ولو بكيفي .؟ ( قلبي ) محدٍ يدخلَهـ

قول عادي .. بالي الليلهـ طويل ..
............ شُوف لِك عذرٍ قديمٍ / وأقبِلَهـ !!

لا تحاتي ...قلبي مِتعَوِّد يشيل ..
............. ( الجُروح ) اللي تجي له مُقبِلَهـ ..

" طيبتي " صارت مثل ( كف البخيل )
............ أيِّ شَي طايح .. تِشُوفـه ؟ تحمِلَهـ

و " عزِّتي " تقدر تِسَمِّيها : النخيل
............ لأني شامِخ .. والعواصف قاتِلَهـ

وعادي جداً .. إنِّي الليله ( عليل ) ..
............ الحزن : يحْسِبني واحد مِنْ هَلَهـ !!

ومو غريبه .. لو تِمَنِّيت الرحيل
............. البقاء أحيان , يعني .. البهذلَهـ !!

في غيابك .. مالَهَا الضيقهـ مثيل ..!
............. وربِّي اللِّي .. ما يشاءهـ , يفعلَهـ

مِنْ يلاقي لـ دنيتي هذي بديل ..؟
.............. خل يجيني أي شخص .. أبَدِّلَهــ

وعيب راسي لا بغى شي " مستحيل "
.............. يوصلهـ مو طيب .. غصبٍ يوصلَهـ

ليه راجع ؟! ليه ذاكر ..؟يـ الأصيل ..؟؟
................ إنت ضايق .. ؟! في خطأ بالمسألَهـ !!

وليه تبكي مِنْ كلامي يـ الدخيل ..؟
............... المشاعر .. ما لَهَا بقلبك صِلَهـ ؟!

و( البلاء ) .. إن حَبْ رجالٍ " ثقيل "
.............. ينسى مِن حُوله ويسْمَع ( مُذهلَه ) !!

مِن عرفتك .. ما بقى بـ اليَد .. حيل
.............. ولو بكيفي .؟ ( قلبي ) محدٍ يدخلَهـ

ومِن عرفتِك .. حظِّي العاثر يميل ..
.............. أعترف لِكْ إنِّي ( عاجز ) أعدِلَهـ !!

فاقد الإحساس / ما يعطي القليل
............... وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
............... مشكلهـ " قربك " .. وبُعدِك مشكلَهـ ..

وإن خذاني المُوت إترك قالٍ وقيل ..
.............. قول هـ الجُملهـ .. وخطاك امحلِّلَهـ

[ ربِّي ألهَم أهلهـ الصَبر الجَميل ..
............... وإرحمـهـ يا رب وإحسِن مدخلَهـ ].!





تحياتيـ ..
كتكــــــوووتهـ ,,

صح لسانك ولسان شاعرها

لأهنتي على النقل

أحترامـــي

احساس خالد ..
اسعدني تواجدك ...

طرح راقي ولطيف


سلمت يداك


ودمت بكل خير

محمد ..
سعيده بتواجدك ..
لك كل الاحتراام والود ,,

مِن عرفتك .. ما بقى بـ اليَد .. حيل
.............. ولو بكيفي .؟ ( قلبي ) محدٍ يدخلَهـ

صح لسانك ولسان شاعرها

ولااحلى من هالطرح

احترامي

" طيبتي " صارت مثل ( كف البخيل )
............ أيِّ شَي طايح .. تِشُوفـه ؟ تحمِلَهـ

و " عزِّتي " تقدر تِسَمِّيها : النخيل
............ لأني شامِخ .. والعواصف قاتِلَهـ


روووووووووووعه يانونو

دمتي بود

عــــود الليل ..
يسعدني تواجدك في مواضيعي ..
لك كل الاحترام والود ..

بريستيجي دلع ..
تشكوووراتي ع المروررر ..