رواية مجنون سارة .. كاامله ^^

فهد ركب السياره وهو متضايق من اول يوم رجوعه من السفر وساره جي تعامله وتطنشه ..

الريم وهي تشوف اخوها : والله صدق اشتقتلك

فهد ما يبتسم وساكت

الريم : بلاك فهد
فهد : مافيني شي
الريم : جهزت لك غرفتكم ودخنتها بالبخور
فهد بابتسامه : تسلمين يا الريم ما قصرتي

الريم حست ان اخوها متضايق ..

فهد بخاطره : (( هاي من اولها ياساره .. والله انا حاس انج بتتغيرين .. بس الله يعيني ))



بعد ما وصلو المستشفى

ساره متوتره وايد لانها بتشوف خالد

ساره تكلم نوره : والله اني متوتره ومستحيه
نوره : لا عادي .. اصلا خالد يوم بيشوفج بيستوي بخير ان شاء الله
النيرس : لو سمحتو لاتدخلون كلكم
هند : ليش ان شاء الله
النيرس: لان المريض بحاجه للراحه .. دخلو نص نص
نوره : خلاص عيل اول شي انا وساره
هند : وليش انتو يعني
نوره تشوف هند باحتقار : مالج خص ..

نوره دخلت اول شي ..
نوره شافت خالد نايم وحاطين الجلكوس عليه ..ومبين عليه التعب والارهاق ..

نوره بابتسامه :خالد خالد

خالد فتح نص عيونه وابتسم ..

نوره : شحالك اخويه
خالد يهز راسه يعني بخير
نوره: يايبتلك مفاجاه حلوه

خالد استغرب ..
ساره دخلت وتشوف خالد

خالد من شافها حاول ييلس على السرير.. نوره ساعدته

خالد بصوت متعذب: ساره
ساره والحزن بملامحها: سلامات يا خالد ما تشوف شر
نوره : تعالي ساره ليش واقفه بعيد

ساره قربت من خالد شوي ...ومنزله راسها مستحيه

خالد ابتسم : ساره واخيرا شفتج
ساره : شفت وفيت بوعدي .. عشان تعرف انك ... ( سكتت )
خالد يبتسم : اني في بالج .. يعني بعدني حبيب طفولتج

ساره استحت ونزلت راسها وادمعت

خالد : ليش يا ساره ليش هالدموع
ساره وهي تحاول تخبي دموعها : انا السبب في اللي يصير .. ياريت مت ولا اعرف اني السبب في عذاب اعز انسان
خالد : باسم الله عليج يالغاليه . يعلني اموت قبلج ..

ساره استحت وكانت تبى تروح ..

خالد : وين بتروحين
ساره : بس ما اقدر اتم اكثر بروح ..
خالد : لا ياساره تمي
ساره وهي تمسح دموعها : ما اقدر اكثر .. اهلك يبون يدخلون ..ان شاء الله المره اليايه
نوره : متى بيطلعونك ياخالد
خالد : الكتور قال جريب ان شاء الله الحمد لله حرارتي خفت
ساره : الحمد لله .. يالله عن اذنك

ساره وهي مروحه .. خالد زقرها

خالد : ساره
ساره صدت ..
خالد بابتسامه رقيقه : مشكوووره على الزياره .. تراج ماتعرفين هالزياره كيف غيرت من نفسيتي

ساره ابتسمت وراحت وقلبها متقطع عليه ..

ساره بعد ما طلعت من عند خالد

نوره : ساره ليش هالدموع
ساره : ماعرف احس اني متضايقه ..كارهه حياتي يا نوره .. ابي اروح ارتاح
نوره : يالله الحينه اهلي بيسلمون عليه وبنطلع .. بس انتي لا تسوين في عمرج جي
ساره : تخيلي يا نوره تكونين السبب في عذاب انسان .. لو انسان عادي قلبج بيعورج .. فمابالج انسان يهمج
نوره : انتي مالج خص .. لا تلومين نفسج .. اليوم يايه من السفر يالله نوديج عشان ترتاحين ..



فهد بعد ما وصل شاف غرفته مزينه بالورود والدخون

فهد : يالله عليج يالريم ما قصرتي اختي
الريم : اذا ما ادلع اخويه حبيبي ادلع منو
فهد : عساني ما نحرم منج يالريم قولي امين
الريم : ولا منك يا فهودي يالغالي
فهد : زين عيل انا بروح ابدل واتبسح
الريم : انا بعد بروح اودي اطلع اغراضي من الشنطه .. يالله تصبح على خير
فهد : وانتي من اهله . ..هيه صح الريم
الريم صدت : هلا اخويه
فهد متوتر مايعرف شو يقول : اقول شي لحاف زياده
الريم عاقده حواجبها : ليش
فهد ما يبى يقول انه بينام تحت يعني مب على السرير : ها ممممم لاني وايد ابرد عشا ن جي
الريم : غريبه
فهد : يمكن جو بلجيكا غيرني
الريم : خلاص بييب لكم لحاف الحينه
فهد : مشكوووره ياغاليه تعبتج ويايه
الريم : افا عليك اخويه

فهد اتبسح وطلع ملابسه وهو يشوف الساعه ..

فهد يروح يمين يسار ومتوتر وايد كل دقيقه يشوف الساعه ...معصب لان ساره تاخرت ..

ساره وصلت ...وراحت الغرفه صكت الباب

فهد وهو واقف : زين شرفتي

ساره تفصخ العبايه وماترد عليه ..

فهد : ابي اعرف شي حرمه توها راده من شهر العسل وتودر ريلها وتروح المستشفى .. يعني ما قدرتي تتريين لين باجر
ساره تعبانه وايد ومصدعه : فهد الله يخليك مب متفيجه
فهد معصب مسك كتفها : انتي طلبتي نرد دبي لانج كنتي عارفه ان خالد منوم في المستشفى صح
ساره : فهد هد ايدي بلاك
فهد يشد عليها: قولي صح .. عرفت ليش هالصياح والتغير لان حبيب قلبج تعبان وماقدرتي تخلينه لازم تكونين وياه
ساره عصبت : فههههههههههد بس عاد .. كافي كافي ارحمني ارحمني
ساره يلست على الارض وهي تصيح ..وحاطه ايدها على ويها وهي تصيح ..
فهد حس بغلطته يلس عندها : ساره انا
ساره : انت شو .. انت ما تحس .. بس يا فهد .. يعني لازم كل ما يستوي شي تحط عليه ارحموني ياناس بس كافي عذاب
فهد : بس انتي راده عشانه
ساره بصريخ : لا لا لا ماكنت اعرف اسال الريم اسال اي حد .. بس خلاص خلني ارتاح ..

فهد حس انه ضايق ساره ..فهد يبى يساعد ساره عشان توقف ..

ساره : هدني .. اروم بروحي اوقف
فهد : ساره انا سف ما قصدت بس كنت معصب
ساره : كنت وكنت وكنت .. ومحد الضحيه غيري انا ساره راحت الحمام عشان تغسل ويها .. لان دموعها سالت على ويها البريئ..

فهد في نفسه (( انا شو سويت كيف عاملتها بهالطريقه .. ليش اشك فيها دووم .. كيف اعاملها جذي وانا اموت فيها .. اعوذ بالله من الابليس.. ))

ساره غسلت ويها .. وهي تعبانه ومصدعه

فهد فرش الغنفه باللحاف ..

اما ساره فلبست بجامه طبعا مستوره ونامت على السرير ..وهي بعدها متضايقه

فهد ما قدر ينام راح عندها وشافها مغطيه ويها باللحاف
فهد واقف عند فراشها : ساره حبيبتي اسمحيلي ماكان قصدي اجرحج .. بس من غيرتي جذي قلت

ساره مطنشه وهي تسمعه ..

فهد : ساره يا بعد هلي اسمحيلي .. ماابيج تنامين وانتي متضايقه مني .. ترى زعل الدنيا يهون ولا زعلج يابعد عمري

ساره وهي بعدها تدمع ..

فهد راح نام على الغنفه ..وهو متضايق من اللي سواه

اما ساره فماقدرت تنام حست بالضيق.. يمكن لانها جذبت على فهد .. ويمكن لانها تحس انها السبب في تعب خالد ..

وفي اليوم الثاني

ساره قامت قبل فهد .. وهي حاسه بالصداع
ساره شافت فهد متبهدل في رقاده لان الغنفه اصغر منه ..

راحت ساره وبدلت لبست جلابيه راقيه ..

الريم دقت الباب : ايه يالله بسكم رقااااد شوفو الساعه كم

ساره كانت تبى تفتح الباب بس تذكرت ان فهد نايم على الغنفه والريم بتشوف وبتشك ..

ساره راحت عند فهد : فهد فهد
فهد بصوت غليظ : ها شو مستوي
ساره : فهد الريم يايه
فهد وشعره ناقز من الرقاد اول ما سمع الريم نقز : ها شو الريم
ساره : هيه تبى تدخل

فهد خذ اللحاف وبسرعه بسرعه خش اللحاف وغسل ويه عشان الريم ما تشك ان فهد ينام على الارض ..

ساره فتحت الباب : هلا بالريم
الريم : صباح الخير لاحلى معاريس في الدنيا كلها
ساره بابتسامه : صباح النور يا اغلى اخت عندي
الريم : يالله قومو حبايبي .. ترى امج متصله كم مره عشان العزيمه اليوم بيت خالتج ام خالد
ساره بتعب : والله
الريم : بلاج ساره .. شي انتفاخ تحت عيونج
ساره : هيه مصدعه والبارحه مانمت
الريم : كنتي تصيحين
ساره بتوتر : ها .. لا منو قال بس شوي تعبانه

الريم فاهمه ساره وتعرف اذا هي متضايقه ولا لاء لان ساره ربيعتها من الطفوله ..بس ماحبت تتدخل بحياتها

ساره : عيل بقول حق فهد عشان يتجهز
الريم : خلاص اوكي بس افطرو اول شي بعدين الغدى هناك
ساره : اوكي حبيبتي

ساره صكت الباب

فهد وهو يسحي شعره ..

ساره من غير نفس : اليوم معزومين بيت خالتي
فهد تغيرت ملامحه وبخاطره : من اولها
ساره : لازم اتيه فضيحه ..
فهد : هيه اكيد .ما برد طلب امج

ساره تبى تطلع من الغرفه

فهد ناداها : ساره

ساره وقفت وماصدت صوبها
فهد : على الاقل هناك بيني انج مهتمه فيه او جامليني عشان محد يشك انج متضايجه مني او انج للاسف بعدج ما تبيني

ساره راحت من عنده

اما فهد فخذ المشط ورماه على الارض ويكلم نفسه وهو منقهر : شو اللي غيرج يا ساره شو اللي غيرج .. محلاتج وانتي في السفر شو صار فيج ..متى بتحسين فيه يا ساره متى بتبادليني الشعور متى ..



##############################

محمد وهو في غرفته سرحان يتذكر الريم ومستانس لانه شافها ..

محمد يكلم نفسه : انا لازم اكلم امي عشان تخطبلي الريم اخاف تروح عني لازم باسرع وقت

محمد راح عند امه وشافها تفطر

محمد راح باس فوق راس امه : صباح الخير يا احلى ام
الام : صباح النور
محمد : وين ابوي
الام: توه خلص فطوره وراح الصاله
محمد : اقول امايه ابي اقولج شي
ام محمد وهي ماسكه كوب الحليب : الله يعين .. صباح الله خير شو في راسك يا محمد
محمد يبتسم ابتسامه خبث: امايه الصراحه وباختصار ابي اتزوج
الام فتحت عيونها وهدت كوب الحليب: شووووووو
محمد : ليش مستغربه .. جي اول مره واحد يتزوج
الام : الحينه ياييني من صباح الله خير وتقول ابي اتزوج صدق انك متفيج
محمد : هي ياامايه مدام شيخه رفضتني خلاص خلا ادور غيرها
الام: زين بدور لك وحده ثانيه بس اصبر عليه
محمد : لاااااااااااااااا .. انا عندي وحده
الام عاقده حواجها : والله عيال اخر زمن ..
محمد : .. تذكرين قلت لج من زمان وحده اسمها الريم ابيها قلتي لا ..لاني حق شيخه وقلتي اذا شيخه ما تباك بتخطبيلي اللي اباها صح
الام : والله اني شاكه فيك
محمد يبلع ريجه : ليش
الام : اخاف انت مسوي خطه عشان شيخه ترفضك .. عشان تزوج الريم صح
محمد عرق من التوتر : ها .. لا لا منو قال
الام قامت من مكانها : هيه اكيد جذي مسويه .. ( تهدد بصبعها )) يا ويلك يا محمد لو طلعت مخطط ويا شيخه ولا ويا حد عشان ترفض شيخه وتاخذ الريم لو عرفت انك انت الا ماتبى شيخه بزعل عليك ..

