ليــه هاللحظه تجينـــي .,.

الجـــــــــــــــــــــــــــــــــــــــــــــــ ــــــزء الســـــــــــــــــــــــــــــــــــــــــــــــ ــــــــــادس
الرجال كلهم كانوا في المجلس ودخل محمد فيصل المقلط وخلى لينه تجي تسلم على فيصل قبل مايمشي
لينه: السلام عليكم
فيصل قام من مكانه لما شاف لينه وكان منبهر من جمالها
محمد وفيصل:عليكم السلام
محمد: تعالي لينه استريحي
لينه قعدت بعيد عن فيصل لانها كانت منحرجه كثير منه وكان نظرها طول الوقت على الارض
محمد: طيب انا بروح شوي الوالد كان يبيني
لينه كانت تقرص محمد عشان يقعد
محمد: ااي...وشفيك..؟
لينه بصوت مايسمعه فيصل: وين بتذلف ابوي مايبيك...تبي تروح تشوف حبيبة القلب اقعد معي استحي اقعد بروحي..
محمد: وش تستحين منه هذا زوجك بعدين انا حر اروح حبيبة القلب ولا حبيبية الروح ههههههههههههههه
لينه: ترى دمك ثقيل اليوم..
محمد: انتي اثقل
قام محمد وطنش لينه ولا اكترث لكلامها
محمد: عن أذنكم...فيصل ترى البيت بيتك واختي اختك
فيصل: هههههههههههههههههههه مشكوور
بعد ماطلع محمد لينه كان ودها تقوم وتكفخ محمد على حركته معها اما فيصل كان فرحان انه قدر ولاول مره يقعد مع لينه بروحهم
فيصل: شخبارك..؟
لينه وهي منزله راسها:الحمدلله
فيصل: بتقعدين كذا..؟
لينه: ليش وشفيني..؟
فيصل: لابس انتي قاعده بعيده عني
لينه:..........
فيصل: طيب قربي شوي وشدعوه ماراح اكلك...
لينه:..........
فيصل: مممممم طيب
قام فيصل من مكانه وراح قعد جنب لينه وماصار بينهم الا تقريبا 5 سم...لينه حست وقتها ان ودها الارض تنشق وتبلعها
لينه في قلبها: ياليتني رايحه منطقع عنده ع الاقل كان ماقعدت قريبه منه كذا
فيصل بأبتسامه: كذا احسن....لينه ما ودك تطالعيني..؟
رفعت لينه وجهها ونظرها لفيصل بصعوبه كانت اول مره تلتقي عيونهم بهالشكل
فيصل وهو يمسك يدها: مبروك حبيبتي
لينه بأحراج: الله يبارك فيك
فيصل: لو تدرين وشكثر استنيت هاليوم....حاس ان اليوم احلى ايام حياتي
لينه:الله يحلي ايامك دايما
فيصل: اكيد بتكون حلوه دامك معي.....لينه يمكن اول مره تسمعين مني هالشي بس انا لما خطبتك من ابوك كنت احبك
يعني خطبتي لك ماكانت خطبة أهل......انا من اول يوم شفتك فيه ومانسيتك....
بعدها انرسم على وجه لينه علامة تعجب وكأنها تقول له اي يوم..؟؟
فيصل بأبتسامه:اذكر كنت انا توني في الكليه
وانتي كنتي توك بعد صغيره كنتي في ثانوي او متوسط ما اذكر .......المهم ان انتوا كنتوا معزومين عندنا وكنتي انتي ومزون وعنود وعهود
تتمشون في حديقة المزرعه عند المسبح يومها شفتك وتكلمت معك شوي كلام عادي ........من هاليوم لين هاللحظه وحبك مالي علي حياتي
ولما شفتكم في الاوتيل تذكرت كل هالايام
لينه قعدت تسترجع بذاكرتها كل اللي يقوله فيصل وتذكرت كل ذيك الايام وتذكرت اشياء ثاانيه معاها
فيصل بأبتسامه: ولما خطبتك من ابوك ووافقتي حسيت ان الامل يمد يده لي ويقول تعال بعطيك سعادة الدنيا بأيدك
لينه ردت على كلام فيصل بأبتسامه تذوب الصخر رغم ان اللي داخلها كان بركان حزن
فيصل: ها تذكرتي..؟
لينه وهي تهز راسها بالايجاب:ممممم تذكرت
فيصل: اوعدك يالينه اني بحاول اسعدك كثر ما اقدر بعطيك فرحي واخذ حزنك بعطيك ابتسامتي وباخذ دمعتك
لينه وهي تحاول تخفي حزنها: الله يخليك لي يا...فيصل..
