تكفى ضمني بالحيل وراعي مشاعري .. وأدفني بين إيديك وأجبر بخاطري:بقلم /خآنتني أحاسيسي

البارت التاسع عشر ..



ام سعود : ام بدر طالبتك وان شاء الله ماترديني .؟
ام بدر: لو عيوني ماتغلى عليك آمري.
ام سعود : طالبه يد لجين لولدي سعود والله شاهد علي اول باب طقيته بابكم ..
ام بدر: مصدقتك والله من ودون لاتحلفين ..
ام سعود : تسلمين والله خلاص خليها تفكر وبعدهآ ردوا لنا خبر .. وابراحتكم لاتعجلون البنت
ام بدر: خير ان شاء الله ..



على الساعه 12 بالليل بمــــــــــــاليزيا ..
تركي صحى من النوم ولا لقى اريام بجنبه ونادى لها ولا ردت عليه.. وقآم من على السرير
ودور عليها بالجنآح مالقاها انقبض قلبه :..... ياربي هذي وين راحت .؟
سند راسه على باب الغرفه لثواني معدوده بعدهآ : ليه مارحت لها للحمام يمكن بالحمام خل اطق الباب.. راح تركي لعند باب الحمام طق الباب ماحد رد عليه ..
وطق مرة ثانيه وثالثه المرة الرابعه سمعهآ صوتهآآ : تـ تـــ ــ ـر كـ ـ ـي
تركي فز قلبه وخآف عليهآ: اريام اشفيك ..ومسك مقبض الباب يبغآ يفتحه لان حس ان اريام منتهيه من التعب ولاهي قادرة تفتح الباب وطق الباب بكل قوته : ارياااااااااام تكفييين حاولي تقوين
نفسك اريام فتحي الباب
اريام تحاول تسترجع توازنها وتفتح الباب بس موقادره
تركي: اريام تكفين لاتستسلمين لوضعك
اريام بعد محاولات وصلت لعند الباب وفتحته وأغمى عليها لانها كآنت مرهقه وتعبانة تركي على طول مسكها وضمها بين ايدينه ويضرب على خدها بالخفيف عشآن تصحى: اريام حبيبتي اصحي ... وبعدها جاب ماي رش وجههآ وبصوت متقطع وشبه مسموع: تر ..تركي
تركي بخوف: معاك حبيبتي
فتحت عيونها اريام وتركي على طول رفعها ووضعها على السرير: الحين ارتاحي وبكرة ابغا اعرف بتفصيل وشو صار معاك
اريام اكتفت بأنها تهز راسها بالايجاب:.......