محمد سكت ما قال شي ..فتح عيونه وسكت

الام راحت غرفتها

محمد بخاطره (( لا بلاه توهقت .. كنت ابي اكحلها عميتها .. اخاف تسال شيخه وشيخه تقولها واتوهق . بعدين مااخذ الريم .. يالله شو هالحاله ))


##########################


ساره بعد ما فطرت راحت واتلبست احلى ما عندها عشان العزيمه ..
اما فهد فلبس الكندوره والغتره والعقال ..
والاثنين الضيق والحزن بقلبهم
وردو على الجفاء والحزن ..

الجزء السابع والثلاثين



بعد ماساره تلبست وفهد بعد
علشان يروحون بيت ام خالد ..
وهم في السياره مع الريم طبعا ..
ساره ساكته ولا تعلق على شي .. اما فهد فهو منقهر من ساره ومن جفاها

الريم يالسه وراء وتشوف الاثنين وتقول في خاطرها(( الحينه هذيله اشكال معاريس يايين من شهر العسل ))

الريم تبى تغير الجو : هيه صح تذكرت فهد دكتوره ناديه اتصلت
فهد ابتسم وصد وراء : والله

ساره مستغربه ..

الريم : هي تسلم عليك وايد وتقول طمنها عليك ..
فهد : هي والله من زمان ما كلمتها
فهد يصد لساره : هاي دكتوره ناديه اللي كانت تعالجني من الطفوله وهي ( بحزن ) دكتوره نفسيه

ساره شافت فهد بنظره تعجب ..ساره بخاطرها (( يعني هو صدق من الطفوله عنده اكتئاب ومرض نفسي))

الريم تنغز ساره : وهي قالت خلا مرت فهد تخلي بالها على فهد .. لان فهد محتاج للرعايه والحب وبهالطريقه راح يتشافى بسرعه .

ساره كانها ما سمعت شي وهي عرفت بقصد الريم ..

بعد ما وصلو بيت ام خالد
الكل كان في الاستقبال واولهم ام ساره طبعا

وبعد ما دخلو وبعد ما سلمو
ساره قاعده على الغنفه وهي تعبانه

نوره : بلاج ساره احسج تعبانه اليوم
ساره : ماعرف بلايه احس بالضيج
نوره : افا في وحده يايه توها من شهر العسل وجذي حالتها .. مع انج ما شاء الله محلوه وايد
ساره تبتسم وتصد : تسلمين عيونج الاحلى
نوره : اول مره فهد وعبدالله ييلسوون مع بعض
ساره : هي صح هم في الميلس صح
نوره: هيه ..


عبدالله وفهد*

عبدالله : زين يا ريال شفناك
فهد : هي والله اسمع عنك بس ما اشوفك .. بالذات ابوك وايد يمدحونه الناس واكيد الولد مثل ابوه بيكون
عبدالله استانس : تسلم هذا من ذوقك وطيب اصلك
عبدالله : زين وانت وين تشتغل
فهد : والله انا تخصصي الهندسه
عبدالله : يا سلام يعني مهندس ماشاء الله ..
فهد : بس عندي بعد بزنس
عبدالله : لا لا غلبتني عيل
فهد : هههههههههههههه
عبدالله : تصدق سالفتي مثل سالفتك
فهد : ليش
عبدالله : انا ماخذ زوجتي عن طريق الصدفه والحب من اول نظره وانت بعد

فهد بخاطره (( محد مثلي انا .. انا مب بس احب ساره انا اعشق التراب اللي تمشي عليها )

فهد : هيه صح سبحان الله



في الصاله
هند : اقول ساره بقول شي بس لا تزعلين
ساره تصد : لا اكيد ما بزعل تفضلي
هند : الصراحه ريلج ماشاء الله احلو وايد صار احلى بالف مره من قبل
ساره صدت صوب ثاني : مشكوره
هند : اخاف تغارين
ساره : لا حبيبتي ما اغار ولا شي
هند فاتحه عيونها : والله لو ريلي جان قفلت عليه الباب ما خليته يطلع ماشاء الله عليه وسيم ما تخافين حد من البنات تخطفه منج
ساره تضحك باستهزاء : ههههههههه والله ياريت وحده تخطفه مني
هند بتعجب : صدق ترمسين ولا تتغشمرين
ساره ما تبى تبين انها مب مهتمه في فهد : لا لا اتغشمر .. بس الريال اذا هو بشخصيه ..ما ينخاف عليه حتى لو بين مليون وحده
هند : هيه والله فديت خطيبي
نوره بعصبيه صدت : الحينه شو ياب خطيبج بالسالفه حد قال انه غاوي
هند : غاوي بنظري .. وبعدين ماعرف فجاه تذكرته
نوره : وبعد شوهالرمسه شو بعد فديت خطيبي استحي على ويهج ما صار ريلج وانتي جي تتفدينه
هند : والله عادي انا ما تغزلت الا في خطيبي الا ان شاء الله بعد اسبوع بيكون ريلي لان ملجتنا جريبه
نوره تهز راسها يمين يساره : والله بنات اخر زمن
هند : اقول جني وايد معطتنكم سالفه خلا اروح غرفتي بكرامتي
نوره : والله زين تسوين ..ياريت من زمان رحتي
هند قامت وهي تشوف نوره بطرف عينها : صدق يوم تزوجتي استويتي دفشه
نوره تضحك : هههههههههه ..
نوره تصد لساره وتشوفها سرحانه : ها وين وصلتي استراليا ولا بلجيكا
ساره : هي والله ذكرتيني بلجيكا صدق كانت حلوه وشعبها طيبين
نوره : زين الحمد لله ابتسمتي
ساره : اقول نوره شو الاخبار ..اخاف حملتي وما قلتيلي
نوره تغيرت ملامحها حست بالحزن ونزلت راسها : لا
ساره : اسمحيلي حبيبتي مب قصدي ازعلج .. بس عادي ليش هالحزن انتو بعدكم ..
نوره : هيه وانا فحصت وقالو ما فيه شي
ساره : الحمد لله يعني تاخر طبيعي حمدي ربج ما فيج شي ..والله كريم حبيبتي
نوره : ان شاء الله ..تعرفين ان خالد يمكن يطلعونه اليوم
ساره استغربت : والله
نوره : هيه هو طلب سوى حشره في المستشفى الا يطلعونه وقالو احتمال اليوم ان شاء الله يطلعونه ..
ساره : بس هو بعده تعبان
نوره : هيه بس الدكتور قال بيطلع بس بشرط انه يرتاح وما يطلع من الغرفه ولا يتعب عمره
ساره : زين الحمد لله
نوره : ساره جاوبيني بصراحه انتي تحبين فهد ولا بعدج
ساره تتنهد : ااااااه ماعرف شو اقولج ..فهد تغيرت تصرفاتي وياه في شهر العسل لاني عرفت انه انسان رومانسي درجه اولى وغير عن جي انه طيب وعمره ما زعلني مع اني احيانا اتعمد اقسى عليه عشان يزعل مني بس بعد اييه يراضيني .. بس كحب لا .. انا يمكن استلطفه بس بعدني ما حبيته
نوره : غريبه بهالمواصفات اللي قلتيلي عنه لازم تحبينه .. تعرفين ليش ما حبيتيه .. يمكن لان هاجس خالد بعده يلاحقج ..لو شوي خالد يبتعد عنكم صدقيني بتحبينه
ساره : ماعرف ماعرف شو اقولج ..
نوره : عيل قومي خلا نيلس ويا امي وامج قبل ما يزعلون عنا
ساره : يالله


####################

في المستفشى

خالد حاط راسه وهو يالس بروحه

محمد ومعاه باقة ورد : السلام عليكم
خالد بابتسامه : وعليكم السلام هلا والله
محمد بعد ما حط الباقه سلم على خالد :شحالك يا الغالي
خالد : بخير مدام شفتك
محمد : شو يالس بروحك زين حظي حلو
خالد : هيه والله الاهل اكثر شي ايون المساء مب الحينه
محمد : زين زين ..شو اخبارك
خالد : الحمد لله احسن عن قبل
محمد : والله عليك حركات يا خالد .. يعني مثل المراهقين ماتاكل ولا تشرب
خالد : مب متعمد يا اخوي والله بس ماكنت اشتهي اكل
محمد : وليش ما رحت المستشفى من قبل يعني لازم تروح بعد اظن ساره
خالد بحزن : لاني قلت بنفسي ليش اعيش ولا اهتم بحياتي مدام حلم طفولتي ما بتكون ويايه
محمد : يا ريااااال انت بعدك .. خلاص الحرمه تزوجت ومب حلوه تلاحقها
خالد بعصبيه : والله مب مشكلتي اذا هي متزوجه ولا لاء..المهم اني ابيها
محمد : بس هي تزوجت وخلاص شو تباها تنفصل يعني
خالد : هيه .. اباها تنفصل
محمد: وانت يا خالد تتوقع ان فهد بيخليها هو زين منه انه خذاها .. يعني صعب يخليها .. خالد انت لو تتزوج صدقني بتنساها
خالد معصب: انت شو تقول مستحيل حرام اظلم وحده ثانيه وانا متاكد اني ما بقدر اعطيها لا الحب ولا شي
محمد : زين انت عط عمرك فرصه
خالد : لا لا انا ما ابي غيرها ..انت فاهمني صح .. لانك تحب الريم .. وتعرف اللي يحب صعب ينسى
محمد : اكيد فاهمنك ..بس الريم على الاقل مب متزوجه بس ساره؟؟
خالد : ساره ان شاء الله تنفصل عن فهد ونفتك منه
محمد : الصراحه عمري ما شفت واحد عنيد مثلك
خالد : مب مشكلتي مشكلة ( ياشر على قلبه ) مشكلة هالقلب اللي ما يقدر يحب غير ساره
خالد :المهم خلنا عن سالفتي شو اخبار الريم
محمد : اسكت اسكت طلعتلي سالفه يديده
خالد : افا والله شو استوى
محمد : امي شكت قالت اكيد انا وشيخه متفقين
خالد : ههههههههههههههههههههه
محمد يشوف خالد بطرف عينه : يمكن اعرف شو اللي يضحك
خالد : يحليلك كل ما تبى تحل مشكلتك تتطلعلك مشكله ثانيه
محمد : هيه والله .. الله يستر
خالد : تتوقع شيخه تقول حق امك
محمد: انا واثق بشيخه بس اخاف امي تغصبها
خالد : زين اتصل في شيخه وقلها خلا ما تقول حق امك
محمد : يا ريال استحي اتصل ..
خالد : لا تستحي ولا شي انت متصل فيها للضروره قبل ما خطتنا تفشل ونتوهق
محمد : هي والله .. اقول طلبتك
خالد : عطيتك ..قول حبيبي
محمد : يوم بتشوف ساره اسالها عن الريم شوف اذا هي في بالها حد ولا لا سمح الله مخطوبه
خالد: الحينه تسال الناس ..الناس يسألون قبل
محمد : ما ياه في بالي هالشي
خالد : خلاص ولا يهمك بو جاسم ان شاء الله
محمد : ايه انا ما احب اسم جاسم
خالد : والله شو اسوي لقب محمد هو بو جاسم
محمد : المهم لا تنسى
خالد : فالك طيب
محمد : والله يا خوفي تشوف ساره وتنسى كل شي
خالد يغمز لمحمد : والله يمكن .. حد يشوف حلم حياته ويتذكر الناس
محمد : صدق نذل هذا وانا موصنك
خالد : ههههههههه لا ان اشا ءالله ما بنسى بس خلني اشوفها بالاول ..

اشواق في فرنسا

فاطمه : اشواق اشواق
اشواق وهي يالسه وماسكه قلم فهد اللي معطنها ..
فاطمه : انتي هنيه وانا ادورج في الشقه كلها

اشواق متضايجه ..

