عَـزف المحَــاجــر..ّ ... الكاتبه ::: رواسي الآمال

سبحان الله وبحمده ، سبحان الله العظيم
.





دلال بحماس : اقولج قال لامي اليوم تخطب له .. وربي مو مصدقه ...

لا ولما دريت باللي اختارها يااااي اموت واشوف وجهها ههههههههههههههههههه



همست عهود بداخلها ( الافضل والاسلم لج ما تشوفينه ) ثم اردفت : الله يتمم على خير يا دلول ...


ويكتب لهم اللي فيه الخيره ...



دلال بفرحه : امين امين يارب .... ياربي والله احس فرحتي بخطبة صقر اكبر من فرحتي بخطبتي وملجتي



عهود : اها .. عيني ف عينج




دلال : هههههههههههه أنقلعي ...



صمت من الطرفين وكان كل منهم سرح في احلامه او ربما أوهامه وهمومه ..



قبل ان تهمس عهود بـ : دلول مم آ .. تهقين صمود توافق ...


: تنهدت الاخرى وكانها لامست للتو ارض الواقع : أتمنى ... ادري بأحلام صمود بس...


بس وربي صقر ما يتعوض وهو اللي يناسبها مو عشانه أخوي ... بس هو اللي يناسبها



عهود مؤيده : عارفه والله ... صقر ما يبي له مدح ... بس خايفه من ردة فعلها ...


هي أختي وصقر أخوي ومابي شي يصير بينهم



دلال بتوجس : تهقين ترفض ... وصقر يلا اقتنع ... وامي طايره من الفرحه ..




عهود وتحمدالله ان الفكره وصلت : هذا اللي خايفه منه ...



دلال : زين جسي النبض .. والا أنا اكلمها....



عهود : لا لا .. أنا من الحين اقولج انها بترفض .



دلال : سمعتي منها شي ؟؟



عهود : تعرفين صمود ..



دلال : خليني اكلمها اول .. بتاكد قبل ما اسوي شي ...



عهود : صدقيني ما بيعجبج كلامها .. مابيج تشيلين بنفسج عليها ....



دلال بدهشه : زين متى وصلها الخبر ؟ وشلون عطت رايها قبل ما يصير ؟



عهود توضح : صقر كلم امي ..وثارة ثايرة صمود



دلال بحزن وخيبه : ياويل قلبي عليك ياخوي ...



عهود : دلول امي مصره وصمود رافضه لج تتخيلين الوضع حاولي تكلمين صقر ...


هو عاقل ويعرف يتصرف



دلال وتغيرت نبرة صوتها : والله خايفه من هالعاقل يركب راسه وهو من اول راسه براس هالصمود ...



عهود بضيق : اسفه ضيقت خلقج .. بس ما حبيت اخش عليج وابيج تكونين بالصوره



دلال : وينها صمود ؟؟



عهود : فوق ف دارها .. نار محد يقرب منها إلا حرقته



دلال تزفر : استغفر الله واتوب اليه ... ادري من حقها تختار ... بس هم من حقها انا ننصحها



عهود بيأس : كلمتها والله وعجزت معاها ...



دلال بحزم : شوفي بخلي صقر يجيبني عندكم لازم اكلمها قبل على الأقل اتصرف وانا مو نادمه ...


لازم اسمعها



عهود تتنهد : براحتج .. بس تحملي ما يجيج



دلال بضيق : بتحمل .. بتحمل







سبحان الله وبحمده ، سبحان الله العظيم




منذ سمعت الخبر وهي في عالم آخر ... عالم وردي نسجت هي شباكه منذ زمن


وترى الوقت حان لكي تتعمق فيه وترتدي ثيابه


صقر وافق على الزواج ... ومن غيرها ستكون له ...


احمرت وجنتاها من مجرد التفكير ... يااه كم هو شعور مخجل ...


اذن مالذي سترتديه عندما تاتي ام صقر لخطبتها ؟ لابد ان الأمر قريب قريب جدا


كيف لو طلب رؤيتها ؟؟ لا لن تقبل


عليه الأكتفاء برؤيتها في الزواج ... زواج ياه كم هي كبيره هذه الكلمه


فكيف ان كانت مع الصقر


ياا ألهي .. كم أنا سعيده ...و أخيرا سيتحقق الحلم ... وأخيرا سأغدو زوجة


صقر ...



نداءات والدتها الجالسه ف الصاله قطعت احلامها ..


سقط منها الصحن .. فشهقت وهي تنظر اليه يتحطم ويتناثر اشلاااء صغيره


ونداءات الوالده مستمره


نفضت يداها ... واسرعت لوالدتها



ميثا : آمري يمه



ام فهد : وينج يا ميثا راح صوتي وانا انادي



ميثا بتوتر : هـ آ ش ليش منو جاي



والدتها : ومنو اللي يجي ؟؟ ابوج وخوانج معزومين فلا تسوين غدا




ميثا بذات التوتر : معزومين ؟؟ ايه آآ .. ان شاءالله



والدتها بتوجس : ميثا فيج شي .. من أمس انتي مو طبيعيه



ميثا تمسح شعرها المتطاير بيديها المبلله : انا لا .. آآ بس .. راسي يعورني



حركت الوالده راسها بتفهم : أتركي عنج المطبخ وروحي أرتاحي يا قلبي



حركت ميثا راسها برضا : ان شاء الله







سبحان الله وبحمده ، سبحان الله العظيم




على خلاف ما توقعوا ..


لم ترفض محادثتها ... بل أستعجلتها وطالبت بها ....


