علمني كيف أترك يدك في عز حبي لك كاملة

يوم السبت
الساعه : 03:00 عصرا
مرسم أميره
____________
أميره :
كلي فحم سودت من كثر الرسم
بصراحه مدري شجا علي اليوم و بديت أرسم .... و بصراحه كلام رنو صحيح لازم أشغل نفسي
و أنسى كلمة طفش هذي من حياتي !!
دخلت المرسم و انا محتاره وش برسم مسكت الفحم و قمت أرسم أرسم ايش مدري ؟؟؟
اممممممم اللي يطلعه خيالي برسمه فجأه جا على بالي ذاك الرجال اللي شفته على الشاطئ امممممممممم
بتذكر ملامحه .....
غمضت عيوني و سرحت بعيد أفتش عن هاليوم في ذاكرتي كأن ذاكرتي شريط و و راسي الفيديو و حطيت على اعاده من البدايه
ايه هذا هو تذكرت بشرته حنطيه و عيونه عسليات وساع و شعره ناعم لحظه بس كيف كان مقصصه اممممممم لحظه
و شفايفه وسط يعني مهي صغيره و لا كبيره و أنفه مثل حد السيف ... شوي شوي لقيت نفسي أرسمه
جلست تقريبا اربع ساعات أرسم في هالوجه ايه هذا هو أنا متأكده انه هو ياااااااااااه بصراحه أنجزت بصراحه شي ........يا هووووو يا أميره !!
قمت أطالع عيونه
و أتأمل كيف انها سحرتني .....غريبه !!
ابتسمت بإستسلام و تذكرت ناصر كيف كان كله على بعضه ساحرني .... تذكرت كلام رنا و رجعت لصورتي بصراحه هالوجه اللي قدامي
ملااااااااك مدري أنا زدت عليه تفصيلات حلته أو هو كذا حلو مدري و فجأه نقزت و فتحت عيوني على كبرهن من الفجعه
رنا : سلاااااااااااااااااااااااااااااام
أميره : بسم الله يمه ......... رنا وش ذاااا .... ليه الترويع يا بنت !??
رنا : هههههههههههههههههه مستعجله ياجميل
أميره : انتي أصلا مستعجله مب مستعجله هذا طبعك
قامت تطالعني :
رنا : وش فيك فحمتي كذا كنك قطعة فحمه ؟؟
أميره : ههههههههههههههههههههههههه
رنا : أوف أوف أوف ماشاء الله وش هذا ماشاء الله عليك مبدعه روووووووووووووووعه يا أموره !!
أميره : مشكوره بس لاحظي حقوق النسخ و التوزيع محظوره مب محفوظه عشان ما تقولين أبي نسخ !
رنا : هههههههههههههه لااا تطمني ما ابي نسخ ..... بس ما قلتي لي مين المزيون صاحب الصوره !!!
طالعتني بخبث
أميره : و الله انك شكاكه لو تذكرين اني قلت لك على سالفة الإماراتي اللي شفته عالشاطئ !
رنا : أها ......... حلو بصراحه شي مذهل معقوله في رجال حلو بهالطريقه !!!
أميره : رنو لا تطالعيني كذا .... وش عندك جايه ؟؟
رنا : أوف نسيتيني .............. قومي قومي معاي بنروح للمت بنات أعرفهم ................. تراهن صديقاتي يالله!
أميره : رنو لا لا ما أقدر أطلع من البيت بعد ذاك الموقف
رنا : يا ربي رجعنا على السالفه ذي مره ثانيه .... تكفين انسيه خلاص مللتيني ......... أقول يالله قومي معاي
و مسكتني و سحبتني غصب سكرت باب مرسمي و طلعت

_____________
يوم السبت
في بيت وحده من صديقات اماني
الساعه : 5:55 عصرا
____________
أماني :
أوف من البيت و قرفه
نوره مسويه لي تحقيق و امايه بس تسأني وين بتسيرين ؟؟
و في الأخير افتكيت من حنتهم الزايده و وصلتني نوره لبيت رفيجتي عبير عازمه البنات
يا ني متولهه عليهن و الله من زمان عن هاليمعات الحلوه على الأقل أفتك من هالمشاكل اللي ما تروم تتركني و النقره مع نوروه النسره و لا شوفت عبدالله اللي تضيج الصدر !
