وللفرحة حكاية ...

الجزء السادس
بعد مااتعشـــوا قوم بو راشــد وفاطمه وبو حمد وشيخه..كـــانوا يالسين في الصاله وماخذتنهم الســوالف..
فاطمه: هي صح يا شــيخه ..نسيت أخبــرج..اتحيدين يوم قلتلج اني اموصيه حرمه اتشوفلي خدامه من اهني..
شيخـــه: هييه ..شو يت والا بعدها؟؟
فاطمه: لا يـــت..حليلها طيــبه الحرمه وعلى نياتها والبنات اتعلقــوا فيها وايد
اهنــي بو راشد اتغير ملامح ويهه وهو يســـمع فاطمه شو تقول عن عايشــه..وحس بكــره فضيــع اتجاه عايشه..
شيخه: زيـــن والله..عيل وديـــني عندها اسير اشوفها..
فاطمه: هي يالله انســير..
وســاروا شيخه وفاطمه..وبــو راشد حــاس بقهــر وخـوف بنفس الوقت من عايشه..وجــان ينتبه له سلطــان..
سلطان: اشفيك يا علي..مره وحده تغيرت..
علي: ماادري شو اقولك يا سلطان..تدري الخدامه اللي كانت ترمس عنها فاطمه امنوا هي!!
سلطان باستغراب: امنوا؟؟؟؟!!
عــلي: شو رايــك انسير المكتب لاني مب مرتاح اهني ..
سلطان: شكلها السالفه مب هينه,,يالله نسير..
ونشــوا علي وسلطان وساروا صوب المكتب..
سلطان: خوفتــني يا عــلي شو السالفه؟؟!!
عــلي تم يوايج برع اذا في حد والا لا ...بعد مااتاكد ان مافي حد قفل باب المكتب وسار قعد امجابل سلطان..
علي: شوف يا ســلطان..الخدامه اللي كانت ترمس عنهــا فاطمه هي زوجتي الاولانيه..ام مريم وراشد..
سلطـــان انصـــعق من هالكــــلام..معقوله اللي قاعد يقوله علي..
سلطان: عـــــلي !!!..انت من صجـــك؟؟!!..خــدامه؟؟!!..كيف جيـــه؟!!..هـــاي لين الحين عايشه
علي: هييه يا سلطـــان..انا روحــــي انصدمت..
سلطان: انــــزين وهاي مالقت غيــــر بيتك تشتغل فيه خدامه..
علي: اتــقول ما كانت اتعرف انها بيتي..
سلطان: ليش انت رمستها؟؟!!
عــلي: هي يا سلطــان رمستها وحـــذرتها من انها اتقول شي حق فاطمه او العيــال..بس ماادري ..خايف في يوم من الايام اتقول كــل شي وخصوصا ان علاقة فاطمه والبنات وياها وايد زييينه
سلطان: امممم..لا يا علي مااعتقد بتـــسويها ..
علي: ماادري وجـــودها في البيت مب مريحني..
سلطان: انزين وهـــي ليش يايه تشتغل خدامه ..يعني مااعتقد في وحده اهني ترضى انها تشتغل خدامه..انا اقول هي كانت اتعرف انه هذا بيتك وقالت انها بتشتغل خــدامه بس غرضها انها تشوف عيالها وتسحبهم صوبهـــا..
علي: اممم انا ليــــش ما فكرت في هالشي..هــاي الانسانه مستحيل اتم في هالبيــــــت ..مستحييييل
سلطان: انا اقـــول لا تســتعيل ..يمكن كــلامي ما يطلع صح..
علي: انا جي والا جي وجــودها في هالبيت مب مريحــــني..
سلطان: انزين وشو ناوي تسوي؟؟
علي: ماادري امفــكر اني اروغها من البيت
سلطان: لا يا علي مب من صالحك هالشي..انت تقول انه علاقة فاطمه والبنات وياها زيــنه..وهم اكيد ما بيرضون انـــك تطــردها..واذا طردتـــها بيشــكون..شوف..انت خلهـــا الحيــن وعقب فكــر عدل بالطريقه اللي تطــلعها من بيتك..
علي: خــلااص ..امري للله..