فيصل وهو يبوس يدها: ويخليك لي يارب
عنود وعهود: السلام عليكم
لينه وفيصل: عليكم السلام
عنود: مبرووك لولو مبروك فصولي
عهود: الف مبروووك
لينه وفيصل: الله يبارك فيكم
عنود: ماشاءالله تبااارك الله يابختك يافصيل صبرت ونلت
عهود: ياابختك ماخذ قمرر ماشاءالله
لينه: تسلمون والله احرجتوني
فيصل: الحين بدال ماتقولون يابختك يالينه خذيت اخونا وتمدحون فيني قاعدين تمدحون فيها هي بس
عهود: ايه ايه صح ياااابختك يالينه خذيتي فيصل اكثر واحد يكره الاسواق والطلعات اكثر واحد يطلع روحنا في الشغل والدراسه...
الكل: ههههههههههههههه
لينه: ههههههه اذا كذا زيييين لان انا نفس الحاله
عنود: هااااااا؟؟؟
عهود: انتي بعد ماتحبين هالاشياء
لينه: اي والله انا ما احب الطلعات كثير
عنود: فوله وانقسمت نصين
الكل: ههههههههههههه
عنود: طيب احنا نستأذن اخاف احد من خوانك يدخل فشيله ههههههههه يلا مع السلامه
طلعت عنود وعهود وفعلا بعدها دخل محمد
محمد بأبتسامه: ها فيصل شلون اختي..؟ ان شاءالله جازت لك
فيصل: هههههههههههههه اي ماعليها زينه
محمد: ههههههههههههههه
لينه: اصلا انتوا طول عمري اسميكم الاخوه الاعداء
محمد وفيصل: هههههههههههههههههههههه
محمد: من احنا.؟؟
لينه وهي تقوم بتطلع: انت واخوك وعيال عمك والحين فيصل وابراهيم دخلوا ضمن القائمه
محمد وفيصل:ههههههههههههههههههههههههههههه
طلعت لينه وقعد محمد وفيصل وبعدها رجعوا عند الرجال
لينه طلعت فوق تشوف مزون قبل اي احد
مزون: ها لينه وش صار..؟
لينه اول مادخلت قعدت على السرير وبدت تبكي
مزون وهي تقرب من لينه: لينه حبيبتي وشفيك صاير شي..؟
لينه تمت تبكي وماردت على مزون
مزون وهي تحضن لينه: لينه حبيبتي احد قالك شي محمد ولافيصل احد زعلك بشي تكفين لينه ردي علي وشفيك..؟
لينه بعدت نفسها عن حضن ومزون وقعدت تطالعها بعيون حمره و مليانه حزن
لينه وهي بدت تهدى شوي: يقولي يحبني....ابي افهم ليش هو؟؟؟.......ليش مو غيره ليش ماجات حياتي مثل ماتمنيت
انا ماعمري اذيت احد عشان اتعذب هالعذاب كله ليش انجرح هالجرح وبعدها يجي فيصل ويقولي يحبني....ياما ياما تمنيت هاليوم تمنيت يقولي الكلام اللي قاله فيصل ياما تمنيته مع....
(وماقدرت تكمل من البكي وراتمت بعدها في حضن مزون)
مزون وهي تبكي على حال لينه: يابعد عمري خلاص يالينه هدي نفسك خلاص الله يعوضك خير وينزل في قلبك حب فيصل مثل مايحبك هو....