بس تدرون مدري السبب اللي مخليني ما أداني هالعبدالله مادري شو السبب و هو مجابلنا الأربع و العشرين ساعه يلبي طلباتنا
و يقوم بواجباته على أكمل وجه !!! مسكين
عبير : نحن هنا شو صابج أماني ... أماني ؟؟
أماني : ها ..... ايه معاكم معاكم ...
عبير : ايه واضح ...!
شوي ودخلت بنتين كشيخات بمعنى الكلمه و حلوات بعد سلمن علينا و يلسن
عبير: أعرفكم على رفيجتي رنا
رنا : الله يسلمك
البنات : تشرفنا يا هلا و مرحبا
و صرنا نتعارف .. بمساعدة عبير
عبير : أعرفج على شذا و سعاد و شيخه و أمجاد و مهاوي و لميا و أماني
رنا : تشرفنا ... أحب أعرفكم على بنت عمي و توأم روحي أميره
قمنا كلنا نطالع هالأميره .... بصراحه ملكة جمال مره حلوه
تم التعارف الحمد لله و قمنا نتقهوى و نسولف و نرقص و نظحك يعني أنواع الفله
شذى : تدرسين بالجامعه ؟
أميره : خلصت الجامعه من وقت
شيخه : أي قسم ؟
أميره : فيزيا و علوم فلك
شذى : قسمك وايد حلو
شيخه : هلا بك و الله و يا مرحبا
أميره : الله يسلمك
قامت و يلست جنب رنا و أنا كنت جنبها من الجهه الثانيه
جلست أسولف معاها فتره حسيت ان ميولنا وحده و أفكارنا بعد وحده هي رسامه و أنا بعد رسامه استانست وايد
عليها ............ بصراحه استانسنا مع بعض بشكل لدرجة اننا تبادلنا الأرقام قبل ما نروح لبيوتنا

_____________
يوم السبت
بيت أبو أحمد
الساعه : 9:30 مساءا
_____________
أميره :
رجعنا لبيتنا نكمل السهره على راحتنا أنا و رنو قشينا لنا قشه محترمه من الأكولات و خلافه !! من الهايبر ماركت
و جلسنا بالصاله نلتقط أنفاسنا !!
أميره : ياربي وناسه صراحه وناسه
رنا : قلت لك البنات الإماراتيات شي
أميره : أموت على لهجتهم ذيك روعه
رنا : ههههههههههه شو فيج !!
أميره : هههههههههههه
رنا : أحلى من لهجتانا
أميره : من كذب عليك لهجتنا الأحلى و الأجمل على قول (( الكاتبه إيملي )) لا غنى لي عنها هي الأجمل دااائما "
رنا : لا يا شيخه فكينا من الروايات حقتك
أميره : خليتها لك يا قلبي ... أصلا مب لايقه عليك الثقافه خخخخخخخخخ ما اتخيلك ماسكه كتاب !!!
رنا : ههههههههههههههههه شو شايفتني أرسطو
أميره : لا آينشتاين .... يا سخيفه ههههههههه
سكتنا شوي و طالعنا بعض و لا ارادي ضحكنا مدري وش جا علينا اليوم !ههههههههههههه
أميره : تدرين مره عجبتني أماني حتى تبادلنا الأرقام !
رنا : الله ما مداك !
أميره : و الله و خصوصا انه ميولنا وحده و هي بعد رسامه مثلي و أفكارنا وحده
رنا : باين عليها حبابه
أميره : شفتي شذا يمه منها بويه حااااااااااااف خفت أقولها فيصل و لا فهد مب شذا !
رنا : ههههههههههه هالبنت سوالفها سوالف !!
أميره : حتى سعاد مثلها ليه فيه بويات في شلتكم !!
رنا : و الله يا أموره بصراحه ما أعرفهن بس أسمع عن سوالفهن و مغامراتهن ؟!
