــِّي جبـــَيِّنها
كل قناع ٍ له يوم ٍ يسقـــُط عن جبــــــــــينه

ويــ الله طلبتك من عقب الشّين زَينها
يا واحد ٍ والعالم كله تحـــــــــــــــــــــت عينه

احسن خاتمة ٍ نجهل وقتها وحَيِّنها
وكل ّ ٍ له خاتمته وله يومه وحــــــــينه

وسلامتكم

بــ قلمي : صلاح الدوسري