ببيت محمد بالمجلس...والإنارات خافته..
علي : حبيبي سارة اشفيك ساكته؟
سارة الي كان علي واضع راسه على كتفها ولاف يده على خصرها: آممم مافيني شي
علي ابتسم: أتمنى
سارة بادلته نفس الإبتسامه : علي اسئلك سؤال؟
علي: أتحفيني
سارة وهي تلعب بشعر علي: آممم وشو ردة فعلك اوخلني اقول وشو شعورك يوم حفلة تركي تصادفنا اوبمعنى أصح افتكرتني اختك آروى؟
علي رفع راسه من على كتفها ورفع ايده من على خصرها وتربع بجلسته وقابلها ولفها ناحيته ووضع ايدينه على خدينها: حبيبتي بكون صريح معاك
سارة عيونها مانزلتهم عن عيونه: وأنا اسمع
علي مبتسم: بالبدايه انصدمت لاني فكرتك اروى وطلعتي انتي وحسيت اشوي بتأنيب الضمير
وبعد ها رسلتلك اعتذر واوضح لك موقفي وبعدين صورتك مافارقت خيالي احس وين ماأروح صورتك تتجسد قدامي...يلطف الجو(( فأيقنت بأن مايراودني الذي يقولون عنه الحب))
سارة ابتسمت بحيآ: تكفى يابوالحب
علي ضحك بهدوء: ههههه طيب لاتحاولين تتهربين اوجه لك نفس السؤال؟
سارة بدلع: ياالله منك ياعلي
علي مبتسم: لاتنسين ان انا يوم كنا بالبحر جبت طاري للموضوع وانتي استحيتي.. والحين يالله دامني جاوبت بتجاوبين
سارة مبتسمه بدلع: واذا قلت لك ماراح اجاوب
علي يناظرها بنص عين ومبتسم بخبث: لاتخليني أتهور
سارة استحت بقوة وتتلفت يمين ويسار من الحيآ:.......
علي عاجبه الوضع: هآ أختاري تجاوبين ولا.... مالاداعي أكمل انتي ادرى(( يبي يجننهآ ويزيد من جرعآت الخجل الي باينه عليها))
سارة على نفس وضعها ومنزله راسها:.. ..
علي قرب لعندهآ وماكان يفصل بينهم شي ويتفحصها بنظرآته : شكلك ناوية على حآلك ياسارة
سارة لفت راسها للجهة الثانية ودقآت قلبها سريعه وتتنفس بشكل سريع:.....
علي ببرود ورايق حده مبتسم: أجل جاوبيني
سارة لازالت على وضعها وبصوتها الي انبح من الحيا: والله بجآوبك بس انتظر علي
علي يلعب بخصلات شعرها: الحين جاوبيني
ساره تناظره : ان شاء الله
قرب علي من اذنها وبهمس: أحبك سآرة.. أفهميني يابنت
سارة قلبها راح فيها من الحيا نزلت راسها وتلعب باصابعها:.....
علي نزل عيونه على ايدينها وعرف انها مستحية حد مآيجيهآ سحب يدها ببرود وبآسهآ بهدوء وبعدها رفع عيونه على وجهها ورفع راسها الي منزلته بأطراف اصابعه وباسها بهدوء على خدهآ : أثر الخجل معذب قلبك وغمز لها: ليتني مكانه
سارة رغم الحيا ابتسمت: علي
علي: لبيه
سارة ودها تقوله ارحمني استحي بس خافت يزيد الجرعه عليها: مآراح اجاوبك الحين
علي يبي يجننهآ بخبث: أهآآآ يعني افهم من كلامك تبين الــ ولا .!
سارة عقدت حواجبها: علي وشو تخربط والله على حركآتك مابجاوب الحين
علي نآظرها وابتسم وبلل شفايفه وبخبث: طيب ياسارة تحملي أجل الــ ولا
سارة تحس الحيا يسري بعروقها وقفت وعطت علي ظهرها: علي تكفى والله استحي لازم انطقها يعني
ا س ت ح ي ياعلي هذا غنيتها بعد
علي وقف وراها وحضنها : تهبل هالكلمه من لسانك ياسارة
سارة بنفسها: يارب يخف علي هالرجل
علي لازال على وضعه و يلف وجههآ ناحيته ويبتسم ابتسامه جانبية وبهمس: مابتجآوبين؟
سآرة تحاول بهدوء تفك أيدينه: علي تكفى بعد
علي بضحكه آآآيقة: هههه طيب برحمك وبمشيها لك بس على شرط
سارة: وشو
علي قرب من عنقها وبآسها بهدوء ورايق حده: هذا شرطي نفذته
ساره خلاص انتهت من الخجل ومنزله راسهآ علي بعد عنهآ وخذ جواله ومفتاحه : طيب انا طالع ماراح توصليني للبآب؟
سارة انتفضت : هآآآ ايه ان شاء الله
علي ابتسم ابتسامه جانبيه وتكتف وميل راسه : اووه للهدرجه عآجبنا الوضع .. !
سارة عقدت حواجبها وتلعب باظافرها وتتصنع الهدوء : صامت ولا عام ..
علي يعفس شعرها بالخفيف بشعرهآ : لاآآآ رومنسي ..
سارة نزلت راسها من جديد وتنهدت :......
علي ابتسم ابتسامه رااايقه : ياربي على الي يستحون أحبهم اذوب بهواهم انا ..





لجين بغرفتهآ وتفكر بينها وبين نفسها : ياربي ماتوقعت بيوم من الايام سعود يتقدم لي صحيح هو يهبل ..بس موشرط اوافق عليه
وبعدين انا وشو ناقصني عشان ارفض .. وليه كل ماجاني أحد ارفض .. ياربي تكتب لي الي فيه الخير .. وبعدهآآ نآآمت .


عند حور ويوسف....
يوسف على السرير: اقول حور
حور على الآب توب: عيوني
يوسف ابتسم: تسلم عيونك حبي... بسئلك عن موادك نزلوا ولا لسآ..؟
حور تناظر ليوسف:ياقلبي عليك تحآتي؟
يوسف قام لعندها ولف يده على ظهرها وايده الثانية على بطنها: هو صح آحاتي وهم عشان حمود لايزعل(( وناظر لبطنها))
حور عقدت حواجبها:حمود؟
يوسف: ايه ان شاء الله اذا ربي راد بنسميه محمد
حور بعدم أهتمام: آها
يوسف: اشفيك.. تضايقتي؟
حور بالآب توب: لا من قالك تضايقت... سوري نسيت اقولك نزلت لي مادة ونجحت آي بلاس باقي لي ٣ مواد
يوسف حس انها متضايقه بس ماحب يزيد عليها: آخيرا راح تتخرجين
حور: آمم يالله الحمدلله على كل حال
يوسف يلعب بشعرها: ماودك تنامين؟
حور استسلمت : ثواني بس اسكر الاب توب
يوسف غمز لها:لاتطولين