أميره : بس شذا كانت تطالعني بنظرات مالها داعي و مقربه مني بشكل يوه تخيلي يا رنا رحت للمغاسل عشان أصلح بلوزتي
انفك حبلها من عند الكتف لحقتني شذا و قالت لي خليني أصلح لك البلوزه في البدايه رفضت بس لما عجزت أسويها خليتها تسويها لي
قربت مني بشكل و شمت شعري بشكل غريب لا و لدرجة اني ما قدرت أحرك راسي من كثر ما انها مقربة مني !!!
عجزت أفهم حركتها ؟؟؟
رنا : هههههههههههه ما مداها تنصهر مثل الحديد ؟؟؟
أميره : نعم !!!!!!!!!!!!
رنا : و لا شي
أميره : يع قرف مب متخيله نفسي بويه ؟؟ ... بس أتخيلك انتي تكونين بويه !!خخخخخخ
رنا : يمه بسم الله علي ....... بياخه ؟؟
أميره : و الله اللي يشوف حركاتك يستخف من بعد ذاك اليوم غسلت يدي منك بالكلوركس
قمنا نضحك على بعض مره وناسه هههههههههههههه
رنا : طيب اسمعي بقولك تخيلي ...
أميره : يالله تخيلي يا شاعريه ..
رنا : تخيلي اني أتزوج و أبعد عنك وش بيصير فيك طبعا حطي تحت أبعد عنك خطين و طبعا ماراح يصير فيه مغامرات أو أي شي ؟؟
أميره : عادي يا قلبي وش يعني أنا أميره بنت مساعد أقدر أصنع المستحيل
رنا : يعني بتستغنين عني ؟؟
ضربت على صدري و قلت :
أميره : ايه نعم !!
قامت رنا و صارت ترمي علي الخداديات الصغيره اللي بالصاله و أرمي عليها اللي جنبي
مسوييين حرب و شوي قربت من عندي و رمتها في وجهي و صارت أشكالنا تضحك مثل البزران
الا وشوي التفتنا لقينا ثامر يطالعنا !!!
انفجعنا .....
رنا وقفت مصدومه و شالت المخده حطتها على وجهها طبعا شكلها غلط هههههههههه
أما ثامر جلس يطالعها ما يستحي هالولد !!
أميره : ثمرو وش عندك وجع خلاص امش البنت استحت !
طالعني مب مستوعب كأنه كان في عالم ثاني ؟؟
ثامر: احم احم معليش آسف
أول ما طلع طالعتني رنا مصدومه ...
رنا : وش فيه أخوك ؟؟
أميره : مات يوم شاف المزيونه ....... أقول لا تصدقين عمرك ههههههههههه
رنا : لا من جد أميره وش فيه يطالعني كذا ؟!!
أميره : أقوول قومي معاي نطلع لغرفتي يا فخامة الرئيس و شيلي من راسك هالأسئله
قالت بمزح
رنا : على قولتك الله وكيلي و حسيبي منكم يا عيال مساعد !
أميره : هههههههههههههه
طلعنا لغرفتي و جلسنا نسوف و نتضارب و نشغل أغاني حوسه و الله مفتقده بنات عمي و بنات خالي وين أيام اللمه الحلوه و الوناسه مع انهن شايفات نفسهن بس فله
أميره : رنا ودي أرد لديرتي
رنا : شكله عقلك انهف !
أميره : و الله صدق اللحين أتمنى ان عمي سعود و سامي و فهد و ابراهيم و خالد يتصالحون مع ابوي و الله اني ماله من دونهم صدقيني!!
طالعتني رنا بخبث
رنا : من دونهم و لا من دون نصور
عقدت حواجبي و قلت
أميره : وش جاب سيرة نصور ؟؟
رنا : ناصر بن فهد يعني ولد عمي فهد
أميره : لا يا شيخه يحيى الذكاء يا سقراط
رنا : هههههههههههههههه بس تصدقين ما هقيت ان عمي مساعد بيوافق حتى لو اصطلحوا و خصوصا انه نقل كل شغله لهنا !!!
و محمد أخوي عاجبته العيشه في هالديره !!!