لينه وهي تبكي: ااه يامزون صعبه والله صعبه انا تعبت صدقيني ما اقدر اتحمل والله ما اقدر
مزون: خلاص حبيبتي يلا خلينا نقوم واعدل وجهك خربتي المكياج حرام عليك يلا خل ننزل لا الحين يحسون فينا
قامت لينه مع مزون وعدلت وجهها عشان ما احد يحس فيها ونزلت هي ومزون وكملت الليله على خير

بعد مامشى الكل ومابقى الا عيال بو عبدالله
محمد: اقول لايكون بس احنا بنتزوج بنفس التوقيت..؟
عبدالله: لا وشرايك بس لينه تتزوج هالسنه واللي بعدها ساره واللي بعدها انت
الكل:ههههههههههه
محمد:ياشيخ احلف بس
عبدالله:ما ادري عنك
محمد:طيب خل الحلوين هذول يأجلون وانا اللي اتزوج الصيفيه ذي
عبدالعزيز: ليه ياحبيبي على كيفك هو انت تتزوج واحنا مومهم..؟
ريم: لينه ماسمعنا رايك
لينه بملل بسيط:ابي اشوف نهاية هالنقاش الحلو
ريم: من ناحية حلو فهو حلو هههههههههه
لينه: خليك منهم بس الحمدلله ماشافوا خير
مزون: ههههههههههه
خالد: اقول حمود مزون الحين زوجتك والدراسه ماباقي لها شي فياليت الروحه والجيه تتكفل انت فيها
محمد: بس كذا حاضر انا اقدر ارفض لك طلب ياخالد..؟
خالد: والله ماضنتي انه حب(ن) فيني..
الكل:هههههههههههههه
خالد: الله يخليك لي ههههههههههههههه
لينه:طيب عن أذنكم شوي
وقامت لينه ومزون وراحوا الحديقه يتمشون
مزون:ها لينه احسن الحين..؟
لينه: الحمدلله.....والله يامزون خايفه..
مزون: من وشو..؟
لينه: من هالحياه الجديده مو عارفه راح اقدر اتقبلها ولا .....بكون قويه ولا بضعف..
مزون: لينه........انا اعرفك اكثر من اي احد انت اقوى بنت شفتها بس للاسف ماتواجهين صدقيني لو واجهتي الواقع بتتغلبين عليه
لينه: يعني انا ما اتمنى هالشي..؟؟.....الله يعلم وشكثر اتمنى احب فيصل واعيش معه بسلام
مزون: ان شاءالله صدقيني انا حاسه انك بتحبينه وقريب
لينه:...ان شاء الله
مزون: اقول ترى انا تجمدت...مابردتي..؟
لينه:حياتي كلها برود....تبين ابرد من الجو..؟
مزون وهي تسحب يد لينه بمرح: امشي امشي بس تبين تصيرين فيلسوفه علي
لينه:ههههههههههههه
ورجعوا دخلوا لينه ومزون ورجعت مزون واخوانها لبيتهم
..........................
مرت الايام والشهوور بسررعه ريم ولدت وجابت ولد وسمته نايف على اسم اخوها ...الترم الثاني على وشك انه ينتهي وطبعا هالشي مسبب قلق للكثير للدراسه او الحياه الجديده والمسؤوليه الكبيره
لينه:الو...محمد وينك انا ومزون انحرقنا...
