كلي معك وأن ما كفى ...

كلي معك وأن ما كفى كلني لك

تعال خذني وخطوتي تسبق خطاك

أجيك ظامي وأرتوي قبل أوصلك

وأوصلك وأضمى وأرتوي وأرجع أضماك

ألقاك فيني و ألتقي في داخلك

أخاف لا أشوفك ولا عاد ألقاك

وأزعل على نفسي ولاأقدر أزعلك

حتى الزعل فيني يدور على رضاك

شفني يثير الصمت فيني تأملك

ويثور قلبي من سهم رمش عيناك

هتان شعوري ماقوى عن تجاهلك

ماصد حرفي عن ملامح محياك

يضيع وصفك مع بدايات أولك

وأبدا من الأخر وأضيع بحلاياك

إيه أنكسر وجه الدلع يوم قابلك

أنت الدلع والا الدلع هو تبناك

والورده اللي شلتها بين أناملك

تفتحت لاصارت بكف يمناك

تروي من عروقك وتعكس تعاملك

وتسرق أنفاسك وتآخذ مزاياك

أنت الغلا ومنك الغلا ليه اسألك!!

الحب أصل الحب ماكان لولاك

كلي معك.. عفواًاًا..ً كلني لك

تعال خذني وخلني دوم وياك