سارة بغرفتها واقفه قدام التسريحه وتتحسس وجههآ وشعرها وبصوت منخفض: ياربي اول مرة اشوف علي جريئ معاي وكأن اول مره يشوفني وأحسه كأن بيآكلني
وابتسمت : والله مو سهل ياعلي ..الله يعيني عليك بعدين ..
وبعدهآآ رآحت على سريرها وكانت بتنام بس رن جوالها : ياربي ارد ولا ماأرد .. نعم .
علي منسدح ومغمض عيونه وبعالم ثاني : اهلييين
سارة : هلا فيك .. مانمت .؟
علي يلعب بشعره : مانمت أحس قلبي مشتآق ..
سارة : ولمين ان شاء الله .؟
علي : لواحدة اموت عليها ..
سارة عارفه ان يعانيها وهو عارف انها عارفه : طيب وش اسمها .؟
علي : سر ماينقال
سارة : اووه لهدرجة خايف على اسمها بعد.؟
علي : أحبها ياساره
سارة : طيب قولي كم عمرها
علي : مو لازم تعرفين
سارة بدلع : طيب هي بيضآ .؟
علي ودايخ على صوتها وكلامها : أمم
سارة ونفس دلعها : شعرها لنص ظهرها .؟
علي : طيب .؟
سارة : وأمممم وتوصل لكتفك اقصد طولها يعني ..
علي : صح عليك ..كملي ..
سارة : عمرها 21 او تمشي بالــ 21 لسآآ ماكملتها
علي يجننهآآ : اشرايك تصغرينها سنتين ..؟
سارة بقهر : علييييييي
علي : همممممم
سارة : أحسك دايخ ..روح نآآم
علي : صوتك الي دووخني مو النوم .
سارة استحت : طيب .؟
علي : يالله كملي باقي مواصفتها عشان توصلين لها ..
سارة : طيب وهي باقي لها سنة وتص وتخلص جامعه .
علي : ايوووآآ
سارة : عيونها بنيه ..؟
علي : تسئليني..؟
سارة : اتأكد بس.!
علي : صح عيونها بنيه وتذبح ياسارة .. الله ياسارة لو أنك تشوفين عيونها ياخي مجرد مالمح عيونها اتعذب واذوب علي السلام
سارة تحس قلبها بيطلع من مكىنه ورجعت وقفت قدآم التسريحه : .......
علي : ليه سكتي .. كملي تراني دخلت جوو ..ومن كثر ماتكلمنا عنها ودي انها جنبي الحين ..
سارة بحيآآ : وبعديييين ..؟؟
علي : كملي ..
سارة : مدري هذا الي اتوقعه الباقي عليك ..
علي : شفايفهآآ مرة صغار وورديه
سارة عطت التسريحه ظهرها وحطت يدها على خصرها وبنفسها : ناوي علي هذا .. لــ علي والحيآ ذابحهآ: طيييييييييب .؟
علي كاتم ضحكته: أموت وربي اموت على حيآآهآ .. تهبل
سارة حاولت تتجرأ : أختصرها بكلمتين ياشيخ اسمها ومن بنته ؟.
علي مبتسم : سارة بنت محمد ..
سارة تحس نفسها استحت بقوة : ........
علي : عرفتيها الحين .؟
سارة : طيب .؟
علي : لا طيب ولا سيئ .. ادعي الله يمشي هالشهر بسرعه ويمر مر السحاب تراني ماقدر اصبر اكثر
سارة : علي تكفى والله استحي ارحمني اشووي ..لازم اقول اني استحي
علي :هههههههه ياربي على الي يستحون .. خلاص برحمك هالشهر ..
سارة : طيب خلاص
علي : سلام قلبي بنآآم
سارة : نوم العوافي وتصبح على خير وانا هم بنام
علي : سيآآ
سارة كتمت ضحكتها : سيآآآ
ويعدها سكرت سارة ابتسمت من قلب: والله ولايقه عليك ياعلي ((سيآآ)) هههه ياحليله وهو يقولها ..




في صبـــــــــــــآح اليوم الثاني ..

تركي صحى قبل اريام قبل لايقوم من على السرير قرب من عندها وناظرها وشاف وجهه اصفر وشاحب : ياربي تكون بخير ..
يصحيها : اريام ..ريوم .. ريموو عمري اصحي الدنيا صبااح ..
اريام بصوت مبحوح ومبين عليها التعب :همممممممممم
تركي ابتسم : حبيبي يالله قومي عشىن تاخذين لك دوش يصحيك اشوي وتفطرين ..يالله بلا كسل
اريام يادووبها فتحت عيونها ابتسمت : صباح الخير
تركي : أحلى صباح
اريام : كم الساعه
تركي : 7 وربع
اريام وعدلت جلستها بشكل سريع : اوووه ماصحيتني للصلاه
تركي : صحيتك حبيبتي بس ماحسيتي ..
اريام ابتسمت : طيب بقوم اتروش وبعدها اصلي وبعدها نفطر.. وقامت اريام من على السرير وهي تلم شعرها
تركي مبتسم : وبعدها تعلميني وشو صار معاك البارح ..
اريام التفتت عليه وابتسمت : ان شاء الله



ببيت ســــــــــــــامي .. : هلا وغلا بريم
ريم : اهلييين .. من زمآن عنك..
سامي: لهدرجة وحشتك .؟
ريم : وربي اكثر ماتدري ياسامي انت وشو بنسبه لي .!
سامي: حبيبتي خلاص اليوم جاي عندك ..
ريم بفرحه:والله.؟؟
سامي: والله .. بس لما اوصل ادق عليك
ريم: حياك بأي وقت ..
سامي: ربي يحييك.. هاا اخبارك ..علومك بتفصيل الممل
ريم : اشوي اشوي علي ههههه طيب .. راح اجاوبك يامحامي ..
سامي :ههههههههه اسمعك ..