محمد: الله يفشلك طيب سلمي.... خلاص هذاني جايكم
لينه: اوف خلصنا
بعد ماجا محمد مزون مارضت تركب قدام واصرت على لينه
بعد ما ركبوا
محمد: انا عندي لكم راي ثاني اركبوا اثنينكم ورى وخلوني انا السواق
لينه:يووه تصدقين مزون كان احسن
محمد:ههههههههههههههه طيب شكرا.....هلا والله وغلا بمزون شخبارك..؟
مزون: الحمدلله
لينه:اقوووووول انت ترى مو فاضين ابي اروح البيت خل السلامات بعدين
محمد وهو يطالع مزون في المرايه ويغني: ولامن الزمان اشتد حره لقيت بقرب مضنوني ظلالي
لينه:حسبي الله ونعم الوكيل....وشذا الرومنسيه في عز القايله..؟
محمد: تدرين لولو اموووت فيك وانتي معصبه
لينه: شكلي الحين برميك برى السياره
محمد:ههههههههههههههههه خلاص بنمشي
لينه: اسمع ودنا بيت خالتي ام غاده
محمد: حاضر مدام
لينه:قول عمتي...المهم البيت مافي احد..؟
محمد: لاعمتي مافي احد الكل عنده اشغال
مزون: ههههههههههههههههههههه محمد اليوم مسالم
لينه:اي لاتخافين مروضينه
مزون: ههههههههههههههه
بعد ماوصلوا
لينه:محمد لاتمشي بسلم على خالتي انا ومزون ونرجع
محمد خبث: ان شاااء الله
بعد مادخلوا
محمد: اجل انتظركم سواق عند ابوكم..؟ ههههههههههههه خليكم قاعدين
ومشى محمد وراح البيت وخلى مزون ولينه
لينه: خالتي وين غاده..؟
ام بدر: في المطبخ
مزون: اجل بنروح نسلم عليها
................
في المطبخ
مزون وهي تدخل بهدوء: (بصوت مرتفع)غاده
غاده: يمه
لينه: ههههههههههههههههههه اسم الله عليك
غاده :بسم الله طاح قلبي
وراحت غاده وضربت مزون على كتفها
مزون: اااااااااي
لينه: ههههههههه شخبارك..؟
غاده: تمام انتوا شلونكم
مزون:الحمدلله
لينه: بخير....بترجعون بكره..؟
غاده: اي ان شاءالله
مزون: ماشاءالله كل شوي جايينا هههههههههههه
غاده: ههههههههههههه نبي ننوركم شوي
لينه:والله مو عشانا عشان الحبايب بس
غاده: انتوا الثنتين مايبيلكم ضرب كتوف يبيكلكم ضرب كفوف
الثلاث: ههههههههههههههههههه
لينه:طيب اجلي الضرب بعدين.......مزون على فكره نسينا اخوي
مزون: يوووه بيذبحنا يلا غاده نشوفكم على خير ولاتقاطعون عشان اللي بالي بالك هههههههههه
لينه: ههههههههه يلا مع السلامه
غاده:هههههههههه مع السلامه ياحلووين
بعد ماطلعت مزون ولينه ومالقوا محمد خلو سواق اخو بو بدر يوصلهم البيت
مزون وهي داخله البيت: يمه جوعانه
لينه: انا ميته جوع تعالي نروح ناكل شي
مزون: يلا
ودخلوا على طول للمطبخ
لينه وهي بتبدى بالاكل عقدت حواجبها:مزون تسمعين هالصوت..؟
مزون وهي تاكل وماسكه الساندوتش بأيدها: مممممم اي اسمع وشذا..؟
لينه بأبتسامه بسيطه: هذي اغنيةشيرين اللي انا وانتي نحبها
مزون:اي ذكرتها...
وقامت لينه تركض بسرعه ولحقتها مزون وهم بعباياتهم
وقفوا عند بداية الدرج
لينه: سمعي
مزون: اي اسمع خلينا نشوف من وين جايه اطلعي بسرعه
وكملوا ركضهم
لينه وهي تركض: الصوت من غرفة محمد
وفتحوا مزون ولينه الغرفه وانصدموا لما شافوا محمد....
