ديوان الشاعر / عبدالله البكر

يضحك الناس من عرض السواليف
................ وآتبسـم وأنـا مشغـول بـالـي

كل صاحب تعزوا لي .. مطر صيف
................ الله يثـبـت أقـدامـي لـحـالـي

تو تظهر وجيـه الكـذب والزيـف
................ يوم شـق الدجـى ستـر الليالـي

فزعة الرجل لأهل الطيب تشريـف
................ علـم اللـي يقاسمنـي ظـلالـي

جاك لا إخضرت من الماء كرانيـف
................ وغاب يوم الجـراد أفنـى حلالـي

القصايد لها وسـط الحشـا ريـف
................ سعـد عينـي وأنـا أهيـل دلالـي

لا إحتمى الراس تسبق شذرة السيف
................ وتهتني فـي ذرى عمـي وخالـي

تسبر أرضي مثل شوح المزاغيـف
................ لين تملى الـورق ويطيـب فالـي

كم خطب من بنات أفكاري الضيـف
................ خابر النـاس تحفـظ لـي مقالـي

ياقف الشعر في عسـر المواقيـف
................ وإيتهـزع علـى البحـر الهلالـي

وما يحفـظ القصيـد الا مواليـف
................ حبهـم فـي حشـاي أول وتالـي

لي حبيب ٍ غرس بيـن المهاديـف
................ عـود نعناعـة يكـبـر بـدالـي

له رموش ٍ رقاق وقلـب ٍ رهيـف
................ وله عيون ٍ تصيـب ومـا تبالـي

لا ضحك يظهر اللولو على السيـف
................ وإن غشـاه الحيـا بيـن هبالـي

ناحل الخصر لكن ماهـو ضعيـف
................ يرتـوي عـوده إن وقـف قبالـي

يثمر التوت في حسـن التواصيـف
................ ليـن يقطـر نـدى بـارد وحالـي

لا يسولف ترى دمعي على جريـف
................ ما بقى غيره مـن النـاس غالـي

كل وجـه ٍ عرفتـه مرنـي طيـف
................ إيتلاشـى وأنـا أحـرك شمـالـي

البحر ما خـدش وجهـه مجاديـف
................ لو حكى الملح صوت الموج عالـي

لي قصيد ٍ مخيف وماهـو مخيـف
................ نـق مـا يعجبـك يرتـاح بالـي