أميره : ودي يصير أي موقف يجبرنا نرد للرياض ..... و بعدين انتي وش جابك ليه ما جلستي مع خواتك هيفا و رانيا و الجوهره و الله القعده
معاهن توسع الصدر !!
رنا : تكفين عاد ما بقى الا ذي تدرين اني أختلف عنهم أنا أحب الطلعات
أميره : يوه مالت عليك .... مرجوجه ههههههههههه

رنا : و منكم نستفيد
أميره : وش قصدك ؟؟
رنا : لا سلامتك
أميره : تدرين يا رنو مشتاقه لشموخ حيل متوله على شوفتها ؟؟
رنا : حصانتك ؟؟؟
أميره : لا حمارتي ايه حصانتي و بعدين اسمها فرس انثى الحصان اسمها فرس يا حلوه
رنا : هههههههههههههههههههه اخص يا مثقف ما يمديني أنا يا هووووووووو
أميره : لا من جد ودي ألعب معاها و أحكيلها عن كل شي و أركب على ظهرها ... اشتقت للمزرعه و الإستراحه اشتقت لغرفتي
و لسمانا و لأرضنا أرض السعوديه اشتقت لبنات أعمامي و خوالي أشتقت لجدتي شهده و لعالمي اللي تركته وجيت اشتقت لجمعيه المعوقين
و للأطفال هناك و الله يا رنا متولهه على الكل .........
طالعتني رنا و عيونها مبققه
رنا : الحمد لله على العافيه ..... ول عليك و أنا وش بالنسبه لك مثل الأطرش بالزفه
رحت بست خدها !!
أميره : لا يا رنو لك الحشيمه يا قلبي انتي الكل بالكل مالي غناة عنك مدري لو انتي مب هنا كان انتحرت !!؟
رنا : أعوذ بالله وش هالكلام ههههههههه أصلا يالهبله أنا جايه هنا عشانك ..... بس لا تصدقين عمرك و تتكبرين علي !
أميره : ههههههههههههههههههه
شغلت أغنية ........ (( في قلبي شي باااقوله و أبي تسمعني للآااخر
أنااا كل لحظه لك أولد تعب قلبي و هو صابر ))
و سرحت بعيد أفكر في أشياء كثيره أولها ناصر ....
____________
بعد مرور أربعة أيام
____________

يوم الخميس
بيت أبو أحمد (( بالمجلس ))
الساعه : 03:00 عصرا
____________
ثامر :
لينا : هلا حبيبي شو صار معك !!
ثامر : يا قلبي ما أقدر اليوم صراحه
لينا : خلص خلص بكير بنحكي
ثامر : مب مشكله حبيبتي لنا لقاء
سكرت منها و أنا أفكر فيها يا رب ما تزعل بصراحه مره هالبنت خطييييييييييييره و غير كذا حللللللللللللللوه لبنانيه أكيد حلوه !!
رن الجوال ...
ثامر : هلا محمد شالأخبار
محمد : تمام وين اليوم ؟؟
ثامر : مدري و الله ؟؟
محمد : ثمور انت من زمان ما عزمتنا في بيتكم
ثامر : نعـــــــــــــــــــــــم ....... تدريبي ما أحب هالسيره
محمد : بخيل وش بيقول عنك الزعيم ؟؟
ثامر : يقول اللي يبيه أما أعزمكم بالبيت مستحيل !!
محمد : غريبه و ليه ؟؟
ثامر : لأن ما في اجابه لسؤالك
محمد : يا رجال سهرتنا وحده وش فيك انت !
قمت أفكر أبوي مسافر و بعدين صعب بين يوم و ليله ندبر شاليه أو استراحه نسهر فيها و أمي راحت العين عند بنت عمتها و البيت فاضي يعني أقدر أسوي اللي أبي !!!!