كان لابس بلوزه تيشرت نص كم وبنطلون جينز ورابط الشماغ على وجهه مع انه كان شكله غريب بس راكب و حلوووووووووو لان محمد اساسا كان مرررره وووسيم
لينه ومزون قعدوا ثواني مبتسمين ومفتحين عيونهم ويطالعون محمد

مزون: الله لينه خلينا نرقص
لينه:ها..؟
مزون:وجعااه يلا
ودخلوا لينه ومزون وفصخوا عباياتهم ورقصوا مع محمد وبدى محمد يقهرهم ويحسسهم ان رقصهم اي كلام
مزون: لاوالله يامحمد تشوف
لينه: هههههههههههه يلا وريه
طبعا مزون كانت دايما اجرئ من لينه وبدت ترقص خلت محمد يبتسم وينصدم لانه اول مره يشوف لينه ومزون كذا
محمد: ياااااااااااهووووووووووو وشذا كله ومسوين نفسكم بريئين
سحبت مزون يد محمد وقربته منها
لينه: ههههههههههه حلووو مزون ذوبيه
محمد: انا مذوب وخالص
الكل: ههههههههههههههه
..............................
بعد ما قعدوا
محمد: والله طلعتوا مو سهلين
مزون: عشان مره ثانيه ماتستخف فينا
محمد: لا خلاص توبه هههههههههه
لينه:وين رحت وخليتنا..؟
محمد:هههههههههههه اي صح ذكرتوني ياحلوه انا مو سواق ابوكم
مزون: انت ولد ابونا
الكل: ههههههههههههههه
ساره: السلام عليكم
الكل:عليكم السلام
لينه:جيتوا..؟
ساره:لاتونا هناك
مزون:فاتكم هههههههه
ساره:هههههههه اكيد دام تركنا الثلاثي المرح بتفوتنا اشياء واشياء...وش سويتوا بعد..؟
لينه: لابس هالمره غير ههههههههه
ساره: هههههههه وش سويتوا عاد..؟
لينه: الاخت مزون وحضرتي طلعنا مواهبنا المدفونه (وهي تأشر على محمد)..مع هالوسيم
ساره:اي مواهب بعد..؟
محمد بأبتسامه عريضه:توني ادري عنهم
لينه: ههههههههه فاااتك يا سويره رقصنا انا ومزون معاه
ساره: وشو وشو رقصتوا ..!!...ان شاء الله رقصتوا مع محمد..؟
لينه: اي ههههههههههههههههههههه
ساره: وفرحانه..؟ ههههههه صدق ماتستحون على وجيهكم
لينه:والله هو السبب حط اغنيه على كيف كيفك ههههههههه
محمد: اما رقص مزون رووعه
ساره: احلى يامزووون
مزون بأحراج: ليتك معانا هههههه
ريم:السلام عليكم
الكل: عليكم السلام
محمد وهو يقوم:هلا والله بأم نايف
ريم: هلا فيك
محمد: عطيني الولد
ريم: وانت كل ماتشوفني تاخذه هههههههه
محمد: ولد اخوي بدلعه هههههههه
ريم:اهم شي مايطلع عليك
الكل:هههههههههه
محمد:لهذي الدرجه يعني تخافين ان البنات يتولعون في ولدك
ريم: ههههههههههههههه اي مره البنات يتولعون فيه وانا تطلع لي قرون
محمد وهو ياخذ نايف من ريم: وش قرونه بعد ثوره انتي..؟
ريم وهي تضرب كتف محمد بخفه: ثوره في عينك ياطويل اللسان
محمد وهو قاعد وحاط نايف في حضنه:مزون تعالي شوفيه قاعد يضحك لي
لينه: هههههههه انا بشوف
محمد: لينه لو جيتي انتي الولد بيصيح
مزون:محمد عطني اياه
لينه: هاته صدق دايما معك انت وشمعنى يعني..؟
ساره: اقول الحقي على ولدك بيصفونه اليوم
محمد: الحين انا اللي بصفيك
مزون:ههههههه ريم الحين عبدالله طالع..؟
ريم: اي يدخل السياره للقراج تحت
مزون وهي تاخذ الجلال: اجل اتغطى اخاف يدخل وانا مو داريه عنه
ساره وهي تكلم ريم على جنب بمساسر:اقول ريم شخبار نايف اخوك..؟
ريم:والله الحمدلله احسن من اول ان شاءالله بيترك الخرابيط اللي هو فيها
ساره: ان شاء الله بس شلون تغير ولا..؟
ريم:والله ياساره نص ونص لين الحين هو احسن من اول خصوصا ان بدر سافر وصديقهم الثاني عقب وفاة ابوه انصلح حاله نتأمل ان نايف بعد ينصلح..