امـــا عند الحريم..((فاطمه وشيخه وعايشه))..فبـــسرعه خذوا على بعض وتمــوا يسولفون..فاطمه وشيخه ما بيـــنوا لعايشه انها هي اقل منهم ..تموا يسولفون وياها عــادي وعايشه وايد مستــانسه من هالشي ..
فــاطمه: زيــــن عيل الغاليه نحن بنخــليج الحين..عاد الوقت اتأخر وتقدرين تردين بيتكم..
عايشه: ويييه فديتج سامحيـــني ..ماسويت شي اليوم ..ههه تدرين ابهم البنات ما خــلوني..لكن ان شاء الله من باجر بسوي كل اللي وصيتيني عليه..
فاطمه: لا عااادي افاا عــليج ..اليوم اتعرفنــا عليج بس..
عايشه: هي واللــه فــرصه سعيده..وحصلي الشرف اني اتعرفت عليكم..
شيخه: ونحن بعد..وترى اعتبري هالبيت شرات بيتــج وفاطمه شرات اختج..
عايشه: هــي والله اني معتبرتنها شرات اختي..
فاطمه: هي جي ابغيج..وعاد السموحه الحين نحن بنروح عنــج..
عايشه: حياكم الله في اي وقت..بس بغيت تلفون لو سمــحتي عسب اتصل في ولدي ايي يمر علي..
فاطمه: التلفون عــندج في الكبت..واذا محتـــاجه حد يوصلج ترى بقول حق بو راشد..
عايشه: لاا لاا مشكوووره..انا بتصل في ولدي وبيــزخ تاكسي وبيي..
شيخه: الله يهــديج ياا عايشه..واشلج بالتــكاسي..شوفي انا بقول حق الدريول ايمــر عليج وعاد انتي دليه بيتكم وهو بيوصلج..
عايشه: مشكوووره فديتج ..ماابغي اكــلف عليكم..
شيخه: لا عااادي لا كلافه ولا شي..بس انتي زهبي عمرج وهو بييج..
عايشه: يزاج الله خير يا شيخه والله يكثر من امثالج..
شيخه: لا افاا عليج..هذا الواجب..انزين عيل بنترخص منج الحين..
عايشه: حيـــاكم الله في اي وقــت..وماتتصورون اشقد استــانست بقعدتي وياكم..
فاطمه: ونحن بعد يا عايشه..
عايشه: الله يحفظــكن خواتي..
شيخه: ويحفــظج مشكووره..يالله مع السلامه..
عايشه: مع السلامه..
وراحــوا عنها شيخه وفاطمه..وهي حـــاسه بــراحه من تعامــلهم..لبست عبايتها ولفت شيلتها على راسها وحطت الغشوه على ويهها واول ما تبي تطلع تذكرت شي وردت الحجرة وشلت صورة مريم وراشد وياها..وتمت تطــالعهم وتتأمل اشــــكالهم وهي مبتـــسمه..
..........
في الستي..مب طــــايع يودرهــم..ياس يلاحقهم ويردد عليهم الرقم..وهم يتمشووون بسرعه وقلبهم يدقدق يبون يوصلون المطــعم اللي يالسين فيه حمد ومريم..عشان يفــج عنهم هذا..وصـــلوا صوب مطعم جيليز وعلى طــول دشــوا داخل..وهو بعد دش وراهم..عاد سعود مستــانس على باله انهم يقعدون في المطــعم روحهم..بس اتفـــاجأ يوم شافهن رايحات صوب الطاوله اللي يالسين ريال وبنت عليها .. جـــان يزيغ ويــطــلع من المطعــم على طووول..
أميره: اوفففففف واخيرا وصـــلنا..
كانوا مريم وحمد مجابليين بعـــض..يلست أميره عند حمد..وحمده وعوشه عند مريم..
حمد: اوفففف جان اتأخرتوا زيــــاده..
عوشه: هيييه ويا ويهـــك ثرك مااتعرف شو استوا فينا..
حمده معصــــبه على عوشه ليش قالت حق حمد جييه وياسه تتحرطــم عليها لانه لو حمد عرف اللي استــوا عادي يردهم البيت الحين و ما يطلعــهم مره ثانيه وعادي يسوي لهم فضيحه في المركز,,
حمد: لييييش شو استوا!!!
اميره: هااا ..لاا مااستوا شي..بس ..بس تعبنا واحنا ندوركم..