فاطمه تشوف اشواق : بلاج
اشواق : ابي ارد دبي
فاطمه فاتحه عيونها : نحن ما كملنا في فرنسا اسبوع ..شو ميلتي
اشواق تشوف فاطمه : لا بس ( سكتت )
فاطمه يلست عندها : بس اشتقتي حق فهد صح
اشواق : هيه
فاطمه : ماعرف بلاهم هالبنات ما يحبون الا المتزوجين
اشواق : والله انا ما قلت اني ابي متزوج .. بس شو اسوي دخل خاطري وايد وشخصيته حلوه
فاطمه : وكيف عرفتي ان شاء الله
اشواق : رياييل هالايام ما يصدقون يشوفون وحده متكشخه وبالذات اذا هي عطتهم سالفه .. بس فهد طنشني يعني شخصيته غير عن باجي الشباب
فاطمه : يمكن لانه في شهر العسل عشان جي ما عطاج سالفه
اشواق : لا .. نحن كنا بروحنا مع هذا ما عطاني سالفه ..وحاسه ان بينهم مشاكل او ماخذين بعض عن غصب
فاطمه : ماشاء الله وهالنتايج عرفتيها من اليلسه الاولى
اشواق : من كلامه ..
فاطمه : اشوق اكرر لج الريال متزوج
اشواق : شوفي اذا عرفت ان مستانس بحياته وان حبهم متبادل بخليه بس اذا عرفت ان العكس ما بخليه
فاطمه : هذا بدل ما تصلحين الاوضاع
اشواق: انا مب مصلحه اجتماعيه ..وبعدين اللي مثل فهد الف وحده تتمناه
فاطمه : ولا مثل ساره برقتها وجمالها مليون واحد يتمناها
اشواق : خلاص لا تناقشينتي ان شاء الله اول ما ارد دبي بروح عندهم
فاطمه : وتعرفين العنوان
اشواق : لا بس عندي رقم ساره .. يعني مب صعبه اعرف العوان
فاطمه : الله يهديج زين قومي اتلبسي ترى اهالينا يتريونه برع بسرعه
اشواق : اوكي

(( اشواق يمكن لانها صغيره يعني عمرها يا دوب 18 .. ماتعرف الصح من الخطا وهي جريئه وايد واللي في بالها لازم تسويه ))

############################

ساره بعد ما تغدت

ساره تكلم امها : عيل انا بروح البيت
ام ساره : ليش
ساره : حاسه بالتعب
فهد دخل عليهم : يمكن ادخل
ام ساره : هي تفضل محد غريب
فهد : السلام عليكم
الكل : وعليكم السلام
ام ساره : اقول فهد ساره تبى تروح البيت
فهد : ليش بلاج ساره
ساره من غيرنفس : تعبانه شوي
ام ساره : بس ما يلسنا وياج
ساره : ان شاء الله امايه المساء بييكم بس شوي برتاح حاسه بدوخه
هند : اقول اخاف حامل ساره ..

ساره صدت صوب هند وشافتها بعصبيه

فهد يقول في نفسه ( خوش حمل بيستوي وكل واحد منا في غرفه .. ماعرف يمكن حمل يديد بسنه 2005)

نوره ترمس هند بصوت واطي: والله ما تستحين على ويهج سكتي فضحتينا
هند : والله ماقلت شي هذا تاثير الحمل
نوره : ليش الاخت مجربه
هند : لا بس اسمع بالمسلسلات جي يقولون
نوره : محد مخربنج غير هالمسلسلات
هند : يعني الحينه وحده متزوجه اكيد بتحمل شو قلت انا افففففففففف
ام ساره : خلاص يا ساره روحي ارتاحي وان شاء الله نشوفج الليل
ساره: انشاء الله امايه يالله عن اذنكم
فهد يدور يمين يسار : وين الريم
هند : الريم بغرفتي تقرى المجلات
نوره: خلاص عيل خلها هنيه ..تراكم بتردون صح
فهد : هيه ان شاء الله عيل يالله عن اذنكم
ام ساره : اذنك معاك .. مع السلامه
هند تكلم نوره : الله كلمته
نوره بعصبيه : استحي على ويهج هذا واونج مخطوبه
هند : اووووووووه صح نسيت خخخخخخخ
نوره : الحمد لله والشكر

###############################

فهد ويا ساره في السياره
فهد يصد يشوف ساره تعبانه : شوفيج حبيبتي
ساره من غير نفس : ما فيه شي مصدعه ابي ارتاح
فهد : تبين اوديج المستشفى
ساره : وليش المستشفى يعني اذا وحده مصدعه على طول المستشفى جي ما شي ادويه في البيت

فهد عصب ما قال شي ..لان ردت فعل ساره كانت مب حلوه

ساره دخل الغرفه وخذت ملابسها وبدلت في غرفة الملابس
فهد يالس على الكرسي الهزاز ويغني وساره تسمع :ما هي هالليله وبس .. وانت متغير علي ..صايرلك كم ليله وانته وانته بالك ماهو لي ..حاضر بقلبك وغايب ..وانا قلبي فيك ذايب .. ليه يا اغلى الحبايب .. انت سامع عني شي .. امممممم .. انت سامع عني شي ..

ساره وهي تسمع الاغنيه ادمت عيونها : (( لا يا فهد .. ما سامعه عنك شي بس رديت البلد وتذكرت طفولتي وتذكرت انك السبب بعذاب قلبين .. ))

طلعت ساره من الغرفه وهي لابسه بجامه تبى ترتاح ..

فهد : بتامين يا عمري
ساره : هيه
فهد : زين عيل بصك النور وبطلع عشان ترتاحين واذا تبين شي ترى انا في الصاله اوكي يا بعد هلي
ساره وهي تلحف عمرها باللحاف : اوكي

طلع فهد من الغرفه وصك الليت ..وهو بخاطره يقول (( رديتي يا ساره اقسى من قبل .. ان شاء الله اقدر اغيرج مع اني متعذب بجفاج اكثرعنج ))


############################

خالد رد من المستشفى

وكان مستانس لانه مشتاق لساره

خالد رد البيت والكل في استقباله

ام خالد وهي تحضن ولدها : الحمد لله على سلامتك يا خالد

نوره نورت البيت

هند : جي حد قالج ان خالد مصباح او ليت علشان ينور البيت
ام ساره : هههههههههه الله ياخذ بليسج يا هند ويا سوالفج
خالد ابتسم : هلا بام لسانين
هند ابتسمت وراحت باست اخوها : الحمد لله على السلامه
خالد : الله يسلمج اختي

خالد يصد يمين يسار يدور ساره ..

نوره راحت عند خالد وبصوت واطي: حبيبتك محد لا تحاتي بتيه بعد شويه
خالد استانس : فاهمتني يانوره
نوره : اكيد مب اخوي
خالد: وهي تعرف اني موجود
نوره : لا
خالد: اتصلي فيها وخبريها
نوره : اخاف ريلها يكون موجود
خالد معصب: خلا يولي .. ما يهمني يالله اختي اتصلي
نوره تاشر على عيونها : من عيوني اخويه كم خالد عندنا
خالد يبتسم : بس انا
نوره : ههههههههههههه

نوره اتصلت في ساره

وساره في سابع نومه .. بس من رنة موبايلها قامت

ساره بتعب : الو
نوره : يالله بسج رقاد قومي
ساره : ليش الساعه كم
نوره : الساعه 6 قومي
ساره: اف والله محد وعاني
نوره : تعالي شوفي في بيتنا منو موجود
ساره : منو
نوره : خالد
ساره حست بشعور غريب وبرقه : خالد
نوره : هيه ويسال عنج .. شو بتين
ساره : اكيد ..دقايق واتلبس
نوره : زين لا تتاخرين
ساره : اوكي

ساره اتلبست ولبست بدله حلوه بلون السماوي والكحلي وكانت حلوه عليها ..

فهد دخل الغرفه ولما دخل شاف ساره متلبسه : وين بتروحين
ساره وهي تدور على شنطتها : بيت خالتي بعد وين
فهد :ولا تقوليلي
ساره : عرفت انك بتيه
فهد : زين عيل يالله نروح
ساره وهي ماخذه شنطتها : يالله

(( فهد مايعرف بوجود خالد في البيت ))


خالد يكلم نوره : ها شو بتيه
نوره : هيه ان شاء الله جريب
خالد : الحمد لله
نوره : زين انت روح ارتاح بغرفتك .. لا تنسى الدكتور قال ان لازم ترتاح شو نسيت
خالد : لا ما نسيت بس مليت من الفراش انا بروح شوي الحديقه .. ترى الجو غاوي ..وبعدين برد الغرفه اوكي
نوره : تباني اييه وياك
خالد : لا ماله داعي بروح هناك شوي اغير جو
نوره : على هواك اخوي ..روح الحديقه وانا بجهز لك عصير وشي تاكله..
خالد باسها: مشكوووره يا اغلى اخت
نوره : مب تسمعك هند جان بتذبحك
خالد : هيه والله ترى عادي هاي طالعه سفاحه هالايام عادي تذبح
نوره : هههههههههههههههههه
خالد : يالله عيل انا بروح الحديقه
نوره : خلاص وانا بجهزلك العصير..

ساره وفهد بعد ما وصلو
ساره دخلت الصاله
اما فهد فراح الميلس مع ابو خالد ..

ساره شافت نوره ماسكه العصير: وين رايحه
نوره : زين ييتي تعالي ويايه
ساره : وين
نوره : الحديقه
ساره : ليش
نوره : ياكثر اسالتج .. عند بعض الناس
ساره : خالد
نوره تصد يمين يسار : سكتي اخاف حد يسمعنا وتستوي سالفه
ساره تطلع لسانها : وي نسيت عمري

ساره ونوره راحو الحديقه

اما خالد فيالس على الكرسي ومتامل بالورود والجو الغاوي

نوره : مرحبا
خالد يوم صد شاف ساره : ساره
ساره منزله راسها اونها مستحيه : الحمد لله على السلامه
خالد وقف بابتسامه : الله يسلمج
نوره : عيل هذا العصير ..

خالد غمز لنوره عشان تروح لانه يبى يقعد ويا ساره بروحهم ..نوره فهمت وراحت

ساره تمسك ايد نوره : وين بتروحين
نوره : ممممممم بروح اييبلج العصير
ساره : ما ابيه تعالي
نوره : بروح وبيه بسرعه

ساره تحاتي فهد يشوفهم بروحهم وبيسوي سالفه حقهم ..

خالد : تفضلي يلسي
ساره : لا انا مرتاحه جذي..مشكور
خالد وهو يتامل فيها : واخيرا شفتج ..

ساره ساكته ..

خالد : بلاج ليش هالحزن
ساره : مافيه شي ..صدقني
خالد : توقعتج نسيتيني ؟
ساره : لا والله مانسيتك
خالد : وشو الدليل
ساره في ايدها هديه خالد اللي اشترته من بلجيكا والهديه كانت الميداليه اللي على شكل الاحجار ..ساره فتحت ايدها : هذا الديل
خالد : شو
ساره : انا اشتريتلك ميداليه وهذا دليل اني ما نسيتك
خالد خذ الميداليه من ايد ساره : الله وايد حلوه تسلم ايدج
ساره : وايديك ..
خالد : لا برهنتيني انج تذكرتيني
ساره بضيج ..: هيه
خالد اتقرب من ساره اكثر: ساره انا ما اقدر بدونج ..ساره انتي كل دنيتي الله يخليج لا تتخلين عني

ساره ادمعت ..