ساره: الله يهدي الجميع
ريم:امين
محمد:اقول تعشيتوا...؟
ساره: انا ماتعشيت
ريم:ولا انا حتى عبدالله
مزون:طبعا احنا معاك يعني عارف ان ماكلينا شي
ساره:اي ريم شفتي هاللي مايستحون وش سووا..؟
ريم: مين بعد..؟
ساره: هالحلوين اللي قاعدين قدامك
ريم:وش سووا بعد..؟
ساره: قعدوا يرقصون مع محمد والاخ يقول رقصهم روعه
ريم: من جد..؟
ساره: اي والله
ريم: هههههههههههههه ياربي على الخبال
عبدالله:خبال مين بعد..؟
لينه:اهلين
عبدالله بطنازه: حيا الله لينه
لينه بنفس الاسلوب: الله يحيك عبدالله
عبدالله:فعصتوا الولد ذبحتوه
مزون:هو ولدكم معاكم دايما بس احنا نشوفه من وقت لوقت
عبدالله وهو ياخذ نايف:هاتوا الولد بس لما تتزوجون جيبوا درزن ولا راح نقولكم بنشوفهم
لينه:الشرهه علينا حابين ولدك..
عبدالله: هههههههههه اصلا انتي اكثر وحده غيرانه
مزون:ليش بعد..؟...ان شاءالله بتتزوج وتجيب عيال احسن من ولدك
عبدالله: لا والله ماجابتها امها اللي تجيب مثل ريم
ساره: ياهووووووو
لينه: من قدك ياريم
ريم: اي عشان تعرفون
محمد: اقول اقعد بس يوم ماتجيب مزون الولد ان شاءالله ابقى اقابلني
عبدالله: ماشي ياحاج
ساره: هههههههههههه في ايه انت وهو..؟
محمد: مافيش حاجه يامعلمه
الكل: هههههههههههه
عبدالله: الاصح وين بتسافرون في الصيف..؟
محمد: انا وشوله اسافر وانا معي القمر
الكل: ههههههههههه
لينه: انا ماقررت ياريت اقعد ولا اسافر اخذ كورس صيفي
ساره: والله انا بسافر ونص
محمد: شاده حيلك ههههههههههه
ساره:ههههههههه اي والله
عبدالله:عاد وين بتسافرون.؟
ساره: ما ادري ودي اروح مممممم كندا
محمد:انا افكر اروح سويسرا بس شكلي بروح كندا بعد
عبدالله: وانتي يالينه روحي بنجلاديش على الاقل ترجعين بلغه
الكل: ههههههههههههههههههههههههه
محمد: هههههههههههههااي وربي حلوه
لينه: هههههههههههه على الاقل احسن منك انت وزوجتك وولدك بتروحون جيبوتي لا لغه ولا شي
الكل: ههههههههههههههههههههه
عبدالله: عاد تلاقي فيصل يرجع لنا يامحمد وهو يهز لك راسه تقول لايكون ذا السواق الجديد
الكل:هههههههههههههه
محمد: على طول بسويله خروج بلا عوده
الكل: هههههههههههههههههه
لينه: اقول عاد انت وهو سكتوا.....اعلم عن سوالفكم..؟ ريم ومزون ترى ازواجكم هاللي مايستحون يوم احنا صغار كنا مسافرين اليونان
والا يوشوفون ثنتين شكلهم من اندونسيا ولا شي قال عبدالله شوف ذول وش حلوهم رد محمد قال ياليت بس نتزوجهم شمحوطات
عاد ازواجكم اول كانوا قصار تقولون اقزام
الكل:هههههههههههههههههههههههههههههه
ساره: هههههههههههه اذكر والله فشلونا ماشافوا خير مالقوا الا شرق اسيا
الكل:هههههههههههههههه
ريم: من جد عبدالله سويت كذا
مزون: وانت بعد يامحمد شمحوطات اجل ها..؟؟؟
محمد:لا ماعليك منهم يكذبون ..