حمد: هيييه عبالي بعد..
مريم ما مشــــى عليها هالكلام ..
مريم وهي تساسر عوشه: عوشووووه شو استوى؟؟؟
عوشه: في البيت بخـــبرج..
اميره: ههههه هااا ويا راااااسكم..شو كنــــتوا تقولون.؟
حمد: ههههههه كله انا اللي ارمس..هي موول ما قالت شي كله منزله راسها تحت
عوشه: هههههههههه يحليييلها اختي..تســـــتحي..
اميره: ههههه لاا مااعليك في البدايه جي..عقب ما بتعطيك مجال ترمس..كله هي بترمس وانت تترجاها تسكت بس
حمد: ههههههههههه لا والله مستحييل اخليها تســـكت
حمده: انزين انتوا طــلبتوا والا بعدكم؟؟
حمد: لا بعـــدنا ..هههه كل ماا الجرسون ايينا يقول شو تبون اقوله روح بعدين تعال الله ياخذ ابليسه ماكان يخلينا ناخذ راحتنا في الرمسه
اميره: ههههه طاعوا هذا..جنــه ياي عشان يرمس..
حمد: ههههه شو اسوي..هاي فرصه ماتتعوظ..انزين يا مـريم شو تحبين تاكلين هذو ياا الجرسون؟؟
مريم: انا ابغي باســـتا..
حمد: وييي فديت الباستا انا..انا بعد ابغي باســـتا..
حمده وهي ترفع واحد من حيّاتها: احيدك ما تاكـــلها..
حمد: لااااا باكــلها من اليوم..
الكل: ههههههههههههههههه ..والجرسون بعد يضحك وياهم مع انه مب فاهم شي..
اميره:هههه يحليله هذا بعد يضحك.. انزين ويا هالويه..ما سئلتنا نحن شو نبغـــي !!
حمد: ههههه شو تبغون انزين..حرام الريال واقف يالله بسرعه ..
عوشه وهي ميوده الميـــنيو: حمدوووه شو بتاكلين..
حمده: اممممم..شو رايج نطــلب هذا..دجاج مقرمش
عوشه: خـــلااص نحن نبا هذا..
حمد: وانتي اميروووه بسرعه..
اميره: اممم اطلبولي باستا شراتكم..
حمد: اوكي..وتــم حمد يقول الطلبــات حق الجرسون..

عند الشباب..سيف & سعود & خالد..هم كــانوا في مطــعم حاتم
خالد: هههههههههههه..يااخي قلنالك شو تبا فيهم..
سعود: اوفففف يا ريـــال والله قطــــعه..
سيف: هههه احمد ربــك انهن ما زاعــجوا عليك ..
سعود: ههههه هي والله كنت خــايف ..خياس هديتوني بروحي وياهن..
خالد: هههههه اخخ عليك ..تخاف من البنـــات..


سعود: هي واللــه عاد بعض البنــــات مشــاكل..
سيف: ههههه هي عاد انت خــبره في هالسوالف..
سعود: هههه عاشون عيـــل..الحين انا هالغـــاويه لازم اييب راســها ..
خالد: يا ريـــــال بتشوف اللي احلى عنـــها..هاي شيلها من بـــالك..
سيف: هييه وانا بعد اقول جييه..
سعود: ههه عــاد انا كنت ارقمهـــا..هههه ان شاء الله تتصل..
سيف: هههه عاد انت شكــلك مول ما يشجــع تتصل بك ..لــو انا مثـــلاا يمكن ,,
سعود: ههههه مالت عليــــك يالمتييين..شو يبـــون فيك انته..اشحــلااتي انا قمــر فديتني..
خالد: ههههههه مالت عليكم انتوا الاثنييين..يالله خلـــونا ناكل وبــلا هالسوالف البطــاليه..تراني حددي يوعـــان..
سعود & سيف: هههه يالله
............
من سمـــعوا صوت جرس بيتهم..على طول كلهـــم ركضــوا صوب الباب..من راحـــت عنهم وهم ينتظــرون اللحظه اللي يسمعون فيها جرس البيت..واول ما بطـــلوا الباب شـــافوها وتمــوا كلهم في حظنها وهي تبوسهم..