خاالد : ساره انا احبج

ساره تمت تصيح

خالد : بلاج ساره

ساره : خالد نحن اللي نسويه غلط في غلط

خالد فتح عيونه : ليش
ساره : انا احس بتانيب الضمير يا خالد .. انا بهالطريقه اعتبر خاينه خاينه تعرف شو يعني خاينه
خالد : ليش انتي ما سويتي شي
ساره : لا سويت .. كلامنا ويا بعض وتغزلنا في بعض هاي اكبر خيانه ..
خالد بعصبيه : ليش انتي حبيتي فهد
ساره : حتى لو ما احبه .. بس انا اعتبر زوجه ..وحرام اللي اسويه حتى لو احبك انت .. بس هذا مب يعني اني اكلم غيره ..والله اني تعبانه

ساره يلست وهي تصيح

خالد : ساره ما في ايدنا شي .. اعرف انج متعذبه بس
ساره : شو الحل .. ما اقدر اعيش ويا انسان ما ابيه ولا اقدر اكون وياك لاني بهالطريقه اعتبر خاينه لزوجي
خالد : شو قصدج .. تبين تتخلين عني
ساره : انا ما قلت جي
خالد وقف من عالكرسي: ساره لا تنسين اني حبيتج 20 سنه اما فهد فمب اكثر عن سنه .. ولا تنسين ان حبنا من الطفوله تذكرين كنا ويا بعض في الروضه ودوم ايلس ويياج والكل كان يقول ساره وخالد لبعض .. حبيتج لين ما كبرتي وزاد حبي لج .. روحي غرفتي وشوفي كل موقف يصير لنا اكتب شوفي الورود اللي عطيتيني من زمان مجففه ومخليها عندي ذكره ..روحي غرفتي وشوفي صورج يوم كنتي صغيره لين الحينه عندي ساره انتي بدمي يا ساره انتي حلم طفولتي .. وانا مالي ذنب باللي يصير
ساره : ولا انا يا خالد .. ماعرف شو اسوي ماعرف شو الحل

***************

فهد طلع من الميلس وسال عن ساره

هند : ساره بالحديقه
فهد وين الحديقه

هند : اول ما تطلع من باب الصاله على طول روح يمين
فهد : مشكوووره اختي

راح فهد الحديقه

نوره يايه : تكلمين منو
هند : اكلم فهد الغاوي
نوره : ليش شو يباه
هند بخبث: يسال عن زوجته الحبيبه
نوره فتحت عيونها : شو قلتيله
هند : قلت له الصدق .. قلت ساره في الحديقه بس ما قلت ان خالد هناك
نوره بعصبيه : وليش قلتي ان ساره في الحديقه ..ماتعرفين ان الحينه بيشوف ساره ويا خالد ويمكن يسوي مشكله ونحن مب ناقصين
هند : بس انا ما قلت ان خالد في الحديقه
نوره بصريخ : يالغبيه اكيد بيعرف يعني اونج غطيتي عليهم .. ترى في الحديقه ساره ويا خالد
هند : عادي هم عيال خاله يعني ليش بيغار
نوره : هند بلا عبط لو عيال خاله مثل باجي الناس بنقول عادي بس لا تنسين ان خالد كان خطيب ساره وهالشي فهد ما نساه
هند : والله انا مالي خص
نوره : خلا اروح هناك
هند : انتي ليش تدخلين اتريي شويه واذا تاخرو روحي
نوره : الله يستر

الثامن والثلاثين



طلع فهد من الصاله للحديقه لانه يدور على ساره وهو مايعرف ان خالد ويا ساره ..

ساره بعد ما بينت لخالد بان اللي يسوونه غلط وهي يالسه على الكرسي وتمسح دموعها
خالد كان واقف ويلس على الكرسي اللي عند ساره

خالد: بس يا ساره ترى دموعج غاليه
ساره وهي تمسح دموعها : اسمحلي خالد ازعجتك مع انك لازم ترتاح لانك ياي من المستشفى
خالد: افا عليج يا ساره تعبج راحه عندي

ساره تشوف خالد وهي بخاطرها تقول (( قلبي وياك يا خالد بس اسمي مرتبط باسم فهد كزوجه شو الحل ))

وهني دش عليهم فهد
فهد قاعد يشوف من بعيد حد ويا ساره بس ماكان واضح لان خالد مب مبين من بعيد
ويوم تقرب اكثر شاف خالد
فهد اول ماشاف خالد فتح عيونه ومسك ايده بالقوووو وهو منقهر ونار الدنيا بقلبه ..ولا يشوفهم بروحهم بعد

فهد قرب عندهم وهو يشوفهم باحتقار : ماشاء الله عليج يا ساره انتي هني وانا ادورج

ساره اول ماشافت فهد على طول وقفت من الخوف ..اما خالد فيالس مرتاح لانه كان يتمنى ان فهد اييه عشان يقهره
خالد يشوف فهد من فوق لتحت وفهد بنفس النظرات ..

ساره وهي تبلع ريجها : خالد توه ياي من المستشفى وقلت لازم اسلم عليه ..
فهد يكلم ساره بكل جديه وعصبيه : يعني لازم تسلمين عليه بروحكم ..
سار ه : نوره كانت ويانا توها بس راحت اتيب شي واتيه ..
خالد وقف مكانه ويكلم فهد من غير نفس وبتكبر: وبعدين لا تنس يا حلو اني مب غريب يعني مب لازم تنقهر وتعصب ..
فهد : اكيد مب ناسي .. بس بعد لاتنسى اني زوجها وااللي اباه هو اللي لازم يتم وانا لازم يكون عندي كلمه امشيها ..
خالد : الله يخليك اي كلمه تمشيها .. وبعدين لاتنسى اني ولد خالتها واني كنت خطيبها (( ياشر بصبعه باستهزاء )) قبل ما تكون انت زوجها
فهد مربع ذراعه: كنت ولا ماكنت ..المهم انها صارت زوجتي الحينه ونحن نهتم بالمستقبل والحاضر مب بالماضي (( ياشر بصبعه بنفس طريقه خالد )) وانت خلك ويا الذكريات ترى هالشي الوحيد الباقي لك ..
ساره تشوفهم وبعصبيه : بس سكتو شوي
خالد يشوف ساره : لا لا عادي خلا يكمل (( يصد لفهد )) وبعدين حبيت اوضح لك واتمنى ما تكون ناسنه اذا هي جسديا واسميا زوجتك بس روحها وقلبها وياي انا اذا تقدر تدخل قلبها شوف اسم منو في قلبها اسمي ولا اسمك .. انا بس اللي في قلبها محد غيري ..
فهد عصب وقرب اكثر عنده : وانت شو دخلت بقلبها عشان تعرف وتتفلسف
خالد بكل هدوووء واستهزاء : ترى انا وهي قلب واحد يعني اعرف شو اللي بقلبها ..والدليل على اهتمامها وحبها .. انها يت بريووولها عندي عشان تسلم عليه وهذا دليل واضح ..
فهد عصب ومسك قميصه : انت انسان وقح وما تستحي على ويهك ..
خالد ماسك ايد فهد : عاد خلا الاحترام لك يا الاناني
ساره تحاول تبعدهم : الله يخليكم بس بس ..كافي كافي حرام عليكم عذبتوني

ساره وهي وسطهم تحاول تبعدهم ..حست ان الدنيا ظلمه ومسكت راسها وفجاه
طاحت على الارض واغمى عليها

فهد يوم شاف ساره هد خالد ومسك ساره من وراء رقبتها عشان يرفعها وبكل خوف : ساره حبيبتي بلاج بلاج
خالد واقف وعاقد حواجبه وخايف وقرب عشان يشوف ساره بلاها : ساره بلاج
فهد بايد الثانيه : انت روح بعيد مالك خص تتقرب منها سمعت
وهني نوره يايه ويوم شافت ساره طايحه ركضت وبصريخ : بلاها ساره
فهد وهو يشيل سار ه ..: نوره الله يخليج سويلي درب عندكم عشان اوديها في الغرفه بسرعه
نوره وعلامة الخوف بويها : اكيد يالله بسرعه

نوره ركضت ودخلت الصاله وهي متوتره
وفهد دخل وماسك بذراعه ساره وهي مغمي عليها
ام ساره وام خالد يوم شافو ساره وقفو مكانهم وعلى طول راحو عند ساره
اما هند فمرتاحه يالسه مكانها

ام ساره وهي تكلم فهد وشوي تبى تصيح : بلاها بنتي يا فهد شو استوى فيها
فهد : خالو مب وقته الحينه ودوني اي غرفه عشان اوديها
نوره فتحت الغرفه : تعالي هنيه يا فهد بسرعه
فهد راح الغرفه وحط ساره على الفراش .وهو يحرك ويه ساره : ساره حبيبتي ساره قومي

ساره ما تتحرك صاكه عيونها

ام ساره قربت من ساره : عقو الشيله عنها عشان تقدر تتنفس اكثر يمكن الشيله مضايقتها ..

فهد فتح الشيله ..وشعر ساره السايح على الوساده ..

فهد : بسرعه ييبو ماي

هند دخلت ..

ونوره راحت اتيب الماي : هاك فهد الماي

فهد بهدوء يصب شوي من الماي على ويه ساره عشان تقوم ..صب مره ومرتين لين ما قامت

ساره تكح وهي تمسك راسها : اه يا راسي ( فتحت شوي عيونها )) شو استوى فيه
ام ساره واقفه : الحمد لله على سلامتج يا بنتي
ام خالد : ما فيج شي .. بس اغمى عليج

ساره تذكرت الضرابه وشافت فهد يالس عندها والتوتر واضح عليه

فهد : ها ساره شحالج الحينه
ساره صدت صوب ثاني: انت تسال عن حالي ..

فهد عرف ان ساره متضايجه لانهم السبب باللي يصير

ام ساره : ها يا بنتي شو تحسين
ساره بتعب : الحمد لله زينه

هند طلعت وتشوف خالد يمشي يمين يسار كانه في غرفة العمليات

هند طلعت ..

خالد بتوتر : ها بشري شحال ساره قامت
هند تضحك : ههههههههه الله عليكم سوالف انتو الشباب
خالد معصب : الحينه هذا وقته تضحكين سالتج شو اخبار ساره
هند : توها قامت ومافيها شي .. كافي ان ريلها عندها لاصق فيها

خالد راح عند الغرفه ..

هند : وين بترووح
خالد يصد صوب هند : بروح اطمن عليها
هند : اقولك ريلها داخل ز
خالد: خلا يولي

خالد وهو يبى يدخل الغرفه
فهد كان يبى يطلع
اول ما طلع فهد شاف خالد ياي الغرفه

فهد باحتقار : على وين حبيبي
خالد : ابي اطمن على بنت خالتي
فهد خلا ايده على الباب عشان يمنعه : ما تقدر اولا لاني امنع هالشي ثانيا ساره ما لابسه شيلتها يعني عيب تدخل اعتقد لو فيك ذرة احترام جان ما بتدخل
خالد يشوفه باحتقار : انا ما بدخل بس مب عشانك .. لانها ما لابسه شيلتها ..

خالد راح غرفته
اما فهد فكان يدور على خدامه ..

هند بدلع : خير يا فهد شو تبى
فهد : اقول اختي لو سمحتي يمكن تقولين حق خدامتكم اتييب عصير حق ساره عشان تتنشط

هند في خاطرها (( مب حب هذا يا حظج ياساره )) ان شاء الله من عيوني
فهد بابتسامه : تسلمين اختي

فهد دخل مره ثانيه الغرفه وهو يشوف التعب على ساره ..

ام ساره: اقول خلا نتصل في الدكتوره عشان اتيه ونطمن عليها اكثر
ساره بتعب : ما فيه شي امايه بس شوي تعبانه
ام ساره : هالتعب من اول ما رديتي من السفر وويهج شوفي كيف مصفر
فهد : صح لازم نطمن عليج اكثر

ساره ماقالت شي

نوره : عيل انا بتصل في الدكتوره مريم اوكي
ام ساره : يكون احسن والله

فهد يالس عند ساره وهو خايف عليها

ويت الدكتوره تفحص سار ه

فهد : ها دكتوره شو تعاني ساره
الدكتوره : ضغطها شوي نازل وهي تحتاج للراااحه وبدون زعل يمكن لانها متضايجه او واي تفكر بشي يضايجها
فهد بخاطره :انا السبب والله ياريت ما تضاربت ويا خالد ..فديت عمرج يا ساره فيه ولا فيج

بعد ماراحت الدكتوره ..

ام ساره: اقول فهد ..يمكن تخلي ساره تنام هنيه اليوم
فهد فتح عيونه : ليش عمتي ..
ام ساره : عشان ترتاح واشوفها واطمن عليها
فهد : تقدرين اتيين بيتنا وتنامين هناك ترى عندنا وايد غرف زياده
ام ساره : ما عليه يا ولدي يمكن مب متعوده .. خلها على الاقل يوم واحد
فهد بخاطره ما يباه لان خالد بيتقرب اكثر بس لانه ما يبى يرد عمته اللي هي ام ساره : خلاص ولا يهمج بخليها تنام وترتاح ..

نوره استانست وااايد ..

