كَلمة,آلحبْ,مـآ,تبغي,نظر

البآرت الأول
">دشت ميره على فطوم اللي ڪانت طايحه
تحت على الارضيه ويدها اليمين تحت راسهـا
وثاني ع بطنهـــا .. وريل ع ريل

ميره يده على خصرهـا: سمعتي اخوج السخيف شو سوى
فطوم سآڪته وفي عالم ثاني
ميره :فطومي اڪلمج انا؟
طيرت خصلتهـا اللي ڪان ع ويهــــا وما اهتمت لميره

يت صوبهــا وقعدت تحت تجابل
فطووم اللي بالعه السڪوووت
ميره تهز فطووم: شو فيج ؟
نزلت ريولهـا وصدت لصوب الثاني يعني ما تجابل ميره
قامت ميره وراحت صوب الثاني ولا بعد ڪانت تحبي مـثل اليهـآل
رقدت على بطنهـا عسب تجابل فطوم عدل
ميره: ابييه فطوم شووو فييج؟
قامت فطوم عسب تقعد وخذت تنهييييييييده عميقه
خافت ميره وقامت معاهـا: شو فيج عيوووني تراني مليت ڪثر ما اقول شو فييج





فطوم بضييج: ميره صار لي أيااام احس بقشعريه
وفرقعـاآآت في بطني
ضحڪت ميره : يمڪن ضاربنج اسهـال
زعلت منهـا: سيري لآآآآه مب قايله لج شيء
ميره تنقز صوبهـا وتحضنهـا: والله والله تقولين لي شو فيج؟
فطوم تحاول تبعدهـا: أخ لاااه ڪم مره اقولج لا تحضنيني
قومي عني
بعدما ابتعدت عنهـا: ها قمت .. يالله خبريني اللي في خاطرج
فطوم: مآ أدري والله شو اقولج حاسه جيه بشلق وصورايخ في قلبي ..
ميره قاطعتهـا: لحظه لحظه .. وأحياننا الرقـاد يخون فيـج
فطوم تهز راسهـا: هيه هيه احياننا ما ارقد
ميره تمثل اونهــا جاده ودڪتوره في هالامور: ولا بعد وايد اسئله يدور في بالج صح
فطوم: هيه هيه ڪيف عرفتي؟
ميره: ابييييه هذاا مرض خطير
فطوم: حلفي يعني شو انا بمووت
ميره: لا يا الغبيه
فطوم بتهديد: ايه لا تقولين عني غبيه
ميره: هذا اللي يخرب عليج تنسين انج بنت .. وتتصرفين ڪأنج ولدو
فطوم: إنزين انا مو بنت
ميره: عيل ولدو
فطوم : لا ااا اقصد انا بنت بس ما فيني طبعڪم ودلعڪم وآهـ وإيهـ .. وآآبي أنـــا منڪم
ميره تسحبهــا: الله يكون في عونج انتي المهم هالاعراض تييج يوم تفڪرين بشخص معين
فطوم تتهرب ما تبغي تجاوب على هالسؤال
ميره تهزها : جآآآوبي
فطوم تبعدها: شو فيييج انتي .. خلاص ما ابغي اعرف شو فيني
ميره تحط يدهــا ع حلجهـا: ابيييييييييه فطوم منو ها؟ ومن الاهل ؟ ولا برع الاهل؟ وڪم عمره و حليووو ولا يخـوووف
تضايجت منهـا فطوم : انطبي عن اڪفخج
ميره: فطوم انتي مريضه بالـ
فطوم: شووو؟
ميره: انتي مريضه بالحـب
لااااااااااااااااااااااااااااااااااااااااااااااااا اااااااااااااااااااااااااا
اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااا
اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااا
ااااااااااااااااااااااااااااااااا
ميره تحط يدهـا على إذنهـا: خيبه شو فيج
دخل فيصل عليهم: بسم الله شوفيهـا أختي
ميره اونها مستحيه :ما ادري بلاهـا جيه فجأه قامت تصرخ
فيصل يروح عند اخته: شو فيج فطامي
فطوم تضرب ريولها ع الارض: اسمي فطوووم
فيصل: انزين انزين شو فيج
ميره: ما فيها شيء سوالف بنات لا تخاف
تحاول تسحب فطوم من عند فيصل
فيصل: أختي من متى تهتم بسوالف البنات
ميره تحضن فطوم: شو فيڪ انته اطلع برع وخلني معاها
فيصل:متأڪدين؟
ميره: هيه هيه روح روح انته
فيصل: اوڪي ..
بعدما طلع فيصل .. فطوم دزت ميره
ميره: ها عيل يقولون تحبييين
فطوم: ميره عندي شي اقوله لج
ميره بفضول: شو شو
فطوم: بس مو هنـا .. برع الغرفه
ميره: اوجي اوجي
مسڪتهـا ومشت معاها لصوب باب غرفتهـا خلتهـا تظهر برع
وصڪت الباب بقوووه وقفلته

ميره ادق ع الباب: فطووم .. فطووم
فطوم: لا والله قالت تحبين هاللي ناقص بعد
نقزت ع الشبريه اللي لين ألحين
ما تڪسر ڪثر ما تنقز
عليه: آخر زمن فطووم تحب ..
ابوي الحب للبنات اللي قلوبهم ضعيفه ... مو لي أنـا