مزون:والله ما احد يكذب غيرك..
ساره وهي تكلم ريم:اقول وانتي مو ناويه تقولين شي (وهي تقصد عبدالله) للي قاعد قدامك..؟
ريم: انا عارفه زين ان عبدالله يحبني ليش اتعب نفسي
عبدالله:كفووو والله لاتشمتين العذال فينا
ريم:ولايهك بس خلنا ندخل الغرفه وشوف لو طلعت حي منها
الكل: ههههههههههههههههههههههههه
مزون:انا بكلم خالد يجي ياخذني
لينه: يووه ليه مزون قعدي بس تو الناس بدري والله
مزون: من عمرك لولو خلاص تأخرت
محمد: خير وشو اللي خالد يجي ياخذك..؟ وانا وين رحت
مزون: انت خلك مع الشمحوطات..
الكل: ههههههههههههههههه
ريم: اقول مزون ترى انا وعبدالله جبنا حلا مسويته مها روعه خذي منه
مزون:مادام انه حق مها اكيد باخذه
ريم: تسملين طيب شوفي هم في كذا صنيه في وحده فضيه كبيره..........ولا اقولك خليني انزل معك احسن
نزلت مزون مع ريم للمطبخ ولحقهم محمد بعد دقايق
..............................
في المطبخ
ريم: اي شفتي هذي هي خذيها
مزون: تسلمين ريومه
ريم بأبتسامه: الله يسلمك بالعافيه ان شاءالله يعجبكم
مزون بأبتسامه:على قلبك واكيد بيعجبنا
محمد وهو عند الباب:مزون تعالي تكفين شوي
مزون: اوكي
ريم: خلاص انا بس بحطها في صنيه ثانيه احسن من ذي دقيقه
مزون: لاتتعبين نفسك
ريم: تعبك راحه بعدين وشدعوه انا بس بشوف صنيه زينه والشغالات بيصفونه
مزون: تسملين عن أذنك
ريم: تفضلي
...............................
في الحديقه
مزون:ايوه محمد
محمد: هلا حبيبتي ها كيف الدراسه..؟
مزون:تمام
محمد: ليش بتخلين خالد يجي ياخذك..؟
مزون: ما ابي اتعبك بعدين عادي
محمد: مزون بقولك شي اولا سالفة اتعبك تشيلينها من بالك ثاني شي انا زوجك ومسؤل عنك يمكن اني قاعد اكبر الامور شوي
بس لما نكون من البدايه كذا احسن غير كذا انا ابي اسولف معك واقعد معك ولا انتي ما تبين تشوفيني
مزون:ههههههههه تسلم حمودي بعدين من قالك اني ما ابي اشوفك حبيبي(وهي تمسك ايده)الا بالعكس احلى اوقاتي وقت شوفتك
محمد: ياحياااتي انتي اي خليك كذا بلا خالد بلا غيره
مزون: هههههههههههههه ولايهمك
محمد: يلا اجل انا بروح اجيب مفتاح السياره وانزل لك
مزون: خلاص دقايق اخذ الصنيه من ريم
......................
عبدالله: ها وين..؟
محمد: بروح اوصل مزون وارجع
ساره:مممممممم والله ماهقيتها توصلها وترجع على طول
لينه: ههههههههه وانتي وش مزعلك واحد وزوجته
محمد وهو يأشر على لينه:شفتي سمعتي..؟
ساره: ههههههه الله يوفقك
محمد: وياك
......................
