مخ عربجي ., كامله

في بيت أم نواف
غزل وهي تتفرج Tv : يمه متى رايحين
ام نواف وهي تشرب قهوه : خلي نواف يقوم بعدها يحلها ألف حلال
غزل وهي تعدل جلستها : يمه وانا وش علي بنوافوه بروح مع تاره
ام نواف بحزم : مافي روحه الا لمن يقوم أخوك
غزل لوت البوز
إلتفتت ام نواف على الصراخ اللي تسمعه قالت بأستغراب : روحي شوفي وش صاير
غزل نقزت وراحت ركض تشوف وش صاير
مرت من جنب الصاله شافت نوري تصارخ بحماس وهي حاظنه أبوها اللي رجع من السفر
غزل تفرك عيونها بهبل : أنا في حلم ولا علم أبو نواف بشحمه ولحمه
ضحك أبو نواف : يعني مابتسلمين
ركضت غزل وحظنته وهي تقول بشوووق : فديتتتتتتتتتتتتتتتتتتتتك وحشتني مووت
إبتسم ابو نواف : وانتي أكثر
بعدت عنه غزل وهي تغمزله : أكيد وحشتك حبيبة القلب أم نواف
ضحك أبوها من قلب وهو يضربها على راسها على خفيف
سحبته غزل بعد ما دفت نوري اللي لاصقه بأبوها
على الصاله
أول مادخلوا
أم نواف كانت واقفه بتشوف وش فيهم يصاارخون أول ماشافته واقف مع غزل و النوري
فتحت عيونها على وسعهم وعلى طوول جلست كانت بتصح بس مافي دموع وكانت بتزغرط بس من الفرحه ماقدرت تسوي شي
ضحكوا كلهم عليها
إنحرجت و بعدها قامت وسلمت عليه
وجلسوا
وبدء السؤال عن الحال و عن الدراسه ........... الخ

<><><><><><><><><><><><><><><><><><><><><><><><>

بيت أبو محمد
بدر جالس بالصاله مع فهد و الريم
كان فهد يلعب بلايستيشن
و أم محمد بالمطبخ و أبو محمد بالشركه
في الصاله
ريموه بصدمه : قول قسسسسسسسسسم بتسافر
فهد وهو يلعب إبتسم : والله بكرا إنشاءالله بروح الشرقيه مع زياد وتركي
بدر لف البوز : وليش رافض تاخذني معكم
فهد بضحكه وهو يلتفت على بدر: يآخي احنا رايحين عشاان شغل انت وش عليك
الريم وهي تهمس لبدر بتريقه : إيييييه قال شغل قال إفلقني إذا ما طلع عشان ا _ آآآآآآآآآآآآآآآآآآآآآآآآآآآآآآآآآي

فهد ضحك وهو يبعد عنها بعد ماضربها على كتفها بقوه : عشان قلت الحيا والكلام الفاضي تبطلينه
الريم طالعته بحقد : كل تبن
فهد أول ماجلس فتح عيونه على وسعهم : خيييييييييييييييييييير وش قلتي
الريم ببرود : أضن سمعت ماله داعي أعيد كلامي
بدر بتريقه : ؤؤؤؤؤخص ياقويه انتي
الريم تلعب بحواجبها : أعجبك
سمعوا جرس الباب اللي كان يدق بإزعاج
الريم بحماااس وهي تقوم تبغا تفتح الباب : ميين جانا
بدر وهو يوقف طالعها بحده : خير إنثبري هنا
الريم جلست وهي تتمتم بغيض
فهد ضحك وهو يلعب ومتحمس: تستاهلين
الريم تقلد صوته : تستاهلين " صرخت " هيييي انت بزر تلعب بلايستيشن
فهد قال بسخريه : ها ها ها ضحكتيني وانا بالخط السريع
ضحكت ريموه من قلب على كلامه لانه جالس يلعب شريط سيارات ومندمج لأبعد درجه
بدر راح عند الباب وفتحه شاف
سليمان
بدر بأستغراب : نعم
سليمان بضحكه وتريقه : وعليكم السلام
بدر بأستغراب : وش جابك
سليمان بتريقه : والله انا بخير وانت كيفك
بدر جا بيتكلم
البندري من ورا سليمان بنرفزه : يعني بنوقف كثير
إبتسم بدر وجا يتكلم
البندري بعدت سليمان ودخلت
ضحك بدر : ياحليلها تتنرفز بسرعه
سليمان بنص عين : هي ما تشوف اللي تقول عنها ياحليلها تصير إختي
بدر إبتسم : وانت الحين بتوقف ولا بتدخل
سليمان بضحكه : أخيرا حسيت على نفسك وبعدين أنا الحين رايح كوفي بس جيت أوصل البندري
تجي
بدر بتفكير : أجي وليش لا ما وراي شي
سليمان : أجل يلا بسيارتي
بدر وهو يقفل الباب وراه : أوكي
وراحوا
البندري أول مادخلت قالت بصووت عالي : ريمووه
الريم فزت : بنو
فهد وكأنه مسوي جريمه رما يد البلايستيشن وجلس على الكنبه وفتح الجريده ويسوي إنه يقرا ومندمج
دخلت البندري الصاله < وكأن البيت بيتها خخخخخخخخ
ريم ركضت وسلمت عليها بحراره
وجلسوا
البندري بتريقه : تراها مقلوبه
الريم بتناحه : هاه
فهد إنحرج
البندري ضحكت : الجريده مقلوبه
فهد وهو يقوم قال بحزم : ريمووه شيلي الخبال اللي إنتي مسويته ونضفي الصاله
الريم ضحكت من قلب : الحين مين اللي كان يلعب بـ
فهد قاطعها : قومي انا بروح غرفتي وانتوا خذوا راحتكم
طلع
و إنفجرت الريم من الضحك
البندري : يالخبله ليش تضحكين
الريم : ولاشي تعالي نجلس بغرفتي
وراحوا غرفة الريم

