يوميات في مشغل نسائي

اعود اليكم من جديد واعتذر عن التاخير واكرر اعتذاري نظرا لظروفي العائلية والعملية


البارت الثالث من رواية يوميات في مشغل نسائي

** ** ** **

فهد : صباح الخير منى
منى : هلا وغلا فهودي وينك فيه
فهد : امس مشيت الرياض والحين انا رايح المكتب السياحي بخصوص قص التذاكر لان الرحلة بالليل
منى : الله يسهل امرك دير بالك على نفسك

فهد : سوال بسيط واذا فيه احراج لا تجاوبي !!!
منى : تفضل .... عادي
فهد : ليش انتي دائما اذا جيت اروح اي مكان تقولي دير بالك على نفسك ...!!!! هل هو حرص منك علي انا . والا كلمة دارجة من قاموسك في حياتك ؟؟
منى : لا عادي انا دايما اقولها بس اقولها لك انت لانك تهمني !!!

فهد : يعني كيف يهمك !!!
منى : لانك صرت من نفسي ... وخلاص ابي اخليك براحتك . لا تنسى اغراض السفر .

فهد : مشكورة واسف عالسوال !!!
منى : لا عادي وانت اخوي ومن نفسي

فهد : انا قبل اسافر اكلمك ... باي
منى : اوك . باي

** ** **
فهد خلص اجراءات المكتب . وراح شقة عيال عمه وباله مع منى . ليش احرجها بالسوال اللي ماله داعي !!
عالعموم بسيطه يا فهد . الى متى وانت تخجل من وتخاف من اي سوال في باللك . الدنيا كذا لابد من اخذ وعطا . يعني الامور سهلة .ليش تصعبها على نفسك

** ** **

فهد جهز الشنطه واخذ الجواز ورف الفلوس الى ليرة ودولار وحطهم في جيبه
ركب السيارة مع ولد عمه بندر واتجه للمطار "مطار الملك خالد "


اتصل على منى :...
فهد : منى انا رايح المطار ديري باللك على نفسك !!!!
منى : الله يحفظك وترجع لي بالسلامة . بس لي طلب بسيط !!
فهد : امري .. كم عندي منى ؟
منى : ابي منك صورة وانت بالمطار !! ارسلها عالايميل !!
فهد : هههههههه خلاص اول ما اوصل ارسلك على الايميل
منى : اوك .. انتظرك

** ** **

وصل فهد المطار . واخله بندر صورة . ورجع بندر للسكن
فهد ارسل الصورة للايميل عن طريق الجوال .وقبل صعود الطيارة اتصلت منى تتطمن على فهد وبلغها انه بالطيارة . وباقي على الاقلاع دقايق

** ** **

اقلعت الطيارة بعد وقت وفهد مقفل الجوال والبال مع منى
وكيف لو كانت بجنبه ولو انهم طالعين خارج السعوديه . كيف لو كانت هي زوجته والا انيسته في الرحلة . كيف كان الوضع ووش يعمل لها اذا نزلوا اسطنبول


اسئلة لم تجد اجابات كانت تدور في راس فهد
قطع حبل افكاره هبوط الطائره وحركة المسافرين من اماكنهم وصوت شد الاحزمة .


نزل فهد الطيارة وتوجه الى الاستقبال ينتظر الخلاص من المطار كي يسمع صوت منى ..


خلص فهد الاجراءات الامنية المترتبة على المسافر وخرج من المطار ، انتظر خارج مطار اتاتورك . لان الجو ممطر ، اخذله سيجارة لتدفئة الجسم .