ببيت بوبدر لجين فاتحه الاب تووب .. وامها جالسه معاها بصاله ..

ام بدر: لجين .. مبدئيا اشرايك بالموضوع .؟
لجين وعيونها عالاب توب : يمه والله مو وقت الموضوع خليني اشوف موادي ..
ام بدر: لجين عطيني وجه ناظريني عالأقل..
لجين تناظر أمها وتبتسم : أأمري يااحلى أم بدنيآآ .. اسمعك
ام بدر تبتسم :الله يخليك ياعمري .. ترى كلمني ابوك وقالي ان سعود رجل وماينعاف واول مرة احسه يرتاح للشخص متقدم لك ..
لجين بحيره :آممممممم قلتي لبدر .؟
ام بدر : ايه .. قلت له البارح بعد ماصعدتي
لجين : ابصراحه انا مرتاحه للموضوع .. بس خلوني افكر وابغا اعرف ايجابيته وسلبياته وشو يحب وشو يكره وشو...
قاطعتها أمها : اشرايك بعد نخليه يجي ويجلس معاك وتحليلين شخصيته ..؟!!!
لجين عقدت حواجبها : يمممه الله يهداك تتطنزين .!
ام بدر : وشو تبيني اقولك اجل ايجابيته سلبياته امنآ بالله بس وشو يحب وشو يكره ووشو مدري وشو .. !
لجين كاتمه ضحكتها : اعصابك يمه تكفيين .. خلاص الي تسئلون عنه سئلوا وانا علي افكر ..
ام بدر: ايه خليك كذا ..



سارة صوتها مبين عليهآ توها صاحيه من النوم : صباح النور
علي مصحصح : بل بل بل وشو هالكسل من صباح الله خير ..
سارة :هههه بل عليك انت مو انا انا مانمت الا الفجر .. مو مثلك سكرت وعلى طول كبرت المخده
علي : ههه ليه .. يقهرك .؟
سارة :لاياشيييييخ .. مايقهرني الي يريحك يريحني
علي : أحبك يامجنونه والله أحبك
سارة بدلع : وهــ أنآ اموت على حبك ..
علي : ياويلي ويلااه .. بتجنيني..!!
سارة : أنجن لو أجننك ..
علي : قولي تم ..
سارة : تم ..
علي : زواجنا بعد اسبوعين
سارة فزت من السرير وتلاشت ابتسامتها: لا ياشييييييييخ .. سحبتها
علي يحط يده على قلبه مبتسم: لا ياعمري خلاص دخلت قلبي صعبه تسحبينها
سارة : لا والله تكفى تو الناس يعني وشو اقولك مو عارفه بس تكفى علي .. مابي
علي : لا بيصير والله ياعمري مو قادر اتحمل اكثر خلاص افهميني سارة
سارة :.......
علي : لمتى ان شاء الله السكوت .؟
سارة دموعها بعيونها : لا خلاص انا بروح اكمل نوومي ..
علي ابتسم: سارة حبيبتي هدي..!
سارة بهدوء وصت مبين عليه الحزن : وانت خليت فيها هدااوه .؟
علي تنهد: بعد ساعه بمر عندك ..
سارة : طيب خلاص ..
علي يجننها: تبيني ولا .؟
سارة تنهدت: اشرايك؟.
علي : خلاص جاااين ..
سارة: اوكي




تركي : نعيمآآ
اريام: ربي يتعم بحاالك ..
تركي : يالله عشان تفطرين .. اشوي وبيصعدونه لنا ..
اريام تجفف شعرها بالمنشفه: ان شاء الله
تركي : أنتظرك بصاله
اريام : طيب البس واجي لعندك
تركي : خذي راحتك






نور : اهلين ازهار ..
ازهار:هلا فيك
نور: اخبارك دوبآآ
ازهار:من الله ابخير..انتي.؟
نور:الحمدلله .. هآآ نقول مبروك ..
ازهار: لسآ باقي لي 3 مواد ..
نور : انتي دافورة ماينخاف عليك
ازهار:اذكري الله ياشيييخه
نور : لااله الا الله ..ههههه يالله ربي يوفقك
ازهار : معاك .. الا نور ودي اقولك حآجه
نور : اسمعك ..قولي ..اطربييني
ازهار: حشآآ بالعه شريط
نور : ههههههه كملي
ازهار: طلال ..
نور :أممم اشفيه .؟
ازهار :يسلم عليك
نور :ربي يسلمك ويسلمه.. أحس بفمك كلام
ازهار : امممممم صح عليك
نور : قولي
ازهار: طلال طلب مني ايميلك .!
نور : ايه
ازهار: وشو ايه .؟ يعني اعطيه ولا لا .؟
نور :آممم افكر وارد لك خبر
ازهار:خلاص متى بتردين لي خبر..
نور تتطنز:بعد دقيقه ..
ازهار:تطنزين وي فيسك
نور : وشو اقولك اجل ..انتظريني الليلة ..بكرة ..اسبوع الجاي
ازهار: طيب وقت ماتقررين خبريني
نور :اوكي
ازهار: باي
نور : باايااتو