مروه: امييييييييي والله البيت مب شي من دوووونج
يوسف: هي والله صدقها مروه ..حسينا بفـــراغ من دونج ..والله لج وحشه يالغاليه
عايشه: حبـــايبي والله انتوا اكثر..ااه الحين ارتحت بس من شفتكم..
مــروه: يا بعد عمــري ياامي..يالله تعـــالي انسير الصاله..
وراحــوا كلهم الصــاله..
يوسف: ارتـــاحي امي عسى بس ما تعبوج..
عايشه: لا يا يـــوسف طلعوا ناس طيبيـــن وارتحت لهم وايد..
شيخه: ماما انتي ويييين سرتي..انا كنت اصييييييح
مـــروه: اوففففف والله امي اذتني شيخوووه..
عايشه: فدييييتها انا..تعـــالي امي تعــــالي..وحضــنتها عايشه بالقــو..
يوسف: امـــــي عندي لج بشـــاره..
عايشه: صدق والله يا يوسف؟؟!!..قول فديتك شو عندك..
يوسف: احـــم..احـــــم..ولدج بيستوي لاعب ياامي..
عايشه: لاعــــب..كيف يعني؟؟!!
يوسف: شوفي امــي..انا اليوم سرت ويا ربيعي حمدان النادي عشان يشوفني المدرب..وهو قالي انه بيشوف لعبـــي في الكوره لمــدة اسبوع..اذا عيبه بيكــلم الاداري عني وبصيـــر لاعب..
عايشه: ياامي ما فهـــمت..انزين وشو يعني اتصير لاعب..
يوسف: ياامي ترى اذا صرت لاعــــب وعيبهم لعــبي ..شهــريا بيعطوني راتب وبيسفروني معسكــرات عشان التدريب وحتى عادي يجنســـوني..
عايشه: واللـــه زين يا يوسف..انزين هذا ما بيأثر في دراستك..؟؟!!
يوسف: ما عليج امـــي ان شاء الله انا بشـــد حيلي..
عايشه: الله يوفجــك حبيبي..هاا مروه..انتي شخبارج وشو سويتي اليوم..؟؟
مــروه: الحمدالله فديتج..والله كان ملللل من دونج..
عايشه: ما عليه ان شاء الله انا يوميا بحاول اخلص شغلي بسرعه واييكم..
يوسف: امي ما قلتيلي ..انتي منو يــــابج اليوم؟؟
عايشه: يزاها الله خير مرت عم العيال اهناك طرشتلي دريولهم وقالتله يوصــلني وهو بعد مسكين وصــلني..
يوسف: هيييه امــي زين والله مبين عليهم ناس زينيين..
عايشه: هي والله يا ولدي وااايد زينييين..المهم يالله سيروا ارقدوا حبايبي لا تسهرون وايد..
مروه: هي ياامي حددي فيني ارقاد بس قلت مستحيل ارقد قبل لا اشوفج..
عايشه: يا بعد عمري والله يا مروه..يالله فديتج سيري ارقدي الحين..
مروه: ان شاء الله ..يالله شيخووه تعالي انسير..
شيخه: لااااا انا برقد عند ماما اليوم..
عايشه: وييه فـــديتج..
يوسف: لا والله..وانا وين ارقد عيل..
عايشه: وانت بعد ارقد عندي..
مروه: لا والله يعني يت علي انا!!..انا بعد برقد عندكم عيل..
عايشه: هههه حـــلو..يعني كلنا بنرقد ويا بعض اليوم..
مروه: هيييييييييه وناسه..
عايشه: يالله عيــــل انســــير..
الكل: يالله
................
في بيـــت عــلي..بعــد ماردوا حمد والبـــنات..تمــوا كــلهم في الصـاله ..
سلطـــان: هيييه وان شاء الله استانستوا..
عوشه: هي والله عمــــي وناسه فاتكم
حمده: عـــاد جان زين حمد دوم يطــلعنا هالطلعه..
شيخه وهي تتطالع مــريم: حمـــد خلااص بيمــلج جريب وبينســاكم..
حمده: ههههه لا بيـــاخذنا وياااه صــح حمد؟
حمد: هييييه انزييين اتخســـين اخذكم وياااي..
اميره: هههههههه..الله يا الدنيــــا..خلااص بتنسانا يعني..نحن اللي كبرناك وعلمـــناك واتي مريوووم واتنسيييك كل هاا..تتنهد..والله زمــــن
الكل: هههههههههههههههههههه..