فتح الجوال ليتصل على منى . لان الجوال كان مقفل بالطيارة


وجد رسالة من منى :

حبيبي طمني عليك والله خفت عليك ، انا بانتظار اتصالك على احر من الجمر


اتصل فهد على منى قبل ان يتصل على اهله


فهد : الوو
منى : اخيرا طمنتني عليك والله خفت عليك واخذت بالبكاء
الحمدلله انك بخير . تدري رحلتك تاخرت بالطيارة ساعتين وانا اتصلت على المطار اتطمن عن الرحلة
المتجهه الى اسطنبول وبلغوني ان سوء الاجواء هو سبب التاخير

فهد : والله ما دريت بالكلام ذا كله
عالعموم الله يعطيك العافية على حرصك والله اني مقدر وممنون

طيب انا ابي اصعد التاكسي . اذا وصلت الفندق اكلمك ...باي

منى : باي

** ** **

ركب فهد التاكسي واتجه لمنطقة تقسيم في وسط اسطنبول واخذ غرفة في فندق كراون بلازا واخذ راحته بالمسبح وبعده مساج . وبعدها ريح جسمه بعد جهد السفر . يوم استيقظ اتصل بالاهل وبلغهم انه وصل تركيا


بعد ذلك اخذله دش رحلو ومنشط للجسم واخذله كافي لان الجو بارد . وطلع الاسواق واخذله شريحه اتصال تركيه . واتصل على منى بكل راحة وسعادة وكان يتكلم معها عن اجواء تركيا الحلوة
واستاذنت من فهد لانها تبي تكون بجنب خالتها لانها مريضة وبالمستشفى
وتركها على راحتها . بس انها تتطمنه اول باول

** ** **

باليل اتصل فيها وما ردت عليه
اتصل مره ثانية وردت عليه وهي تبكي

اندهش فهد من الوضع وليش تبكي وش السالفة

خبرت فهد ان خالتها فارقت الحياة بعد صراع مع المرض لم يدم طويلا .سرطان بالرئتين نتيجة استخدام السجائر
فهد تظايق وتغيرت اجواءه من بعد المكالمة . يوم انها ردت عليه وهي تبكي بسبب وفاة خالتها .
رجع عاود الاتصال وسالها عن خالتها لانه كان يبي يهديها . سالها عن خالتها هي تصلي والا لا . ردت عليه وقالت لا والله كانت تتكابر عن الصلاة . فزادت اخلاق فهد الى الاسواء


اخذ فهد يتصل على منى كل ساعة علشان يهدي منها . فهد عرف ان سفرة تركيا وراها شي .
لانه كان يامل ان يكون اليوم اللي فيه بعيد عن الحواجز ويكسرها من طريقه وياخذ اكثر مع منى . لكن وفاة الخاله كان سبب تاخر العلاقه .

فكر فهد وقال طيب احسن الحين ارسل رسالة وانا بنصف الليل علشان ابين لها اني قريب منها مهما بعدت االمسافة . بعد ما ارسل الرسالة .حول الجوال صامت وراح ينام .


** ** **
صحى فهد من النوم وجد مكالمة لم يرد عليها من منى . اخذ يجول في خاطره كثير من الاسئلة . وش تبي منى أخر الليل .هل هو هروب من الواقع والا انها تبي شي . طيب وش تبي مني وانا بعيد . يعني ممكن تبي تغير جو عن نفسها

انتهى به التفكير باتصال على منى . لكن للاسف ما ردت عليه
رجعت الافكار من جديد ة. وتوسعت اكثر من نطاقها


نزل فهد لصالة الطعام . واخذله البريك فاست " فطور "
بعدها طلع الشارع في منطقة تقسيم وسط اسطنبول . واخذ يجول في شوارعها .

دخل فهد احد المساجد وجمع الصلاتين الظهر والعصر في وقت العصر .
اثناء الصلاة اتصلت منى وهو يصلي .

بعد الصلاة اتصل عليها واخذ بالكلام معها وبلغت فهد انها رايحه لبيت العزاء مع امها وانها راح تتصل فيه اول ما تطلع .

طلعت منى من بيت العزاء وهي متظايقه وتبي تغير الجو عن نفسها لانها بحاجة وانها كانت متظايقة من بكاء امها .

راحت لغرفتها واتصلت على فهد وبلغته ان ما عندها رصيد للمكالمة الدولية
وفهد بلغها ان مكتب الاتصال " توركيش سيل " مقفل لان الوقت متاخر بالليل .