في السياره
محمد: تو ماتباركت السياره
مزون: الله يسلمك متباركه بصاحبها
محمد وهو يعدل شكله في المرايه:مسكين صاحبها حاله مايسر لاعدو ولاحبيب هايم في الغرام
مزون:ههههههههههههه الحين ليش قاعد تطالع المرايه
محمد: اعدل شكلي
مزون: لاوالله لمين تعدل شكلك..؟
محمد: مو لاحد
مزون:اقول لما تحب تعدل شكلك تعدل شكلك للبيت بس
محمد: هههههههههههههه ااخ يامزون تغارين..؟
مزون: لا بس هالحركات ما احبها وحتى لو اغار انت زوجي ومن حقي اغار عليك خلصنا امش بدال ماتقعد تطالع في نفسك
محمد:اي ياحلوووك وانتي كذا...اقول مزون حبيبتي تبين احط لك اغنية محمد فؤاد..؟ هههههههههههههههه
مزون : ههههههههههههه عندك الكاسيت حقه..؟
محمد: ما ادري والله افتحي الدرج ودوري براحتك
مزون:طيب
فتحت مزون وقعدت تدور وكان محمد وقتها يسوق السياره ولقت مزون شريط لشيرين وشافت فيه اغنيه حبت تسمعها محمد

...حبيته بيني وبين نفسي وماقلتلوش عن اللي في نفسي ما اعرفش ايه بيحصلي لما اشوف عينه ما بئتش عارفه اقولوه ايه ماعرفش
ليه خبيت عليه بضعف قوي وانا جنبه وبسلم عليه كل حب الدنيا ديا بقلبي ليه دا انت اغلى الناس علي روحي فيه دا انت لو قدام عني اشتاق اليه
على بالي ولا انت داري باللي جرى لي والليالي سنين طويله سبتها لي انشغالي بكل كلمه قولتها لي...

وقتها مزون كانت حابه الاغنيه ومحمد عجبته كثير وعرف ان مزون كانت حابه تسمعها اياه
في هاللحظه مسك يدها وقبض عليها هالحركه اسعدت مزون كثير واسعدت محمد اكثر
.........................
مر تقريبا اكثر من شهر امتحنوا فيها لينه ومزون ونفس الشي غاده والعنود وعهود
وجابوا درجات حلوه فرحوا فيها واللي كان مفرح مزون اكثر وموترها بنفس القوت زواجها من محمد
اللي تقريبا مابقى عليه شي ونفس الشي زواج ساره وعبدالعزيز
وقرروا ان زواج محمد وعبدالعزيز يكون في نفس الليله بس لينه حبت تأجله شوي وفيصل ماعارضها
.........................
بغرفة لينه
لينه: واخيرا الحمدلله خصلنا
مزون: الحمدلله الواحد يعيش حياته الحين
لينه: هههههههه
مزون: ياربي يالينه والله كان ودي ان زوجنا انا وانتي يكون في يوم واحد....
لينه: يلا عاد خيرها بغيرها
مزون: ههههههههههههههههههههه لا ان شاءالله...زين ان فيصل وافق
لينه: اي والله كل مره اقوله كذا يقول طيب
مزون: ههههههههههه مسكين كل شي يطاوعك فيه
لينه: اي ياحبيبتي تشوفين عقب الزواج وش بيصير
مزون وهي عاقده حواجبها: ليش..؟
لينه بنظرة خبث: صدق ان فيصل ماكانت لي معرفه قويه فيه بس اعرفه من النوع اللي يسايس
نشوف عاد عقب الزواج شلون بيطلع
مزون:وش قصدك لينه يعني هو يكذب مايحبك..؟
لينه: لا يابنت الحلال مو كذا هو يحبني بس كل انسان له طباعه
مزون:مع اني مافهمت بس الله يكتب اللي فيه الخير
لينه:امين......وبذكرك بعد الزواج
...............................................
مزون ومحمد بيستمر حبهم...؟
لينه بتقدر تتعايش مع الوضع الجديد وتحب فيصل...؟
وش سالفة نايف اخو ريم...؟