علي: هههههه..ان شاء الله يا أميره انتي بعد بنفـــرح فيج جريب..
وجـــان تستانس اميره من الخــاطر وانبـــان هالشي على ويهها ..وتمت اتساسر مريم..آه متى يا ربييي متى ..
مريم: ههههه حسبي الله عليج ..اميرووه اثقلي شوي
سلطــان يوقف: خــلااص عيــل ..بنترخص منكم احنــا..ويوقف الكــل من بعده
علي: افاااا..بتروحون..
ســلطان: هيييه بعد الوقـــت اتأخر..لازم انروح الحين..
فاطمه: حيــاكم الله..هي عـــاد لا تقاطعون..
شيخه: ان شاء الله فديتج..عاد المره اليايه انتوا تعـــالوا
عوشه: خخخخ هي بالـــدور..اقول حمدووه..ارقدي عندي انتي لا تروحين..
اميره: ما عندنا بنـــات يرقدن في غير بيــــوتهن يالله ماشي..
عوشه: هههههههه محد طــلب رايج ..حمدووه شو رايج..؟؟..والله كششخه بنســهر..
حمده: ماادري عوشوووه..شو رايج امــــي؟؟
شيخــه: والله كيفج جان بتمين عند بنت عمج تمـــي..
حمده: هاا ابوي..شو اتقول انته؟؟
سلطان: والله بــــرايج..
فــاطمه: وانتي بعد يا اميـــره تمــي..
اميره: هههه لامرت عمــي انا اتم عند امنوا..الزلمه مريوووم بتسير تــاكل الكتب الحين..وحمدووه وعوشووه بيخبلون بي لو تميييت عندهـــم..بس ان شاء الله بييكم باجر..
عوشه: ههههه هي هي احسن لا اتيين ..نبا نتخبل على راحتنا..
حمده: هههههه صدقج عوشوووه..
حمد: ههههههه الله يســـتر جان هالهنتين بيرقدون ويا بعض اليوم..
اميره: هههههه هي والله ..مريوووم راقبيهم الله يخليج
عوشه: حمدووووه..هاييله مب جنهم يتطنزون علينا..
حمده: هي والله شكـــلهم جييه..يالله عليهــــم..
عوشه: عــــليهم..
حمد: ههههه ها ها ..شو بتسوون يعـــــني..
عوشه وهي حايسه حلجها : هي صح نسيييت ما نقدر نسوي شــــي..
سلطان: خــلااص عيل يا حمده انتي تمي اليوم عند بنت عمج..ونحن بنروح..
حمده: خــلااص ابويه برايكم..
ويروحون سلطان وشيــخه صوب الباب ويروحون وياهم فاطمه وراشد..حمد استغـــل الفرصه وسار قرب من مريم لانه محد تم غير البنات..
حمد: بشـــــــــــــتاقلج خطــــــيبتي..
مريم: أنـــــا بعد..
حمد: ااااااه يا قــــلبي..وجان اروح فيها
اميره: هههههههههه ..طاعوا هذا ..اييييه انته ..امي وابوي طــلعوا خــلنا انسير..
بس عاد حمد موول مب وياها ..وكان واقف مجابل مــريم ويطالعها ..جان اتي اميره واتهــزه..حمده وعوشه يضحـــكون على اشكالهم..
اميره وهي اتهزه: اييييييييييييه انت..ماشبعت منها اليوم..اقولك امي وابوي طــلعوا..
حمد: هاا شوو..شو السالفه!!!..
اميره: هههههههههه..ويا راسك..مريووومووو يالساحره شو مسويه في اخوي..
حمد ويحط ايده على قلبه: ااه يا قــلبي امعذبتـــني هالبنت..
اميره: انزين انزين ..عرفنا انها معذبتنك ..إسبــوع وبتصير مرتك ..وقولها اي شي تبغي..الحين خلصنا يالله..
حمد: اوفففففف يعني ما يستوي باجر..يالله انسير..
حمده: ههههههههه حمووود اثقل بلاك..
حمد: حموووود في عينج ..
عوشه: وييييييييييييييو..وجان يزفوونها
حمده: جب جب انتي انزين..
