ديوان الشاعر / محمد ابن الذيب "المقروءهـ" المكتوبه

قنوات العرب

يا أهل القصيد والنثر والروايه
بعض قنوات العرب بثها حي
أفضل ركوب الخيل ولا الرمايه
يجوز فيصل ما يعرف منها شي
متكبر من يوم سوى دعايه
معها حليمه بنت بولند فدبي
لو الدراهم هي اساس الحكايه
أرسلت له مليون دولار وأشوي
لكن له مقصد ونيه وغايه
لعين بنت فاتنه من اهل الحي
عساك فصحه وأفضل رعايه
لكن يا فيصل ترى ماهي بهي
خليتني في ديره الغرب تايه
القلب نضجه الغلا واللحم ني
فيصل انا زعلان ومن البدايه
حذرتك من الكر والعب والغي
واليوم لو ترسل علي بالولايه
الي أنا فيها ذهب حاتم الطي
لو عاد ترسل جي على المرايه
مكتوب سامحني على الهجر يا خي
ونواف يبكي دم يالله معايه
ومحمد عويضه على تندت الجي
خلاص يا فيصل كفايه كفايه
آخر علاج الكي ما فادك الكي
سكنت فافخم قسم فأرقى بنايه
ومن قسم ذي وذي ثم ذي ثم ذي
مافيه قسمن مثل قسم العنايه
تكبر بعين المحتضر قيمه الحي
عمومن انا ماهقيت النهايه
تجي هجر لكن بقولك شي
لو منك اجيب الدبل فالدعايه
بدل حليمه بنت بولند فدبي