ديوان الشاعر / عبد الله بن ذويبان .. l

[ طفلتين السهر ]









وين راح النـوم ؟ والا ويـن ولا
... والعيون الساهـره .. مثـل اليتامـا


طفلتين الـراس .. عيّـن لا تسـلا
.... ما جذبهن شي غير أحضـان مامـا



آآه يا صـدر ٍ مـن أحزانـه تمـلا
.... ما بقى به شبـر واحـد مـا تدامـا



صاحبي فالجـرح مبـدع و يتجـلا
... يوم يجعل صفقـة ضلوعـي توامـا



هاز رمحـه فـي معاليقـي و خـلا
... جوف صدري ينتثر لـه و يترامـا



قلت : أبيك تشيل رمحك .. قال : كلا
... قلت : اجل خله على الروح يتزامـا



هاك قلب ٍ في قفص صدري .. تـدلا
... يشـرب طعونـك ويكبـر و يتنامـا


يا رفيقي .. صاحبك رحـب و هـلا
... بالجروح اللي مـن كفوفـك تهامـا


راح عمره فـدوة الجـرح المحـلا
... مثل ما قد راح لك .. يامـا و يامـا


يحتزم و يموت لجل ارضـاك.. والا
.... يدحم و يزحـم لعينـك.. ويتحامـا



مـا تخـلا عنـك .. لكنـك تخـلا
.... هو يشوفك و انت عن شوفه تعامـا



كم رفع راسه و شـاف أنـك تعـلا
... فوق روس أهل الفعايـل والنشامـا



يكفي انك كل مـا صليـت.. صلـى
... و يكفي أنك كل ما تسمو .. تسامـا



يوم راح النوم .. قل لي ويـن ولا ؟
... و العيون الساهره .. مثـل اليتامـا








’