روايه آمآ غرآم يشرح القلب طآرييه والا صدود وعمرنا م عشقنآ للكآتبه/صدود

السلام عليكم ورحمة الله وبركاته ,,,


يسعد صباحكم \ مساائكم بكل خير ..


أعتذر عن التأخير..السموووووووحة منكم ..
والله مو قاااااااصدة..
وأنتوا تعرفون قدركم وغلاتكم ,,,



حابة أشكر الجمييع على متابعتهم الطيبة لي ..
وأشكر اللي نقلوا الرواية منتديات أخرى ..
واشكر غاليتي رسوووو على الاهداااء الرائع ,,
يسلموو حبيبتي من طيبك ..


عندي هذرة بس ماعادلي عين اهذر بعد التاخير ..





البارت السادس عشر ’’’



أأعتذر


عن القلب الذي مات


وحلّ محله حجر؟


عن الطهر الذي غاض


فلم يلمح له أثر؟


وقولي: كيف أعتذر؟


وهل تدرين ما الكلمات؟..


زيف كاذب أشر


به تتحجب الشهوات..


أو يستعبد البشر


... فقولي إنه القمر!.


***
المرحوم غازي القصيبي ,,


غادة\خلاص هادي خل نرجع البيت..
هادي\غادة حاولي تنبسطي شوي..
غادة\ما ابي..رجعني البيت..
رد على جواله وكان راكان هو اللي على الخط..
هادي\هلا با الطيب...وينك<<صار يتلفت لحتى شاف راكان بعيد عنهم شوي..قفل منه
والتفت لغادة.>>راكان وسارة موجودين هنا..
غادة فزت من مكانها برعب..بس هادي مسك يدها وجلسها..
هادي\وش فيك اهدي..
غادة\قوم رجعني البيت ألحين..ما ابي اشوفهم..
هادي\مقدر لانهم بيوصلون الحين هذا هم وراك..
سحبت يدها منه ودخلت محل قريب من الطاولة اللي كانت جالسه عليها مع اخوها..
راكان\السلام عليكم..
هادي\وعليكم السلام هلا راكان كيفك؟؟
راكان يتلفت حواليه\الحمدلله طيب..انت مو قلت مو لوحدك هنا؟؟
هادي\ايه معي غادة بس راحت تتسوق..وين اهلك؟؟..
راكان\ايه سارة معي بس تبي غادة وينها فيه؟؟
هادي\خلاص قولها ان غادة في محل ..... المقابل لنا,,
راكان توجه لسارة وعلمها وين غادة موجودة..وسارة توجهت للمحل والتقت بغادة..
سلمت عليها بشوووق..
سارة\غدوو ليش هربتي لما شفتينا.؟؟
غادة\ماهربت كنت ناسية غرض انا محتاجته وجيت أخذه..
سارة\اشتريتي غرضك؟؟
غادة\ايه لا يعني بعدني ما لقيته..اعتقد مو موجود هنا..
سارة\طيب تعالي نطلع لمحل ثاني اكيد نلقاه..
غادة\لا معليش انا مرتاحة هنا..اذا انتي حابة فيك تروحي محل ثاني..
سارة تمسك يد غادة\غدوو بتحبسي نفسك هنا لحتى يروح راكان؟؟
غادة بصرامة\وأنا وش دخلني براكان..؟
سارة\لا تعصبي علي انتي ماتبي تطلعي عشان راكان موجود برا مع هادي صح ؟؟
غادة بغضب\لا مو صح لاتفسري على كيفك..
سارة\غادة تراني سارة ليش تتكلمي معي بها الشكل..
غادة\أتكلم معك عادي..
سارة\اوكى براحتك كنت مبسوطة اني راح القاك هنا وقلت ننبسط مع بعض..
غادة\سارة ماقصدي بس بجد تعبانة وابي ارجع البيت..
سارة\سلامتك ياروحي..اممم طيب انا محتاجة منك خدمة..
غادة\آمري..
سارة\ابيك تتسوقي معي كم غرض ناقص شنطت أختي سهى ..
غادة\ان شاء الله..
سارة\تعالي نجلس شوي هنا..لحتى تخف الزحمة ششوي..
غادة\حددتوا موعد الزواج؟؟
سارة\في شهر شوال بعد العيد..
غادة بمجاملة\مبروووك..بيت السعادة انشاء الله..
سارة\الله يبارك فيك وعقبالك..
غادة بنظرات\ما ابي اتزوج راضية بحالي..
سارة\رفضتي راكان صدق؟؟
غادة\راكان ماينرفض..بس انا مو راغبة بالزواج..
سارة\الحي أبقى من الميت..
غادة بعصبية\لا ماافيه احد أبقى من هديل لا أنا ولا أحد ولا أحد..
ما احد يسواها..وأخووك ما ابيييه مو غصب..
سارة مصدومة\يابنت قصري صوتك لا احد يسمعك..غادة لاتوقفي حياتك بسبب موت هديل..
غادة\تتكلمي عنها وكانها قطوة..ايه مو اللي ماتت مو اختك مو روحك..بنت عم والسلام
سارة\المكان مو مناسب نتناقش فيه على ها الموضوع..
غادة\مافيه مكان ولا زمان راح يتناقش فيه هالموضوع..وهذي حياتي اطلعي منها ياسارة..
سارة بحدة\مو بكيفك راكان يبيك وراح يتزوجك وانتي خلي عنك الحزن اللي ذبحك..
أنا مقدرة حالتك وكلامك بس ماراح اسمحلك ترفضي راكان..
غادة بقهر\واثقة بنفسك مرة..قوليله ما ابيه..وأنا مو بدل لهديل..
هديل ما احد يعوضها..
سارة\بسك عبط انتي فاهمة غلط ..
غادة توقف\ما ابي افهم ..