اما ساره فهي بعالم ثاني ولاتعرف شو السالفه كله سرحانه ومتضايجه ..

فهد : عيل عن اذنكم بروح وان شاء الله بييه وبطمن عليها ..
ام خالد : حياك الله يا ولدي باي وقت
فهد : الله يحييج ..مشكوره ما قصرتي

طلع فهد وهو متضايج لانه حبيبته تعبانه ومنقهر لان خالد بيكون موجود هناك ..

خالد في الغرفه منقر

دخلت هند عليه وهي مستانسه بدون ما تدق الباب

هند بخبالها : عندي لك خبر حلو
خالد بعصبيه : مره ثانيه يوم بدشين دقي الباب
هند : والله انك متفيج انت ..اقولك عندي خبر حلو .. ساره بتنام بيتنا ليوم واحد
خالد فتح عيونه والابتسامه بشفاته : حلفي والله
هند : شوي شوي على حلجك لا ينطر
خالد : اول مره اتيبين خبر حلو دومج بومه اخبارج شينه
هند : هذا يزايه الحينه .. وبعدين اكيد خبر حلو مثل ويهي
خال بابتسامه : لا الخبر احلى من ويهج بمليوووون مره
هند عصبت: والله اني غلطانه يايه ابشرك .. اطلع بكرامتي وايد احسن
خالد يضحك: يكون احسن..اقول هند
هند تشوفه من طرف عينها : نعم
خالد : ساره الحينه بخير
هند : هيه احسن شوي والدكتوره امرت بالراحه سمعت يعني لا تلعوزها
خالد: جلبي ويهج .. الحينه انا بلعوزها
هند : بعد اذا رحت عندها بيستوي الفلم الهندي بس ماعرف منو البطل انت ولا فهد
خالد يمسك المخده ويفر على ويها : انا البطل وتعرفين منو الحراميه انتي
هند وهي تمسك المخده : تخسي انا الحراميه انزين
خالد : خلاص اخت الحرامي
هند تضحك : هههههههههههههه يعني اختك انت ..لانك انت الحرامي
خالد : هندووووه

هند تضحك وتطلع من الغرفه ..

خالد وهو مبتسم : الله ساره بتنام بيتنا مثل ايام الطفوووله ..


ساره وهي متضايجه ..

ام ساره : يالله انا بطلع عشان ترتاحين ..
ساره بتعب : امايه زقري الله يخليج نوره اباها
ام ساره : من عيوني حبيبتي
نوره دخلت : هلا ساره
ساره : تعالي نوره شوي ابي اقولج شي.
نوره يلست عند ساره : خير حبيبتي شو فيج ليش هالحزن

ساره وهي تصيح

نوره: لا ليش هالدموع بلاج ساره
ساره ودموعها اربع اربع : انا تعبانه يا نوره بس المشكله محد حاس فيه ..
نوره : بشوو حبيبتي
ساره : ماعرف شو اسوي حاسه بالضيج .. انا زوجة انسان ما اكن له اي حب .. وقلبي مع خالد وحب خالد اللي هو مب زوجي ..واعرف انا اللي اسويه غلط لانه حرام مجرد التفكير بانسان ثاني وانا على ذمة فهد ..

نوره: اكيد صح
ساره : بس شو بايدي :: اعيش مع انسان ما احبه وهناك خالد متعذب عشاني . وانا عارفه ان فهد مستحيل يتنازل عني . ولا افكر في انسان ثاني مع العلم بمع ان اللي اسويه غلط ..ماعرف شو اسوي .والله تعبت من التفكير

نوره : المشكله لازم حد من الاثنين يتنازلون .. فهد يقدر يتازل عنج وبهالطريقه هو بيعيش ويا انسانه ثانيه وانتي ويا خالد .. وخالد يقدر ينساج ويتزوج وحده ثانيه وانتي تكونين لفهد وبهالطريقه اذا انتي عرفتي انج مب السبب بعذاب حد تقدرين تحبين فهد ..بس لانج تفكرين في خالد وبعذابه فعشان جي ما تعطين عمرج الفرصه بحبج لفهد

ساره : المشكله صعب على الاثنين يتنازلون
نوره تهز راسها : صح هالاثنين كل واحد اعند من الثاني

ساره: وذا انا اتنازلت بعد بكون سبب بعذاب واحد منهم .. يعني اذا ودرت فهد راح يتعذب فهد ..واذا قلت حق خالد اني ما ابيه هو بعد بيتعذب ..
نوره : بس انتي بدون ما تدرين تعذبين الاثنين
ساره بتعجب: انا ؟؟ ليش
نوره : هيه اول شي فهد صح انج زوجته بس اللي اشوفه انج ماتعاملينه كزوج ويمكن هو متعذب من الداخل بس ما يبى يطلع .. واصعب على الشخص يوم يحس ان الحب من طرف واحد وانج ما تكنين له اي حب ..

ساره : والله هو يعرف ان الحب من زمان من طرف واحد بس هو اصر انه ياخذني

نوره: ترى هو يحبج ما يقدر يتنازل عنج وهو رضى بكل شي وهذا دليل انه صدق يحبج عيل في ريال بهالدنيا يرضى بحب من طرف واحد ..
ساره ماسكه راسها : اااااااااااااااااااااه يا نوره ماعرف شو اسوي
نوره : صدق قصتج صعبه وايد ..المشكله لازم حد من الاثنين يتازل عشان ترتاحين

ساره تصيح لانها حاسه بالهم والضيج

نوره تحضن ساره : ما عليه حبيبتي هونيها وتهون ان شاء الله ..
ساره : والله مليت يا نوره وانا اشوف اني السبب بمشاكل فهد وخالد وبسبتي اشوفهم متعذبين بالذات خالد لانه هو يترياني من زمان ..
نوره : ما عليه حبيبتي الله كريم محد يعرف شو اللي بيصير بعدين .. بس ان شاء الله ما بصير الا الخير ..


#################################

هند وهي بغرفتها اتصلت في سالم

سالم ويا ربعه في السياره ..والربع معلين صوت الاغاني ويضحكون ..

سالم يوم شاف رقم هند ياشر على ربعه : سكتو سكتو
هند بدلع : الو
سالم : هلا بعمري هلا وينج من زمان

الشباب يسمعون سالم ويضحكون بصوت خفيف يعني استهزاء

هند وهي تلعب بشعرها : والله شو اسوي مشاغل الدنيا
سالم : شو ان شاء الله بعد يومين ملجتنا رسمي صح
هند اونها استحت : هيه ان شاء الله وعرفت شو بيصير
سالم : ليش
هند : كنا نبى نسوي حفله عوده بس قالو ما يحتاي لان عرسنا ان شاء الله بيكون جريب يعني بعد شهرين
سالم : اها يعني بس كتب كتاب
هند : هيه بس بيناتنا يعني ..
سالم يطلع لسانه استهزاء : ماتعرفين كيف اتريه هاليوم .. اللي اشوفج فيه
هند منزله راسها وتتدلع : وانا بعد كافي اني ضحيت بكل شي عشانك
سالم : وانا بعد مضحي بكل شي عشانج لاني اخترتج من بيبن كل البنات
هند: يعني نفس الشعوور
سالم : اكيد
هند سمعت حد ياي : اوكي الحينه بخليك كانه حد ياي
سالم: اوكي حبيبتي بحفظ الله
هند : مع السلامه

بعد ما صك سالم التلفون من عند هند

حد من ربعه : شو هاي الحبيبه 20 ولا 30
والكل : هههههههههههههههههههههههههه
سالم : لا هاي خطيبتي يالحلوين
احد من ربعه: الحينه صدق انت خاطب وبتملج
سالم : هيه ليش لا
احد من ربعه : افا يعني بتودر هالبنات المزيونات
سالم : منو قال هي بتكون زوجتي والباجي حبايبي
الكل : هههههههههههههههههههههههههههه

**(( للاسف ما يعرف سالم ان بس الشخص يوم يغازل الاثم يكون كبير فماباله يوم يكون متزوج ويخون زوجته كيف راح يكون عقابه ..))

بس مثل مانعرف حديث النبي كما تدين تدان

التاسع والثلاثين



بعد ما هند صكت من سالم وهي مستانسه وتحلم ايي هاليوم اللي تزوج فيه سالم

ساره في الغرفه في بيتكم خالد بعد ما طلع فهد

خالد طلع من غرفته وشاف نوره بالصاله تكلم عبدالله ريلها

خالد وهو اقف: اقول نوره
نوره : هلا اخوي
خالد : تكلمين منو
وره : اكلم عبدالله ريلي اتصلت فيه عشان اييه ياخذني البيت
خالد: ليش بتروحين
نوره : من زمان انا هنيه
خالد : مممممممممم زين ابي اطلب منج طلب
نوره تبتسم : اطلب اللي تياه يا خالد
خالد : ابيج اتين ويايه عند ساره
نوره عاقده حواجبها : خالد انت ما تيوز.. البنت اغمى عليها وتعبت بسبتكم
خالد : عشان جذي ابي ادخل واشوفها ابي اتاسف لها على اللي صار
نوره : يمكن البنت نايمه
خالد يلس عند نوره : نووووره بليز بعدين اذا رحتي صعب ادخل عندها لان محد بيييه ويايه ..ولا تبين ارووح بروحي
نوره : لا شو اولا حرام لانها خلوه يا شاااطر وبعدين مب حلوه اذا امها شافتك ..
خالد : عيل كيف في الحديقه خليتيني وياها بروحنا بعد
نوره : في الحديقه غير الكل يمر ويشوووف بعدين الخدامه كانت تسقي الزرع
خالد : ماشاء الله ما تفوتين شي
نوره : عيل تبى تقص عليه يا اللوتي
خالد يضحك : ههههههههههه زين يالله بسرعه نروح عندها قبل ما عبدالله اييه
نوره : شو نقول بعد .. حاضر يا خالد يالله نرووح

خالد مستانس واااايد لان ساره مب بس حلم طفولته ساره كل شي بالنسباله ..

اول شي نوره دخلت على ساره
ساره متسانده على الوساده بس مب نايمه ..

نوره : شو ساره نايمه
ساره : لا والله زين ييتي ملانه
نوره : انا بعد شويه عبدالله بيوديني
ساره والحزن بملامحها : والله ليش ؟ بعدين بمل بدونج
نوره يلست عند ساره على السرير : افا عليج الكل هنيه ..وبعدين شي واحد يبى يشووفج
ساره : منو
نوره : في حد غير خالد اللي معذبني
ساره تغيرت ملامحها : خالد .. لا ما فيه فهد اييه ويشوف وتصير لنا مشاكل .. زين ان فهد ما ذبحه ذيج المره لو انا ما اغمى عليه جان شفتي حد في المستشفى
نوره : هو ما بيتاخر بس دقايق ..
ساره : زين ييبي شيلتي عشان اغطي شعري
نوره راحت اتيب شيلة ساره : ها تفضلي
ساره : تسلمين
نوره : ها اخليه يدش
ساره : خليه
نوره راحت عند خالد عند الباب .وهي تاشر بايدها : تفضل
خالد يبتسم : تسلمين اختي ..
خالد قبل ما يدخل : احم احم
نوره تضحك : اونه عاد شوفو الادب
خالد يصد : نوروووه سكتي شوي
نوره : طاع الحرامي خذ اللي يباه واستوى ويايه دفش
خالد : هههههههههههه
ساره : تفضل يا خالد

خالد دخل وشاف ساره بملامحها البريئه والحلوه والتعب مبين عليها ..

خالد اونه مستحي من اللي صار ومنزل راسه : ساره شحالج
ساره برقه : بخير الحمد لله
خالد : اقول ساره اسمحيلي على اللي صار ترى كله بسبتي
ساره : لا يا خالد عادي هالشي متوقع انه يصير والحمد لله ما صار اكثر عن جذي
خالد رفع راسه : والله حدي متضايق يوم اغمى عليج بس بنفس الوقت مستانس

نوره تشوف اخوها مستغربه ..

ساره مستغربه :مستانس اني طحت
خالد وهو يبتسم بخبث: يعني مستانس لانج هنيه في بيتنا مثل ايام الطفوله يوم كنتي تنامين بيتنا
نوره تحرك راسها يمين يسار : والله ياي يغازلها

ساره استحت ويها احمر ...ونزلت راسها ..