اميره: يالله عيل مريوووم..نحن بنسير..الله يخليج مثل ما وصيتج راقبيهم..
مريم : ههههه ان شاء الله..
حمد: فديت هالضحكه انا..يالله اميرووه خل انسير الحين..
اميره: هههه يالله..
ويسيرون حمد واميـــره عنهم..
مريم: اييييه انتوا ..تعالوا فــــوق ابغيكم..
عوشه: اوويييييييي..مطلوبين..ليش شو سوينا ..؟؟!!
مريم: بتـــعرفين كل شي فوق يالله بسرعه جــدامي اشوف..
حمده: هههههه لاا لاا ما يصير انتي جدامنا..
مريم: انزين انا سايره فوق وان ما ييتوا بتنضربون انتوا الهنتين..
عوشه: ونااااسه حمدووه من زمان ماانضربنا..
مريم: اوفففففففففف..صدقها اميره يوم ماتبغي اتم عندكم حشـــا اتخبلون الواحد
حمده: لازم يا مرت اخوي الخبــال مطلوب هالايام ..اصــلاا الحياه بدون خبــــال مثل العيش بدون داقوس خخخ
عوشه: ههههههههههه حـــــــلوه..احم احم.. نعم نعم..اوافقج الراي يا رفيقة دربي..
مريم:هههههههههه حسبي الله عليكم ..حمدوه شكلج يوعانه.. هي و انتي على طول اوافقج الراي..انا الحين بصعد فـــوق..ابغيكم اتوني سامعين والا لا..ههه مع اني ادري انكم جي والا جي كنتوا بتـــــون..
عوشه: هههههه ويوم انج تدرين عيل ليش تعزميــــنا..
مريم: قلت يعني من باب الواجب..
عوشه: لااا افااا عليج نحن اهل ما بينا هالكـــلام..
مريم: هههههههههههه..انزين ..وتســـير عنهم فوق..
ويدخـــلون فاطمــه وعلي الصاله..
فاطمه: يالله عيل نحن بنسير نــرقد..
عوشه: تصبحـــــون على خير..
علي: وانتوا من اهــله ..ماابغيكم تســــهرون وايد هااا
عوشه: هههه طلب صعب تنفيذه..ان شاء الله ابويه بنحاول..
علي: انزين حــــاولوا..
ويسيــرون فاطمه وعلي عنهم..
حمده: انزين يالغبيــه..نحن شو موقفنا اهنييه..خلينا انسير عند مريــوم اشوف شو تبغي..
عوشه: انزين يالله..ويســـيرون صوب حجرة مــريم..والهنتين يدقون عليها الباب بنفس الوقت..
مريم: اوفففففففف دشوا دشوا ويا راسكم..
حمده: هههه يالله يالله بسرعه قولي شو تبغين ترى نحن ورانا شغل ومب فاضين لج..
مريم: مــــالت عليكم..اصلاا انتوا اللي احمدوا ربكــم اني خليتكم تدخلون حجرتي وتراكم مب مطولين اهني لا تحــاتون
عوشه: افاا...عبالي بتترجانا الحين..
حمده: ههههه وانا بعد..
مريم: انزين بس يالله اسمعـــوا..ابغي اعرف شو اســـتوا اليوم في الستي وما رضيــتوا تقولون؟؟؟!!
حمده: واااااااااااي مريوووووم لا تذكـــرينا
مــريم باستغراب: لييييش شو استــــــوا...؟؟
عوشه: مريووم بنقــولج بس لا تخــبرين حد..
مريم: يالله انزين ..
عوشه: اول ما دخـــلنا الستي كانوا ثلاث شباب يــلاحقونا ..انا لاحظت بس هاي حمدووه الخبله واميروووه ما لاحظــوا ..بس بعدين تم واحد بس اللي يلاحقنا وهذا كان معـــجب في حمدووووه ههههههه..تقريبا عشر مــرات قال الرقم حتى حفظـــته من كثر ماقال تبيني اعطيــج خخخخ..
مريم تشهق: حسبي الله عليكم..انتوا تدرون لو حمد كان عارف شو بيســــوي..
حمده: هيييه ترى عشان جييه نحن ما قلناله..هاي عوشوووه الدبه كانت بتفضحـــنا..
مريم: يـــزاكم..تســتاهلون..محد قالكم روحـــوا عنا ..
