ديوان الشاعر / عبد الله بن ذويبان .. l

/





[ مدينة الفجر ]








تجمهروا في ضلوعي صبح .. و أحتلٌو
.... مدينة الفجر .. وسط الصدر .. و أغتالو



مشاعر الصدق .. و الحرمان .. و أنهلٌو
... من كل وادي على قلب العنا .. شالو




اسيوف غيبه .. و خنجر ضيقه .. و سلٌو
.... كل أسلحتهم بعد فرقاك .. و انهالو



شالو حنيني .. و طيبة قلبي .. و خلٌو !!
.... دمعات عيني ..شف الدمعات كم سالو؟



مليت .. لا يذبحوني !!.. ليه ما ملٌو
... أغتالو الصبح يا أبن الصبح .. و اختالو



ماهيب زله .. و اقول ان العرب زلٌو
.... مليون مره ..!!.. و انا انادي و لا بالو



من كثر ما ابكي ماعاد عيوني ابتٌلو
.... سريٌن كنت احتضنهم لكن .. انقالو



الأرض ضاقت .. و نجمات السماء قلٌو
.... و أيام صبري عن الصدمات ما حالو



تنافروا عن حدودي ضيق .. و انفلٌو
... كأنهم من خلايا الذاكراه .. زالو



من عقب ماهم على ارض المسأله حلٌو
... شالو جملهم على الطرقات و اشتالو



حزني .. و ليلي .. و تفكيري ..!!.. و لا صلٌو
... صلاة ميت .. عليه من الرمل هالو


لا تحسب انهم بقوا بي للاسف .. ولٌو
... صحيح ما اعرف اميز كل ما قالو



لكني اذكر .. و هم بالقلب ما جلٌو
... يبوني انسى غرامك بس .. ما احتالو



تكلموا مع بعضهم عقب ما اغتلٌو
.... و لا ارحموني .. و لا رافو .. و لا مالو



تعاون الربع في ذبحي .. و لا ذلٌو
... و من قبل لا يذبحوني .. هاك وش قالو:



احبابه اللي يبيهم داخله .. ظلٌو
... ما بين قلبه و ضلع الصدر .. لا زالو




من عقبها ما نيب اميز .. لكن احتلٌو
.... شوارع القلب .. قبل الصبح .. و اغتالو



شالو حنيني .. و طيبة قلبي .. و خلٌو
.... دمعات فرقاء .. قبل فرقاك ماسالو











’