خالد : المهم يا ساره انا اسف مره ثانيه على اللي صار
ساره : لا عادي يا خالد لا تتاسف

خالد يشوفها نظرات كلها حب وحزن بنفس الوقت لانها مب ملكه ..

نوره تضرب كتف خالد : ايه نزل عيونك فضحتنا ..البنت استحت
خالد : اوووه نسيت عمري
خالد : يالله عن اذنج يا ساره ..
ساره : اذنك معاك يا خالد

خالد طلع من عند ساره وهو مستانس وزعلان بنفس الوقت يوم شافها يتذكر ان ساره اتزوجت وهالشي اللي يخليه يتضايق اكثر..
بس اللي مستحيل يتازل عنه هو حب ساره ..

نوره : ما بغى يطلع
ساره : هههههههههه يحليله والله ياي يتاسف
نوره : ذبحني من متى وهو يبى يشوفج
ساره وهي تتنهد: اااااااااااه تذكرين يا نوره يوم خالد يوم يبى اي شي اييه ويخبرج عشان تقوليلي نفس الحينه تذكرت ايام قبل كانت ايام حلوه .. كان يعطيج الورد عشان تعطيني.. وكان يشوفني بالدريشه بالدس طبعا ويوم اشوفه يستحي ويخلي عمره كانه ما سوى شي
نوره : ههههههههههههههه عاد اخوي خبير بالعبط
ساره : هههههههههههههه والله ايام حلوه
نوره تحط ايدها على ايد ساره : ما ابي اشووف الحزن يا ساره ..
ساره والدمعه بعيونها: كل شي تغير يا نوره الاحلام اللي انا حلمتها راحت وطارت ولا كانه هالشي كان موجود عيل حد كان يتوقع اني وخالد ما نتزوج .. حتى الخدم يوم يشوفون نظرات الحب اللي بينا كان يضحكون ويقولون محد بياخذ ساره غير خالد ..( تاشر على قلبها ) رسمت احلامنا وحياتنا بقلبي قبل عقلي .. كل شي يا نوره راااااح ( ادمعت ))
نوره :لا يا ساره الله يخليج لا تصيحين
ساره وهي تمسح دموعها: سبحان الله مب كل شي نبيه يستوي .. انا ابيه وهو يباه بس رب العالمين اللي يبيه واللي قسمه هو اللي بيصير ..
نوره : ونعم بالله ..صح والله يا ساره وايد ناس نفس قصتج كانو يتوقعون انهم لبعض لكن بغفله كل شي تغير .. وماصار بينهم نصيب
ساره : سبحان االله
نوره وهي تشوف موبايلها يرن : زين عن اذنج حبيبتي بروح الحينه ترى عبدالله واقف برع يترياني
ساره : تسلمين يا نوره على كل شي ما قصرتي والله وقفتي ويايه مثل الاخت واكثر
نوره : نحن دوووم خوات يا الغاليه

ساره تبتسم ..

بعد ما نوره راحت ..
اتصل فهد بساره
ساره تشوف الموبايل وتفكر ترد ولا لاء اخر شي قال خلا ترد وتفتك .

ساره : الو
فهد : فديييييييييييتج والله الغرفه بدونج ظلمه تعودت عليج يا ساره
ساره : ساااكته
فهد : وينج يا ساره
ساره : وياك
فهد : شحالج يا عمري ان شاء الله بخير..
ساره من غير نفس: الحمد لله
فهد : يالله متى اييه الصبح عشان اشوفج ان شاء الله
ساره : ليش مستعيل لهالدرجه
فهد : لانه دنيتي بدووونج .. مالها اي اعتبار
ساره : فهد ابي انام يمكن تعبانه والله

فهد كان يبى يسالها ليش راحت الحديقه ويا خالد بس تذكر انها تعبانه واجل هالشي ليوم ثاني ..

فهد : خلاص يا بعد هلي بخليج لانج تعبانه وانا ما ارضى على تعب اغلى انسانه عندي

ساره ما تعلق على شي

فهد : ساره
ساره : نعم
فهد : انا مب بس احبج .. انا اعشق هواج ..
ساره ويها احمر صدق استحت حتى لو هي ما تحب فهد بس بعد استحت : فهد بلييييييييز
فهد : خلا ص ولا تزعلين بخليج الحينه تصبحين على خير
ساره : وانت من اهله .يالله باي

صكت ساره التلفون والتفكير والحزن ردلها

ساره : يالله.. فهد مستحيل يودرني مهما سويت شو اسوي اذا كنت ويا فهد خالد بيتعذب بسبتي ... شو اسوي ...

في اليوم الثاني

الصبح الكل يفطروون

اما ساره فكانت نايمه لانها مانامت الفليل من كثر التفكير

خالد وهو يشوف الكل يفطر ويصد يمين يسار

هند تضحك تعرف خالد شو يدور : اقول خلووود ترى ساره نايمه لا ادور على حد

خالد شاف هند نظره غضب ..

هند خافت ونزلت راسها

ام خالد : ايلس يا خالد افطر ويانا
خالد : ها ان شاءالله امايه
ام ساره : بروووح اشوف ساره ما قامت ..ما تهون عليه تفطر بروحها
خالد استانس : هيه والله حرام تفطر بروحها خلا اتيه ويانا
ام ساره : يالله عن اذنكم بشوفها
ام خالد تصد لخالد : خالد شو تبى بحرمه متزوجه عيب
خالد : ما قلت شي امايه وبعدين لو هي متزوجه تبقى بنت خالتي ..
هند : بس بنت خالتك ؟؟ علينا
خالد ماسك كوب الحليب: سكتي لا اصب عليج الحليب عسب تحترقين ..
هند : ويييييييييييي باسم الله عليه لا تنسى ( بدلع () باجر ملجتي ان شاء الله
خالد رافع ايدينه للسماء : الحمد لله يارب بنفتك من البومه
هند : والله انا البوووومه .. اصلا انا اللي بفتك منكم ومن حشرتك ..

وهني ساره وام ساره يو

خالد شاف ساره واستانس ..

ساره وهي لابسه الجلابيه الغاويه بلون التركوازي ..

ام خالد تاشر على الكرسي اللي عندها : تفضلي يا بنتي نورتي البيت
ساره بخجل : البيت منور باهلها يا خالتي
ساره : شو اخباركم عيال خالتي
خالد وهو يشوفها بكل حب : بخير الحمد لله وانتي شحالج شو صحتج ان شاء الله احسن
ساره وهي يالسه :الحمد لله ..
هند وهي تتحرطم بروحها : الحينه خالد شكله ما بينزل عيونه ..
ام خالد : هاتي كوبج ساره عشان اصب لج كوب الحليب ..
خالد : لا امايه الكوب عندي انا بصب لها

ساره مستحيه ما ترفع راسها ...

خالد وهو ماسك كوب الحليب : تفضلي بنت خالتي
ساره بخجل: تسلم
ام ساره : خذي الفطاير
ساره : لا ما اشتهي امايه ..بس بشرب كوب الحليب..
ام خالد : ليش كلي شي البارحه مول ما كلتي شي
ساره : لا والله ما ابي
هند : اقول ساره اخاف انتي حامل اشوف اول شي اغمى عليج وبعدين ما تشتهين اكل.. اكيد حامل

خالد تضايق وقام من مكانه ..

ام خالد : زين ما كلت شي ..
خالد وهو يشووف هند: بس شبعت ..

ساره بعد تضايقت وايد..

ام خالد تكلم هند : انتي ما تستحين على ويهج تسالين الحرمه جدام اخوج هالسوالف
هند : ليش انا شو قلت .. يعني الحمل الحينه عيب
ام خالد : انتي دوم ما سويتي شي .. زين الريال موجود ما تقدرين تسالين ساره بعدين
ساره بضيج : لا يا هند انا مب حامل وما افكر بالحمل ..

ساره بعد قامت من مكانها ..

هند : بلاهم هذيله ..

ساره راحت الغرفه ..

اما خالد وهو بغرفته يتحرك يمين يسار ومعصب ويكلم عمره : معقوله ساره حامل .. مستحيل هي قالت إنا ما بينهم شي.. ياربي اذا صدق حملت من هالنذل صعب انها تطلق منه .. صدق توهقت ..خلا اتصل فيها عشان اتاكد ( وهو ماسك موبايله )) لا فضيحه اسالها اذا هي حامل .. شو اسوي ..ما شي اللا اخلي نوره تسالها احسن شي عشان ارتاح

والعصـــــــــــر

نوره يت عند ساره تكلمها ولا هند تدخل عليهم

هند : اقول باجر محد بيي ملجتي صح
نوره : هيه بس ام ريلج واخته ونحن
هند : حسافه كنت ابي ملجتي تكون احلى ملجه

هند تنغز ساره لانها وايد تغار منها

ساره بابتسامه : يالله ان شاء الله بعرسج تسوين احلى عرس
هند بدلع : اكيد كافي وجودي انا العروس .. بخلي العالم كله يرمس عن عرسي وعن جمالي
نوره : ترى اللي يقول جذي اخر شي عرسه يطلع عادي ..
هند..: لا والله بس حلفي ..
ساره : يالله مبروك مقدما ياهند وعسى الله يهنيج
هند : الله يبارك فيج ..عاد تعرفين شو الحلو فيه
ساره : شووو
هند : ان زواجنا حب من طرفين وهالشي وايد حلو

هند تبى تقهر ساره لان ساره زواجها كان حب من طرف واحد

ساره فهمت قصدها وتضايقت

نوره : عاد مب ها الاهم .. الاهم ان الريال يحبج ويصونج ويحترمج .. لان اذا الريال حب وحده صدق عادي يخليها تحبه ..اما اذا الحرمه حبت بجنون والريال حبه عادي هني ينخاف منه .. لانه عادي يلعب عليها ااو من هالكلام .. بس نحن واثقين من فهد انه مستحيل يشووف غير ساره لانه يعشقها ..
هند : انا ما قصدت فهد اصلا ..وبعدين ليش منو قال ان سالم ما يحبني ..بعدج ما شفتي شي
نوره : ليش وانتي شو دراج ؟؟
هند خافت تتوهق : ها ووولا شي بس جذي اقول ..خلا اتصل في منى عشان اتيه ان شاء الله ملجتي باجر
نوره : هاي بتييه يعني لازم تزقرينها اففففففف
هند : والله المهم اني انا ابيها لانها ملجتي

هند راحت تتصل في منى علشان اتيه ملجتها ..

ساره : ليش ما تحبين منى
نوره : ماعرف سبحان الله في بعض الناس من اشكالهم تعرفين انهم مب زينين
ساره : بس حرام تحكمين على الاشكال احكمي بعد ماتعرفين البنت عدل
نوره : والله ياساره انا ما احكم بس على الظواهر بس اصلا منو مخلي هند عنيده ودلوعه غير منى والله يعين شو مخربتنها بعد لا لبسها مثل الناس ولا كلامها ماعرف ما ارتحالها واذا شفتيها اكيد بتقولين جذي..
ساره : يالله الاهم انها تحصل الانسان اللي يسعدها ..
نوره : اميييييييييين

وبعد شويه فهد دخل ويا الريم

فهد بالغتره والعقال ويايب وياه باقه عوووده حمراء ومعاها بطاقه صغيره ..

ام ساره : تفضل فهد
فهد : شو ساره واعيه
ام ساره : اكيد تعال ادخل
ام ساره : السموحه قاطعتكم
نوره : لا افا عليج خالو
ام ساره : ساره ريلج ياي
ساره : افففففففففف
ام ساره : سااااره مب حلوه جذي تسوين هذا ريلج
نوره : عيل انا بطلع
ساره : خليج ويايه
نوره : مب حلوه ريلج ياي بخليكم بروحكم واكيد الريم وياه بروح عندها

فهد دخل ومعاه الباقه : السلام عليكم
ساره وهي على السرير وفاتحه نص شعرها وباجي شعرها على جتفها : وعليكم السلام
فهد ماسك الباقه : تفضلي الورد يا احلى ورده وسلامات مره ثانيه ما تشوفين شر
ساره : الله يسلمك
فهد يلس عند ساره :ها يا عمري ان شاء الله احسن
ساره : الحمد لله
فهد : يالله اليوم تردين وتنورين بيتج
ساره : ليش انا اليوم بروح
فهد : اكيد .. بس يوم واحد وما قدرت انام الصراحه اتعودت يا ساره اتصبح في ويهج الحلو وبصوتج العذب

ساره ما قالت شي ..