اريام راحت بصاله عند تركي وحست انها محتاجه له حطت راسها على كتفه تركي استغرب بس مابين لها استغرابه : تركي
تركي: عيون تركي
اريام : مافطرت.؟
تركي: انا اقدر افطر قبل لاشوف حبيبتي
اريام رفعت راسها وناظرته وابتسمت له : الله يخليك يارب
تركي: ويخليك الهي .. يالله سمي بالله وأكلي معالم الجوع باينه عليك
اريام: والله ماانكر وهذا السبب الي خلاني البارح بالحاله الي شفتني عليها
تركي: آهــــــــآآ يعني تعب وقلة تغذية .. اكلي احسن ماوكلك بيدي
اريام بحيآآ: تركي ..
تركي : هههه طيب فطري حبي ..




ببيت بويوسف الكل بصاله ..

بويوسف : يالله عن اذنكم انا طالع الشركة ..
الكل : اذنك معاك ..
فارس: وانا على الساعه 8 رايح المستشفى .. يعني باقي نص ساعه
يوسف : ماشاء الله عليك يايوسف نادرا ماسمعك تاخذ اجازه
فارس : ماحس اني احتاج فــ جمعت اجازااتي ..
يوسف: يالله موفق ان شاء الله
ام يوسف: نوار هآآ استعديتي لزواجك
نوار : ايه استعديت .. بس أحس اني خاايف مدري ليه
نور بجنبها ونقزتها تبيها تسكت بهمس: ياغبيه سكتي لاتفضحينا قدام اخوانك
يوسف ناظر لحور وابتسم ابتسامه جانبيه وبخبث ناظر لنوار : ليه يانوار وشو خايفه منه .؟
نوار مافهمت عليه نور افهمتها وهي طايره ورقعت السالفه: هي قصدها خايفه جامعه وزواج كل مع بعض جآآ فــ تحس مسؤليه كبيره عليها
سارة تلعب بجوالها وفجآءة تذكرت علي ان يبغآ الزواج بعد اسبوعين وبنفسهآ :ياالله منك ياعلي ..شسوي أنا!!
فارس : ياهوو سارة وين مسرحه .؟
سارة ارتبكت :هآآ لا بس افكر بنتيجة اختباراتي
حور : كم مادة نزلوا لك .؟
سارة : لسا مانزلت لي الا مادتين بس
يوسف: وشو جبتي فيهم .؟
سارة : اذكروا الله كلكم
الكل: لااله الا الله .. قولي
سارة : اي بلااس ..
عبدالله : ماشاء الله .. والي يقولكم حمل مادتين ..
يوسف مبتسم:من زود الفلاحه
عبدالله : ياشييخ والله اذااكر بس مدري ليه طلع معي كذا ..
فارس: يالله عن اذنكم بروح المستشفى ..
الكل : اذنك معاك ..