محمد : ألووو
ثامر : ايه .... اسمع خلاص موافق بس بتكون السهره بدون التفاحات
محمد : ما راح تصير حلوه !!! ........ بس خلاص اتفقنا أجل شور
ثامر : شور
يالله بأقوم أجهز للسهره
و قمت أغني
سهرتنا الليله خلوها صباحي ههههههههههههههههااااااي

___________
يوم الخميس
بيت أبو أحمد
الساعه : 04:30 عصرا
_____________
أميره
رحت زرت أخوي أحمد في بيته تولهت على طلال و تركي بصراحه !!
جلست مع ناديه سوالف و ضحك و لعبت شوي مع طلال و تركي و رجعت للبيت
مدري وش فيني متولهه على المرسم مشتاقه لذاك الوجه المليح اللي ينتظر آخر لمساتي عليه
شويت ظل عند الأنف و شخطه عند حافة العين و انعكاسات في الجبهه
رن جوالي شفت رقم أماني الإماراتيه استانست ..
أميره : مرحبا الساع
أماني : ههههههههه مرحبتييييييييين
أميره : أمونه ما تقولون كذا عندكم بالإماراتي
أماني : طبعا بس أفضل أقولج السلام عليج
أميره : و عليكم السلام
أماني : ايه جذي أحسن ههههههههههه
أميره : ههههههه أخبارك وش مسويه وينك من بعد ذاك اليوم ما اتصلتي
أماني : و الله انشغلت شوي مع الدراسه
أميره : الله يعينك يا رب
أماني : الله يسمع منج ..... كيف الرسم يا رسامتنا !!
أميره : تمام و على طاري الرسم أنا بالمرسم
أماني : شو رسمتج اليديده
أميره : خرابيط
أماني : خرابيط !!!
أميره : أمزح عليك صوره لواحد شفته مره عالشاطئ
أماني : صراحه شوقتيني ........ و الله بغيت أنسى شو رايك تيينا اليوم حابه أعرفج على عايلتي كلمتهم عنج وايد !!
أميره : الله يسلمك يا رب
أماني : بتيين ؟؟
أميره: ان شا الله بصراحه أتشرف بس آخذ الإذن و أدق عليك توصفين لي البيت
أماني : ان شا الله و مرحبا الساع
أميره : هههههههههه تسلم المرحبه
نطيت من مكاني و أنا مستانسه طلعت من المرسم و رحت لأبوي بالمكتب أستأذنه
_____________
يوم الخميس
الساعه : 11:00 مساءا
بيت أبو عبدالله الله يرحمه
_____________
ود :
يتنا اليوم رفيجة أماني مرررررررررره البنت مزيونه و كشيخه و بعد أخلاقها وايد حلوه
يلسنا نسولف و نظحك مع بعض
أميره : ودي صراحه أتعلم لهجتكم
أم عبدالله : زيدي جيم على كل كلمه و بتصير لهجتنا وحده
قمنا نظحك ...
نوره : أمايه تسهلج الأمور شوفي حبيبتي انتي بس عيشي ست شهور بالإمارات و بتصيرين بلبل اماراتي
أميره : و الله الإمارات حلوه بس متولهه على ديرتي
أماني : شو اسمها ديرتج
أميره : الرياض ارض العزه و الخير و السلام
ود : الله الله وايد تحبينها
أم عبدالله : أحد ما يحب ديرته
أميره : تدرون عاد أهلنا كلهم هناك مالنا غناة عنهم
ود : و الله انج صادقه
أميره : غير كذا حياتي كلها هناك ... أكثر شي اشتقت لمزرعتنا و لأسطبل الخيول و للورد و كل شي
ود : عندكم مزرعه و خيول ؟؟
أميره : ايه حبيبتي و لي فرس أصيله اسمها شموخ
أماني : واااااااااااو بصراحه وناسه
ود : أميره انتي جذي عيونج لونها و لا حاطه عدسات
نطت بويهي أماني
أماني : شو هالسؤال الغريب يا ودو !!
أميره : لا عادي خذي راحتك كذا عيوني خلقة رب العالمين
طالعناها بذهول
ود : ماشا الله عيونك تينن تدرين عاد ما صار الواحد يفرق بين العدسه و الطبيعي
قربت منها أطالع عيونها بفضول
ود : بس عيونك شي ثاني هي رصاصي و لا أزرق و لا ذهبي لونها مميز ماشاء الله الله يحميك من العين !!

