ديوان الشاعرة بشاير الشيباني القصائد /الكتابية ,الصوتية

تحب غيري


للتحميل

أضغط كليك يمين( لحفظ الهدف)


تناديني باسم ثاني وتحلف زلب الساني
وقلبي يحضن كذوبك عماها الحب صدقني

أحس اني غريبة عنك وقلبك هاجر أوطاني
ياخوفي يصدق احساسي وألاقي الحب ظالمني

أتوه بحيرة أفكاري وأضيع بغربة أحزاني
أدور في الملا عيونك أناظرها تصد عني

أناديك بشقا همي تروح بعيد وتنساني
وأقول بداخلي اصبر ياقلبي لا تلوعني

أولين اقبلت مثل الحلم أقول اللاه يهواني
وأسلي نفسي بأوهام اهي بالتالي تخدعني

أشوفك سارح بفكرك بعيد بعالم ثاني
وقلبي حاير بأمرك واحساسه يعذبني

أنا من كثر ماأحبك رسمت الكذبة بألواني
قدرت أكذب على نفسي وخاب اليوم بك ظني

حبيبي انت تحب غيري تفضل روح واجفاني
عرفت اليوم مقداري كفاية لا تعشمني

ولا فيه داعي تشرحلي وتحلف زلب لساني
خلاص ارحل لها ارجوك لا توقف تطالعني