بعد نص ساعه جآآ علي ودق على سارة ان ينتظرها بره .. سارة طلعت له علي واقف قريب من الباب ومبتسم ومروق حده وحآط ايدينه بجيوب ثوبه: اشوي وبتضربيني
سارة من غير نفس: اشدعوة اضربك .. شكل الجو عاجبك موناوي تدخل!
علي طلع ايدينه من جيوبه ويضبط شماغه ومشى للمجلس: قصدك الأجواء عاجبتني
سارة ابتسمت غصب: رايق بقوة
علي مبتسم: اشوفك ولاأروق مايصير
سارة تناظر علي وهو يجلس عالكنبه تكتفت وميلت راسها بدلع: موسهل يابن العم
علي غمزلها: اكيد موطالع مثل الي أحبها
سارة جلست بعيد عنه: طيب ؟
علي ويتكئ بأكواعه على ركبته: وليه مبعده كل هالمسآفه؟
سارة تتلفت حوليها وبعدها ناظرته: مومبعده عادي
علي غمز وابتسم ابتسامه جانبية:لآياشيخة موعلي بس ولايهمك أجي لعندك
سارة استحت : علي عليك طلعآت مدري من وين!
علي جلس جنبها وحاوط رقبتها بيدينه يد من وراء ويد من قدام وابتسم: الحين احسن ..
سارة تناظره:.....
علي يناظرها : عيونك تذبح ياسارة ..
سارة نزلت عيونها وتلعب باصابعها : ......
علي لازال على وضعه مبتسم: اووه تتغلين ولاتستحين .؟
سارة دمعت عيونهآ وعلي استغرب بنفسه: ياالله لايكون زدت عليها بتصرفاتي ..لسارة لف وجههآ تجآهه : سارة حبيبتي شفيك .؟
سارة تمسح دموعها باطراف اصابعها : مافيني شي ..
علي : لا موعلي انا هالكلام .. تكفيين قولي اشفيك .؟
سارة : علي تكفى لاتقدم زواجنآ ..
علي ابتسم : حبيبتي نزلتي دموعك عشان كذا .؟
سارة هزت راسها بالايجاب :....
علي : بس ياسارة انا ودي يكون بعد اسبوعين ..لأني والشهاده لله ماعدت اقدر على فرااقك .. حتى ماتشوفيني هالفتره صرت اجي عندك داايم
سارة برجآ: ايه معليه تحمل عشآن خاطري علي تكفى..
علي انكسر قلبها وحضنها ومسح على شعرها : خاطرك على عيني وراسي حبيبتي بس والله ماقدر وانا تراني من النوع الي ماحب اثني واغير كلمتي بمثل هالامور
سارة تبعد عنه وتناظره : طيب.. أنا ماستعديت استعداد تآم ..
علي : معليه من اليوم ..وشو من اليوم!! من هالدقيقه مستعد افتر فيك السوق لاني اساسا طالع اجازة .. من اليوم
سارة فتحت عيونها عالآآخر: يعني مخطط لكل شي ..
علي : والله توني قبل لااجي عندك رحت المستشفى وقدمت على اجازتي ..
سارة تحس ينتابها شعور الفرح باهتمام علي وشعور الحزن ان زواجها بوقت هي ماتبيه بدلع عفوي : طيب علي آخر مرة اطلبك لاتقدمه .!
علي ابتسم على حركآتها ودلعها العفوي وبراائتها فك ايدينه من رقبتها وويناظرها مبتسم: طيب ..ابي اسئل سؤال واحد ..
سارة : اسئل ..
علي : ليه ماتبينه بعد اسبوعين .؟
سارة وتلعب باصابعها: آممم ابصراحه لداية دوامنا االجامعه وبغض النظر عن اني مااداوم اول اسبوع .. والشي الثاني يكون مافي فرق بين زواجي وزواج نوار غير يومين ..
علي تتكئ بأكواعه على ركبتيه دون لايناظر لسارة تنهد وعض شفته السفلى : حبيبتي انتي عارفه اني احبك ولا احب ارفض لك طلب .. بس تأجيل ماني مأجل .. تكفيين سارة لاتترجيني اكثر
سارة حاولت تمسك دموعها لان اول مرة علي يكون جدي معاها بقوة: طيب ياعلي الي يريحك سووه
علي استانس على هدوئها وابتسم ووضع يده على خدهآ ويلاطف خدها بيده : طيب يالله قومي نروح السوق ..
سارة : خلها وقت ثاني
علي : وشو وقت ثاني حبيبتي .. خلاص الحين نروح ونروح الوقت الثاني ههههه
سارة ابتسمت : ان شاء الله بس اجيب عبايتي ..
علي : انتظرك لاتتأخرين
سارة: دقايق بس ..
علي : طيب..





في مــــــــــــــــــاليزيآآ ..
تركي: ريموو حياتي اشرايك ننزل نغير جو
اريام هزت راسها : أمممم يالله .. بتقوم من مكانها الا تركي مسك يدها: دقيقه ..
اريام: وشو .؟
تركي : ماقلتي لي البارح وشو صار معاك ..
اريام ابتسمت وتنهدت وجلست : كل الي صار معاي .. أني كل ساعه ماأصحى من نوومتي وحسيت راسي ببينفجر
وحسيت اني بستفرغ على طول رحت للحمام ((الله يكرمك)) وبعدهآآ استفرغت وحاولت افتح الباب واناديك بس هذا الحمدلله انك صحييت
وناديتني والله اعاني وفتحت الباب وأغمى علي وبعدها رفعتني ووضعتني على السرير وبعدها نمت وبعدهآ ..
تركي كان مستانس على حركآتها وبراائتها وكانت البسمه شآآقه وجههه وسحبها لحضنه : بس بس تكفييين اعرف الباقي لاتهبلين فيني وتسوين فيهآآ جوو يروحني وطي
اريام استحت ونفس الوقت كانت مرتاحه بقربه : آمممم مابنطلع .؟
تركي دافن وجهه برقبتها: الا بنطلع بس خليني اعوض عن البارح قربك ..
اريام استحت بقوة :.....

وبعد ربع ساعه نزلوا تركي واريام يغيرون جو ..
تركي : وين حآبه نروح .؟
اريام : انت جيتها من قبل .؟
تركي : ايوآآ 3 مرات وهذا الرابعه .. احب ماليزيا ..
اريام : أوووه من قدك ..
تركي ابتسم : ههه اشرايك نروح حديقة الزهور ..
اريام : آمممم والله الي يريحك حبيبي لاني اول مرة اجي على ماليزيا ..
تركي :طيب .. نروح حديقة الزهور وبعدها نروح حديقة الفراشات وبعدها نروح السوق المركزي .. عشآآن نتسوق ..
اريام ابتسمت : طيب يالله
تركي : ترى بعد 3 ايام راح نطلع على لنكاوي
اريام عقدت حواجبها : ماشاء الله عليك حافظ ماليزيا وكأنك ساكن فيها ..
تركي ابتسم: ترى هذا ولا شي من الي انا اعرفه وأعدد لك بعد ((بينــانـــغ و سراواك و..
قاطعته اريام مبتسمه : خلاص خلاص .. والله مانت سهل
تركي: اذكري الله يابنت الناس ..ههههه
اريام: لااله الا الله .. لاتخاف ماعرف انضل
تركي :هههه
وكملوا طريقهم للأماكن الي راح يروحون لها ..