الريم دخلت : مرحبا
ساره بابتسامه : هلا والله مراحب
الريم تحضن ساره : فديت مرت اخويه والله
فهد : ايه ذبحتيها شوي شوي عليها البنت تعبانه
الرمي : مالك خص بربيعتي
ساره : هههههههههههههه توني مرت اخوج
الريم : مرت اخويه واختي وربيعتي .
ساره : حبيبتي والله
فهد : اقول جنكم نسيتوني
الريم : وايد كنت وياها .. كافي في شهر العسل
فهد : الله واكبر وانا اقول منو حاسدنا غيرج
الريم : افا انا احسدكم ..والله فرحتي يوم اشوفكم مستانسين .. يالله نبى نستانس كافي حزن وغم

ساره تشوف الريم وتقول بخاطرها (( هي والله بالذات انتي يالريم تعذبتي وايد يحليلج لا ام ولا ابو ولا مرت عم مثل الناس ))

فهد : زين عيل انا بروح في الميلس عند الشباب
فهد وقف : تامريني على شي حبيبتي
ساره : لا
الريم : يا ويل حالي شوفي الحبيب
فهد يضرب الريم على راسها : انتي ما تسكتين
الريم : هههههههههههههه

فهد طلع من الغرفه

الريم : بعد شو اخبارج يا ساره . احس من زمان ما يلست وياج وسولفنا
ساره : هي والله ..يالله نعوضها بالايام اليايه ..


خالد طالع من غرفته

هند يايه صوب خالد بركيض: ووييي ما شفت اللي شفته
خالد يعدل الغتره : ليش شو مستوي يا ام الاخبار
هند : خالد ترى ما بقولك
خالد : المشكله اخبارج ما تسر دومها مثل ويهج زين قولي
هند : ما بقول
خالد : كيفج

خالد وهو مروح

هند : ولا بقول عشان اقهرك .. تعرف ان فهد ياي ويايب وياه باقة ورد كبيره حمراء وهو ويا ساره .. بس شوف الجمال ماشاء الله عليه يعق الطير من السماء
خالد شاف هند نغزه حقد : انا ما جذبت يوم قلت انج بومه ..

وبعد شوي خالد اتصل في نوره عشان تسال ساره اذا هي حامل بس خلا ما تقول ان خالد هو اللي مطرشنها ..

نوره وهي يالسه ويا ساره : اقول بقولج شي
ساره : ها قولي
نوره : ساره انتي حامل
ساره ويها تغير : ليش
نوره : بس سؤال قلت يمكن هالدوخه من الحمل
ساره : لا حبيبتي انا ما افكر بالحمل ابد .. واصلا ( كانت تبى تقول انها مانعه فهد انه يتقرب منها بس ما قالت )) واصلا ..؟
نوره : واصلا شو
ساره : ها وووولا شي ..بس ما افكر بالحمل ..
نوره : اهااااااا
ساره :سؤالج غريب
نوره : لا عادي بس جذي اسال .. زين قومي عشان نيلس في الصاله بس اذا تعبانه عادي
ساره : لا الحمد لله الحينه صحتي احسن
نوره : بس بالراحه لان الدكتوره موصيه عليج بالراحه
ساره : يالله بدلعوني
نوره : والله كافي دلع ريلج
ساره :يعني لازم تذكريني فيه
نوره : ساروووووه بتنضربين هذا ريلج
ساره : زين قبل المحاضرات يالله نرووح ..

واستوى المساء ..

وساره راحت بيتهم ويا فهد والريم

فهد مسوي مفاجاه لساره : تفضلي غرفتج

ساره شافت الليت مصكر وعلى الطاوله كلها شموووع وعلى الطاوله كيكه حمراء..
وفهد معطر الغرفه ومدخننها ..

ساره : شو هذا
فهد : شو رايج
ساره تحب الشموع وايد بس ما بينت هالشي جدام فهد : الصراحه كل شي حلو
فهد : انتي الاحلى
فهد مسك ايد ساره : يالله تفضلي يلسي وقطعي الكيكه
ساره يلست : زين شو المفاجاه
فهد: المفاجاه .. اني عرفت اني ما اقدر اعيش بدونج .. يوم واحد يا ساره وانتي بيت خالتج والله ماقدرت انام .. خلاص تعودت عليج وصرتي انتي دنيتي كلها ..وهالشموع تعبر عني
ساره استغربت : ليش
فهد : انفخي بالشموع
ساره نفخت وشافت الغرفه ما فيها نور : اميييي الغرفه ظلمه
فهد : شو تشوفين الحينه
ساره : والله ما اشوف غير غرفة ظلمه
فهد فتح ا لليت : هاي حياتي بدونج ظلمه مثل هالغرفه ( مسك ايدها )) وانتي النور اللي بحياتي وبقلبي ..ساره انتي كل شي بالنسبالي .. لا تفكرين في يوم انج تتخلين عني

ساره ما قدرت تقاوم هالرومانسيه ..ساره تحاول تسحب ايدها .. بس فهد ميود ايدها بالقوو
ساره صده صوب الثاني ومستحيه
فهد : ساره انتي بعدج مصره انج تجافيني

ساره صاده صوب ثاني .

فهد : بلاج يا ساره
ساره تشوف فهد : ماعرف ماعرف بلايه
فهد : انتي لين الحينه محتاره بين ماضيج وحاضرج ..وهالشي انا عارفه ومتاكد منه ..
ساره : فهد غير السالفه الله يخليك
فهد : من عيوني يا عيوني
فهد : يالله قطعي الكيكه
ساره : انت قطع الكيكه احسن
فهد قطع الكيكه : يمكن ااكلج
ساره : لا ما ابي
فهد : بس لقمه عشاني
ساره : لا يا فهد
فهد : ممممممممم عشان اغلى انسانه عندج اللي هي امج
ساره : عشان امي باكل بس لقمه
فهد : ولا يهمج .. بس كلي

فهد ماسك الشوكه وهو ياكل ساره ..
وساره مستحيه يحليلها ..

فهد : ساره قولي امين
ساره : ليش
فهد : قولي امين
ساره : امين
فهد : عساني ما انحرم منج
ساره تبى تقوم : يالله مب بسنا خلا انام باجر ملجة هند ان شاء الله
فهد : زين بس انا عندي هديه صغيره ما فتحتيها
ساره : بعد هديه
فهد راح ياب الهديه مغلفنها بطريقه حلوه وعلى الغلاف بعد شي وروود صغار : تفضلي

ساره تشوف فهد ..

فهد : فتحي يا عمري
ساره فتحت الهديه ولا تشوووف
ساعة شو بارد المرصعه كلها بالالماس

فهد : شو رايج بذوقي
ساره الصراحه تخبلت على الساعه لانها حلوه وعلى الموضه : حلوه
فهد : يعني ذوقي حلو
ساره بدلع : هيه تقدر تقول جذي
فهد : الحمد لله الهديه عيبتج ..يالله عاد باجر لبسيها مب مثل القلاده اللي مطنشتها
ساره بابتسامه : خلاص باجر بلبسها ان شاء الله
فهد : خلاص خلا اجهز فراشي مثل السيلانيات تحت عشان انام
ساره : ههههههههههههه
فهد : يالله حبيبتي تصبحبين على خير
ساره وهي تحط الهديه عند الشموع : وانته من اهله

فهد وهو مغطي عمره باللحاف

ساره وهي على السرير : فهد
فهد : هلا حبي
ساره : مشكووور على الهديه
فهد : العفو حبيبتي .. هذا شويه عليج

ساره تحاول تبتعد عن فهد بس برومانسيته وبرقته وبكلامه صعب تجافيه .

الجزء الاربعين


وبعد اللي صار بين فهد وساره وهدية فهد لساره والهديه كانت ساعه شوبارد ..

فهد كان مستانس لان ساره رجعت البيت اما ساره فماقدرت تقاوم رومانسيه فهد لان فهد كل يوم كلامه يصير احلى عن قبل وله اسلوب حلو ..

ساره قامت من الرقاد وهي تشيل اللحاف منها وتعبانه ويوم قامت تشووف الويه البريئ الغاوي..
فهد نايم على الارض وملحف عمره لين نص راسه .. ساره ابتسمت وراحت تبد ل ملابسها في غرفه الملابس ..
ساره طلعت وهي لابسه الجلابيه عشان تنزل تحت تفطر قومت فهد بصوت كلها رقه
ساره وهي متقربه من فهد : فهد فهد
فهد يفتح نص عيونه : مممممممم
فهد : يالله قوم بسرعه ترى الساعه الحينه 10 ونص الصبح ما شي وقت
فهد وهو يقوم ويحك شعر راسه االسايح وبابتسامه: صباح الخير يا احلى ملاك
ساره وهي واقفه : صباح النور..يالله قوم انا بنزل اوكي
فهد : خلاص يا عمري ان شاء الله الحينه بقوووم

ساره نزلت تحت في الصاله ..
وهي يالسه ويا الريم ..
اما فهد فراح يغسل ويهه ..
الريم تتريه اخوها على الفطور: ساره وينه فهد مب تاخر
ساره : والله قومته توني
الريم : عيل انا بروح اشوفه اوكي
ساره : اوكي
الريم راحت فوق عند فهد ..

الريم اول ما دخلت غرفة فهد وساره .. ماشافت فهد لانه كان في الحمام يغسل ويه ..بس استغربت وفتحت عيونها يوم شافت اللحاف .. استغربت ..
فهد نسى يدخل اللحاف في الكبت لانه ما توقع ان الريم اتييه بهالوقت
فهد وهو ماسك الفوطه ويمشي ويه شاف الريم وابتسم
فهد وهو مبتسم : هلا والله بالريمان
الريم عاقده حواجبها وتاشر على اللحاف : فهد يمكن تفهمني شو سبب وجود هاللحاف على الارض
فهد يبلع ريجه مايعرف شو يقول : ها مممممممم هذا لحافي انا انام عليه
الريم : وليش .. ( فتحت عيونها ) لا يكون يا فهد ساره اللي طلبت منك هالشي
فهد : لا لا منو قال .. بس لان ساره البارحه كانت تعبانه فانا قلت بخليها على راحتها وبعدين بيني وبينج ظهري البارحه وايد عورني عسب جي قلت بنام على الارض هاي هي السالفه

الريم : عمرك يا فهد من يوم كنت صغير مانمت على الارض
فهد : ادري .. بس البارحه ماعرف شو صارلي قلت بنام على الارض اريحلي ..بلاج يالريم تحققين ويايه ..
الريم بخاطرها ( مستحيل ان ساره تمنعه من حقوقه.. بس اتسويها ساره لانها ماتباه لا لا مستحيل اصلا فهد ما يوافق على هالشي .. )
فهد : يالله اختي ننزل تحت عند ساره حرام يالسه بروحها
الريم : يالله ننزل

الريم وفهد وهم نازلين تحت في الصاله عند ساره
ساره وهي تشوفهم نازلين : حشى وينكم من زمان اترياكم
فهد يبى يرمس قبل مالريم عشان خطتهم ما تفشل
فهد يلس عند ساره : الريم شافت اللحاف واستغربت ( فهد غمز لساره ) وقلت لها ان البارحه ظهري عورني عسب جي .. فاستغربت
ساره استحت نزلت راسها : هي صح البارحه اخوج ظهره عوره
الريم : الصراحه وايد استغربت
فهد : هالشي عادي يالريم وايد ناس جي..
الريم : يمكن
فهد : يالله نفطر بسرعه عشان تروحون عند هند ترى ملجتها اليوم ان شاء الله
الريم : هي صح سارووه شو بتلبسين
ساره : عندي بدل يديده حق المناسبات العاديه ..بلبس وحده منهن
الريم : والله ماعرف شو البس
ساره : افا عليج يالريم اذا تبين تلبسين اي لبس من ملابسي ترى ماعندي اي مانع
الريم تبتسم : مشكوووره حبيبتي ما تقصرين .. خليج ويا ملابسج كوني مميزه يالعروس ..
فهد : والله انتو اذا رمستو بسوالفكم هاي .. ما بتسكتون لين باجر .مره عن اللبس مره عن المكياج وعلى قولتكم ميك اب اونكم ادلعون المكياج بعد قولو سفن اب احسن من الميك اب
الريم وساره : هههههههههههههههههههههه
ساره : عاد وانت شدراك بهالسوالف
فهد " جي ما اسمعكم ..
الريم : عاد يا سوالفكم انتوالشباب . ..كله عن السيايير.. واخر الارقام السيايير ..والمباره
فهد : على الاقل اذا رمسنا نسكت بس انتو شو يسكتكم .. عاد الله لا يقول وحده اشترت من مكان تسوي دعايه انا اشتريت جذي ولبست جي ومكياجي كان جي .. وعاد نص رسمتها جذب
ساره : هههههههههههههههه لا عاد مب الكل
فهد : الاغلبيه الرمسه حش بالبنات ( فهد يقلدهم ) ويييي ما شفتي هالبنت شو لابسه وعععع ملابسها جديم ..والثانيه وييييي شوفي شعرها مب حلو .. عاد اذا حلوه