<><><><><><><><><><><><><><><><><><><><><><>
بيت أم رائد
رائد في العياده
وفارس و الهنوف بالصاله
لورا نايمه
وام رائد طلعت مع جنى وراما
الهنوف برجاء : بليز فرووس ودني بيت جده شيخه
فارس بنذاله : موب فاضيلك وراي شغل
الهنوف بسخريه : الله والشغل عاد
فارس : جزاء للي قلتيه مافي روحه
الهنوف برجااااء : تكفى بروح
فارس : خلاص كسرتي خااطري بس موب الحين
الهنوف : ليييييييييييييييش
فارس وهو يقوم : طالع الحين بروح الفيصليه
الهنوف بنص عين : وش عندك بالفيصليه
فارس : بروح أغازل
الهنوف " صدق ماعنده دم ومايستحي يقولها قدامي "
فارس بضحكه : وين وصلتي خلاص قومي إلبسي بوصلك
الهنوف إبتسمت : والله
فارس : ايه يلا لا أغير رأيي
الهنوف بسرعه طلعت تبدل
ولبست عبايتها ونزلت
طلعت هي وفارس
ركبوا السياره وتوجهوا لبيت الجده
في السياره
الهنوف : عطني جوالك بكلم تاره
فارس :ليش وين جوالك
الهنوف : نسيته بالبيت
فارس : سوري انا بتصل أكلم البنات اللي عندي
الهنوف بعصبيه : هذا إذا وحده فيهم أعطتك وجه يالخايس
ضحك فارس من قلب لانه يدري انها ماتحب هالحركات وهو يقولها بأستهبال فقط
أعطاها الجوال بعد مادق على تركي بس مارد عليه
الهنوف " شكل ولا وحده عطته وجه من زينه الخاايس "

<><><><><><><><><><><><><><><<><><><><><><>

في بيت أبو محمد
غرفة الريم
ريموه وبنو جالسين على النت
الريم : إبعدي بفتح إيميلي
بعدت البندري
وفتحت الريم إيميلها وجتها إضافه من قروب
الريم بنرفزه : ياكرهي للقروبات
ضحكت البندري : me to على قولت تولين
الريم بهبال : والله لا أهبل فيهم
البندري تحمست : يلا
دخلت الريم القروب بنك " عندما تغرد البعارين "
البندري ضحكت من قلب : وش ذا الاسم غيريه
الريم ضحكت وغيرته وكتبت " بنت فله و أخوانها عله "
البندري ضحكت : صااادقه خخخخخخخ
الريم ضحكت : يلا نبدء
البندري بحماااس : قدآآآآآآآآآآآم
بنت فله و أخوانها عله
هااااااااي
سلطان الغرام
هااايات
بنت فله و أخوانها عله
كيفك ؟؟
سلطان الغرام
تمامو وانتي كيفك ؟؟
بنت فله واخوانها عله
دوومز
انا ماشي الحال االا مين انتوااا
البندري ضحكت : خير وش مين انتوا
الريم بضحكه : ابغا أستهبل و أسوي اني ما اعرف شي فاهمه
البندري بعدم فهم : لا
سلطان الغرام
هذا قروب ######## ماتفرعينه ؟؟؟ < قصده ماتعرفينه
البندري : ههههههههههههههههههههههههههههه وش ذي الكلجه
ريموه ضحكت : ياحليه شكله خبل
بنت فله و اخوانها عله
للأسف ماحصلي الشرف
سلطان الغرام
الا انتي وش إسمك
ريموه رفعت حاجب : لا والله
البندري : قوليله أي شي
بنت فله و اخوانها عله
البندري
البندري صرخت : سرقه عيني عينك
الريم ضحكت : موب انتي قايله أي شي