ضاق الغمام

ضاق الغمام وفح صدر المزاريـب
يالله بجاهك يـا عليـم الغيوبـى


يا منجياً يوسف من الجب والذيب
بحماك يا ساتـر خفايـا عيوبـى


صاحوا تناخوا دوروبى عذاريـب
تجمعـوا ليلـة وزا سولفـوبـى


أثرى مسوى بالقلوب الاعاجيـب
وأنا مثل وجه السما نقش ثوبـى


أنا وسيع بطان راهـى مطاليـب
ماضيق لو شانت نوايـا دروبـى


آرد وأصدر وأخذ العلـم وأجيـب
مانى على طرش الرعاع محسوبى


بردت كبدى من قراح المشاريـب
دوبي رويت من الشهاليل دوبـى


خليت للحاقد طشـاش وحثاريـب
يتـوب وإلا قلعتـه لا يتـوبـى


شعرى زها بجباه بيض المكاتيـب
شعرى على طرياه هبـت هبوبـى


شعرى رسايل عيد طيبٍ على طيب
عطر الشمال ومهفهفات الجنوبى


شعرى وسايد مترفات الرعابيـب
شعرى لوى تلعات الارقاب صوبى


شعرى شهد له طيبين المجاذيـب
وش عاد لو سود النوايا حكوبـى


لو كان مالي غيرها من مكاسيب
مابغى شهـادة ميتيـن القلوبـى

　
الشاعر / مساعد الرشيدي (رحمه الله)