أماني : مزيونه ماشاء الله عليها
نوره : بسم الله عليج قمر .... كليتوا البنت خلاص تركوها ما تشوفون وجهها كيف استوى أحمر !!
أم عبدالله : يالله أنا أستأذكم يا بنات عندي كم شغله جذي ؟؟؟
نوره : اخذيني معاج أمايه بناتج ذولي الله المستعان على عقولهن
و شوي دخل سهيل يصارخ مبسوط
سهيل : خالي عبدالله يابلي هديه
أول ما شاف أميره انجلعت عيونه
سهيل : انتي !!!
طالعته مب مستوعبه كأنه صابها جدري و حنا بينهم مثل الطفل اللي ما يدري عن شي!!
أماني : تعرفها ؟؟
سهيل : ايه أعرفها هذي اللي العبت معاي كرة طاوله في الملاهي
ود : اللي كسرت الكايت مالتك هههههههههه
أميره : هههههههههههههههه ايه هذا ولدكم ؟؟
أماني : ايه هذا ولد أختي نوره
قام سهيل يتميلح و يلس عدال أميره
ود : سهيلوووه قم يا مسود الويه شو تحتسب نفسك مره ؟؟
قاموا يظحكون علي
أميره : خليه يسولف و يستانس تراني متشوقه أسولف معاه
سهيل : شو رايج تلعبين كرة طاوله اللحين
أنا و أماني بطلنا عيوننا و قلنا
أماني و ود : شووووووووووووووووووووو !!
أميره : هههههههههههههههههههههه أشكالكم روعه
ود : لا من صجه هذا يتكلم
أماني : مدري عنه
سهيل : ايه من صجي !!
أميره : عادي بس لو يسمحولنا نلعب ليش لا ؟
دخلت علينا نوره
نوره : شو هالصريخ شو اللي صار ؟؟
ود : سمعي ولدج يبي يلعب مع الضيفه و هي يتنا لأول مره شو بتقول عنا
أميره : ود حبيبتي خليه على راحته
أماني : نوره..... أميره اهي اللي لعبت معاه بالمول
نورة : شوووووووو
أماني : شو استغربتي !!
نوره : ايه و الله هههههههههه شو هالصدف مره بالمول و مره بالكورنيش
ود : بصراحه متشوقه أشوفج تلعبين
أماني : ايه و الله شو رايج
أميره : يالله
رحنا لصالة الألعاب اللي بالحوش عبدالله مسويها خصوصي حق سهيل يلعب فيها ...
تساعدنا و فكينا الطاوله
و يت نوره تتفرج !!
أميره : بصراحه صالة ألعاب ذوق ..
ود : هذا أخوي فديته هو اللي مصلحنها و مزيننها لهالسهيلو
نوره : ودو شفيج على ولدي نظر عيني بسم الله عليه منج
قام سهيل يأشر لي بعيونه و يسوي لي حركات يعني موتي غيظ !!!!!
ود : سهيلو فكني منك مالت عليك
أميره : هههههههههههههههههههه
سهيل : يالله نلعب
أميره : يالله
و بدا الحماس نوره تشجع ولدها و أنا أشجع أميره و أماني الحكم تحسب النقاط
صراحه أميره وايد لعيبه تعرف تلعب و سهيلو خداع يعرف كيف يسجل عليها النقاط
و استمر اللعب نص ساعه ...
أماني : انتهى الوقت و النتيجه تعادل
سهيل : يوه يا تعادل يا تفوز علي شو هذا !!