حمده: هههههه عشان تاخذون راحتكم يا مرت اخوي ..بالذمه مااستانستي ويااخوي يعني ؟؟
مريم: هههه لاا مااستانست..وبعدين قولولي انتوا شقايل عرفتوا انه كان حاط عينه عليج يا حمدووه
عوشه: هههههههههه كان يقول ام الشيله المــلونه..الله ياخذ ابليسها حمدووه بالعماله كانت لابسه شيله ملونه..انا لو ادري جان لبست خخخخ
حمده: ههههههههه يا ربييي ليش تغــــارين..هذا مو ذنبي اذا انا احلى عنج..
مريم: بس بس انتي وياها مستانسات ويا ويوهكن..
عوشه: انسوووولف مريوم بـــلاج..
مريم: ماادري عنكم ..المهم مره ثانيه ماشي تتمشون روحكم في السناتر فاهميييين
حمده: ان شاااااااء الله ابله..
عوشه: اييييييييه عن الغلط..دكتوره لو سمحتي..
حمده: انزين ذليتينا تراج دكتوره ودكتوره..
مريم: انزيين يالله اطــلعوا برع الحين بذاكر شوي وبرقد
عوشه: افااا يعني مليتي منا بهالسرعه..
مريم: هييييه مليت منكم يالله..
حمده: هههه وايد صريحه مرت اخوي..مريم انتي مااتملين من الدراسه اوفففف والله مب شي جييه ..
مريم: شو اســـوي ..عندي امتحــان يوم السبت والكميه مب شويه .. ولا تنسون ان اليوم انتوا ييتوا وما قدرت اذاكر شي ..
حمده: هييه يعني نحن خـــربنا عليج ..هاللي تبين اتقولينه..
مريم: ههههههههه لاا والله حمدوووه لا تقولين جيييه حــرام عالاقل غيرنا جـــو..
عوشه: هههه هي لازم بتغيرين جــو دام الحب كان وياج..
مريم: اقوووول..مب جنكم مصخــتوها !!..يالله يالله اشوف طـــلعوا
عوشه: زين زين بنـــطلع شو نبا فييييج نقعـــد اهني اصــلاا بنسير ناخذ راحتنا فالخبال خخخخخ
مريم: ههههه انزين يالله سيروا
وطــلعوا عنها حمده وعوشه ..وتمت هي بـــروحها اتفكــر في اللي اسـتــوا اليوم وفــــي حمد..ااه يا ربي هالانســان ماادري شو مســوي فيني..احبــه والله احبــه..ابتسمـــت بس اسبــوع وبصير زوجته..ههه اووه انا نسيت اني لازم اذاكر الحين ..يا ربـــي الله يعيني بعد الملجه اكيد بنشغل عن دراســـتي ..اممم يعني لو انـــأخر الملجه لين مااخلص هالكورس يعني في اجازة الربيع..امم انا برمس ابـــوي باجر وبشوف شو بيقول..
....................
عــلى نغـــمات الاغــــاني والدق..مرتـــبشين الشباب..للاســــف مب بس الشبـــاب..لاااا..وياهـــم البنـــات بعد مرتبـــشات بالرقـــص..والشـــباب بعد وياهن..لانهـــم مب بوعيهم وتصـــرفاتهم هي اللي تثبت هالشي..بعــد ما خلصـــوا رقــص..
راشـــد وهو منســدح عالقنفه: اقووول حموود..شكــلنا كثرنا اليوم
محمد: انت اللي كثـــرت اليوم..هههه انا بعـــــدني مسيطــر عالوضــع..بس اقــولك انت لازم تبات اهنـــي..حالتك مول ما تسمــح تســوق لين بيتكم..
راشد ينش من مكانه ويـــوقف ويتحرك يمين وشمال لانه مب قادر يتحم في نفسه: لاا لاا ..انا بروح البيت
محمد يمسكه من ايده واييلسه عالقنفه: يا رياااال اقعد وين بتروح وانت بهالحاله..شوف انت اقعد اهني وانا بسير الحين اختارلي وحده من هالغراشيب ههههه..
راشد يأشر له بيده انه يروح وهو ينسدح عالقنــفه ويرقد على طووول..
ايدش عـــليهم الحارس ..
