غياب الشمس بعد الشروق>>بوحي

السلام عليكم

قصيده جديده اتمنا تنال إعجاب من يقراها


يابنت أدري مالك من صوبي أي اشواق
لكن انا على شوفك يجذبني الشوق

ما بيننا موعد لقا ولا ساعة فراق.
لكن بينك وبين الخلق عدة فروق..

شوفك سر العين الزين علاج ن لمن ضاق..
لاشفتنا الزين اتخدر شوي وافوق..

نظرتك رصاصه صابتني بعد الإطلاق..
تطلق سهام ن م توقع إلا في الخفوق..

حسن الوجه وجمال الملامح والأخلاق..
سبحان الخالق شف جسدها شلون مخلوق.

الخصر نحيل نحله مثل عظمة الساق..
خصرها حطم رقم قياسي غير مسبوق.

ماتختلف عليك ثنينه من الأذواق.
.طلتك تلفت النظر والقلب مسروق..

.منتي حي الله بنت ن تتمشى في الاسواق..
مثلك يقعد محله واحنا نجيب له سوق..

ارتفعتي في العلال وطرتي فالآفاق..
البنات تحتك وانتي متصدره فوق..

..تلبس لبس ن على بنت ن غيرها ما لاق..
عليها لحالها طرق وغصب انه يلوق..

في أعلى جبينك لشمس الصبح اشراق..
قذلتك غيمه وفي خدك لاحت بروق..

بسمتك يا حياة الشقا تعب وارهاق..
والدلع مشيك بالهون والمشي برفوق.

والشفايف الحمرا متميزة المذاق..
احلى من العسل والسكر يوم انك تذوق..

تروي الظما تطفي اللاهب الحراق..
وأخبر أن القلب من مبطي وهو محروق..

بعد م تشيل فخاطرك فوق مالايطاق..
تاخذ أعمق نفس بعد ماكنت مخنوق...

احسن من أنك تشوف للباب إغلاق.
أنك تحصل من شرع لك بابه المطروق..

ليتها تلتفت لي لا علي الطلاق..
ليتها تقبل عزيمة عشا او ريوق..

اتشيفق لعشقه يتشفق لها العشاق..
وأنا ادري ماني عاشق ولانيب معشوق..

ما يفيد التمني م يفيد التشفاق..
لكن على ما قالوا كل مطرود ملحوق..

ايه أدري مافي قلبك صوبي ذرة اشواق..
بس انا دايم عليك يذبحني الشوق..

ما ودي اطولها وتتفجر الأعماق..
ما ودي يجف الدم فشرياني والعروق..

جف حبر القلم خلصت كل الاوراق..
بعد غياب الشمس عنا من بعد الشروق