يبه ليه الزمن قاسي يورينا العذاب صنوف

**(يبه ) ليه الزمن قاسي يورينا العذاب صنوف **


غريبة حالة الدنيـا تمشينـا وحنـا وقـوف
تجي مرة على الهقوى وكم خابـت هقاوينـا

تعذبنا وتتعبنـا ونتسابـق عليهـا صفـوف
نحاول نركـض ونتعـب ولا نلقـى أمانينـا

نحاول نضحك ونفرح ونارٍ تصطلي بالجـوف
بحور وموجها يبكـي ولاشاطـي ولا مينـا

ونفرح بالشهر يقضي وهو من عمرنا محذوف
تسارع وقتنـا نجـري ولا رحنـا ولا جينـا


أبسأل من قرا كتبي ومعّن في الكلام الشـوف
هل الراي السديد اللـي إذا تهنـا يرسينـا !؟

من اللي جرب الراحة ينام ومايعرف الخـوف
من اللي مايعرف الهم وعايش مثلنا فينـا !؟

فقير ومعدمٍ حافي يواجه كـل يـوم حتـوف
أو اللي مشقـيٍ عمـره ملايينـة تغطينـا !؟

لأول همه عياله يبي يرضي فضول حـروف
( يبه ) جيراننا شبعى وحنا الجـوع طاوينـا

(يبه ) ليه الزمن قاسي يورينا العذاب صنوف
نشوف الناس تتهنّـا ومـرّ الضيـم يكوينـا


والآخر همه الدنيا يـدور يحتـرق مشغـوف
يبي يجمـع يبـي يكنـز ولا همّـه مآسينـا

وحنا بين هذا وذا أحد عاني واحد محسـوف
نلملـم مابقـى منـا... ونتـحـرى هقاويـنـا

م/ن

صح لسانك ولسان شاعرها

روعه اعجبتني

نحاول نضحك ونفرح ونارٍ تصطلي بالجـوف
بحور وموجها يبكـي ولاشاطـي ولا مينـا



صح لسانك ولسان قايلها

يعطيك العاافيه يالغلا

لاهنت على طلتك الكريمه عود الليل

لاهنتي على طلتك صمووووته

طرح مميز
يعطيك الف عااافيه

طرح أكثر من رائع
يعطيك العافيه

طرح رائع قلبي

وننتظر جديدك وابداعك الراقي والقيم

لاهنتي على طلتك جنوووووووووو