أميره : ممكن أقولك بإختصار يا حلو (( you win and I win ))
سهيل : امممممممم اتفقنا
أميره : كفك على كذا يا حماسي انتا هههههههه
قمنا نظحك عليهم وايد اعيبتني هالبنت روحها حلوه و أخلاقها أحلى
شوي شربنا عصير و رحنا لمرسم أماني يا ربي هالمرسم أموت عليه وايد
أميره : ما شا الله عليك صراحه مرررررررره خطيره ..... رسامه رائعه
أماني : هذا من ذوقج حبيبتي
قامت توريها الرسم
أميره : مره حلوه هالرسمه لمنو
أماني : هاذي ود وهي مبتسمه
أميره : بصراحه ما عرفتها صورتها روعه حالمه جدا
ود : وش قصدج ههههههههههه
أميره : و الله انك قمر يا قمر
أماني : وهذا عبدالعزيز ولد نوره صغيروني حلو
أميره : يا قلبو يزنن شكله حلو بس وينه ما شفته ؟
ود : عبدالعزيز كله نايم ما شاالله عليه
أميره : انتي ترسمين بالألوان الزيتيه بس
أماني : أحيانا أرسم بالفحم و أحيانا بالإكريلك و أحيانا بالباستيل
أميره : أنا عن نفسي أحب أرسم بالفحم جت علي فتره رسمت بالزيت بس اللحين أرسم بالفحم
أماني : ان شا الله أشوف مرسمك
أميره : يا رب ان شا الله .. ما سويتي معرض بصراحه على هالرسم المعتبر يبيلك عليه معرض فني مميز !؟
أماني : و الله متردده شوي في حكاية المعرض ودي أصير شراتج لي معرض بس ما لي هبه عليه !
أميره : ليش لازم يكون عندك هدف و تورين هالموهبه للمجتمع اللحين لما سويت معرض و صرت مشهوره صارت تجيني دعوات كثيره
لحضور مؤتمرات متخصصه بالرسامين و جتني دعوه بعد أكون عضوه في جمعية الأطفال المعاقين يعني تقضين وقت و تصلحين شي لنفسك و لمجتمعك!!
ما أحب المره تكون مبدعه و تجلس بالبيت بصراحه ودي أشوفها تبدع و تبتكر و تنجز عشان تفيد نفسها و تفيد غيرها !!
من كثر ما عيبني كلامها صفرت
ود : يا هو يا مثقفه ؟؟
أماني : كلامج وايد يريح
أميره : أمونه أبيك على طول متفائله ما أحب الكآبه و الحزن لأنك بإختصار موهوبه و تملكين الإبداع !
تمينا نسولف و نظحك ....
يت الساعه عشر و راحت البنت بصراحه كان يوم وناسه
حطينا العشى و يلسنا كلنا نسولف
أم عبدالله : صدق ما تستحون مسودين الويه
ود : هو ليش أمايه ؟
أم عبدالله : جذي تروح البنت بدون عشا
أماني : كله كنا نلعب راح الوقت و البنت استأذنت و راحت
عبدالله : تلعب ؟؟؟
ود : ايه مب عارف انت أميره يتنا اليوم .... أهاااااااا اللحين عرفت ليش خقيت لما شفتها ذاك اليوم !
نوره : ودو ويعه على هالكلمه شو خقيت ما خقيت احشمي نفسج شو هالرمسه الشينه
ود : آسفه مب قصدي
عبدالله : شفيكم كليتوا البنت خلوها ترمس على راحتها
كنت يالسه عداله حط يده على كتفي و قالي
عبدالله : شو لعبتوا ؟؟
ود : كرة طاوله
سهيل : طبعا تعادل ؟؟
عبدالله : شو شايفك مبوز أحسن ماتفوز عليك البنيه
نوره : و الله هالبنيه دخلت فقلبي على طول جمال ماشاء الله و أخلاق و دلال كل شي
ود : و مال و ثقافه لا تنسين انها بنت مساعد آل .........
عبدالله بطل عيونه كأنه ياته جلطه !!
عبدالله : بنت مساعد آل .... شوف الصدف هالريال لنا تعاملات كثيره مع شركته وايد ريال طيب و حكيم و خلوق
أم عبدالله : البنت طالعه على أبوها ما شا الله
نوره : بنت روعه
أماني : طالعه على رفيجتها
نوره : بسم الله عليها منج مالت عليج
أماني : شفيج علي وشفيني أنا كامله و الكامل الله
فطسنا ظحك عليها هذي أول مره أماني تظحك فيها معانا و أنا سعيده بهالشي شكرا يا أميره بصراحه حبيتها وايد هالبنت