ديوان لا وقت للأشواق - للشاعره نرجسيه

بلا مقدمات
بلغ الحزن مبلغه

إبكي على صياف يا عيني
أبكي على موته وتوديعـه
إبكي عليه إبكا المحبينـي
لو مالهم حـظ ٍ بتشييعـه
إبكي عليه إبكـا وبكّينـي
قبل الخبر ينـذاع وآذيعـه
إبكي عليه اليـوم يالينـي
تجف من جفني مداميعـه
إبكي عليه ان كان يوحيني
يالين توصلهـا مساميعـه
إبكي عليه إدهور وسنيني
و أشهوره ويومه وأسابيعه
إبكي عليه الليل والحينـي
ابكي بكا مشروع تشريعـه
إبكي على اللي ذكرهم زيني
من بعدهم والملعبه ضيعـه
بعده ترى ما عاد يشقينـي
شعر النبط وزنه وتجميعه
ويا شعر تكفى لا تبكينـي
إليا قريتك فـي مواضيعـه
ورحمتك يـارب الثقالينـي
في جنتك تجعـل مرابيعـه
قولوا معي آمين وآمينـي
عن نار ربي من مطاليعـه



اختكم النرجسيه