ديوان الشاعرة/همسة عنا

أنا ما همني شخص يدور حقه المهضوم
يصارع زيف ما قاله وهو بالفعل مغبوني

يقول إن الشعر غايب عليه من البنات اغيوم
سحابه ملتبد ماقد نشر من كبده مزوني

تناسى أن الزمن داير وفي ليله قمر ونجوم
يغالط واقعه وده جميع الناس يحكوني

هدف مكشوف كل إللي يبي يحصد وراه اعلوم
يبي الشهره على أقصر طريق لو يلوموني

مثل هذا كثير بيننا في عالم مهموم
على اكتاف الشعر يطلع يبي ياصل وشوفوني

يرزز نفسه في كل المواقع يابشر موهوم
يقول البيت مكسور وذا ما هوب موزوني

وهو مايعرف حروف الشعر من فكره المهدوم
بعيد بعيد لكن إنه يحب الشعر مجنوني

أقول إن البنات اليوم خوات إرجال سيد القوم
فعلهم يشرح الخاطر بنات إرجال يعدوني

وفيهم شاعرات خالدات بالقصيد اليوم
قصايدهن لهن رمزا وكل الناس يدروني

نردد في مجالسنا قصايدهن بطيب إعلوم
حقايق كل ما تخفيه تبين بنظرة اعيوني