طلعت من المحل وهي كارهة الدنيا بكبرها..
يعني اهرب منهم ومن مواجهتهم بكل مكان ونلتقي هنا با المول..
حقيير واخته احقر منه..هديل ماتت يا الله ناخذ غادة..لوكان عنده احترام لاختي أو لي ماخطبني..
نزلت الدرج وهي تتصل على جوال هادي..
غادة بعصبية\أنا رايحة ل السيارة تعال بسرعة..
هادي وقف\اصبري لا تطلعين أنا جايك..
غادة\ماراح انتظرك..
قفلت الخط ولا سمعت رده..توجهت للباب الرئيسي تبي تطلع..بس لما شافت الشباب والسكيورتي كان
فيه هوشة صايرة..وقفت مكانها وانتظرت وصول هادي اللي كان معصب منها..
مسك يدها وسحبها معه..
هادي بعصبية\وش رايك تصكيني كف..لاتخلين شيء في خاطرك..
غادة\رجعني البيت..ما ابي منك شيء..
هادي ركب السيارة وغادة جنبه..
هادي بضيق\ماتبون مني شيء..كلكم ماتبون..وهذاني باسافر وانتوا مكرهيني بالدنيا..
اجل لو ابطل السفرة وش تسوون..
غادة\ما أحد جابرك على شيء..ولا أحد منعك من شيء..
هادي\مو ملاحظة جفاكم الزااايد علي..منك ومن ابوي وامي وجدتي..
غادة\ماجفيناك..
هادي\لا ياغادة ماانتوا مثل أول..
غادة\قبل لا تقتل الرجال وتهرب..وقبل لاتموت هديل وتخلينا..وقبل لا انت ترجع..
أعذرنا كأنا تغيرنا..
هادي\وكانكم تعايروني بقتل الرجال..ايه قتلته وعسى ربي يسامحني..
بس أنتوا مو فاهمين شيء ولا تبون تفهمون..
غادة بحدة\مو انت قتلت؟؟
هادي\ايه قتلت..
غادة\الموت واحد ولو تعددت الأسباب..
هادي\وش قصدك؟؟
غادة\أنت قتلت ولد الناس وفجعت اهله فيه..واحنا انفجعنا في هديل والدين تم سداده..
هادي بحسرة\ما أنتي أول من يقول هذا الكلام..
غادة بعبرة\سامحني بس قلبي يوجعني من فراقها..كلنا موجوعين..
هادي\احس انها مو ميتة..وانها بترجع..
غادة بفزع\هادي لا يا اخوي لاتتوهم رجوعها..تراها ماتت ..
هادي\أدري انها ماتت..بس هي ساكنة فيني..
غادة بحزن\هادي لاتروح تكفى..
هادي\أدري ان عصبيتك هذي كلها عشان السفر وخطبة راكان..
غادة\ما ابيك تسافر ولا أبي راكان..
مارد عليها هادي ورجعوا البيت,,واول مانزلت من السيارة جاتها رسالة على الجوال ..
وكانت من سارة..
(خلينا نتفاهم لاتضيعي حلم راكان من يديه بسبب تافه )
ما التافه غيرك أنتي وأخووك..هديل صارت سبب تافه..
والله لو تطولي السماء ماتنالي مرادك يا سارة..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛



سمعت صوته يناديها بحنية..انحرجت منه ومن شكلها وهي متعلقة بالفرس وتبكي..
والله نسيت منه توقعته راح من فترة..
غازي\هممم..لساتك خايفة منها..؟؟
هديل تمسح دموعها وتخبي وجها برقبة الفرس ولاترد عليه..لان صوتها مو مساعدها أبداً..
غازي\طيب بتسمي المهرة ولا ...؟؟
هديل بهدوء\تبيني أسميها..؟؟
غازي\أبيك...........ايه سميها وهي لك..
هديل\لي..؟؟
غازي\ايه تصير لك وأنتي المسئولة عنها..
هديل بنظرات شك\مو مصدقتك..
غازي بخبث\مافيه شيء من دون مقابل..
هديل\شفت كنت ادري مو لله تعطيني اياها..
غازي بسخرية\لايكون بس ابي منك سلف..
هديل بسخرية أكبر\مو بعيدة عنك صرت أتوقع اي شيء..
غازي\حلووو انك متوقعة اي شيء..والافضل انك تتوقعي كل شيء..
هديل حست بتهديد في كلامه..صدت عنه وصارت تمسح على المهرة بخفة..
غازي\قررتي..؟؟
هديل\ايه خلاص سميتها..
غازي\وش سميتيها؟؟
هديل\مالك دخل..مهرتي ومايخصك باسمها..
غازي يبتسم\مافيه مشكلة..المهم انك انتي والمهرة ملك لي..
هديل\زين ذكرتني..كنت راح اخذها وارجع بيتنا..
غازي بحدة\مابقى فيه شيء اسمه بيتنا..
هديل بتحدي\فيه بيتنا وفيه أهلي وفيه اخواني واختي وامي وابوي..
غازي\لسى وجهك ماطاب..
هديل\لاتخلي شيء بخاطرك..
غازي بخبث\متأكدة ما اخلي شيء بخاطري..
هديل وقفت\اضرب عادي ماعدت أخاف من الضرب..
طلعت من الحضيرة وهو وراها..لماحست فيه يمشي وراها بكم خطوة..خففت خطواتها عشان يصير
هو قدامها وهي وراه..
مع كل شيء سواه..ماراح تنسى الادب والاحترام لكونه رجل ..


كانت متوجهة للملحق بس هو نادى عليها وقال لها تجيه في المكتب..
لحقته بهدوء وتفكير..أكيد يبي يعاقبني على الشرب..كاني ناقصة احد يعاتبني..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