صبري: ايييييه يا سي محمد ..انت نسيتنا والا اييه
محمد: اوهوووووو..شكــلي ما بستانس اليوم ..خير يا صبري شو بغيت..؟؟
صبري وهو يغمز : اللـــه..عامل نفسك ماتعرفش انا عاوز ايييه
محمد:اوففف..انزين خذلك وحده وفكـــني من حشرتك ..
صبري: هههه طيب يا باشا ..ويسيـر صبري ويخـــتارله وحده من هالبنات ويطــلع..
محمد: اووففف ما بغيت افتــك منه..هههه خل انا بعد اســـير اختارلي وحده من هالمــزايين ..
................
اليـــوم الثاني..على الســاعه 11 ونصف الصبــح..فتح عيونه بصــعوبه..وشاف خواته رقــود بس امه محد ..حس بضـــيج..العاده اول ما ينش يلقاها جدامه ..نش من مكــانه وسار يقــوم خواته..
يوسف: مروه..شيخه..يالله عاد بسكــن رقاد نشــوا..
مروه تنـــش على طــول: هــلاا يوسف..اصلاا انا من زمان واعيه بس متهايزه انش
يوسف: هههه انزين والحين نشــيتي ..يالله قومي شيــخوه وياج بعد بسها رقاد..
مروه: هي ان شاء الله..وهي تهز شيخه: يالله شيخه قـومي..بسج ارقاد..
شيخه تفتح عيونها بصعوبه وتتثاوب: وين مـاما؟؟
مروه: اوهووو بدينا من الحين..حبيبتي ماما بتي الحين يالله انتي نشــــي..
يوسف: اقوووووول مروه...
مروه: هلا يوسف..
يوسف وهو يتقرب من مـــروه ويراويها الصور: امنوا هاييله؟؟!!!
مروه اتشـــيل عنه الصور وتطــالعهم باستغراب: ماادري والله ..من وين يبـــتهم؟؟
يوسف: شفــتهم في الســـده..اممم اكيد امـــي تعرفهم..
مروه: خـــلااص بس ترد ان شاء الله بنسألها..
...........
بعد ماراوتها الفيـــلاا..والغرف اللي فيها عشان تبــدأ الشغل من اليوم..
فاطمه: خــلااص عرفتي الحين..
عايشه: هههه هي عــرفت مع اني حاسه بضــيع.. ماشاءالله البيت وايد عود..
فاطمه: هههه لا ان شاء الله ما بتضيــعين..وعاد الحين ابــدي في غرفة راشد اول شي لانه هو بايت برع البيت امس ليـــن ما ينشن البنات..
عايشه حســـت بنغــزه في قلبها علــــى ولدها ..اشقايل يبات الولد برع البيت وهم مب دارين عنه وييين..
عايشه: خلااص ان شاء الله بســوي اللي قلتيلي عــليه..
فاطمه: هييه والحين تنــدلين غرفة راشد والا ادليج..
عايشه: لا خــلااص مشكووره يااختي انتي سويتي اللي عليج وزياده..انــدل غرفته روحي..
فاطمه: هي خلااص بخـــليج انا عيل..
عايشه: الله يحفـــظج يا اختي..
وتسير عايشــه صوب حجرة راشد وأول ما تفــتح الباب اتشــوف صورته في بـــرواز عود معلق عاليــدار..وعلى طــول اتسير صوب الصوره وتمت تتطــالعــه وهو يبـــتسم في الصـــوره ..يا ربــــي اشحـــلاته الله يحفظــك يا ولــدي..تعــدل فراشه..وتسير صوب الكومدينو عشان اتــرتب الاغــراض..اتشــوف محاطي البوم صــور..على طول اتشــله واتم تطــالع الصـــور..يا ربيييي صــــور راشد ومريم وهم صغــــار..كانت تطــالع ودموعها تتساقط على الصور..لــــــــــــكن فجأه بققت عيونها وتمت تتنفس بشــكل ســـريع ..
ظـــــــــــنكم,,شو اســــتوى؟؟!!..ليش اتغــيرت فـــجأه جييه ؟؟!!..
وتعتقدون اذا عيــالها سئلوها عن الصــور بتقولهم الصج؟؟!!
وشو بيكون موقف عايشه اذا عرفت باللي يســـويه راشد ومحد داري عنه؟؟!!!