 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
أدوات الموضوع | انواع عرض الموضوع |
|
#1
06-07-2022
|
||||||||||||||||||||||||||||||
|
||||||||||||||||||||||||||||||
عشنا و شفنا ,,, قصص قصيرة ,, غلاء المهور ,, الجزء الاول
في بيت صالح
صالح : ها بنتي سعاد كيفك اليوم سعاد : والله بخير ابوي صالح : اليوم راح يجون يخطبونك بيت جيرانا ابو خالد سعاد : الله يكتب الي فيه الخير ابوي صالح : ان شاء الله يا ابوك انا بترخص الحين بروح الدوام سعاد : بحفظ الرحمن ابوي ,, ,, , , قريب المغرب , ,, ام سعاد : يا بو سعاد لحظة خلينا نتفق قبل لا يجون الناس صالح : على وش نتفق انا الاب وانا الي رح اقرر وقتها يا حرمة فكينا الحين من هالسوالف , ,, ام سعاد : لا حول ولا قوة انا جالسة اناقشك بس شفيك شبيت علي ,, ,, صالح : اسمع الجرس يرن تبع البيت خلينا ننزل بسرعة , ,, ,, وبعد وصول بيت ابو خالد , ,, ابو خالد : السلام عليكم صالح : وعليكم السلام يا هلا بالغالي ابو خالد حياكم حياكم تو مانور البيت , ,, ,, وبعد جلسة طويلة وتقديم الفوالة للناس , , ابو خالد / راشد راشد : طيب يا خوي صالح خلينا ف الموضوع الاهم دام وافقنا ع كل شيئ , ,, صالح : تفضل يا خوي راشد امر راشد : نبي نتكلم على مهر بنتكم سعاد كم الي تبونه وتامرون فيه , ,, صالح : شوف يا راشد انا اعرف ولدك خالد زين وانه رجل محترم واخلاق وسمعته زينة ومارح القى واحد مثله ,, ونحنا نشتري رجال قبل كل شي ,, راشد : كلامك ع العين والراس بس ابي اعرف كم المهر لو سمحت , ,, صالح : مهر بنتي سعاد راح يكون 500 ريال فقط وسكن مناسب للبنت وتوكلنا ,,, ,,, راشد وهو مصدوم : كيف 500 ريال بس من جدك انت صالح : اي من جدي تشوفني امزح معك الله يهداك قلت لك انا اشتري رجال ي خوك , ,, ,, وهنا نشووف راشد وهو ياخذ ولده ويطلعون من بيت صالح بدون كلام ,, ,, ,, ,,,,,,, ,,,,,,,,,,, بعد مرور بعض الوقت ,,,,,, ,,,,,, ام سعاد : فشلتنا عند الناس الحين الحريم رح ياكلون وجهي الله يسامحك ي صالح , ,, صالح : وش هالكلام الي تقولينه يا حرمة جنيتي انتي ام سعاد : لا والله انت الي جنيت عيل كيف تقول 500 ريال مهر بنتنا لهذي الدرجة تبي تفتك منها هااا تكلم , ,, صالح : محد له دخل ف كلامي وهذا الي بيصير الي يبي يقتنع بكلامي يقتنع والي مايبي يشرب ماي البحر , ,, ام سعاد : ايه وانت شعليك بكرا انا الي بياكلون وجهي الحريم يا ويلي ويلاه رحتي فيها وطي يا ام سعاد الله يسامحك ي صالح ,,,,,,,, ,,,,,,,,,,,,,,,,, ف بيت ابو خالد , , ام خالد : والله كلام مايدخل العقل كيف يسمح لنفسه يقول هالكلام 500 بس , ,, راشد : لا وازيدك وكان واثق من كلامه وجاد مايمزح , ,, خالد : يبه ليش تكبر الموضوع تراني احب البنت راشد : حبتك الجرادة اقول اجل بكرا الناس اذا جوني يقولون لي مهر خطيبة ولدك 500 بس وتفضحنا عند العرب , ,, ام خالد : يا راشد هالخطبة مارح تتم على خير انا اقولك من الحين , ,, خالد : حتى انتي يا امي مو راضية تكونين معاي ؟؟ ام خالد : انت تسمع ابوك وش يقوول ولا ماتسمع يا وليد , , ام سعاد وهي تكلم اخوها عادل ام سعاد / حليمة حليمة : تعال شوف الفضيحة يا عادل تعال عادل : وش الي صاير بعد حليمة : زوجي صالح مخلي مهر بنتي 500 ريال بس عادل : وشهووو بس 500 هذا جن زوجك والله يبي يسود وجهنا عند كل الناس , ,, حليمة : المهم بسرعة تعال واجهه وكلمه وعقله , ,, عادل : خلاص خلاص بكرا الصبح انا جااي عندكم , ,, وبعد مرور يوم واحد صار خبر مهر سعاد الي ب 500 حكي كل الناس ,, ,, وكل حد جاب كلام من راسه والي زود والي غير الموضوع وخلوها سالفة الموسم , ,, , , يتبـــــــــــــــــــــــــــــــــــــــــــــــ ع في الجزء الثاني 
  القلب يميل لـ من يجتهد في احتضانـه واستيعابـه ، واحتـواءه ، يميل لمن يصارع العالـم لأجلـه ، من يشتاقه بلا سـبب ويأتيـه بلا سـبب ، من يبقى بجواره للأبد 
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| روايات مسموعة - ماجدولين تحت ظلال الزيزفون الجزء 3 | طهر الغيم | …»●[الرويات والقصص المنقوله]●«… | 14 | 08-06-2021 10:32 AM |
| روايات مسموعة - ماجدولين تحت ظلال الزيزفون الجزء 2 | طهر الغيم | …»●[الرويات والقصص المنقوله]●«… | 11 | 07-28-2021 02:32 AM |
| روايات مسموعة - ماجدولين تحت ظلال الزيزفون الجزء 1 | طهر الغيم | …»●[الرويات والقصص المنقوله]●«… | 12 | 07-28-2021 02:32 AM |
| اللقاء الاول قصة قصيرة | ضامية الشوق | …»●[الرويات والقصص المنقوله]●«… | 18 | 02-07-2018 02:00 AM |
| قصة قصيرة بعنوان اللقاء الاخير ؟؟ , تاليفي ,, البارت الاول ,, | мᾄʀἷὄ | قصايدليل للقصص والروايات "حصــري " | 10 | 05-13-2017 10:01 AM |
 |
العرض الشجري