من الغيره يقولون العكس واذا صدق خسفه مسكينه يقطعونها زياده
الريم : بلاك فهد اليوم حاط عيلنا ليش البنات مب عايبينك ..
فهد يشوف ساره : فدييييييييييييييتهم .. بدون هالبنات جان ما شفت القمر اللي يالسه عندي ساره .. كافي اني بدوونها انا انسان بلا روووح
ساره استحت
الريم : عيل بسك لاتحط علينا ..
وعاد لا تخلني احط عليكم
فهد : بشووووووووو
الريم : الريال معاشه على قده يشتري bm وبورش وحالته حاله وهو ماعنده اصلا فلوس حق البتروول هذا كله عسب الكشخه ..
فهد : ماتعرفين ليش
الريم : ليش
فهد : لان البنات ما يقيمون الريال او البنات ما يحبون الريال الا بسيارته اذا شافو سيارته كشخه حتى لو هو خسف بعد بيلحقون وراه .. والله يسلمج بعد البنات اول ما يشوفون الريال يبون يعرفون اذا هو راقي يشوفون عزكم الله نعاله يشوفون من اي ماركه اذا شافو من فارس او انطونيو .او اي ماركات المعروفه . عاد يقولون بخاطرهم هالراااااقي ..وما يودروونه ..
الريم : ههههههههههههه بهالشي صدقت شي بنات اعرفهم من هالنوع
ساره : اقول شو اليوم فاتحين برنامج ضد الشباب والبناات
فهد : ههههههههههه لا يا عمري انا مب ضد المراه .. بس انا اقول البعض جذي
الريم : لا انا مب ضد الشباب انا اقول البعض جذي وترى هالشي من واقعنا
ساره : هههههههههههههههههههه بلاكم خفتو كل واحد غير رايه .. لا تخافون ما بخبر حد عليكم
فهد والريم : ههههههههههههههههه
ساره : يالله بسرعه نفطر عشان نطلع

ساره راحت تتلبس
ساره ( مسويه شعرها كله روولات وفير وحاطه مكياج سماوي ولابسه بدله راقيه على درجات الازرق .. وكانت حلوه ))
فهد يشوفها من فوق لتحت : يا سلااااام شو هالكشخه ماشا ءالله عليج طالعه مثل القمر لا لا حرام القمر اصلا ماخذ من حلاج
ساره استحت : تسلم
فهد : لا تنسين يا عمري ساعة الشوبادر ابي اشوفها على ايدج
ساره لبست الساعه ..
ساره : ها شو رايك
فهد : الساعه حلوه بس لانها على ايدج زادت حلاه ..
ساره : فهاااااااد
فهد :شو انا ما اقول غير الصراحه
ساره : زين يمكن نمشي الحينه عسب ما نتاخر
فهد : من عيوني

اما هند فهي يالسه تجهز حق ملجتها ..
وايد متوتره ....

................
محمد اتصل في خالد
خالد وهو توه قايم من النوم
محمد : هلا والله بخلوووووووود
خالد :هلا بو جاسم هلا بمحمد
محمد : جيف حالك عساك بخير
خالد : بخير الله يسلمك وانت شو اخبارك
محمد : بخير الحمد لله ..
خالد : ها شو وراك مدام متصل بهالوقت اكيد شي في خاطرك
محمد : ههههه فاهمني
خالد: اكيد فاهمنك ... تراك مثل الاخ ونحن فاهمين بعض
محمد : ممممممم اقول خالد قلت حق ساره تسال الريم اذا مخطوبه ولا لاء .. واذا هي تباني قبل ما اسير واخطبها واتفشل
خالد ماسك راسه :اووووووووه نسيت والله
محمد معصب: انا قلت انك بتنسى ..خالد عاد اوني معتمد عليك
خالد : شو اسوي يا ريال والله نسيت اول ما اشوفها ما اتذكر بوجودي
محمد : عاد خل عنك هالرمسه ..ابكي تكلمها دخيلك
خالد : خلاص ان شاء الله اذا شفتها اليوم بسالها ( يرفع ايدينه للسماء ) ويارب اشوفها ..
محمد : اكيد بتكلمها
خالد : لا خلاص اعتمد
محمد : بنشووووووووف .. ترى اتريه لا تنسى
خالد : خلاص ولا يهمك يا محمد .. ان شاء الله ما يصير الا الخير ..
محمد : تسلم يا خالد .. يالله عن اذنك ..
خالد : اذنك معاك حبيبي .. مع السلامه
محمد : مع السلامه

وفي المســـــاء في بيت خالد
واخيرا اليوم ملجة هند

هند وهي رافعه شوي شعرها لانه شعرها قصير يعني شعرها لين كتفها .. وحاطه مكياج بدرجات البني والذهبي وكان حلو وبسيط .. ولابسه تنوره شيفون ساده بس التنوره فيها قصات والقميص مطرز بالكرستال البسيط وكان وايد حلو ورقيق هند ملامحها حنطاويه وحليوه عكس ساره نوره لانهم بيض ..وهي بالنسبه لجمال نوره وساره طبعا تطلع اقل منهم بالجمال بس هذا ما يعني انها مب حلوه .. هند ملامحها مبين فيها الطفوله .. بس مشكلتها انها شايفه عمرها وايد

هند : ها شو رايكم فيه
ساره ( مسويه شعرها كله روولات وفير وحاطه مكياج سماوي ولابسه بدله راقيه على درجات الازرق .. وكانت حلوه ))
ساره : ماشاء الله عليج يا هند مستويه حلوه اليوم
هند وهي تشوف عمرها بالمنظره : صدق انا حلوه ..مع انج ما يبتي شي يديد
نوره (لابسه مغربي بس وااااااااايد لبسها راقي وحلو)
نوره : هند بسج دلع ..
هند : بلاج اسولف
ساره : وينه سالم متى بيي
هند : ماعرف والله ..وي استحي
نوره : والله ياريت انتي تستحين ..ما يلقيق
هند تشوف نوره باحتقار : نوروووه عاد وايد متفجيه تخربين مزاجي بيوم ملجتي
ساره : نوره حرام عليج خليها مستانسه ..
ساره وهي تحضن هند : مبرووووك يا هند والله تستاهلين كل خير
هند : الله يبارك فيج
نوره تحب اختها : مبروووك يالشيطانه ..
هند : الله يبارك فيج ياللي تحبين تلعوزيني
الريم : الله يهنيج يا هند
هند بدلع ..
نوره : زين نزلي ترت ام ريلج واخته الصغيره تحت وغير خالة الولد
هند : يعني زحمه تحت
نوره : لا مب وايد ..

ملجة هند كانت عاديه بس حلوه محد غير اهل سالم القراب واهلها القراب وحطو المسجل وسفكو وهند كانت مستانسه .. وهني سالم ياي وكان يبى يدخل
فالكل تغطى ...
سالم دخل ومعاه طقم الماس بسيط مع دبله غاويه
ويوم دخل هند كانت ترتجف صدق كانت متوتره ..
نوره : ههههههههههههههههه ..ساره الله يخليج شوفي شكل هند وهي ترتجف
ساره : هههههههههه يحليلها والله
سالم في البدايه ماعرف يلبس هند القلاده ..يحليله شو دراه بسوالف البنات .. يت امه وساعدته ..
سالم واقف عند هند ويقولها بصوت واطي : مبروووك عليج
هند بدلع : الله يباركي فيك وانت بعد مبرووك

الريم : ها شو رايكم في ريلها
نوره : الصراحه هو لا غااااااااااوي ولا خسف يعني مول مب حلو .يعني شوي حلو ..بس الصراحه ريلي عبدالله احلى منه بوااااااااااااااايد
الريم : يالله على طول مدحت ريلها ( تصد لساره ) وانتي ما مدحتي فهد
ساره ماعرفت شو تقول : ما يحتاي يالريم ..
نوره : قصدها الكل يعرف ان فهد جماله غير ماشاء الله عليه
الريم : اها اذا جي تقصد عيل كلامها صح
ساره تبتسم : عقبالج يالريم ..يارب جريب نفرح فيج
الريم استحت : اييييييييييه عاد لا تقولين جذي ترى استحي
نوره : يا ويليييييي علىالخجوله


وبعد ملجة هند .. سالم طبعا طلب رقم هند من الام .. عشان يكلمها وهم مايعرفون انهم يكلمون بعض من زماااان ..

وساره والريم ونوره واقفين في الصه يبون يطلعون .. الريم : بسير اشوف اذا فهد ياي ولا لاء
خالد ياي من برع وعرف ان ساره هني اتصل في نوره عشان يشوف ساره
نوره : ساره خالد يبى يشوفج
ساره : شو تخبلتي ..
نوره : والله يبا يقولج شي ضروري
ساره : لا مب حلونه ..تخيلي الريم تشوف ..ما فيه على المشاكل .. وبعدين انا حاطه وايد مكياج ..
نوره : تغشي اذا تبين الهم من بعيد بيكلمج بسرععه ..
ساره : بشرط تكونين ويايه
نوره :اوكي

ساره ونره راحو عند خالد وهو واقف عند الدري ..
خالد يشوف ساره يايه بس كانت متغشيه ..
خالد يوم شافها يايه حس باحساس غريب وحلو كافي انه شاف حبيبته اللي راحت منه ..
خالد شحالج ساره
ساره منزله راسها : بخير الحمد لله
خالد : مابطول انا اعرف انج متوتر ه
ساره : الصراحه هي وايد ..
نوره : بسرعه يا خالد ترى الريم بيته
خالد : زين سمعي يا ساره ابيج تسالين الريم اذا هي مخطوبه ولا لاء
ساره استغربت : ليش
خالد : بس ابي اعرف
ساره خافت ان خالد يفكر في الريم حتى لو هي متزوجه بس توترت وايد يوم توقعت هالشي ..
خالد : ها شو
ساره : الريم مب مخطوبه لانها لو مخطوبه اكيد بتقولي يش ماقلتلي ليش
خالد : شوفي ربيعي محمد يباها ويبى يعرف رايها قبل ما اييه يمكن البنت ما تباه والريال ما يبى يتفشل اوكي
ساره : محمد ربيعك اللي دومه وياك صح
خالد : هيه
ساره : والله ما بتحصل شراته
نوره : والله محمد ..الصراحه محمد من الصغر ويانا ..مااش ءالله عليه فنااااااااان ..
خالد : سكتي لا يسمعج عبدالله ويذبحج
نوره :ههههههههههه ما قلت شي ..
خالد بغروور : وبعدين اكيد بيكون فنان ..احم احم اكيد بيكون فنان ترى هو ربيعي ويتمشى ويايه يعني اكيد بيكون مثلي ..

ساره : ابتسمت وفي خاطرها ( اكيد يا خالد .. انت انسان فنان ..كافي انك لين الحينه متمسك فيه مع اني متزوجه ومافكرت تزوج غيري وهذا دليل حبك الكبير لي )
خالد : المهم ابيج تسالينها اوكي .. بس مب ( بحقد ) مب فهد يعرف .. خلا اول شي راي البنت وبعدين فهد
ساره ولا يهمك ان شاء الله
خالد بابتسامه : مشكووووره يا ساره
ساره : افا عليك يا خالد ما سويت شي ..
نوره : يالله بسرعه ترى الريم يايه
خالد وعيونه على ساره : يالله مع السلامه يا ساره
ساره بخجل : مع السلامه


راحت ساره البيت وهي مستانسه وايد لان محمد يفكر بالريم .ز لان محمد ممن الصغر والكل يمدح باخلاقه وشخصيته الحلوه والمرحه