امسكت بالهاتف بعد ان تناولته من عبير .. وأشارت لها بالخروج .....



صمود : هلا دلول



دلال بأندفاع : هلا وغلا ومسهلا بالقاطعه المعفنه شلونك دودي شخبارج أشتقت لج والله




صمود : وانا بعد .. الحمدلله بخير ...أخبارج انتي وخالتي




دلال : كلنا بخير ومتولهين عليج ... مو متعودين تغيبين عنا لا حس ولا خبر




بابتسامه ساخره قالت صمود : تدرين بسوالف أخوج




كتمت دلال الضحكه : أي صدمنا ...ما صدقت ...بس أنتي شرايج ؟




آتاها رد صمود القوي كما توقعت تماما : تعرفين رايي عدل !




بلعت دلال الغصه : اللي هو ؟




حاولت صمود تغيير الموضوع .. فقالت : دلول .. بغيت منج طلب ..



دلال : آمري تدللي



صمود وهي تضغط بشده على الهاتف : بعد كم يوم تبدأ الدراسه .. وما عندي اغراض لها


كتب ودفاتر وشغلات .. ابيج تقنعين اخوج وتمريني نروح المكتبه




دلال بصدمه : اليوم ؟؟




صمود بهمس : ايه ..( وأكدت ) ضروري دلول أنطر ردج ...


دلال : ممم بس صقر ماعنده سياره الـــ



صمود: وبعدين ؟؟



دلال : ممم ما عليج أبشري باللي يسرج



توسعت ابتسامة صمود وهي تغلق الهاتف


" هين يا صقر "







سبحان الله وبحمده ، سبحان الله العظيم




شرب من فنجانه .. وهو يراقب ملامح عمه الغريبه


هناك أمر ما يخفيه ، أمر اصابه بالضيق والهم والتوتر


يقرأ كل ذلك في ملامحه ..


يعرفه جيدا ...


وأن لم يصرح به العم الآن ... سيستخرجه منه بأي وسيله



صقر : سم ياعم


رفع ابو خالد راسه إليه ... وقد فهم تماما ان صقر علم ما به ..



وقد حاول أكثر من مره صياغة الموضوع قبل طرحه ..


ابو خالد : الله يكملك بعقلك ويتمم عليك يا ولدي ...




صقر : اسمعــــك .. خذ راحتك يبه



تنحنح ابوخالد قبل ان يخفض صوته بقوله : اقول يا ولدي ... انت مصر على بنت بو فيصل




عقد صقر حاجبيه : ليش في شي ؟



ابو خالد : لله مافيها قصور ..بس أني شايل هم بنت عمك ميثا لمنو تبقى وانا بوك ..


مابي أضغط عليك .. بس أبوها يحاتيها مثلي .. وانا فاهم حالته ..


وصمود قدامها فهد ومشعل وحتى زيد ...




صقر : أفا عليك يا عم الله يبارك فيك النصيب ف علم الغيب محد يدري


وين فيه نصيبه ولا عن اللي مقدر ومكتوب


وميثا بنت عمي على عيني وراسي ... بس انا كلمت ام فيصل والوالده ..


ومو حلو اتراجع لا بحقها ولا بحقي




ابوخالد : اذا على أم فيصل لا تشيل هم أنا اكلمها .. والموضوع ما توسع نقدر نتداركه




صقر عاقدا جبينه : يبه انت سامع شي ؟؟ احد كلمك ( وفي داخله يكاد يبصم انها تلك المجنونه من فعلت )



ابو خالد بضيق : مابيك تفهمني غلط يابوك ..بس



صقر يستدرك: ماعاش من يغلطك يبه .. خذ راحتك



لا يستطيع الأدلاء بالحقيقه .. فخطر معرفتها اكبر من كتمانها


تنحنح قبل ان يتكلم بما خطط له .... ولاول مره يضطر لذلك


ابو خالد : كلمني بوناصر وكلامه اشبه بالرجا ... ماقدرت ارده ...وطلب مني اكلمك واقنعك



زاد احمرار عينا الصقر وهو يتلفظ بـ : على ؟؟



ابو خالد : يبي صمود لزيد




" يعلم تماما انها ثقيله .. وصعبه ... لكنه مجبر على ذلك "




صقر وعيناه مثبته بعينا عمه : يبه طلبتك !




بو خالد : سم ياولدي




صقر : ابي أملج هاليومين






سبحان الله وبحمده ، سبحان الله العظيم





شهقت .. اتسعت عيناها ... وتسارعت أنفاسها


حصـــه : ش شـ شنو ؟؟ منو اللي نهى .. مو قلـ مشـ




زيد الذي يندس في سريره : حصيص طفي الليت واطلعي برااا تراني ماني فاضي لج



صرخت منفعله : لا بتفضالي غصب .. كلمني قول شنو اللي صار ...



زيد من تحت اللحاف: بعد لين الثلاث .. والله ها والله ياحصيص ان شفت ظلج بس ظلج ماتلومين الا نفسج


وااااااااحــــــــــــــــــــــــــــــــد



خرجت بسررعه وأغلقت الباب متسنده بظهرها عليه .. والصدمه قد تملكتها ...


مستحيل .. لا يمكن .... شقيقها يهذي ... مستحيل ان تصدق


كيف صقر ؟ لا هو مشعل ؟


لا لا ستجن ان كان صحيحا


ستجن


ستجن


صقر مستحيل ؟؟؟


ومن ؟؟ من طالبتها ؟؟؟


صمود


الوقحه


سليطة اللسان




لا ..