ازهار : هآآ نور وشو قلتي .؟
نور :آممم اوكي عطيه اياه عادي
ازهار : اوكي راح ارسله له
نور : خلاص .. بس تعالي وشو اسمه عشان ماقبل وبس
ازهار : tlal56
نور : ok
ازهار: قود باي
نور : باياتو



في السيارة
سارة: علي موكأن طولنا بسيارة؟
علي من دون لايناظرها: رايحين الخبر هناك مجمعاتهم روعه
سارة عقدت حواجبها وابتسمت: حركآت ياصاحب الذوق
علي ناظرها وابتسم بقوة وغمزلها وبعدها ناظر الطريق: يامالك بالذوق في المول الحين اثبت لك
سارة استحت: اهآآآ



تركي أثناء ماهم يتمشون بحديقة الزهور : اشرايك .؟
اريام: وربي رووعه
تركي يبتسم : احبك أنا
اريام استحت : ....
تركي : فديتك أنا
اريام على نفس وضعها مبتسمه وتناظره :.....
تركي : اغار انا..
اريام على نفس وضعها : الظاهر انجنيت ياتركي
تركي : في غيرك مجنني .. ولاعشان تستحين تقولين كذا .؟
اريام بدلع :تركييييييييي
تركي يجننها بنفس نبرتها : اريااااااااام
اريام تتلفت حولها : تركي احس الكل يناظرنا اعقل ..!
تركي: اوكي حياتي بعقل على قولتك .. وبهمس: بس بالفندق تحمليني ..
اريام استحت ونزلت راسها :.....



سامي : هلا ريم..
ريم :هلا والله..
سامي : أفتحي الباب ..
ريم : لاياشيييخ لا ماقلت لي انك جاي الصبآح
سامي يبتسم : والله صنفت عندي ..
ريم : ياذا هالتصنيفه ..طيب جايه لعندك
سامي :لاتطولين
راحت ريم فتحت الباب لسامي وسلمت عليه وحضنها بشوق كون انه من اسبوع ماشاافها .. ريم تحس نفسها استحت ونفس الوقت فرحآنه لان شعورها نفس شعور
سامي : اشتقت لك وربي
ريم:وانا اعظم
سامي : افهم من كلامك .. اني ماغبت عن بالك.؟
ريم: متى ماغبت اساسا .!!
سامي :ابعدي والله بنت وليد ..
ريم تذكرت ابوها لكن كاابرت عشآن لاتحسس سامي بشي: طيب تفضل ادخل ..
سامي : ان شاء الله .. وطول ماهو يمشي للمجلس ماسك يد ريم ..ودخلوا المجلس
ريم :.....
سامي : ريم ..
ريم : هلا
سامي : اشرايك نعجل بزواجنا ..؟
ريم : والله الي تشوفه انا عن نفسي شطبت على كل حآجه يعني ماعندي اعتراض اي وقت تبغآآه
سامي بخبث: لو بعد سنه .؟
ريم ببرود : ابرااحتك ..
سامي : خلاص دآآم براحتي نسافر مو لازم زواج وعفسسه ..
ريم عقدت حواجبها : لااااا وشو مو لازم ..
سامي بخبث ينرفزها : مو انتي قلتي لي ابراحتي..؟
ريم ونفس وضعها:ايه قلت لك بس مو لهدرجه ..
سامي : اجل قولي رايك تبينه مع نوار بنت اختي في نفس الليله ..؟
ريم بعد تفكير: خلاص نتكل على الله .
سامي: والنعم بالله ..خليني اخبر بويوسف ..
ودق على بويوسف وخبره وفرح كثيير بويوسف والكل عرف بخبر تحديد زواجهم ان راح يكون مع نوار وبدر ..



علي : اي مجمع حآبه تروحين ..؟
سارة :أمممم ..نبلش بمجمع الظهران .!
علي : مافي مشكله يالله هذا احنا قريبين..
سارة تناظر علي ومسرحه فيه:.....
علي : احتمال المغرب نرجع مو تقولين لا تأخرنا ومدري وشو .؟
سارة على نفس وضعها :.......
علي يناظرها: ياعرب .. يام الشباب وين رحتي .؟
سارة :....
علي يمسك يدهآ ويبتسم بخبث ..حست عليه سارة وبدلعا العفوي :آآآآآه ياربي منك .. ليه كذا.؟
علي يضحك : هههههه كم مرة ناديتك ماسمعتيني ولا رديتي علي .. فــ قلت خلني اعضك يمكن تحسين ..
سارة عضت على شفتها : آآآآه ياربي .. مو اسنان حشآآ
علي : اذكري الله ..
سارة : لااله الا الله
علي : يالله انزلي وصلنا ..
سارة من غير نفس: اوكيي