فهد اقترح عليها ان تفتح المسن .... وافقت منى

فتحت المسن وهو دخل المسن وجد اسم شموخ متصل " اسم البنت بالمسن "

ووجد صورته بالمطار اللي ارسلها بالمنطار . وجدها صورة رمزية ومكتوب عليها احبك f


سالها : قال ليش اسم شموخ . يعني وش يعنيلك الاسم

جاوبته بان الاسم معجبها . وهو عرف ان الاسم مجرد اعجاب
واخذ بالكلام معها وتغير الوضع شوي . وراحوا بنص الاسئلة ما يقارب ساعتين ..


طلبت منه طلب انه ما يردها لو طلبت منه اي شي . هو لم يرفض الفكرة لكن بحدود

طلبت من فهد انها تشوفه وهو بالغرفه

فهد حاول يبرمج الوضع في راسه وقال اوك ... شغلي الكام
شغلت الكام وفهد شغل الكام .

ظهرت صورت فهد وصورة منى لم تظهر

سالها ليش ما طلعت صورتك . قالت الكام شكله فيه مشكله .

سكت فهد وهو يعطي اشارات لها من الكام ان انه مبسوط .

طلبت من فهد انها تشوف الغرفة ولم يرفض الطلب واخذ لها لفه عالغرفة دون اي تردد

سالها وش رايك بالغرفة والسرير نفرين وانا لحالي وما عندي احد .

ظحكت وقالت الله يسرها لك بس انتبه من البنات في تركيا تراهم عصابات والله فيها مخاوف

ظحك فهد واخذ بالكلام عن الجمال التركي

هي طلبت من فهد انه ينام وهي تبي تشوفه . هو رفض بحجة انه لازم ينام وهو مغطي جسمه لان الجو بارد

ظحكت وقالت لو كنت عندك وش تسوي فيني !!!!!

فهد تلقائي رد ما راح اسوي اي شي

هي عرفت انها احرجت فهد وغيرت السالفة وقالت لازم ارتاح لان الوالدة تروح بيت خالتي الله يرحمها .

فهد انا احبك امانة دير بالك على نفسك وطمني عليك واي شي تبيه انا موجوده وانا اول ما اصحى من النوم اتصل فيك . انتظرني الصباح

اوك حبيبي

رد فهد اوك... قلبي

** ** **

قفلت المسن وفهد قفل المسن وراح يرتاح بس البال مشغول مع منى . ليش ما يلبي لها ايس شي تطلبه . بس لازم اعطيها الثقل شوي ومو كل شي تطلبه ينفذه . لان بعض الطلبات تحتاج وقت .

غلب عليه النعاس ونام .....


صحى فهد على اتصال اخيه سعد ... قبل الظهر

صباح الخير اخوي فهد ... اخبارك انشالله تمام .......

شوف اخوي الامور طيبة والحمد لله تمام بس حبيت ابلغك ولا تتظايق

فهد اندهش وانصدم .. ما يدري وش صاير

رد سعد .... اهل خطيبتك عملوا حادث وخطيبتك معاهم .. بس هي احسن الحين
يعني كسور وما كسور ....بس هي بغيبوبة وبالعناية المركزة

رد فهد عليه ... انا عارف انك ما تجيب الا العلوم الشينه ...خير ... توكل على الله انا يوم شفت رقمك وانا عارف انك وجه سوء

** ** **

اخذ فهد يفكر وش يسوي الحين والله ورطه

قرر فهد القرار ..... العودة للسعودية ....

اتصل على منى وبلغها باللي حصل .. لكن منى تفاجأت ان فهد خاطب
واخذت تعاتب فهد ...بس يوم عرفت اخلاق فهد وشافته متظايق وهو من يومين يهدي بمصيبتها ..سكتت وقالت الله يعين ارجع للسعودية

رجع فهد واقرب رحلة على الرياض .. جده .... اهل البنت في جده ...


** ** **
للاحداث تكملة . ما الذي حدث في جدة . وبعدها العودة للبيت ... ودخول المشغل والالتقاء بمنى وجه لوجه ... وما تصاحبها من مشاكل خلافيه بينهم ....
كل هذا واكثر بالبارت 4
انتظركم ولكم ودي