طبعا انزلوا عند مجمع الظهران .. ودخلوا ..
علي : يالله ..وين حآبه تدخلين .؟
سارة : عادي بأي محل نبدأ بس اهم شي الاقي شي يدخل مزآجي
علي : شكل ذوقك صعب ..بس ترى اذا شي مو عاجبك وعجبني تاخذينه لان هم انا بشوفه عليك (وغمز لها))
سارة ابتسمت :ياربي منك ياعلي .. خلنا نكمل طريقنا
علي ابتسم :اوكي يالله
دخلوا كذا محل ولا شروا شي اوبالاحرى سارة وعلي ماعجبهم شي .. سارة :علي ..
علي : عيوني ..
سارة:ربي يسلمهم .. خلنا ندخــ
قاطعها علي مبتسم : مين الي ربي يسلمهم .؟
سارة ابتسمت :يعني انت تعرف مين .. اكيد عيونك ..
علي :فديتني والله ..
سارة : اقول لاتنجن علينا احنا بمول .. مو ببيت عمك ..
علي ابتسم بخبث: ليتنا ببيت عمي ..
سارة ابتسمت :وبعدييين.؟
علي ابتسم: خلاص خلاص ..قولي وشو بتقولين .؟
سارة: ندخل مسيموديوتي، .؟
علي : اوكي ندخل .. دخلوا وتحس مافي حآجة دخلت مزآجها ..
علي : ماصدق الى الآن ولا شي اعجبك
سارة :حتى انا مااصدق ..ولا شي اعجبك
علي : ..؟!
سارة :مو انت تقول لو شي اعجبك وماعجبني راح تشتريه .؟
علي : هآآ ايه ايه عدل
سارة ابتسمت ورفعت حاجب :ههه افحمتك
علي رفع حآجبه : احلفي عاد ..؟
سارة كاتمه ضحكتها :.....
علي : تعالي ادخلي هنآ ..
سارة ارفعت عيونها شافته زارا : سارة طيب ندخل
علي لفت نظره فستان على طول راح ناحيته اما سارة تنقي لها وتشوف اذا عجبها شي اولا علي راح لعندها :سارة
سارة التفتت عليه : نعم
علي مبتسم ويعرض لها الفستان : اشرايك ..؟
سارة أمسكت الفستان وتقلب فيه ((طبعا الفستان كآن قصير مرة ومن دون اكمام والظهر كاشف ولونه رمادي)): آممم بس احسه مو حلو
علي يناظر الفستان ويسحبه منها : بس انا عاجبني وبآخذه ..
سارة ابتسمت :بس ...
علي ابتسم بخبث وبهمس:بتقولين الظهر كااشف هآآ .؟
سارة عطته ظهرهآ:خلاص اذا عاجبك اخذه وانا باخذ هالبلوزه أحسها ناعمه وروعه ..
علي يناظر البلوزة :بس انا موعاجبتني ((يبي يجننهآآ ))
سارة مبتسمه نفس ابتسامته:اقول ..لاتسوي لي فيها واحدة بواحده
علي :عشآن ان الله حق ههههه
سارة :لاابجد اشرايك .؟
علي :تجنن والله وانتي بتلبسينها بتكون أحلى وأحلى ((كان لونها اسود وكآت ولافيها شي مرة ناعمه))
سارة :فديتك والله
علي :فديت من فداني ..
طلعوا من زارا بعد ماحاسبوا ..وضلوا يفترون بالمول .. ووصلوا عند بوابه 2 علي لفت نظره محل ((نعومي)) : سارة
سارة :هممم
علي : خلينا ندخل هنا ((وأشر لها عالمحل))
سارة استحت وتتلفت يمين وشكال : هآآ لالا .. مو لازم ومو مهم اساسا
علي بخبث: لا مهم .. يالله ندخل ..
سارة :علي خلاص قلت مولازم
علي مازال على وضعه: وانا قلت لك لازم
سارة تنهدت والحيآ مبين على معالم وجهه :.....
علي مكيف عالآآخر: هآآ .؟!
سارة بحيآآ : خلاص نمشي مو لازم ندخل ..
علي : بس انا ماطلع من هنآآ الا اذا دخلته
سارة عقدت حوزاجبها:ليييه
علي مبتسم : مزآآج
سارة استسلمت للأمر: الي يريحك ياعلي
علي: يالله تعالي
دخلوا وسارة من عظم حيآآها تحاول عينها ماتطيح بعين علي .. طبعا ماختارت ولا شي لانها مستحيه أما علي خذ لها الي اعجبه
ويحسه لايق عليها بعد ماسئلها عن المقاس .. وراح حااسب سارة بنفسها: ياربي ياعلي اشلون كذآ .. والله احرجتنننني
علي مبتسم : يالله ولا مطوله بالمحل
سارة ميلت راسها وفتحت عيونها عالآآخر: .....
علي ضحك :هههههه يالله خلينا نطلع









>>>>>>يتبع